المساعد الشخصي الرقمي

مشاهدة النسخة كاملة : شوركم علي يالذيابة ناوي احط بيت شعر بالبيت ومحتار


حبيب مكشات
30/08/2007, 11:56 AM
السلام عليكم ورحمة الله وبركاته


كيف حالكم جميعا

أخواني الكرام بدخل بالموضوع دايركت

انا نويت أزين لي بيت شعر بالبيت تقريبا 5 في 7
وغشيم بيوت الشعر واخر الصيحات فيها

وابي اسعار تقريبيه كم تكلفني
وابي نصائحكم يالمجربين والمحلات الزينه بالرياض

والمشب حق بيت الشعر انا بصراحه شفت مشب عودي يعني من الخشب السنديان وش رايكم فيه

واللي عنده واسطة وبيرسلني على محل توصية لا يرده الا الخاص
وياليت اللي عنده صور يحطها بالموضوع


وجزاكم الله الف مليار خير
دغيم1
30/08/2007, 08:38 PM
السلام عليكم ورحمة الله وبركاته
حياك الله أخي الكريم
لاشك أن بيت الشعر حلو وجميل وتراث ولكن المشكلة في أنه مايدوم طويلا ويتعرض لبعض الأشكاليات ومنها العوامل البيئية مثل الأمطار والشمس وبعض الحشرات التي تأكل القماش ( الصوف ) . علما بأن التكلفة سوف تكون عاليه في حالة أخذت القماش الداخلي من النوع الجيد .
ولكن أنا أتوقع والأمر يعود إليك لو وضعت بدلا منه مجلس طين فهو كذلك جميل ومن التراث ويدوم لك طويلا
ولا يتأثر بأي عوامل أخرى .
أما من ناحية بيوت الشعر فاذهب إلى الغرابي وتجد هناك محلات كثيرة تقوم بعمل بيوت الشعر وعليك معاينة أعمالهم على الطبيعة .
تقبل تحياتي
وبالتوفيق
قرناس نجد
30/08/2007, 11:32 PM
اخوي الوقت الحالي يفضل بيت الطين
الرابط هذا يمكن يخليك تغير رايك
http://www.rabegh.net/vb/showthread.php?t=30573 (http://www.rabegh.net/vb/showthread.php?t=30573)
حبيب مكشات
31/08/2007, 12:03 AM
مشكورين وفكرت في بيت الطين وبفكر مره ثانية على شانكم
عاشق السيل
02/09/2007, 05:54 AM
وعليكم السلام ورحمة الله وبركاته ،،

أخوي أول شي الله يعافي الشباب ماقصروا معك ،،

ثاني شي ( الله يعينك ) لأن بيت الشعر أنوااااااااااع وأشكااااااااال وأسعااااااااار ومقاسااااااااات !!

لكن تبي نصيحتي اطلع مع مخرج 15 واتجه شرق وبعد ثاني إشارة يجيك محلات كثيرة متخصصين ببيوت الشعر والخيام المنزلية على اليمين وعلى اليسار ،، عندهم أشكال ماتتوقعها بس لاترسي على شي إلا بعد ماتسير عليهم كلهم لأنهم يختلفون بالجودة والخامات والأسعار ،،

والله يجعلك بألف مليار توفيق وبركة ،، وتقبل مروري يالغالي .....



.
مدور ربيع
02/09/2007, 06:37 PM
اخوي اذا انت راغب في بيت الشعر ..

