barq
01/09/2007, 11:20 AM
السلام عليكم ورحمة الله وبركاته
موضوع على الطاير للتسلي قبل الموسم بما ان سهيل دخل له اسبوع نبي نحمسكم
الله يرزقنا واياكم من واسع فضله
ابشروا لكم بجرة خرب جديده
http://www.mekshat.com/pix/upload/images46/mk24546_20061203066.jpg
ابشروا به صاده الطير الحمد لله بعد معركة عجيبة مداوس ورفس على كيفك بروسلي يقرب لهالخرب
http://www.mekshat.com/pix/upload/images46/mk24546_20061203056.jpg
http://www.mekshat.com/pix/upload/images46/mk24546_20061203057.jpg
http://www.mekshat.com/pix/upload/images46/mk24546_20061203058.jpg
وهذا الخرب بالقدر يطبخ :)
http://www.mekshat.com/pix/upload/images46/mk24546_20061209079.jpg
============================
وعلى طاري سهيل هذي قصيده كاتبها العام مع دخول سهيل
سهيل بان وشـب فالبـال طـاري = طرى علي اللي تزيـل التعومـاس
ذكرني السجـات وسـط البـراري = ومطارد الصيدات من بين الاطعاس
متـى يعـم البـرد كـل الديـاري = ويرسل علينا الله من الشام نسنـاس
ونتل من لى راح ضام الصحـاري = جيبٍ جديد النوع قطاع الارمـاس
مع رفقة ٍ وقت الشدايـد ضـواري = ماهم من اللي للردى يقرع اجـراس
ونشيل معنا من طيـور الحـراري = اللـي لناقلهـا غنيمـه ونـومـاس
معهـا شياهيـن ٍ عليهـا مـواري = للسبق و الها فعل مع قـوة البـاس
وننصى لنا جوٍ ْلصيـده محـاري = البـرّق تنـزل مـن الجـو نكّـاس
تلقى جرايرهـن مابيـن المـذاري = منظمات اشكلهـن مثـل الاقـواس
يازين وسط البر شـوف الحبـاري = بارض ٍ خلا ما داجها كل عسـاس
ومعك العديم اللي على الصيد ضاري = حـر ٍ قطامـي ٍ للاعـنـاق دواس
وصفه يسر العين حسب اختيـاري = كاشف سنا عينه كما لمعـة المـاس
موقـه وسيـع ٍ والمناخـر كبـاري = ومنسر كما شكل الخناجر بالــْقيـاس
ابلـج نقوشـه داكنـات الصفـاري = لون الذهب مع صافي الدَرّ منحـاس
مستـقعد المنكـب سـواة السواري = جبر الثنادي بارز الـزور قرنـاس
صافي عريض الوسط والقحف غاري = واف الجناح اللي خُفوقـه تنومـاس
وسره قصير الساق محدب وعـاري = افجح جليل الارض نادر بالاجنـاس
حرشا كفوفـه والصوايـد شبـاري = مسرول ٍ شادى هل الكبـر بالنـاس
مشبب ٍ ماهـوب راعـي طـواري = راكد صدوق الطلع ماهوب حـواس
لى منه اطّلع تقـل تقـدح شـراري = عينه مثل شيخ ٍ غزوا قومه انجاس
وان هد يلحق تقـل طـلاّب ثـاري = الزير سالم نـاوي ٍ راس جسـاس
السبق به فـارط وموّ قـف طياري = لى من كربها مـا يعـود بالافـلاس
صامل هداده صـارم ٍ وانتحـاري = قطوع بتـاع ٍ ولا هـوب حسـاس
منـه الحبـاري عدهـن للدمـاري = عديم عشقه شوفة الخـرب منـداس
لى شاف صيده واعتدل ثم طـاري = شفت الجناح وصملةٍ مالهـا قيـاس
