عاشق سفر
31/08/2007, 06:03 PM
السلام عليكم ورحمة الله وبركاته
طالت أعماركم في طاعته كنت من اسبوعين في جولة خليجية على كافة دول الخليج عدا الكويت وباذن الله بنزل موضوع شامل لهالرحلة قريبا بس حاليا بذكر الموقف اللي صار علي على بمنفذ سلوى على حدود قطر وطالب منكم تعطوني ما هو التصرف اللي كنتم بتتصرفونه لو كنتم مكان تركي بن عازب وماهو التصرف السليم لمثل هذا الموقف
المهم ماني مطول المقدمة وبدخل بالموضوع
أنا بخرج من السعودية وبدخل قطر وأول شيء قابلته هو الجمارك السعودية وعطاني الورقة واخذتها ورحت للجوازات وختم الموظف جوازي ومشيت
طبعا بكذا أكون خلصت بس باقي شيء واحد وهو نقطة التدقيق اللي تكون بعد الجمارك والجوازات وتكون بمثابة نقطة اخيرة تقوم بالتدقيق وبعدها يفتحون لك البوابة وتطلع من حدود المملكة وتدخل حدود قطر
أنا طبعا ماهي أول مرة أسافر خارج المملكة بر وهذي تعتبر السفرة التاسعة البرية وعارف النظام زين
في نقطة التدقيق هذي غرفة صغيرة على اليسار والبوابه بوجهك وجنب البوابة أشارة ضوئية
وأنا على سفراتي دائما ألقى البوابة مقفلة أو مفتوحة بس الاشارة الضوئية حمراء لين يجي الموظف ويدقق بأوراقي وبعدها تنفتح الاشارة وتصير خضراء وأطلع من الحدود
لكن هالمرة وأنا مقبل على هالنقطة لقيت الاشارة خضراء والبوابة مفتوحة والموظف ماهو بالغرفة وكان بعيد شوي (وماكان واضح لي إنه موجود) وأنا طبعا قلت ياولد مادام البوابة مفتوحة ومافيه احد والاشارة خضراء خلاص امش وادخل قطر وانتهى الموضوع
المهم
أول ما وصلت قبل البوابة بتقريبا 1 متر الا واسمع صوت يصك الاذن وشفت شيء طلع قدام السيارة والله وانزل وألقى الصدام حق الكامري انكسر ولوحة السيارة طاحت
وش السالفة؟؟؟
أثاري الموظف كان بعيد وأول ماشافني قربت من البوابة خلاني لين اقرب من المطب الاصطناعي الحديد اللي ينرفع توماتيك ويصير تقريبا ارتفاعه ربع متر ورفع السيارة وجت الرفعة على الصدام وانكسر واللوحة انعدمت وطاحت؟؟؟
طيب ليش؟؟؟
أنا والله جالس افكر فيه اقول شكله مريض نفسي والا ليش يخليني لين اوصل على المطب ويرفعه؟؟ ليش ماصاح علي خصوصا اني كنت ماشي على مهلي وماني مسرع
ثاني شيء ليش يخلي البوابة مفتوحة والاشارة خضرااااااااااااااااااااااااء؟؟؟ ومايبيني امشي
أنا بصراحة اللي سويته وهو اني اخذت اللوحة وحطيتها بالموتر وعدلت الصدام بيدي وقلت له حسبي الله ونعم الوكيل فيك كانك متعمد تسوي فيني هالشيء من باب التجربة
وسألته قلت انت فتحت المطب الاصطناعي والا توماتيك؟؟ قال توماتيك!!!
طبعا هو يقول توماتيك وهو متلعثم!!!!
طيب البوابة مفتوحة والاشارة خضراء ماهي حمراء كيف ينفتح توماتيك؟؟!!!
المهم انا قلت لكم اللي سويته فيه وهو قلت حسبي الله ونعم الوكيل وتركته مبتلش بالمطب الاصطناعي لانه عيا يرجع ومشيت
هذا علمي وسلامتكم وانتظر منكم الرد على الموضوع والتصرف اللي لو كنتم مكاني تصرفتوه
.