ففيه بديل عن بيوت الشعر التقليديه , وبنفس شكل بيت الشعر


على ما اظن شفت شراع ياباني اسود وفيه خطين على شكل بيت الشعر ,, وصناعته متينه ويعيش طويلا
وعيبه انه مايمرر الهواء
وهو رخيص مقارنة في بيت الشعر
وبالنسبه للداخل ممكن تلبسه تنجيدة , اوخام عادي بلون مميز


... ممكن تحصله عند السنيدي اوالمطرودي
القناص
02/09/2007, 07:11 PM
ايضا كذلك سجل تأييدي الكامل لبيت الطين

فهو ارتب واقل مشاكل واخف للي عندهم حساسية انف

والله الموفق
الراعي
04/09/2007, 03:39 PM
وومكن بناء غرفه وجعل سقفها حوالي ثلاثة امتار ونصف وجعل السقف مثل سقف الخيمه وتلبيسها من الداخل بقماش على شكل قماش الخيمه الداخلي . وبهذا تستفيد خيمه تدوم طويلا دون التائر بالعوامل الجويه , وتستطيع فيما بعد تحويلها الى غرفه طين
ابو نايف التميمي
05/09/2007, 04:49 AM
انصحك بغرفة الطين
راعي الهـــدد
05/09/2007, 05:41 AM
شوري عليك مثل شور الأخوان ....

بيت طين ولاتدور غيره أبد ...

كانك تبي الشور يامدور الشور ...

ثم ونخوك ... عندي لك أخ يمني عجيب ... واعجز وانا اتعجب منه ...

والله كأنه يشتغل في بيته اذا جا يشتغل لك ....

وهو افضل وآحد على الإطلاق في قضية بناء بيوت الطين .... وأتحدى على ذلك ...

ويبني لك اذا تبي شغل الأولين الي هو لبنه وطينه ويمشه لك بمشاش ...

او اذا تبي زي الشغل الدارج الآن تبني غرفتك بلك ثم يجي ويمشها لك بس مش ماشاء الله تقول صبه ...



طبقة عريضة جداً وشغل محترم وراعي خبره له 30 سنه بالرياض يشتغل ...

ماهو كلامه هو لا انا نعرفه من اكثر من 30 سنة وهو يشتغل في بيوتنا ويسوسها ويعدلها ...

عموما هو اليمني ابوبلال ....

نعم الرجل رجل دين ورجل صدق ...

أحسبه والله حسيبه كذالك ...

والله ثم والله مالي مصلوح من الكلام عنه ....

بس اني أخاف عليك من حرامية بالسوق ....

والله بيآكلونك ولاهم يعرفون الشغله ....

وانت ورآيك عاد يابعدهم ...
نجم السويبع
06/09/2007, 03:08 PM
السلام عليكم جميعا

اخوي حبيب مكشات لو صرفت النظر عن بيت الطين اقترح عليك بناء غرفة وتكون الصبه اللي فوق جمالون على شكل بيت الشعر وتضرب الغرفه باللون الاسود الغامق من الخارج وتضع الخطين باللون الابيض في الوسط وتلبس من الداخل ولك وللزمن
نمر بن حثلين
06/09/2007, 08:15 PM
مشكلة ملحق الطين ان مافيه حل وسط لازم تتكلف عليه بالحيل ولا يصير مطرسه

لازم تخلي شغله مظبوط ومثل بيوت الطين الاوله 100% من ارتفاع السقف والاثل والجريد والجص والكمر والمصاريع وطاق الحطب يعني واجد غثاه ويكلفك لحد ما تقول بس

الحل المناسب في نظري مثل ما تفضلو الاخوان بناء ملحق عادي ولكن بسقف جمالون ويكون من الخارج ايضا بويه عاديه مثل بوية البيت لان صبغه اسود بخطوط بيضا شكله مهب الي تبي

ومن الداخل حقين بيوت الشعر يحطون لك عازل اسفنج او فلين ويلبسون السدو ويفصلون لك مجلس وستاير من نفس السدو ويطابق خطوط السدو بالجدار مع الجلسه
ويطلع شكله من داخل بيت شعر 100% ولكنه عملي ولا يتأثر بمطر ولا غبار ولك وللزمن

وبالنسبه للمشب احسن شي تبني لك فاير من الطوب الاحمر وتخليهم يحطون لك صنيه تشب داخل المدخنه واذا ولعت تسحبه للملحق
M o b d a
07/09/2007, 06:07 PM
شف

شاروا عليك الإخوان ..


