cruise
01/09/2007, 12:02 AM
اولا بسم الله الرحمن الرحيم
اليكم قصيدة ابن عمي الشاعر شبيب بن عرار النعيمي وهو من شعراء قطر المعروفين بجودة الشعر واصالته وشهادتي في ابو عرار مجروحة وهو يستاهل اكثر من كذا :
اليكم ما قال شبيب :
يقولون كانك لاعك الحب يابن عرار =فلاتجحد الدعوى وبين خوافيها
وانا اقول مافي الحب عيب(ن)ولا معذار= فلاشك نفسي طاري البر يحييها
ويامن نشدت اسمع كلامي ولاتحتار =بجاوبك بامثالن على الكيف ناقيها
انا شف بالي سجة الفكر والمسيار =فارض(ن) حقوق الوسم بالوبل مسقيها
رياض(ن)سقاها الوسم من رايحن مطار= طروقه توالت لين زافت روابيها
خضار العشب فيها تزخرف ورق وازهار=الا ماحلاها واخضر العشب كاسيها
بها تسمع الورقى تغني معا الاسفار = تلاحي لها ورق(ن) بصوته يلاحيها
وشفي معا ذود(ن)لهن بالحشا مقدار= غلاها سكن بالروح والقلب هاويها
زيان الوجيه عيونها جمرة السمار =كبار الجماهي ذاهنات(ن) باذانيها
طوال الغوارب والفقاير تجيك كبار =طوال الرقب الجرد سبحان مسويها
كبار الجنوب وفتل الاعضاد فج ازوار =كبار الفخوذ القطم درمن مواطيها
كبار الترايب والمناحر ثلاث اشبار =لحمها يجي متعزلن في عواليها
تشوف الشبه فالوانها من لهيب النار= تحالي الجوازي والجوازي تحاليها
تجيك اسبلتها ضافيه والجمال اسرار =قليلن من اهل الصنف من يختلف فيها
تشبه خدود الريم بخدودها الشعار = تشابه ولو هي ماتشابه مثانيها
تحير الوصوف وراعي الصنف مايحتار = يعرف الذلول الغاليه عند راعيها
ومعها فحلها دون قيدن ودون هجار =يرد ا لهدير ويصطفق في مثانيها
طواه الهياج وغادين كنه قوس الطار = زبده يتقطع في شدوقه محليها
مراكب جدودن يكسبون الثنا والكار =عليها يبوجون الفيافي وتطويها
يعشون منها الضيف لاجا سنام حوار= ويحمونها من غازين طامعن فيها
انعيميتن يوم الوغى تاج عز وكار = توارخيهم بالعز ماحدن يضاهيها
واحب الحرار اللي لهن بالعلا موكار =نوادر حرارن والدسم في معاديها
خطاة العديم اللي يسمى على شنغار=الاشفت عينه شفت زين الفعل فيها
كبير الثنادي لو تعشيه خمس امرار = مابين عشاه بفرسته وانت ماليها
شقاره براسه كنه اللول فالمحار =ولامن قفيته جمرتن شب لاضيها
عذاب ابرق الجنحان وان خب والا طار= يحده بعكفن والبلا في مهاويها
ولو قالو ان الطير سمي بابو مختار = انا اقول خلو كل نفسن وطاريها
هبوب الهوى والطير والصيد والصقار =تخاون على البيداء وهذي معانيها
وشفي عقب بعد المراويح شب النار= وقراب صفرن لاهب النار صاليها
ودراج فنجالن يداوي عمس الاكدار = وخوة نشاما مازعل من يخاويها
واحب العلوم الطيبه والوفا مابار = بكل ابلجن نفسه على الحق هاديها
وشفي على جر التماثيل والاشعار = لا حنت خلوج الفكر واشقت محانيها
خذيت القلم وافضيت همي على الاسطار= بيوتن منضمها على شف راعيها
توارد بقلبي والحنايا لهن معبار = كما ورد ذودن لاهب القيض حاديها
وبازكى صلاة الله على الهادي المختار=نختم القصيده وافتكر في معانيها
واليكم رد اخوكم عبدالله المهنا النعيمي بهالقصيدة المتواضعة:
سميت باسم اللي عالم جميع اسرار = عليمن بعلم الغيب علام خافيها
ببدي من الابيات شي طرى واندار=وابن عرار مهيضن روح مبديها
وانا ان سمعت القاف عذبن فلا احتار=معاني بيان اللي لاعب معانيها
وشفك على طرق الخلا مسندن محدار=شفي وانا اللي متعب الروح مشقيها
في روضة سلمت من وطية الخطار=وارضن مساسن ناضراتن خلاويها
فياضن ملاها الواسم المبرق المطار=وعرصانها بين بها الوبل منديها
ومساطيح ترطخ من سيلن عليها دار=اولى عليها لين فاضت خباريها
خضار عشبن خالطه زهرها وانصار=لوحه تعجّب كل منهو نظر فيها
ولا غنت الورقى جاوب لحنها اطيار=لحنن شجين يذكر الروح ماضيها
