ياشباب تعقدنا من حنا نشوي لحم ولايظبط فكوا أزمتنا ؟

[أبوسعد999]

ياشباب شي عجيب والله أننا نقوم بشوي اللحم للتيس أوالضأن ومع ذلك يطلع اللحم فيه شي من القسوة مايضبط وتتعجب من المطاعم لماتطلب لحم مشوي يجيك لحم لين مافيه مثيل مع أن عنياتك في شغل يدك أفضل منهم فياترى مالسبب تفشلنا مع ربعنا عندما نشوي لحم وتقدمه لهم لحم قاسي وأحيانا حارق دلوني على الطريقة وياليت بالصور والله ؟؟؟

[ابونايف الروقي]

اولا اختيار الذبيحه الصغيره واختيار اللحم من اي جزى في الذبيحه
ثانيا حنا مشفح نبيه يخلص على طول بسرعه هههههههه وهذا يحرقه
ثالثا يقال والله اعلم ان البهارات هي الي تحرق اللحم
رابعا واخيرا كميه الفحم الي نحطه للشوي هههههههه تشوي ديناصور هم يحطون كميه قليله ويقلبونه كل شوي على جهه وبعيد عن حرارة الجمر ...

[النائب]

يمدحون تتبيلة زيت الزيتون

يعني اترك اللحم يتشبع بزيت الزيتون لمدة كافية لأن هذا يساعد على نضج اللحم وعدم جفافه

طبعا المطاعم يستعملون زيوت رخيصة

[طير ماوان]

مرحبا ابو سعد 999


طال عمرك اذا تبي مثل المطاعم لازم تتبل اللحم بالخل ويترك بالثلاجة
على الأقل ثلاث أو أربع ساعات الخل يجعل اللحم لين جدا ولا يأخذ وقت على النار
وللمعلومية المطاعم تتبل اللحوم والدجاج قبل الشوي بيوم كامل وتوضع في الثلاجة
فيصبح اللحم لين جدا ويكاد يتفتت من تأثير الخل أو حامض الليمون
وإذا وضعوه على النار مايعدي خمس دقائق إلا مستوي


وسلامتك

[مجازف2010]

اخوي اذا قطعت اللحم اوصال نقعه في خليط من الزيت العادي و البهارات المفضلة وخله اقل شي ساعتين وبعدين ابدء بالشواء ولا تنسى تخفف النار والتقليب المستمر

[عاشق السيل]

الشباب عطوك المفيد والمختصر وماقصروا ،،

وأنا بزيد : بعد تقطيع اللحم قطع صغيرة جهز الخلطة وتتكون من : شوي ملح وشوي بهارات ( وشوي فلفل أسود << أهم شي ) وشوي صلصة وشوي خل تفاح وشوي ليمون وشوي بصل مفروم وشوي زيت زيتون وشوي ثوم مفروم حسب الرغبة ،،

لاحظ كلمة ( شوي ) يعني كلها بكميات قليلة وخاصة الخل إنتبه تكثر ،، وبعدين صب عليها شوي ماء وبعدين حط عليها اللحم وخله يتغلغل مع الخلطة وممكن تشويه مباشرة بس لو خليته وقت طويل يكون أحسن وبعدها صف بهالأسياخ مع فصوص بصل ،،

برضو الجمر مثل ماقالوا الشباب لازم يكون هادي جدا واللحم يكون قريب جدا من الجمر ومع التقليب المستمر ممكن 20 دقيقة ويطلع على كيف كيفك ،، وأنصحك تاكله بسرعة وبدون خبز ..

تقبل مروري وإن شاء الله تعجبك طريقتي وتراها عن تجربة ....




.

[أبوسعد999]

والله ماقصرتوا ياشباب ولكن ودي بمعلومات أكثر وأكثر حتى نستفيد من تجاربكم ؟

[جلوبلستار]

مثل ما قالوا الأخوان بارك الله فيهم .. اهم شي تتبل اللحم بعد تقطيعه بالزيت وعصير الليمون وشوي " خل" لمدة لاتقل عن 12 ساعة في الثلاجة ولا تنسى كل ثلاث ساعات تقريبا قلب اللحم .. وبعدها شف النتايج .

