barq
29/08/2007, 03:01 PM
السلام عليكم ورحمة الله وبركاته
هذا الموضوع عباره عن رد لقصيدتين من قصايد اخوي راعي الجير وحطيتهن بهالخيمه لانهن عن الطيور
اختلاف الراي لا يفسد للود قضيه يا راعي الجير مار على ماقيل كلن وهواه المواضيع اللي اثرتها بالقصايد شدتني ورديت
استلموا يالربع
يقول راعي الجير في قصيده يمدح بها الجير
لعنبـوا التفريـخ يامسـرع طيـاره=يسبق الشيهـان لاقرنـس خـلاوي
شوف عيني يـوم رددهـا عيـاره=مخلبـه يفـري ولابعـده مـداوي
قاطعن يقدح مـن عيونـه شـراره=من نتايج جير هجـن مـع نـداوي
خذ من امه سبـق وابـوه الجبـاره=وفيه من ذيب الخلا وصف وحراوي
صامل وتلاب فـي راسـه نعـاره=لايهـاب ولايخـاف ولا يــراوي
منوتـه لاوكـد بطلـع الحـبـاره=ولصفر العينيـن لحـاق وهـواوي
ماقطع مثل الوحش بحـر وقفـاره=ولانوى الهجره ولازود الخطـاوي
اشهد انه طير في عالـي الصـداره=لاشبيـه ولاوصيـف ولاحــلاوي
قل لابن غافان يجلب مـن حـراره=من فروخ الجير والشـراي نـاوي
من طيور اللي يعرفـون الصقـاره=كاسبين الطيـب مخلفـة الهقـاوي
وانا اقول
نقلة الجيرات في عيني خساره = ايش جاب الجير للحر النداوي
الوحوش اللي بها شر وجساره = تودع الحفــّال فوق القاع ثاوي
ذيك والله منوة ٍ لاهل الصقاره = ماجهلها كود من بالطير غاوي
حر ٍ اقشر قاطع براسه سطاره = والده قرناس للجزله شفاوي
مع قرانيس الهوا جا له قشاره = سن مخلابه على راس النباوي
يكسب النوماس والجزلات كاره = شام للعليا ولا هو بالدناوي
يــــْفرح الطاروح شوفه كالبشاره = لا شبك شرواه عن غيره غناوي
طارحه يعشق تواصيف النداره = وصفها ماهوعن عيونه خفاوي
لو يريده للقنص والا التجاره = بالقنص قاطع وبالقيمه رهاوي
ناقله يبشر بطير ٍ مع مهاره = في عيونه للقشر يلقى حراوي
لا قنص به بالسهل والا الوعاره = ما يخيب من هقا فيه الهقاوي
لا طلع ثم زم عمره في طياره = صامل ينطح صعيبات الدعاوي
يلحق المقفي بعزم ٍ مع شطاره = كنه الشغموم لا سـْمع النخاوي
ما يميح دوم للعليا مساره = وان ضرب كنه شليوح العطاوي
ذاك والله شف بالي واختياره = اشهد انه يطرب القلب الهواوي
الطيور اصناف وختام العباره = نادر ٍ من ذب من فوق العلاوي
==============================================
والقصيده الاخرى يقول راعي الجير ما يجتمع الطير والبندق
السوبر برلي مع تشوك وضغوط = ماتنفعك وقت الهدد والتحدي
بعها وخذلك فارسي(ن )ومشروط= يلحق شريد الجول لا قفى معدي
لا جا الوعد ياخذ مع العاصيه شوط = مره يسابقها ومره يهدي
من كثر صيده للحباري خذا نوط = ومن زين طبعه مجول السبق مصدي
افجح هجر كاشف وعاتقه شمحوط= وسره ولون ويطربك وقت هدي
مطروح قبل العام في نقل شبوط = ساعة علق بالنقل للشيخ ودي
شراه منهو واسع الحال مبسوط = ماحسب لدنياه وش عاد تبدي
انا اشهد انه في فعايله مغبوط = وانا اشهد انه صايب الراي مقدي
وانا لي وجة نظر اخرى واقول
انا اشهد ان قولك على الكيف مضبوط = وانا اشهد انك يا فتى الجود مقدي
الطير عندي مركزه فوق محطوط =مانيب للسوبر على الطير ابدي
خص ٍ ليا جا صيرماني وبشروط =وقت الهدد قاطع عديم ٍ وجدي
جبر الثنادي للمهاريب ساعوط =لو هي تنوش الغيم لا هد ردي
هذاك يستاهل ولو نضرب خطوط =لعيون شوفه لا طلب ثم هدي
واما البنللي رافعه فوق مسفوط =لاجل ((القميري)) لازم يكون عندي
وسلامتكم
واعذرونا على القصور