لكن كل الشغل اللى تبيه مضبوط يبي حقه ..

انا صلحت بيت شعر كامل مع مشب كلفني حول الـ 10.000 أو أقل ..




ومثل ما قالوا لك بيت الطين بيكلفك واجد الواجد ..

ومقاس الخيمه اللى عندي

5*4

اللى لونها أبيض مو أسود بيت الشعر يجيك أسود

ومع الزمن يطلع لك ريحه ..

فلذلك ركبت أبيض ( خيمه )

المهم إنه بطلع عليك غالي .. من كل الناحيتين ويمكن الخيمة صارت أرخص

وأنا صلحتها عند محل توافق للخيام وبيوت الشعر ..


لاكن أنا اللى جايب حقين الوجار

عاد إنت وميولك تبي خيمه تبي بيت طين ..

حنا تحت أمرك ..
سرهيد
09/09/2007, 08:11 PM
السلام عليكم

مثل ما قالوا الاخوان اللي سبقوني بيت الطين افضل بكثير

وانا عندي بيت شعر في استراحتي نعم هو زين لكن مو ازين من بيت الطين والكلفة يمكن تكون حول بعض

انا طال عمرك مسوي بيت طيب في بيتي وبيت شعر في استراحتي وافضل بيت الطين

حتى اني الآن وفي هذه اللحظة قاعد اسوي بيت طين في استراحتي يمكن كلفة شوي فوق اللزوم لكن حقيقة ترتاح لما تشوفه

واذا بغيت اي شيء فيما يخص اعداده تراني حاضر

وهو على وشك ان ينتهي منه واذا خلص بنزل صورته هني ان شاء الله



اخوك

ابو عبدالله
وجيه الرفاقه
11/09/2007, 02:42 AM
،

،،

سرهيد يالغالي .. تكفى وتكفى تهز الرجاجيل

نبيك تستعجل شوي وتعرض لنا الصور .. أنا ناوي أسوي ملحق طين وإلى الحين ماأعجبني تصميم

أبي أشوف تصميمك لعل وعسى يناسبني .. ولو مايناسبني أستفيد من خبرتك

أبيك تعطينا تفاصيل الملحق .. من طقطق لسلام عليكم .. طوله وعرضه وارتفاعه .. وطريقة البناء وكم كلف عليك ..

ننتظرك بفارغ الصبر

،،

،
بيت طين
11/09/2007, 02:58 AM
مشكورين علي اقتراحكم بيت الطين لاني انا مسوي بيت شعر مرتين ولا منه فايده يغبر ويمتلي وصخ وتجمع فيه الحشرات كرمكم الله والله يبيض وجه قرناس نجد على الموقع الرائع اللي حاطه الا كان الاخ مستاجر فهو مايقدر يبني ممكن يمشي معه البيت الشعر والله يعينه علي الغبار وتقبل الله طاعتكم ومبارك عليكم الشعر الفضيل.
سرهيد
06/10/2007, 01:18 PM
،

،،

سرهيد يالغالي .. تكفى وتكفى تهز الرجاجيل

نبيك تستعجل شوي وتعرض لنا الصور .. أنا ناوي أسوي ملحق طين وإلى الحين ماأعجبني تصميم

أبي أشوف تصميمك لعل وعسى يناسبني .. ولو مايناسبني أستفيد من خبرتك

أبيك تعطينا تفاصيل الملحق .. من طقطق لسلام عليكم .. طوله وعرضه وارتفاعه .. وطريقة البناء وكم كلف عليك ..