وشفي معا عيصن تدوج الفلا بخطار=رفاع الجنايب واسعاتن خطاويها
تبوج الفضا والصوح متفاختة مقطار=كبارالمناحر فارهاتن علابيها
وافي زينها بوجيه تسلب لها لانظار=عيون المها تاخذ من زين عينيها
وغوارب عظيمة من وفا عظمها الافقار=والارقاب فيها طول زايد محليها
ومعها فحلها اللي عقب الفدر يضمار=ويسوقها سوق لمرتع مراعيها
تسمع الى ما اقبل صوتن وله تهدار=مراح وغدو في الذود ويسوس قااصيها
لا روحت يومن تطلب نويه اسفار =كن الضواري تنتهش لحم فخذيها
تشدي لظبين خالطن الحمار اعفار =كما جازين بارماس هبت ذواريها
قصيدة حسن بوصوف شاعر وله مقدار=شبيب العرار ابدع وصفن لها فيها
ركايب جدودن نالوا العز والمفخار=حازوا اعالي المجد باقصى نواحيها
نعيميتن لي عد اعلوم العرب واذكار=تلقى ذكرهم بادي اعلى مراقيها
هل غصبن حطت على نسوف كبار=تقلط على الاضياف والشحم ضافيها
لولاها ما سرجت قبن من الامهار=ولا ركبت الافراس في رد باغيها
وانا يشوقني صاروم حراربجبل سنجار=لي من شهر بالجو تخمر حباريها
اسود سواده من كفوفه الى المنخار=كواشحه من ضربة الصيد مدميها
منوة غرام اللي من العرب صقار=هذي مناوي النفس هذي مناويها
زبون الصقارة ما يقنعله المقرار=وفي كل يومن يتبع الروح طاريها
روح معا طيره يتبع بعيداديار=في قاصي الاقفار يقطع رياديها
وعقب العصر ينطاب له شبتن بالنار=ودلال بغدادن لهبها يصاليها
وفنجال بن(ن) فيه هيلن خلط ببهار=يزيل الكدر وتذوق نفسي عوافيها
احب المثايل طرق ومساجل الشعار=واباري الاشعار واحكم قوافيها
سحبت القلم وابديت من ما بخصت افكار=يندب اوايلها منحى تواليها
تصافق بروحي هموم ثم تصطفق بعبار=وتهيض الروح العذية خوافيها
واختم قصيدي بذكر الواحد الجبار=موحي دبيب النمل باحلك لياليها
صلاة ربي عد ما شلت الابحار=واعد اد ما يمطر من المزن صافيها
على النبي الهاشمي المصطفى المختار=زلزل عهود الشرك وانهى دعاويها
وسلامتكم,,,,,
اليكم قصيدة ابن عمي الشاعر شبيب بن عرار النعيمي وهو من شعراء قطر المعروفين بجودة الشعر واصالته وشهادتي في ابو عرار مجروحة وهو يستاهل اكثر من كذا :
اليكم ما قال شبيب :
يقولون كانك لاعك الحب يابن عرار =فلاتجحد الدعوى وبين خوافيها
وانا اقول مافي الحب عيب(ن)ولا معذار= فلاشك نفسي طاري البر يحييها
ويامن نشدت اسمع كلامي ولاتحتار =بجاوبك بامثالن على الكيف ناقيها
انا شف بالي سجة الفكر والمسيار =فارض(ن) حقوق الوسم بالوبل مسقيها
رياض(ن)سقاها الوسم من رايحن مطار= طروقه توالت لين زافت روابيها
خضار العشب فيها تزخرف ورق وازهار=الا ماحلاها واخضر العشب كاسيها
بها تسمع الورقى تغني معا الاسفار = تلاحي لها ورق(ن) بصوته يلاحيها
وشفي معا ذود(ن)لهن بالحشا مقدار= غلاها سكن بالروح والقلب هاويها
زيان الوجيه عيونها جمرة السمار =كبار الجماهي ذاهنات(ن) باذانيها
طوال الغوارب والفقاير تجيك كبار =طوال الرقب الجرد سبحان مسويها
كبار الجنوب وفتل الاعضاد فج ازوار =كبار الفخوذ القطم درمن مواطيها
كبار الترايب والمناحر ثلاث اشبار =لحمها يجي متعزلن في عواليها
تشوف الشبه فالوانها من لهيب النار= تحالي الجوازي والجوازي تحاليها
تجيك اسبلتها ضافيه والجمال اسرار =قليلن من اهل الصنف من يختلف فيها
تشبه خدود الريم بخدودها الشعار = تشابه ولو هي ماتشابه مثانيها
تحير الوصوف وراعي الصنف مايحتار = يعرف الذلول الغاليه عند راعيها
ومعها فحلها دون قيدن ودون هجار =يرد ا لهدير ويصطفق في مثانيها
طواه الهياج وغادين كنه قوس الطار = زبده يتقطع في شدوقه محليها
مراكب جدودن يكسبون الثنا والكار =عليها يبوجون الفيافي وتطويها
يعشون منها الضيف لاجا سنام حوار= ويحمونها من غازين طامعن فيها
انعيميتن يوم الوغى تاج عز وكار = توارخيهم بالعز ماحدن يضاهيها