اخوكم
فيصل بن عبدالرحمن
برق
هذا الموضوع عباره عن رد لقصيدتين من قصايد اخوي راعي الجير وحطيتهن بهالخيمه لانهن عن الطيور
اختلاف الراي لا يفسد للود قضيه يا راعي الجير مار على ماقيل كلن وهواه المواضيع اللي اثرتها بالقصايد شدتني ورديت
استلموا يالربع
يقول راعي الجير في قصيده يمدح بها الجير
لعنبـوا التفريـخ يامسـرع طيـاره=يسبق الشيهـان لاقرنـس خـلاوي
شوف عيني يـوم رددهـا عيـاره=مخلبـه يفـري ولابعـده مـداوي
قاطعن يقدح مـن عيونـه شـراره=من نتايج جير هجـن مـع نـداوي
خذ من امه سبـق وابـوه الجبـاره=وفيه من ذيب الخلا وصف وحراوي
صامل وتلاب فـي راسـه نعـاره=لايهـاب ولايخـاف ولا يــراوي
منوتـه لاوكـد بطلـع الحـبـاره=ولصفر العينيـن لحـاق وهـواوي
ماقطع مثل الوحش بحـر وقفـاره=ولانوى الهجره ولازود الخطـاوي
اشهد انه طير في عالـي الصـداره=لاشبيـه ولاوصيـف ولاحــلاوي
قل لابن غافان يجلب مـن حـراره=من فروخ الجير والشـراي نـاوي
من طيور اللي يعرفـون الصقـاره=كاسبين الطيـب مخلفـة الهقـاوي
وانا اقول
نقلة الجيرات في عيني خساره = ايش جاب الجير للحر النداوي
الوحوش اللي بها شر وجساره = تودع الحفــّال فوق القاع ثاوي
ذيك والله منوة ٍ لاهل الصقاره = ماجهلها كود من بالطير غاوي
حر ٍ اقشر قاطع براسه سطاره = والده قرناس للجزله شفاوي
مع قرانيس الهوا جا له قشاره = سن مخلابه على راس النباوي
يكسب النوماس والجزلات كاره = شام للعليا ولا هو بالدناوي
يــــْفرح الطاروح شوفه كالبشاره = لا شبك شرواه عن غيره غناوي
طارحه يعشق تواصيف النداره = وصفها ماهوعن عيونه خفاوي
لو يريده للقنص والا التجاره = بالقنص قاطع وبالقيمه رهاوي
ناقله يبشر بطير ٍ مع مهاره = في عيونه للقشر يلقى حراوي
لا قنص به بالسهل والا الوعاره = ما يخيب من هقا فيه الهقاوي
لا طلع ثم زم عمره في طياره = صامل ينطح صعيبات الدعاوي
يلحق المقفي بعزم ٍ مع شطاره = كنه الشغموم لا سـْمع النخاوي
ما يميح دوم للعليا مساره = وان ضرب كنه شليوح العطاوي
ذاك والله شف بالي واختياره = اشهد انه يطرب القلب الهواوي
الطيور اصناف وختام العباره = نادر ٍ من ذب من فوق العلاوي
==============================================
والقصيده الاخرى يقول راعي الجير ما يجتمع الطير والبندق
السوبر برلي مع تشوك وضغوط = ماتنفعك وقت الهدد والتحدي
بعها وخذلك فارسي(ن )ومشروط= يلحق شريد الجول لا قفى معدي
لا جا الوعد ياخذ مع العاصيه شوط = مره يسابقها ومره يهدي
من كثر صيده للحباري خذا نوط = ومن زين طبعه مجول السبق مصدي
افجح هجر كاشف وعاتقه شمحوط= وسره ولون ويطربك وقت هدي
مطروح قبل العام في نقل شبوط = ساعة علق بالنقل للشيخ ودي
شراه منهو واسع الحال مبسوط = ماحسب لدنياه وش عاد تبدي
انا اشهد انه في فعايله مغبوط = وانا اشهد انه صايب الراي مقدي
وانا لي وجة نظر اخرى واقول
انا اشهد ان قولك على الكيف مضبوط = وانا اشهد انك يا فتى الجود مقدي
الطير عندي مركزه فوق محطوط =مانيب للسوبر على الطير ابدي
خص ٍ ليا جا صيرماني وبشروط =وقت الهدد قاطع عديم ٍ وجدي
جبر الثنادي للمهاريب ساعوط =لو هي تنوش الغيم لا هد ردي
هذاك يستاهل ولو نضرب خطوط =لعيون شوفه لا طلب ثم هدي
واما البنللي رافعه فوق مسفوط =لاجل ((القميري)) لازم يكون عندي
وسلامتكم
واعذرونا على القصور
اخوكم
فيصل بن عبدالرحمن
برق