ننتظرك بفارغ الصبر

،،

،

المعذرة يا اخوك تراني والله ما انتهبت لمشاركتك هذا اولا

ثانيا والله اني منقطع عن النت شوي مو متواجد مثل اول وخاصة عن مكشات لأني لحظت فيه برود في الصيف يعني مو مثل الشتاء وهذا طبيعي لان وقته مع البراري والمكاشيت

والثالث اقول ابشر اليوم اروح اصور بيت الطين بعد ما خلص نهائيا وفرشته وتلقى اليوم او بكرة بمشيئة الله تعالى

اخوك

ابو عبدالله
سرهيد
06/10/2007, 06:53 PM
السلام عليكم

اليك صورة لغرفة الطين

http://www.mekshat.com/pix/upload/images50/mk40450_teen1.jpg

وهذي صورة اخرى لها من الداخل
http://www.mekshat.com/pix/upload/images50/mk40450_teen.jpg
rayes3
07/10/2007, 11:23 PM
انا مع شور اخوي دغيم1
متباهي
08/10/2007, 04:08 AM
نصيحة من مجرب
بيت الشعر لايدوم الا بصيانة مكلفة تقريبا

عليك بغرفة مسلحة لك وللزمن اذا البيت ملك وحطها من الداخل كبيت الشعر تصميما
والله يوفق
د/فهد
10/10/2007, 10:06 PM
إخوان كم يكلف ملحق الطين 4×4تقريباً؟
ثورة الشك
11/10/2007, 02:42 PM
السلام عليكم

مثل ما قالوا الاخوان اللي سبقوني بيت الطين افضل بكثير

وانا عندي بيت شعر في استراحتي نعم هو زين لكن مو ازين من بيت الطين والكلفة يمكن تكون حول بعض

انا طال عمرك مسوي بيت طيب في بيتي وبيت شعر في استراحتي وافضل بيت الطين

حتى اني الآن وفي هذه اللحظة قاعد اسوي بيت طين في استراحتي يمكن كلفة شوي فوق اللزوم لكن حقيقة ترتاح لما تشوفه

واذا بغيت اي شيء فيما يخص اعداده تراني حاضر

وهو على وشك ان ينتهي منه واذا خلص بنزل صورته هني ان شاء الله



اخوك

ابو عبدالله


الله لايهينك كم سعر البيت الطين وكم رقم اليماني لم استطيع مراسلتك على الخاص لعدد المشاركات
سرهيد
11/10/2007, 03:52 PM
البيت الأول كان سعرة 6000 آلاف ريال طبعا هذا من اربع سنوات وكان طول الغرفة تقريبا فقط 3*5


اما الغرفة الحالية فسعرها تقريبا العشرة آلاف طبعا كبير مرة وفيها شغل من الداخل والخارج وفيها شغل واجد ، لان اللي اشتغلها حتى السقف عليه سقها بالاثل ثم الخوص ثم حط طين بعده بلطت عليه ... علشان ميول الماء


يعني حقيقة تحب تقعد فيها
وطولها 6.5 *4.5



واعيد لك صورتها


http://www.mekshat.com/pix/upload/images50/mk40450_teen1.jpg


http://www.mekshat.com/pix/upload/images50/mk40450_teen.jpg


طبعا اوصي بالكبر فانا عندي غرفتين وحدة صغرة وحدة كبير وفرررررررق كبير بين الاثنتين


هذا رقم جوال اللي صلحها واسمه ابو بلال


0506101897


قل له انك من طرف ابو عبدالله خالد
رفيق النشاما
14/10/2007, 02:28 PM
بس الطين كيف يتسوى
ولا من بيسويه
نمر بن حثلين
16/10/2007, 11:04 PM
اما برمضان والعيد
اصحاب بيوت الشعر يحطون ايديهم على قلوبهم خوف من الطرطعان ( الشروخ ) :p
اذكر قبل كم سنه طاحت طرطعانه على بيت شعر في بيت الشيخ اللحيدان واحترق
سرهيد
26/10/2007, 11:28 PM
بس الطين كيف يتسوى
ولا من بيسويه

