سؤال عن الحرار الجروديه

[خيال الصبحا]

بسم الله الرحمن الرحيم
السلام عليكم ورحمة الله وبركاته
كيف حالكم ياأهل مكشات؟أن شاء الله بخير
العام على آخر الموسم رحت لسوق الرياض وتفاجأت
بكثرة الحرار الجرودية الي بالسوق ، ولكني ماأهتميت بالموضوع
والحين افكر على نهاية الموسم الجاي ان شاء الله (أو بداية الموسم الي وراه)
أن كاننا من الحيين أني أشري لي طير حر ، وتذكرت الجروديات العام وحبيت اسال
عن سبب كثرتها بالسوق /1- هل هي تتاخر بالقرنسة؟
2- أو أنها ماتفعل؟
3- أو أنها ماهي سبوقه؟
أو .. أو .. أو .. الخ
4- وهل سبق لاحد منكم انه قنص
بجرودي واعجبه سبقه؟ واعتذر ان
كاني تاخرت بالرد لإني احتمال انقطع عن
النت كم يوم ، وشكرًا

[المزروعي]

خيال الصبحا
السلام عليك . الجرودي لا يختلف عن الطيور الباقيه لان فيها السبوق و فيها مادون ذلك . حتى الشقر و الدهم و الحمر فيها السبوق و فيها اللي سبقه عادي . لا احد يقدر يعمم على نوع واحد أن كل الفصيله فيها السرعه او دون ذلك . وهي في الجرنسه مثل الطيور الباقيه . عليك بالطير عاري الريش كبير المنكب واسع الصدر مهما يكون لونه و التوافيق من عند الرحمن .

[راعي الناوي]

بالعكس الطير الجرودي فصيله من الطيور او جوره تتميز بالرقاط الكامل ، وبالعكس انا اشوف فيها سبق مهب صاحي وفيها الردي حتى الشقر فيها الردي اما بالنسبه لكثرتها في السوق في نهاية الموسم لان يجيبونها القوانيص معاهم عقب ماينكفون من المقناص واكثرها قرانيس هوى اما اللي يشبكون الطيور نادر مايجيبونها وسلامتك

[بوخالد الكعبي]

هلا اخوى خيال الصبحا

مب شرط الحرار بانواعها كلها تجيد في الصيد ولا الشواهين بعد

كلها على صقارها هو الى يخلي الطير يفعل بالصيد او انه يبور في الصيد

والارقط طير جميل بريشه وحتى الساده والشاهين كذالك

جزاك الله خير اخوى

[وقاااااد]

خيال الصبحا
السلام عليك . الجرودي لا يختلف عن الطيور الباقيه لان فيها السبوق و فيها مادون ذلك . حتى الشقر و الدهم و الحمر فيها السبوق و فيها اللي سبقه عادي . لا احد يقدر يعمم على نوع واحد أن كل الفصيله فيها السرعه او دون ذلك . وهي في الجرنسه مثل الطيور الباقيه . عليك بالطير عاري الريش كبير المنكب واسع الصدر مهما يكون لونه و التوافيق من عند الرحمن .

المزروعي ماقصر عطاك العلم

[شبراق]

هلا وغلا بخوي خيال الصبحا الطير الجرودي من النواع الطيور والربع ماخلو لي شي مثله مثل غيره لا بالقرنسه ولا بالسبق فيه الطيب وفيه الردي ودايم يتميز بالشجاعه

اخوك ابو طلال

[سنجااار]

الشباب كفو وفوا

[فنجون]

الطيور الجروديه مثلها مثل غيرها والله اكثر اللي جنيته سبق واكثرها تجي طلع وعلى فكره اهل الكويت من محبي هذي الطيور

[الاشعل 316]

الشباب كفووا وفوا

مشكورعلى هالموضوع

اخوك ابو سطام

[نواف السبيعي]

بالعكس الطير الجرودي فصيله من الطيور او جوره تتميز بالرقاط الكامل ، وبالعكس انا اشوف فيها سبق مهب صاحي وفيها الردي حتى الشقر فيها الردي اما بالنسبه لكثرتها في السوق في نهاية الموسم لان يجيبونها القوانيص معاهم عقب ماينكفون من المقناص واكثرها قرانيس هوى اما اللي يشبكون الطيور نادر مايجيبونها وسلامتك

السلام عليكم
ان اوافق اخوي راعي الناوي على كلامه.......

[*الـزيـن*]

يامرحبا

والله الشباب ماقصرو عطوك الشي المضبوط

والجرودي مثله مثل اي طير ثاني من الحرار كان اشقر او اشعل الى اخره

وانا واعوذ بالله من كلمة انا

عندي طير حر جرودي قرناس سبق وطلع وركاده ابد على التكيه من الصبح الى المغيب ولا يطلع الا وطلعه ثابت يااحباره ولا كراوين

والله فيها من الطيب وفيها من الردي والله يبعدنا عن الردي




اخوك الزين

[ابو سمحه]

كلام الشبا ب صحيح 100 بل 100

[قلب شاهين]

كلام الشباب صحيح الطير الجرودي طير طيب ،،

ورقطته حلوه وأنا قنيت طير جرودي وماشاء الله طير طيب ،،

وطير راكد لكن مثل ما قال أخوي أبو خالد الكعبي الطير على صقاره وهذا أعتبره قانون ،،

تحياتي / قلب شاهين ،،

[خيال الصبحا]

السلام عليكم
الأخوة الأعزاء
الله لا يهينكم ، واشكر
لكم مروركم وردكم الكريم
وهلا بكم

الأخ راعي الناوي
ياليت توضح قصدك يوم
تثقول(اما بالنسبه لكثرتها في السوق في نهاية الموسم لان يجيبونها القوانيص معاهم عقب ماينكفون من المقناص واكثرها قرانيس هوى اما اللي يشبكون الطيور نادر مايجيبونها)لإني مافهمت وش الي تقصده
وهلا بك