[د م ق]

السلام عليكم


اخوي عليك بالخل

[رحال حائل]

السلام عليكم ورحمة الله وبركاته : شف وانا اخوك انا من زمن وانا اعاني نفس مشكلتك الين لقيت الحل وهو انك تجيب تيس صغير وتقطع اللحم بحجم مناسب لا يكون صغير ويحترق ولا يكون كبير وما يستوي وبعدين تحطه بالصيخ او الشوايه دون تتبيل او ملح وبدون اي اضافات لأن التتبيل هو اللي يحرقه والملح هو اللي يخليه قاسي ولا تكثر الجمر عشان ما يحترق ويبيك دائما تقلبه على الجمر وعند استوائه تقوم بابعاده عن الجمر وتضع عليه الملح الناعم وتضعه قليلا في اناء مكتوم كي يحافض على طراوته ولا ينشف وييبس ويمتص الملح وبعدها تذوق وشف ... اما المطاعم فيقومون بنقعه بالخل حتى يسهل استواءه لأنهم يقومون بشراء اللحم الكبير سنا لرخص سعرها فيظطرون لتتبيله بالخل كي يستوي .. آمل اني افدتك والسلام ختام

[جنون الليل]

إليك هذا الموضوع أتمنى إنو تلاقي فيه ضالتك وتستفيد منه

http://www.mekshat.com/vb/showthread.php?p=979998#post979998 (http://www.mekshat.com/vb/showthread.php?p=979998#post979998)

[ابوعبدالله 2]

ماشاءالله على الشباب ماقصرو بكل شيء وعندي مداخلة بصيطة جربتو الزبادي مع الثوم بالتتبيل ياشباب وتخلونة على الأقل 3ساعات وشوفو وش الي يصير تحياتي للجميع 0

[ابن سليمان .]

ما قصرو الشباب

بس خذ اهم حاجة عندك اللي هي الزييييييييييييت

غطسه في زيت قبل لا تشوي .. لااااااااااازم

عندك مثلا زيت دوار الشمس الله يديم الرخص جرب وشوف

[رووس الشواهيق]

ماقصروا الاخوان عطوك اللازم لاكن مثل ماقال اخوي ابو سليمان عليك بالزيت دوار الشمس او زيت الزيتون

[الاحساء]

لابهارات ولا خلطات

كل الي عليك تضع اللحم في قدر وتضع علية ملح وتعصر علية ليمون وبسسسس
وتقلب الخليط وتتركة لمدة نص ساعة وبعدين تشوي ولا تخلية ينضج واجد يعني نص مستوي

خلية ميديم رير ( اطلللع )

جرب

[طرطيع]

السفن اب ضروري مع الخلطه وجرب وشف

[المتزن]

السلام عليكم ورحمة الله وبركاته : شف وانا اخوك انا من زمن وانا اعاني نفس مشكلتك الين لقيت الحل وهو انك تجيب تيس صغير وتقطع اللحم بحجم مناسب لا يكون صغير ويحترق ولا يكون كبير وما يستوي وبعدين تحطه بالصيخ او الشوايه دون تتبيل او ملح وبدون اي اضافات لأن التتبيل هو اللي يحرقه والملح هو اللي يخليه قاسي ولا تكثر الجمر عشان ما يحترق ويبيك دائما تقلبه على الجمر وعند استوائه تقوم بابعاده عن الجمر وتضع عليه الملح الناعم وتضعه قليلا في اناء مكتوم كي يحافض على طراوته ولا ينشف وييبس ويمتص الملح وبعدها تذوق وشف ... اما المطاعم فيقومون بنقعه بالخل حتى يسهل استواءه لأنهم يقومون بشراء اللحم الكبير سنا لرخص سعرها فيظطرون لتتبيله بالخل كي يستوي .. آمل اني افدتك والسلام ختام
كلام اخوي رحال حايل صحيح
واضيف عليه انك لاتخلي المشوي يستوي بالحيل (نص أو ثلاث ارباع استواء)
وعليك بالعافيه طراوة الشوي

[عبدالعزيز العبدلي]

