دغيم1
01/09/2007, 07:53 PM
بسم الله الرحمن الرحيم
السلام عليكم ورحمة الله وبركاته
أسعد الله أوقاتكم بكل خير
هذا أول موضوع أشارك به في هذه الخيمة
والحقيقة أنا أحب الشعر وأطرب له لكن ... ماني شاعر ...!!
حاولت ... ولكن ... وصلت إلى طريق مسدود . مع قناعة تامة ...
وقصيدة اليوم هل لأخي الشاعر ..
عبد اللطيف بن حسن ( أبو حسن )
والبيت الأول له قصة وهو ميلاد هذى القصيدة ..
كنا مجموعة نطلع للبر كثير ... الحقيقة أعجز لو تكلمت عن ها الرجاجيل (شرواكم )
من جميع جوانب الرجولة .
وصار لنا سنين نطلع سواء .
وفي عام 1424 هـ طلعنا أيام الربيع ( الله يجيب الخير )
لكن المجموعة ماطلعت مثل العادة وانقسمنا قسمين ... لظرف ما
وفي مركز لينه قابلنا أحد الزملاء هناك والحقيقة ماودنا إنا شفناه
عشان مايزعل ... لكن حصل اللي حصل .. وافترقنا متجهين إلى رفحاء ..
وقلنا لهم أحنا طالعين إلى رفحاء – القصوريات – الزعبيات – الصمان .
لكن حصل سوء فهم .. وصار فيها زعلة .
ولأني حريص مره على لم الشمل وعدم تفرق المجموعة صار شيء في الخاطر
المهم قابلنا أخويانا مره ثانية في روضة حسناء السبق
جلسنا معهم شوي وراحوا
بعد مانزلنا عفشنا -- والمعاميل .. ضاق صدري عقب اللي صار وقلت :
معاد لي في البر شف ومقصود
دامه سبايب علتي والقطاعة
شافني أخوي أبو حسن وعرف اللي في خاطري .
قال : وش عندك .
عطيته الورقة اللي فيها البيت لأني ماقدرت أكمل .
في نهاية الرحلة مثل عادته كان لنا جلسة ختامية في طريق الرجعة يقول لنا فيها قصيدة
وقال : -
معاد لي في البر شف ومقصود
دامه سبايب علتي والقطاعة
بيض الليالي خالفتني بها السود
تكفون شوفوا حالتي يا جماعة
عقب انشراح الصدر زعل ومنكود
ولا لفـانا علم نبـغي سماعـه
يجي كلام كذب يبغى له ردود
ولا ذبحـني كـود علم الإشاعة
معـاد للأوهـام حـد ومحـدود
وللصاحب الغالي عندي وداعه
كل الوفى له وصادق إحساس وعهود
وعـشرة سـنين ما تسـاوى بساعـة
يــا لله يـاربـي يـاخـير معبود
يرجـع صفاها بالهـنا والقناعـة
روضة دغيم 24/4/1424هـ
شاكر الكم كريم تفضلكم بالتوقف لحظات وقرأة الموضوع
السلام عليكم ورحمة الله وبركاته
أسعد الله أوقاتكم بكل خير
هذا أول موضوع أشارك به في هذه الخيمة
والحقيقة أنا أحب الشعر وأطرب له لكن ... ماني شاعر ...!!
حاولت ... ولكن ... وصلت إلى طريق مسدود . مع قناعة تامة ...
وقصيدة اليوم هل لأخي الشاعر ..
عبد اللطيف بن حسن ( أبو حسن )
والبيت الأول له قصة وهو ميلاد هذى القصيدة ..
كنا مجموعة نطلع للبر كثير ... الحقيقة أعجز لو تكلمت عن ها الرجاجيل (شرواكم )
من جميع جوانب الرجولة .
وصار لنا سنين نطلع سواء .
وفي عام 1424 هـ طلعنا أيام الربيع ( الله يجيب الخير )
لكن المجموعة ماطلعت مثل العادة وانقسمنا قسمين ... لظرف ما
وفي مركز لينه قابلنا أحد الزملاء هناك والحقيقة ماودنا إنا شفناه
عشان مايزعل ... لكن حصل اللي حصل .. وافترقنا متجهين إلى رفحاء ..
وقلنا لهم أحنا طالعين إلى رفحاء – القصوريات – الزعبيات – الصمان .
لكن حصل سوء فهم .. وصار فيها زعلة .
ولأني حريص مره على لم الشمل وعدم تفرق المجموعة صار شيء في الخاطر
المهم قابلنا أخويانا مره ثانية في روضة حسناء السبق
جلسنا معهم شوي وراحوا
بعد مانزلنا عفشنا -- والمعاميل .. ضاق صدري عقب اللي صار وقلت :
معاد لي في البر شف ومقصود
دامه سبايب علتي والقطاعة
شافني أخوي أبو حسن وعرف اللي في خاطري .
قال : وش عندك .
عطيته الورقة اللي فيها البيت لأني ماقدرت أكمل .
في نهاية الرحلة مثل عادته كان لنا جلسة ختامية في طريق الرجعة يقول لنا فيها قصيدة
وقال : -
معاد لي في البر شف ومقصود
دامه سبايب علتي والقطاعة
بيض الليالي خالفتني بها السود
تكفون شوفوا حالتي يا جماعة
عقب انشراح الصدر زعل ومنكود
ولا لفـانا علم نبـغي سماعـه
يجي كلام كذب يبغى له ردود
ولا ذبحـني كـود علم الإشاعة
معـاد للأوهـام حـد ومحـدود
وللصاحب الغالي عندي وداعه
كل الوفى له وصادق إحساس وعهود
وعـشرة سـنين ما تسـاوى بساعـة
يــا لله يـاربـي يـاخـير معبود
يرجـع صفاها بالهـنا والقناعـة
روضة دغيم 24/4/1424هـ
شاكر الكم كريم تفضلكم بالتوقف لحظات وقرأة الموضوع