س ســـــــــــــــــــــــــــــــــــــــؤال؟ للصقاره؟ [الأرشيف]

مشاهدة النسخة كاملة : س ســـــــــــــــــــــــــــــــــــــــؤال؟ للصقاره؟

الحر جساس

30/08/2007, 09:18 PM

يالربع تكفون ابي فزتكم انا متولع بالصقور ولاأعرف عنها شي ...
وودي اشري طير لاول مره ,,, ورحت للسوق اليوم بالرياض ولقيت للي شيهانه ب 600ريال طبعا وحش وبغيت اشريه لاكن ماردني عنه الا اني ماعرف عنهن شي ابد ... وانا شاري شاري لو يطير!!!
وكلمت كذا واحد وكلن له راي وقلت اكتب الموضوع لعلي القى لي رد,,,
1- ايهما افضل الشيهان والا الحر .؟ بالنسبه لي لاني جديد على الساحه
2-من ناحيه التدريب ؟ اسهل شي؟
3- كم سعر الحر الوحش والشيهانه الوحش؟
4- وهل اشري مدرب او مدرب؟
5- هل يوجد ناس بالرياض يدربون ويعلمون الطريقه (عملي)؟ باشوف وش لون يسوون ؟
6- من ناحيه الطول والعرض كم ادنى شي ..؟
وبيض الله وجيهكم فزعتكم لا اتورط..
تكفون يارجال فزعتكم...

قلب ذيب

30/08/2007, 09:26 PM

هلا وغلا دربي صعب 0
الله يحييك في عالم الصقاره ونقل الطير , من الافضل عدم الاستعجال في شراء الطير , حيث الجو مازال حارا
في البدايه حاول الاطلاع على المواضيع المثبته في المنتدى عن الطيور !
ثانيا أنتظر لحين ينقلون الصقاقير في ديرتك طيورهم من الربطه واخرج معهم في المدعى وشوف كيف يتعاملون مع الطير ,كيفيه تدريبه وتدهيله وما الى ذلك 0
ثالثا اشنر لك طير جاهز افضل , واترك احد الصقاره من معارفك يختار لك الطير 0
وبالتوفيق ان شاء الله 0

رضوان

30/08/2007, 09:29 PM

السلام عليكم
الاخ قلب ذيب اعطاك الاجابه على جميع الاسئله حقك وبصراحه ما قصر

الحر جساس

30/08/2007, 09:37 PM

مشكوري والله يعطيكم العافيه .... ومواضيع الصقور الي مثبته عيت تفتح معي
الي هي الفهرس ... ولكم جزيل الشكر

الحر جساس

30/08/2007, 09:39 PM

وياليت توضح هالعباره وش لون ... وآسف على الاطاله

امير الرفيعه

30/08/2007, 11:22 PM

حياك الله ياخوي دربي صعب

وان شا الله دروبك تساهيل هنا في مكشات

المهم انا مثل ماقال اخوي انصحك ماتشري في هالوقت لانه حر تونا

وبالنسبه لاسالتك ياطويل العمر .

افضل طير للمتعلم او المبتدئ هو الوكري

ومن ناحيه التدريب انا افضل الحر في كل الاحوال وبالنسبه للاسعار بالذات الوحوش منها

هذا ياطويل العمر يعتمد بالدرجه الاولى على شكل الطير وريشته اذا كان وحش وانصحك تشري

شي مدهل او جاهز .ومن ناحيه الطول والعرض هذي ياطويل العمر تختلف باختلاف نوع الطير

وارجع واقول لاتستعجل على الطير اللحين لانه تونا بدري ..

وبالتوفيق .....

الحر جساس

31/08/2007, 03:42 AM

الله يبيض وجهك ياامير الرفيعه انت والاخوان على المعلومات...
وشكرا

راعي الناوي

31/08/2007, 08:05 AM

BeLoveLy

31/08/2007, 09:51 AM

السلام عليكم و رحمة الله و بركاته
اول شي حياك الله اخوي في عالم الصقاره و اهلا فيك بين ربعك و اخوانك
ما ازود عن اخوي قلب ذيب بس انا انصح التعلم على الوكري و هذي وجهت نظر
لائن الوكري يتحمل اكثر من الحر و الشاهين ة اقدم لك نصيحة ثانيه كونك في بداية المشوار انك تبتعد عن الشواهين شوي لائنها حساسه مره و التعامل معاها متعب شوي من ناحيه النقل و العلف و و و و ,,
لا اطيل عليك اخوي بس انا اقول انك تصرب الى نهاية شهر 9 عسى انشاء الله يتغير الجو شوي و في هذاك الوقت (تفكر) تشتري طير ولا تصير مستعجل ولا تشتري شي الا مشاور و هذي نصيحة مجرب لا تستحي من الشورى ,, و بالتوفيق و اذا بغيت اي شي عندك المنتدى كامل و انا واحد من الناس اذا تبي اي شي راسلني على الخاص و حياك الله :)

اخوك : عبدالرحمن

جار ابو علي

01/09/2007, 12:16 AM

السلام عليكم الخوان ماقصروالوكري يسمونه ددسن لنه يتحمل جميع الضروف

Abu Saad

01/09/2007, 12:22 AM

تبي نصيحتي ولايهونون الربع ..
خاو لك صقار (فاهم) وتعلم منه الصقاره حبه حبه ..
اما كون انك تبغى تطبب فيها بنفسك .. صدقني بتتعب .. واللي مايخافون الله واجد .. والمفتين بغير علم اكثر واكثر ..
خاو لك صقار ولد صقار وان حصل جده صقار بعد مهيب شينه :) ... اذا تبي تتعلم الصقاره على اصولها .
وراح تذكر كلامي هذا بعدين ..
وبالتوفيق ..

الحر جساس

03/09/2007, 12:39 AM

الله يبيض وجيهكم يالاخوان ونشكركم والله على النصايح الطيبه من رجال طيبين وانا ان شاء الله راح اسمع كلامكم واحد واحد واحتفظ فيه مثل ماقال المثل ((( أسأل مجرب ولا تسأل طبيب))) الله يعطيكم الف الف الف عاااااااااافيه ... على الردود