اقول لا تغطس ولا شئ

شوف قلـــّـــب اللحم باستمرار على الجمر وخل الجمر وسط لا تكثر ولا تقلل وارفع اللحم عن الجمر
لا تخليه قريب من الجمر خله ينضج على راحته وقلب لمدة اقل شئ 15 دقيقة
والله اني اسويه بدون بهارات اللهم الملح فقط ويطلع اخرررررررررررررررررررررررررررر كلام
اهم شئ زي ما قلت لك بعده عن الجمر وقلب اللحم باستمرار

[طرطيع]

,وعند اضافه انك الماء المبهر( الخلطهالي تقعة فيه اللحم لا تكبها )

كل ما بغيت تقلب اللحم صب عليه شوي من الخلطه يعني خل طول الوقت رطبه اذا خلصت شاوي يخلص ماء النقع ارجو انك فهمت علي

وهذا سر المطاعم على فكرة انهم طول الوقت يشربون اللحم بي الخلطه

[جنون الليل]

اقول لا تغطس ولا شئ

شوف قلـــّـــب اللحم باستمرار على الجمر وخل الجمر وسط لا تكثر ولا تقلل وارفع اللحم عن الجمر
لا تخليه قريب من الجمر خله ينضج على راحته وقلب لمدة اقل شئ 15 دقيقة
والله اني اسويه بدون بهارات اللهم الملح فقط ويطلع اخرررررررررررررررررررررررررررر كلام
اهم شئ زي ما قلت لك بعده عن الجمر وقلب اللحم باستمرار

كلام أخوي صحيح 100% لكن لاتنسى اللحم لازم يكون مدهن يعني فيه شحم لا تاخذ الهبر الناشف
وزيادة لازم تضيف قطع شحم بين اللحم خاصة إذا كان اللحم خالي من الشحم وشوف المطاعم حتى الشيش طاووق (قطع الدجاج المشوية زي الكباب اوصال )تلاقي معها قطع شحم أحياناً ينسون يشيلونها
وانا جربت في البيت الشوي وشفت الفرق بين الدجاج السمين والضعيف واللحم الناشف مثل التيس الباكستاني
والنعيمي الي مخلوط بالشحم
الفحم إذا كان كثير وقريب من اللحم ينشفه ويخليه يستوي من برى ونيئ من جوى
يعني لازم النار تكون بعيدة شوي خاصة إذا جمرك كثير ونارك قوية
والأسياخ لا تقلب :no2: كثير إذا إستوت جهة أقلب على الثانية وخلاص لين تستوي يعني لازم تراقبها زين
وخبرني بالنتيجة

[النمر العربي]

يسلموااااااااا الجميع

[عرقوب]

خذ اللحم من اليد .. فيه يباع في السوق صوص خاص لتلين اللحم
هذا الي اعرف

[ثــــايـر]

1ـ خروف صغير في السن ..

2ـ جمر خفيف ..

3ـ ملح + فلفل اسود فقط ..

وبالعافيه :)

[مخاوي قناص]

وعليكم السلام ابديك عصارة افكاري وتجاربي وستفساري شف ياالحبيب التتبيل لازم يكون مبطي على الحم طالع بكره تبل الحم اليوم استخدم ملينات الحم شاي خل باعد بين قطع الحم في السيخ حط ذرايه لاتسمح للهوى يصفر في الجمر ضع قطع صغيره من الشحم بين الحم اقول الله يسامحك طريت علينا علوم وعلوم:hot: :hot: :hot: :hot: :hot: :hot: :hot: :hot:

[مخاوي قناص]

ابوسعد اذا تبيني اطبقلك على الطبيعه ماعندي مانع علي التتبيل وعليك التيس:d :d :d :d :d

[أبوسعد999]

اللي تبي ياخوي ابشر حدد موعد معي وابشر بسعدك .

[مخاوي قناص]

اللي تبي ياخوي ابشر حدد موعد معي وابشر بسعدك .
الله يسلمك ويبارك فيك دايم وعامر يبن الاجواد امزح;) ;) معك الله يبقيك لعين ترجيك

[ر اعي البويضه]

اولا اختيار الذبيحه الصغيره واختيار اللحم من اي جزى في الذبيحه
ثانيا حنا مشفح نبيه يخلص على طول بسرعه هههههههه وهذا يحرقه
ثالثا يقال والله اعلم ان البهارات هي الي تحرق اللحم
رابعا واخيرا كميه الفحم الي نحطه للشوي هههههههه تشوي ديناصور هم يحطون كميه قليله ويقلبونه كل شوي على جهه وبعيد عن حرارة الجمر ...