يلحـق لحـوق ٍ نـادر الانتشـاري = عوق المقفي لى غشا ربعـه اليـاس
اليا ضرب صيده فلا هـو يـداري = يضرب بكف ٍ يجدع العنق والـراس
من ضربته ينزل نزول اضطـراري = وينزل عليه مقوّس الكـف فـراس
ويازين عقب الصيد كيف ٍ يـداري = يسوقه اللي ماوطى درب الادنـاس
يطرد عماس الراس بـن وبهـاري = ودارت سواليـف ٍ لاهلهـا تونـاس
واخيـر منهـا مـا رواه البخـاري = وايات تطرد عننـا كـل وسـواس
ويالله يـا رب ٍ للاكـوان بــاري = ياخالق ٍ خلقه علـى عـدة اجنـاس
ترسـل لنـا يالله غيـم ٍ قـراري = ياكن برقه يضـوي الجـو باقبـاس
غيـم ٍ تزبْـر والمطـر بانحـداري = يروي عطش قاع ٍٍ زروعه بها يباس
ناخذ لنا ايام ٍ وماء السيـل جـاري = عقب الدهر تشتم الاقشاع الانفـاس
والمـا نشوفـه ناقـع ٍ بالخبـاري = منظر يحط بداخل الصدر الاونـاس
ويزين عقبه شوف ذيـك القفـاري = اليا خذت من زاهي النبـت ملبـاس
تكسي ثرى الرقه ثياب الخضـاري = ويزين جو البر من عقب الاتعـاس
تلقى الحزا وسط المحـاوي كثـاري = وتلقى لك اخزامى وربله وبسبـاس
والخد من زين الزهر بـه يمـاري = شادى هنوفٍ زيـنوهـا للاعـراس
والفقع باشكالـه طلـع بانكسـاري = تلقى الزبيدي مصعل وتاجد خـلاس
هذي طـراة ٍ للعمـر باختصـاري = ما شاقت اللي ساكن ٍ وسط تكسـاس
وصلاة ربي عـد هـب الـذواري = على نبي ٍ صـار للحـق نبـراس
اللهم صلي وسلم على نبينا محمد
وسلامتكم
فيصل بن عبدالرحمن
موضوع على الطاير للتسلي قبل الموسم بما ان سهيل دخل له اسبوع نبي نحمسكم
الله يرزقنا واياكم من واسع فضله
ابشروا لكم بجرة خرب جديده
http://www.mekshat.com/pix/upload/images46/mk24546_20061203066.jpg
ابشروا به صاده الطير الحمد لله بعد معركة عجيبة مداوس ورفس على كيفك بروسلي يقرب لهالخرب
http://www.mekshat.com/pix/upload/images46/mk24546_20061203056.jpg
http://www.mekshat.com/pix/upload/images46/mk24546_20061203057.jpg
http://www.mekshat.com/pix/upload/images46/mk24546_20061203058.jpg
وهذا الخرب بالقدر يطبخ :)
http://www.mekshat.com/pix/upload/images46/mk24546_20061209079.jpg
============================
وعلى طاري سهيل هذي قصيده كاتبها العام مع دخول سهيل
سهيل بان وشـب فالبـال طـاري = طرى علي اللي تزيـل التعومـاس
ذكرني السجـات وسـط البـراري = ومطارد الصيدات من بين الاطعاس
متـى يعـم البـرد كـل الديـاري = ويرسل علينا الله من الشام نسنـاس
ونتل من لى راح ضام الصحـاري = جيبٍ جديد النوع قطاع الارمـاس
مع رفقة ٍ وقت الشدايـد ضـواري = ماهم من اللي للردى يقرع اجـراس
ونشيل معنا من طيـور الحـراري = اللـي لناقلهـا غنيمـه ونـومـاس
معهـا شياهيـن ٍ عليهـا مـواري = للسبق و الها فعل مع قـوة البـاس