راجع الرد رقم 23 وستجد الاجابة لسؤالك

اخوك

ابو عبدالله
حنيني
27/10/2007, 08:01 AM
تحية طيبة للأخوان جميعاً
وكلام سرهيد على العين والرأس لأن الجلسه في بيت الطين تسوى صيفاً وشتاءاً أما بيت الشعر والخيام فما تصلح للبيوت المسلحة ميزتها بالبر وبس

وهذي صور ملحقي الطيني واللي يبي الرقم حاضرين للطيبين
http://www.mekshat.com/pix/upload02/images52/mk39309_20070602286.jpg
http://www.mekshat.com/pix/upload02/images52/mk39309_20070602287.jpg
http://www.mekshat.com/pix/upload02/images52/mk39309_20070602288.jpg
http://www.mekshat.com/pix/upload02/images52/mk39309_20070604289.jpg
http://www.mekshat.com/pix/upload02/images52/mk39309_20070604290.jpg
http://www.mekshat.com/pix/upload02/images52/mk39309_20070604291.jpg
وسلامتكم
وبأنزل صور بعد التأثيث بعد الظهر ان شاء الله
طخيمان
27/10/2007, 02:56 PM
أخوي حنيني الله لا يهينك لو تعلمني تكلفة الملحق وكم مساحته

لأني رحت لأكثر من محل ابي اسوي غرفة 5 في 6 مع بناء ثلاث جدران وسقف

قالولي بين ال35000 وال40000
حنيني
27/10/2007, 03:04 PM
أخوي طخيمان

ملحقي 4 في خمسة وكلفني شغلهم حول الخمسة الاف فقط المؤسسات تبالغ في سعرها بعض الشيء
http://www.mekshat.com/pix/upload02/images52/mk39309_20071027340.jpg

http://www.mekshat.com/pix/upload02/images52/mk39309_20071027341.jpg

http://www.mekshat.com/pix/upload02/images52/mk39309_20071027342.jpg
طخيمان
27/10/2007, 04:50 PM
أخوي حنيني

ال5000 اللي تقول بناء وصب وتلييص وللا بس طين وجبس وكمار و ديكورات ؟؟؟
حنيني
28/10/2007, 07:27 AM
أخوي طخيمان
التكلفة بدون البناء ولتطيين لا يحتاج الى لياسه فقط طرطشة

وفقت للخير
moonset
28/10/2007, 07:29 AM
حطه وتوكل على الله
سرهيد
29/10/2007, 01:31 PM
اخوي حنيني

حقيقة السعر رائع ولكن ما لحظته في عمله ليس فيه لمسات العمل القديم كما اظهرت لي الصور التي وضعت

واليك صور لبيت طين وكأنه عمل القديم


http://www.mekshat.com/pix/upload02/images52/mk40450_dsc00178.jpg

يعني لو تلاحظ السقف هو سف الشغل القديم بعكس السقف الذي لديك وهو عبارة جبس تم تلوينه ولاحظ الفرق