.



عز الله أنك جبتها


ويفضل الخروف صغير السن ... حيراني :D :D :D








.

[راعي ابوعراوي]

جرب تخلط البهارات مع لبن الزبادي
وبعدين أدهن بها اللحم
وابدأ الشوي

تراه يتأخر شوي بس مهوبالتأخير اللي يطفشك

وتلقاها تلطع
لينة مشوية مليئة معصارة الشوي الذيذة
اللي بتاكل يدك وراها مهوبس أصابيعك

[خالد940]

الطلي اللباني والله ما احط علية الا ملح والله ان تهذري من طعم الشوي .

[فل اوبشن]

اللي يخلين لحم المطاعم لين وهو من ارخص انواع الذبائح

واعمارها كبيره هو الخل بكل بساطه

فيه اضافه ثانيه انا احط مع اللحم والدجاج اذا شويت صوص الصويا خبال طعمها ماراح توقف اكل

خاصه مع الدجاج يصير له نكهه حلوه ..

[مخاوي قناص]

ياشباب بشويش علينا :hot::hot::hot::hot::hot::hot::hot::hot:

[بدون اسم 11]

كيفكم
اذا انت وقفت عند مطعم وطلبت مشويات عشر دقايق والطلب جاهز والطعم يجنن وطري وبعض المطاعم تشوفهم يشوون قدام عيونك وانتم طبعا تستغربون للهشاشه والطراوه
الطعم اللي يجنن كلنا نتقنه لكن تقصدون الهشاشه
الحــــــــــــــــــــــــــــــــــــــــــل
فيه مسحوق ابيض في قسم البهارات في المحلات الكبيره مثل جيان وغيرها اسمه (مطري لحوم )
من ماركة ( امريكان جاردن ) في علبه اسطوانيه وغطاها اعتقد ازرق ارتفاعها تقريبا نص شبر
جربوها ولا تقولون ان الاشوام والاتراك هم اللي عندهم السر العضيم الا وهو اصابعهم الذهبيه :mad:
تحياتي

[جنون الليل]

السلام عليكم ورحمة الله وبركاته
تدرون وشو مطري اللحم ؟؟؟
هو بيكربونات الصوديوم والأشوام يستعملونه حتى في طبخ كل البروتينات وخاصة الحمص والفول لأنه يطريه ويخلي يستوي بسرعة
بس يسلقونه أول سلقه مع البكربونات ثم يكبون ماه ثم يطبخونه في ماجديد نظيف دون إضافة البكربونات
والبكربونات لها فوائد عكبيرة وبنلها لكم في موضوع تجاربي وتجاربكم

[ع العمرو]

السلام عليكم جب سلمك الله فخذ الخروف وافصل اللحم وحطه في كيس ودخله الفليزر 3ايام وبعدها ذوب الثلج وقطع اللحم على شكل مكعبات3في3سم ثم اعصرعليه ليمونه ثم ابدا بالشوي وحاول ان يكون بين قطع اللحم قطع شحم من ذنبة الخروف وقبل النهاية تضع الملح الناعم وبالعافيه اخوكم ابوسليمان:d

[مقنم]

بعد ماتفضل أخوي عاشق السيل إضافه واحده فقط وهي قليل من الزبادي

[راعي الهـــدد]

مرحبا ابو سعد 999



طال عمرك اذا تبي مثل المطاعم لازم تتبل اللحم بالخل ويترك بالثلاجة
على الأقل ثلاث أو أربع ساعات الخل يجعل اللحم لين جدا ولا يأخذ وقت على النار
وللمعلومية المطاعم تتبل اللحوم والدجاج قبل الشوي بيوم كامل وتوضع في الثلاجة
فيصبح اللحم لين جدا ويكاد يتفتت من تأثير الخل أو حامض الليمون
وإذا وضعوه على النار مايعدي خمس دقائق إلا مستوي



وسلامتك




نفس ماقاله أخوي طير ماوان ....