وننصى لنا جوٍ ْلصيـده محـاري = البـرّق تنـزل مـن الجـو نكّـاس
تلقى جرايرهـن مابيـن المـذاري = منظمات اشكلهـن مثـل الاقـواس
يازين وسط البر شـوف الحبـاري = بارض ٍ خلا ما داجها كل عسـاس
ومعك العديم اللي على الصيد ضاري = حـر ٍ قطامـي ٍ للاعـنـاق دواس
وصفه يسر العين حسب اختيـاري = كاشف سنا عينه كما لمعـة المـاس
موقـه وسيـع ٍ والمناخـر كبـاري = ومنسر كما شكل الخناجر بالــْقيـاس
ابلـج نقوشـه داكنـات الصفـاري = لون الذهب مع صافي الدَرّ منحـاس
مستـقعد المنكـب سـواة السواري = جبر الثنادي بارز الـزور قرنـاس
صافي عريض الوسط والقحف غاري = واف الجناح اللي خُفوقـه تنومـاس
وسره قصير الساق محدب وعـاري = افجح جليل الارض نادر بالاجنـاس
حرشا كفوفـه والصوايـد شبـاري = مسرول ٍ شادى هل الكبـر بالنـاس
مشبب ٍ ماهـوب راعـي طـواري = راكد صدوق الطلع ماهوب حـواس
لى منه اطّلع تقـل تقـدح شـراري = عينه مثل شيخ ٍ غزوا قومه انجاس
وان هد يلحق تقـل طـلاّب ثـاري = الزير سالم نـاوي ٍ راس جسـاس
السبق به فـارط وموّ قـف طياري = لى من كربها مـا يعـود بالافـلاس
صامل هداده صـارم ٍ وانتحـاري = قطوع بتـاع ٍ ولا هـوب حسـاس
منـه الحبـاري عدهـن للدمـاري = عديم عشقه شوفة الخـرب منـداس
لى شاف صيده واعتدل ثم طـاري = شفت الجناح وصملةٍ مالهـا قيـاس
يلحـق لحـوق ٍ نـادر الانتشـاري = عوق المقفي لى غشا ربعـه اليـاس
اليا ضرب صيده فلا هـو يـداري = يضرب بكف ٍ يجدع العنق والـراس
من ضربته ينزل نزول اضطـراري = وينزل عليه مقوّس الكـف فـراس
ويازين عقب الصيد كيف ٍ يـداري = يسوقه اللي ماوطى درب الادنـاس
يطرد عماس الراس بـن وبهـاري = ودارت سواليـف ٍ لاهلهـا تونـاس
واخيـر منهـا مـا رواه البخـاري = وايات تطرد عننـا كـل وسـواس
ويالله يـا رب ٍ للاكـوان بــاري = ياخالق ٍ خلقه علـى عـدة اجنـاس
ترسـل لنـا يالله غيـم ٍ قـراري = ياكن برقه يضـوي الجـو باقبـاس
غيـم ٍ تزبْـر والمطـر بانحـداري = يروي عطش قاع ٍٍ زروعه بها يباس
ناخذ لنا ايام ٍ وماء السيـل جـاري = عقب الدهر تشتم الاقشاع الانفـاس
والمـا نشوفـه ناقـع ٍ بالخبـاري = منظر يحط بداخل الصدر الاونـاس
ويزين عقبه شوف ذيـك القفـاري = اليا خذت من زاهي النبـت ملبـاس
تكسي ثرى الرقه ثياب الخضـاري = ويزين جو البر من عقب الاتعـاس
تلقى الحزا وسط المحـاوي كثـاري = وتلقى لك اخزامى وربله وبسبـاس
والخد من زين الزهر بـه يمـاري = شادى هنوفٍ زيـنوهـا للاعـراس
والفقع باشكالـه طلـع بانكسـاري = تلقى الزبيدي مصعل وتاجد خـلاس
هذي طـراة ٍ للعمـر باختصـاري = ما شاقت اللي ساكن ٍ وسط تكسـاس
وصلاة ربي عـد هـب الـذواري = على نبي ٍ صـار للحـق نبـراس
اللهم صلي وسلم على نبينا محمد
وسلامتكم
فيصل بن عبدالرحمن