http://www.mekshat.com/pix/upload02/images52/mk40450_dsc00179.jpg
حنيني
30/10/2007, 07:41 AM
صحيح أخوي سرهيد
هي لمسات تراثية وليست تنفيذ تراثي .لأنك لو بغيت الملحق تراثي قديم فعلاً فلا تدخل علية أي شي حديث مثل الاضاءة الحديثة التكييف الحديث .....الخ، علشان يطلع شغلك تراثي 100%
عموماً انا اخترت السقف الجبسي لسبب شخصي والا الرجال عرض علي فكرة الاثل والخوص وهونت عنها لتجميعها للبعارص (الظواطير برواية أهل سدير) بارك الله فيك وشغلك ماعليه كلام أبد
ابو عمر النوح
30/10/2007, 05:21 PM
السلام عليكم
شوري عليك يالغالي مجلس طين مثل ما أشار عليك الأخوان لأني مجرب بيت الشعر و هذا لعدة أسباب منها:
عمر بيت الشعر قصير لأنه ما يتحمل شمس القيض عندنا و غيرها و الدليل عندي في البيت واحد و تشقق من الشمس بعد 4 ـ 5 سنوات صار يفشل من الخارج و اضطريت تلبيسه من جديد و أيضا يجيب الناموس بكثرة و ممكن سرقته بالراحة لأنك لو قفلته يمكن تمزيقه بسكين و سرقة محتوياته .أما الطين لك و للزمن .
حنيني
31/10/2007, 08:40 AM
وش صار عليك ياراعي الملحق ...؟؟؟
مكشات 2007
01/11/2007, 12:55 PM
السلام عليكم جميعا
ماقصروا الاخوان وفعلا كلامهم سليم عليك بتصميم غرفة سواء من الطين او مسلح ويتم عمل الديكور الداخلي مثل بيت الشعر او تشبيعها مثل الطين لان ذلك اوفر اقتصاديا على المدى الطويل حيث انني سبق وان عملت بيت شعر مقاسه 12 في 5 م وتكلف مايقارب 15000 ريال شغل يد من محل مشهور في عمل بيوت الشعر وفعلا اول سنتين او ثلاث ممتاز ولكن الان له 5 سنوات وتغير غطائه الخارجي بفعل الشمس وعوامل الجو والضمان ماعندك احد يعني ضمان كلام وتكلفة الاصلاح تقارب 5000 ريال 0
عليك بشور الاخوان لك وللزمن غرفة من الطين اي غرفة عادية مسلح وركب عليها قرميد احمر ومن الداخل صممها على ماتريد وريح رأسك 0
سرهيد
04/01/2009, 02:12 PM
السلام عليكم ورحمة الله وبركاته



حي الله ابو عبدالله


ودي اسألك بحكم خبرتك عن بيوت الطين شفتك حاط لك غرفة طين


ودي اعرف وش احسن مقاس للغرفه وكم تكلفتها واحسن اخذها قطوعه


بالمواد والا انا اجيب المواد واعطيه شغل يده بس


ودي تعطيني تفصيل ممل ولو كان بالصور مع الاقتراحات يكون افضل


انا عارف اني ابتعبك بس مالقيت امامي الاانت اللي ممكن يفيدني

في مثل هالموضوع الله يجزاك الف خير


المعذرة ان تأخرت عليك

اخي الكريم الاطوال يحكمها مزاجك وكم عدد من سيأتي اليها في اغلب الأيام

وكلما كانت كبيره كانت اشرح وافضل ولا تكون اكبر من اللازم يعني ما بين 5*4 او 4*6

كلما كانت قطوعة وكان الشخص متمرس كان افضل لك

يعني قطوعة اريح لك ويجيب كل شيء هو

والصور موجوده اعلاه وانا حاضر باي سؤال واحببت ان يكون على العام لتعم الفائدة للجميع

تقبل احترامي

اخوك

ابو عبدالله
مكتشف الهوات
11/09/2012, 07:15 PM
بمناسبة دخول اسهيل قمت بالبحث بواسطة جوجل ووجدت هذا الموضوع عن بناء بيت شعر وأعجبني غرفة الطين ﻷخونا وحبيبنا ابو عبدالله والمطلوب هل يوجد أحد يبني غرف الطين بالقصيم بنفس السعر غير الي بالخبراء لانه غالي وشكرا لكم
مسامر القمرا
12/09/2012, 03:13 AM
انصحك بغرفة الطين لك وللزمان وهذا الرابط بيفيديك لمشب طين صممته بنفسي ولله الحمد

http://www.mekshat.com/vb/showthread.php?t=473386
مكتشف الهوات
12/09/2012, 03:41 PM
كفو والله يا الذيب كفيت ووفيت عز الله هذا طلبي