واحب الحرار اللي لهن بالعلا موكار =نوادر حرارن والدسم في معاديها
خطاة العديم اللي يسمى على شنغار=الاشفت عينه شفت زين الفعل فيها
كبير الثنادي لو تعشيه خمس امرار = مابين عشاه بفرسته وانت ماليها
شقاره براسه كنه اللول فالمحار =ولامن قفيته جمرتن شب لاضيها
عذاب ابرق الجنحان وان خب والا طار= يحده بعكفن والبلا في مهاويها
ولو قالو ان الطير سمي بابو مختار = انا اقول خلو كل نفسن وطاريها
هبوب الهوى والطير والصيد والصقار =تخاون على البيداء وهذي معانيها
وشفي عقب بعد المراويح شب النار= وقراب صفرن لاهب النار صاليها
ودراج فنجالن يداوي عمس الاكدار = وخوة نشاما مازعل من يخاويها
واحب العلوم الطيبه والوفا مابار = بكل ابلجن نفسه على الحق هاديها
وشفي على جر التماثيل والاشعار = لا حنت خلوج الفكر واشقت محانيها
خذيت القلم وافضيت همي على الاسطار= بيوتن منضمها على شف راعيها
توارد بقلبي والحنايا لهن معبار = كما ورد ذودن لاهب القيض حاديها
وبازكى صلاة الله على الهادي المختار=نختم القصيده وافتكر في معانيها
واليكم رد اخوكم عبدالله المهنا النعيمي بهالقصيدة المتواضعة:
سميت باسم اللي عالم جميع اسرار = عليمن بعلم الغيب علام خافيها
ببدي من الابيات شي طرى واندار=وابن عرار مهيضن روح مبديها
وانا ان سمعت القاف عذبن فلا احتار=معاني بيان اللي لاعب معانيها
وشفك على طرق الخلا مسندن محدار=شفي وانا اللي متعب الروح مشقيها
في روضة سلمت من وطية الخطار=وارضن مساسن ناضراتن خلاويها
فياضن ملاها الواسم المبرق المطار=وعرصانها بين بها الوبل منديها
ومساطيح ترطخ من سيلن عليها دار=اولى عليها لين فاضت خباريها
خضار عشبن خالطه زهرها وانصار=لوحه تعجّب كل منهو نظر فيها
ولا غنت الورقى جاوب لحنها اطيار=لحنن شجين يذكر الروح ماضيها
وشفي معا عيصن تدوج الفلا بخطار=رفاع الجنايب واسعاتن خطاويها
تبوج الفضا والصوح متفاختة مقطار=كبارالمناحر فارهاتن علابيها
وافي زينها بوجيه تسلب لها لانظار=عيون المها تاخذ من زين عينيها
وغوارب عظيمة من وفا عظمها الافقار=والارقاب فيها طول زايد محليها
ومعها فحلها اللي عقب الفدر يضمار=ويسوقها سوق لمرتع مراعيها
تسمع الى ما اقبل صوتن وله تهدار=مراح وغدو في الذود ويسوس قااصيها
لا روحت يومن تطلب نويه اسفار =كن الضواري تنتهش لحم فخذيها
تشدي لظبين خالطن الحمار اعفار =كما جازين بارماس هبت ذواريها
قصيدة حسن بوصوف شاعر وله مقدار=شبيب العرار ابدع وصفن لها فيها
ركايب جدودن نالوا العز والمفخار=حازوا اعالي المجد باقصى نواحيها
نعيميتن لي عد اعلوم العرب واذكار=تلقى ذكرهم بادي اعلى مراقيها
هل غصبن حطت على نسوف كبار=تقلط على الاضياف والشحم ضافيها
لولاها ما سرجت قبن من الامهار=ولا ركبت الافراس في رد باغيها
وانا يشوقني صاروم حراربجبل سنجار=لي من شهر بالجو تخمر حباريها
اسود سواده من كفوفه الى المنخار=كواشحه من ضربة الصيد مدميها
منوة غرام اللي من العرب صقار=هذي مناوي النفس هذي مناويها
زبون الصقارة ما يقنعله المقرار=وفي كل يومن يتبع الروح طاريها
روح معا طيره يتبع بعيداديار=في قاصي الاقفار يقطع رياديها
وعقب العصر ينطاب له شبتن بالنار=ودلال بغدادن لهبها يصاليها
وفنجال بن(ن) فيه هيلن خلط ببهار=يزيل الكدر وتذوق نفسي عوافيها
احب المثايل طرق ومساجل الشعار=واباري الاشعار واحكم قوافيها
سحبت القلم وابديت من ما بخصت افكار=يندب اوايلها منحى تواليها
تصافق بروحي هموم ثم تصطفق بعبار=وتهيض الروح العذية خوافيها
واختم قصيدي بذكر الواحد الجبار=موحي دبيب النمل باحلك لياليها
صلاة ربي عد ما شلت الابحار=واعد اد ما يمطر من المزن صافيها
على النبي الهاشمي المصطفى المختار=زلزل عهود الشرك وانهى دعاويها
وسلامتكم,,,,,