الى الأخوه الصقاره

[ابوريان]

ارجوا منكم التكرم والأفاده عن اقرب الأماكن من الرياض لصيد الصقور . لأننى من كثر ما أسمع عن طرق صيدها والمتعه فى ذلك اتشوق ان اجرب لأول مره هذا الموسم أن اصيد. كذلك ارجوا أفادتي عن موعد صيدها.
شاكرا لكم .

[امير الرفيعه]

اخوي ابو ريان ......

السلام عليكم ..........

بالنسبه للاماكن القريبه من الرياض لصيد الصقور ... اعتقد ان مافيه ..
والاماكن اللي يشبكون فيها ( جبال حائل + المدينه المنوره + تبوك + جبال العلا )...
هذا يعني انها ماهي قريبه من الرياض الله يسلمك .........


وتقبل تحياتي ...........

[ابوريان]

مشكور يالأمير وما قصرت.

[ميراج]

الاخ ابو ريان السلام عليكم

انا ابا اعلمك باقرب مكان من الرياض تعبرمعه الصقوربس بشرط النص بنص يعنى
شريك ( أشهدو عليه ياالمشرفين والاعضاء )

1 _ قراشع الاعصل من حومة النقيان الى شعيب الشوكى من جهة غرب جلعوده
على الودى شرق الطيارات

2_ حمادة ام الحيران من الدهناء شمالا الى الطوقى جنوبا ومن الفويلق شرق
الى اسفلت الصمان غرب

3_ علو شعيب سميليل فيه نيسان ازرق مرمى دايم نلقاه حوله

4_ شمال غرب الشحمه 10 كيلو

5_ حفيرة نساح منطقه ممتازه واكثر الطيور الى تطرح فى هذه المنطقه غاليه

6 _ ( لاتنسى تراى شريك )

تقبل تحيات اخوك ميراج

[المري]

عزالله انك كفيت ووفيت ياميراج في الرد على اخونا ابو ريان.

وجزاك الله كل خير.


اخوك المري

[ابوريان]

مشكور يالميراج وما قصرت كفيت و وفيت وبشر بسعدك وجزاك الله خير.

[ميراج]

ترى منت شريك معنا يا المرى

انت تبى تخشر معنا فى طيرنا لاكن مهوب حاصل لك