وبهذه الطريقة ستحرم من كثير من فوائد اللحم ....

الخل واليمون لعب في ابوها لعب ...

اقول شف لك هريفي صغير ....

وادفنه مندي ابرك لك هذا شوري ....

موفق ياغالي ...

ولامانع انك تدعي الأعضاء يذوقون طبخك .. هههههه

[ضحية بيشة]

صدقوني تتبيلة اللحم لتليينه هي بودرة الحليب النيدو مثلا جربوها انا اخذتها من شيف بالانتر ومشت معنا زي الحلاوة جربوها ولاتنسونا من الدعوه وخوذو كلام اللي الا قال مايميل هههههههههههه وسلامتكم

نتمنى لكم بربيكيو جميل

[طرطيع]

صدقوني تتبيلة اللحم لتليينه هي بودرة الحليب النيدو مثلا جربوها انا اخذتها من شيف بالانتر ومشت معنا زي الحلاوة جربوها ولاتنسونا من الدعوه وخوذو كلام اللي الا قال مايميل هههههههههههه وسلامتكم

نتمنى لكم بربيكيو جميل

اكتب الطريقه الي اخذتها من الشيف بي المقادير بعد

نحتريك لا تتاخر:no2:

[ذرب المعاني]

???

ياجماعة الخير البهارات ؟؟ تعدم الشوي وتعدم اللحم ؟؟ حرام عليكم وش خل وما خل ؟؟؟

اخوي انا لي 12 سنه مايشوي الا انا في طلعاتنا وسمراتنا
أول شي الذبيحه ... واهم شي وانصحك بالتيوس اللبانيه والصغار .. ولا هريفي صغير
تشرحه بحيث تقص اللحم الين توصل للعظم ثم تشرح اللحم حول العظم بحيث ينفرش معك تمام والهبر تحاول مايكون سمكه وااجد عشان مايحترق ولا يطلع مانضج وفيه دم ..
ومن ثم قليل ملح .. ولا تكثر وان جربت تشوي اللحم بدون ملح اطعم بالنسبه لي .. سبحان الله اللحم ملحه فيه وبهاراته دمه ..
وان كان تبي بهارت ... تجيب خلطة بهارات الشوي .. وتحط معها قليل ملح .. وتجيب باديه وتصب فيها شوي مااااا .. وتحط البهارات فيها .. ومن ثم جب اللحب وادهنه بيدك من موية البهارات داخل وخارج ..
والا منها ظبطت ضووك وفرشت الجمر .. وركد .. حط الشبك وخله يسخن ... ومن ثم جب قطعت شحمه .. وامسح بها وجه الشبك .. كامل .
بعدها افرش لحمك بسرعه .. وخل جنبك غضاارة فيها ما .. وكل ماشفت الجمر ادهررر من الدهن وولعت ناره قطر عليه بيدينك نقااط بسيطه من الما .. عشان مايحرق اللحم عليك .. وخله خمس دقايق .. ومن ثم غط يدك في المااا الي بالغضاره جنبك وقلب اللحم على وجهه الثاني .. وخله خمس دقايق .. وهكذا قلب مره كذا ومره كذا ولا تنشغل وتنسى من شواياك ... حط لك بيالة شاهي وتمزمز بمزاج .. واغرس السكين كل شوي شف نضج من داخل ولا لا ...

نصيحه اول شي تحط اللحم من جهة الهبر على الجمر والعظام فوق عشان النار توها باولها ..
والكبده والكرش والمصران .. اشوها على جنب لحالها .. لانها تخلص بسرعه وتمزمز عليها انت وربعك الين يخلص عشاكم ..

انا مستغرب من الربع الي يحطوون خل وليمون ويحطونهم بقدر ؟؟ مع ليمون
ولا الذ من اللحم اذا انشوااا وهو توه يتنااافض هههههههههه
وجرب تشوي والذبيحه معلقه قدامك تقطع منها وتفرش اللحب على الضو ..