طالت أعماركم في طاعته كنت من اسبوعين في جولة خليجية على كافة دول الخليج عدا الكويت وباذن الله بنزل موضوع شامل لهالرحلة قريبا بس حاليا بذكر الموقف اللي صار علي على بمنفذ سلوى على حدود قطر وطالب منكم تعطوني ما هو التصرف اللي كنتم بتتصرفونه لو كنتم مكان تركي بن عازب وماهو التصرف السليم لمثل هذا الموقف
المهم ماني مطول المقدمة وبدخل بالموضوع
أنا بخرج من السعودية وبدخل قطر وأول شيء قابلته هو الجمارك السعودية وعطاني الورقة واخذتها ورحت للجوازات وختم الموظف جوازي ومشيت
طبعا بكذا أكون خلصت بس باقي شيء واحد وهو نقطة التدقيق اللي تكون بعد الجمارك والجوازات وتكون بمثابة نقطة اخيرة تقوم بالتدقيق وبعدها يفتحون لك البوابة وتطلع من حدود المملكة وتدخل حدود قطر
أنا طبعا ماهي أول مرة أسافر خارج المملكة بر وهذي تعتبر السفرة التاسعة البرية وعارف النظام زين
في نقطة التدقيق هذي غرفة صغيرة على اليسار والبوابه بوجهك وجنب البوابة أشارة ضوئية
وأنا على سفراتي دائما ألقى البوابة مقفلة أو مفتوحة بس الاشارة الضوئية حمراء لين يجي الموظف ويدقق بأوراقي وبعدها تنفتح الاشارة وتصير خضراء وأطلع من الحدود
لكن هالمرة وأنا مقبل على هالنقطة لقيت الاشارة خضراء والبوابة مفتوحة والموظف ماهو بالغرفة وكان بعيد شوي (وماكان واضح لي إنه موجود) وأنا طبعا قلت ياولد مادام البوابة مفتوحة ومافيه احد والاشارة خضراء خلاص امش وادخل قطر وانتهى الموضوع
المهم
أول ما وصلت قبل البوابة بتقريبا 1 متر الا واسمع صوت يصك الاذن وشفت شيء طلع قدام السيارة والله وانزل وألقى الصدام حق الكامري انكسر ولوحة السيارة طاحت
وش السالفة؟؟؟
أثاري الموظف كان بعيد وأول ماشافني قربت من البوابة خلاني لين اقرب من المطب الاصطناعي الحديد اللي ينرفع توماتيك ويصير تقريبا ارتفاعه ربع متر ورفع السيارة وجت الرفعة على الصدام وانكسر واللوحة انعدمت وطاحت؟؟؟
طيب ليش؟؟؟
أنا والله جالس افكر فيه اقول شكله مريض نفسي والا ليش يخليني لين اوصل على المطب ويرفعه؟؟ ليش ماصاح علي خصوصا اني كنت ماشي على مهلي وماني مسرع
ثاني شيء ليش يخلي البوابة مفتوحة والاشارة خضرااااااااااااااااااااااااء؟؟؟ ومايبيني امشي
أنا بصراحة اللي سويته وهو اني اخذت اللوحة وحطيتها بالموتر وعدلت الصدام بيدي وقلت له حسبي الله ونعم الوكيل فيك كانك متعمد تسوي فيني هالشيء من باب التجربة
وسألته قلت انت فتحت المطب الاصطناعي والا توماتيك؟؟ قال توماتيك!!!
طبعا هو يقول توماتيك وهو متلعثم!!!!
طيب البوابة مفتوحة والاشارة خضراء ماهي حمراء كيف ينفتح توماتيك؟؟!!!
المهم انا قلت لكم اللي سويته فيه وهو قلت حسبي الله ونعم الوكيل وتركته مبتلش بالمطب الاصطناعي لانه عيا يرجع ومشيت
هذا علمي وسلامتكم وانتظر منكم الرد على الموضوع والتصرف اللي لو كنتم مكاني تصرفتوه
.