حمستووني يبي لها تيس ليلة رمضان

وعوافي

[ذرب المعاني]

المشاركة الأصلية كتبت بواسطة ضحية بيشة http://www.mekshat.com/vb/images/buttons/viewpost.gif (http://www.mekshat.com/vb/showthread.php?p=1119373#post1119373)
صدقوني تتبيلة اللحم لتليينه هي بودرة الحليب النيدو مثلا جربوها انا اخذتها من شيف بالانتر ومشت معنا زي الحلاوة جربوها ولاتنسونا من الدعوه وخوذو كلام اللي الا قال مايميل هههههههههههه وسلامتكم
؟؟؟؟؟؟؟؟؟؟؟؟؟؟؟
ياخوووي حرام عليكم الاضااافات والخمبقه تخرب طعم اللحم ؟؟

[جذع غضى]

السلام عليكم
تبي العلم يابو سعد شف التتبيله جرب هذه الوصفه ومارح تندم
بعد تقطيع اللحمه للحجم المناسب اضف عليها ثلاثة اصناف فقط
1-ملح
2- شوي فلفل اسود
3- شوي زيت زيتون لكي يكسب اللحمه طراوه يعني للكيلو مثلاً ملعقه صغيره
جربها وراح تدعيلي

[أبوسعد999]

بيض الله وجيهكم ياعيال الفزعات وعيال الرجال واصوا بعد عطونا خبراتكم ؟ مانستغني عنكم بعد الله سبحانه وتعالى .

[ضحية بيشة]

يااخي مانخمبق ولا نبي نخرب لحم المسلمين كلامنا ماجا من فراغ بعدين جرب ياخي لو على قطعه صغيره بعدين اكتب رد والمره الثانيه ياخي لا تدف ههههههههههههه

[أبوسعد999]

اسمع ياضحية بيشة ومن قال لك اني ماجربت أرجو أن الاخلاق تطغى على كلامك لاأريد أن أرد برد يحزن أعضاء المنتدى بسوء الكلام فانتيه لنفسك واعلم أن باستطاعتي الرد .

[fayez188]

يالله شهيتونا

[عاشق الطبخ]

يرفع للفائده منه في عيد الاضحى المبارك وكل عام وانتم بخير هذي عيدتي لكم في هذا العيد

[النائب]

بمناسبة العيد يا حبذا لو يتبرع أحد الأعضاء بتلخيص أهم ما في الموضوع في نقاط مختصرة حتى يتمكن الجميع من الاستفادة منها
وعيدكم مبارك ..

[بعير مدرعم]

اهم سبب ماحد ذكره مادري ليه

معروف ان اي لحوم للشواء يجب تركها بعد الشواء على الاقل لمده عشر دقائق لكي ترتاح وتطرى اما لو قدمت مباشرة بعد الشوي ستجدها يابسه وناشفة .

السبب الثاني الملح وذكروه الاخون عدة مرات وطبعا الملح يجب اضافته بنهايه الشواء يقسي اللحم حتى بالطبخ العادي يجب اضافه الملح بعد نضوج اللحم .

السبب الاخير يجب اختيار اللحوم المناسبة كما تفضل الاخوان واضافه شحوم بين الشواء للمحافظه على طراوته وابعاده عن النار وهناك من يستخدم فرشه طعام لمسح الشواء بزيوت ولا شك ان السمن العربي الافضل .

[zoom10]

معلومة ثانية : باعد بين اللحم بالنسبة لشوي الأوصال لا تخليها متلاصقة والتقليب زي ماقالوا بشكل مستمر . ومافيها شي لو أخذت دورة مكثفة في أحد المطاعم وتشوف كيف يشوون . أما الخلطة والبهارات فالشباب كفوو ووفو

[Abu Saad]

الشوي كل ماكان مبسط وخالي من التعقيدات كل ماكان اطعم ...
1- لحم هرفي صغير .
2- لاتضع اي شي على اللحم لاتتبيل ولاغيره .
3- لاتغسل اللحم بالموية ...اقطع من الذبيحة وعلى الشبك على طول .
5- اشوه على جمر متوسط .
6- اذا شارف على الاستواء ذر عليه شوي ملح ساسا .
7- بالهنا والعافية ..

جرب وراح تكتشف انك اكلت العظام لاشعورياً!