اه ثم اه ثم اه واهااااااااة من فراخ الحمام [الأرشيف]

مشاهدة النسخة كاملة : اه ثم اه ثم اه واهااااااااة من فراخ الحمام

مخاوي قناص

02/09/2007, 05:16 AM

السلام عليكم الله يجازي الي صلطني على فراخ الحمام كل خير انا ماشي في حالي :o صديق احبيب من عنيزه الله لايحرمنى منه هدالي خمس اجواز فراخ وقال كل ودعيلي وخلك حول الديره :rolleyes: :rolleyes: :rolleyes: عليه مرقه ياالربع مع الفطير البر وطاست البن والجرجير جربو بس وبتدعولي http://www.mekshat.com/vb/images/icons/icon10.gif يمنع عصر اليمون:no2: اخوكم مخاوي قناص

راعي الهـــدد

02/09/2007, 05:24 AM

ههههههههههههههههههههههههههههههههههههه

اجل جاز لك فراخ الحمام .... بس ياليت وضحت وش النوع الي ذقته ...

ممكن يكون من الي اقل درجة .. ههههه

عموماً عليك بالحمام الاحم الفرنسي ... والله ثم والله تدعي لي ياغالي ...

واذا طبختها لاترمي منها شي ....

أكلها كلها جلدها لحمها قرمش عظامها بعد ومصها مص .. ههههههههههه

وعقبها عينك تشوف السعد .... ههههه

عذاء ولا كأي غذاء ....

ومثل ماقال خويك خلك حول البيت وحواليه لاتبعد مره ....

واذا بتبعد فهاه لاتنسى البيت ... خله في بالك . ههههههههههههههههههههههههههه

الله يوسع صدرك بالعافية ...

محبك ابو حمد ...

مخاوي قناص

02/09/2007, 06:00 AM

fhd97

02/09/2007, 06:06 AM

ههههههههههههههههههه والله يا مخاوي مقناص اني ضحكت من قلبي خصوصا خلك حول البيت
وكملها راعي الهدد بس السؤال (واحد يعني انه غشيم)
ليه خلك حول البيت تقصد اطبخها في البيت مثلا ؟
او تقصد علشان تغسل من ايدك تمام من الاكله؟
او تقصد ان الواحد ياكلها ويتعب من زين الاكله ولازم ينام في بيته؟
:rolleyes: فهد

راعي الهـــدد

02/09/2007, 06:09 AM

ابشر والله ياغالي .... ابشر بالتفصيل ...

وابي اقول لك كل الي اعرفه عن الحمام خصوصاً الاحم ...

شف تحت فيه رد سبق وكتبته لأحد الأخوة يسأل عن الحمام وانواعه ...

فاختصار للجهد .... اقره ونخوك .... واي أشكال فاعتبرنا في مدرسة تعليم ..... ههههه

اسأل وانا أجاوب .... ولامانع ان يأتي يوم يتفوق الطالب على أستآذه .. ههههه

شف هذا ردي اقتبسته لك شفه تحت ...

الغالي فتى شنه

الحمام باب طويل عريض اختصر لك ملخص بسيط عنه بحكم تجربتي

وبحكم اني سبق وجعلت له مكان وأكلت منه انا والأهل

الحمام انواع

والمشهور الي يآكلونه الناس منها ثلاث انواع

الأول

البلدي حجمه صغار ولا من زود لحم ولا من زود شحم بس اذا علف تعليف طيب فيصير حلو وله خنة بالراس

الثاني

الزاجل وهو حجمه طيب ولكن طعم لحمته ماش ماجاز لي ولون لحمته داكنه شوي ولا من زود شحم

الثالث

الفرنسي اللاحم وهو المشهور والي اذا اطلق الحمام اللاحم فهم يقصدونه

طعمه طيب حيل حيل

ولا رأيت افضل منه طعم الا البلدي المذكور
في النوع الأول بس بشرط يكون هالبلدي معلف صح

وقليل تجد بلدي معلف صح العالم هدفها الربح يخمون لها بواقي أكل المطاعم وهذا مايطلع الفرخ صح

ايظاً الفرنسي اللاحم لحمته كثيره وتشبع واذا
صار علفه أراسكو او مخلط عدس وذره وماش
وشوي شعير وبر

والله يجي عليه لحمه وشحمه اقسم بالله ماعندك بأحلى منها هههههههه

والله اقول لك بكل صراحه اني احياناً تخمني
واتخرم في راسي حمام فرنسي واقوم اسعبل
عليه والمشكله الوقت متأخر قبل الفجر

والله اني افتح الفريز واجر لي جوز منه
واضغطه في الكاتم

والله اني آكل شحمته قبل لحمته من حلاتها هههههه

ايظاً الفرنسي نوعين

منه السموك سلفر

الي لونه يجي رصاصي

وشي لونه ابيض ناقع

يعني ابيض ماخالطه شي من الألوان

السموك سلفر افضل لحمه واطعم

وهذا عن تجربه

ولاتفهم من كلامي ان الأبيض شين لا كلها طيبه حيل واطيب شي جربته

بس أن السموك افضل في نظري وفي نظر اهل الصنف

بل ان جوز السموك اغلى من جوز الأبيض (( اقصد الأمهات للي يبي يربي )) وكذلك الفروخ تفرق شي بسيط

هذا الي قلته لك شي لوحده

بقينا في امر آخر وهو من افضل من يبيع الحمام الفرنسي ... ؟؟؟

بالخصوص وفروخ الحمام على وجه العموم

تعال معي ياغالي واعطيك خلاصة لموضوع قد
تتعب فيه اشهر ولا تحصل من يزودك بأفضل
من يبيعك هذا الحمام اللاحم

هم على الترتيب كالتالي

اولاً /

عبدالرحمن اللاحم

شخص صاحب دين وخوف من الله ويعتني
بحمامه كأنه هو من سيأكل منها لوحده وهذا
بشهادة الجميع

وطريقته في تربيتها عجيبة بل انه جعل مكان
تربيتها في البر

بعيداً عن الأجواء المنتنه في الرياض

ويغذيها باراسكو ويخلط لها اصناف من الطعام ويربيها تربية صحية

وعنده في محل تربيته بيطريين ومشروعه ظخم جداً ولا يستهان به

ولحم حمامه قمة ومن افضل ما أكلت بعد
حمامي الخاص الي آكل منه في مكان تربيتي له

جواله /

نسيته بأحاول اجيبه لك ضاع مني لكن طريقته
في البيع تدق عليه وتقول له كم تبي وهو
يجيبها لك من مكانه في البر لمحل واحد يذبح
في الملز وانت تجي لمحل هذا الذباح الي في
الملز وتشيلها منه وتحاسب الذباح وبس

عموما باجيب لك رقمه

الثاني /

واحد يقال له عيسى العبدالله

ومحله ومشروعه طيب ماعليه

وهو بعد مصنع السمنت بالرياض في استراحة وعنده مشروع ماعليه طيب

ويعتبر في تعليفه ممتاز انا اشرفت على مشروعه

ودخلت فيه ورايت وش طريقته فهي طيبه حيل

ويذبح لك العامل عنده في نفس الأستراحة وتآخذها وتمشي

او تدق على عيسى وتطلب منه كم جوز ويوصلها لك الى بيتك مذبوحه

وانا لا افضل هذه الطريقة احب اني اذبح بنفسي

او اشرف على ذبحها فالعمالة لاتؤمن في الذبح

والحديث (( يامعاذ اطب مطعمك تكن مستجاب الدعوه ))

عموماً هذا جواله دق عليه واطلب منه او رح خذ منه بنفسك

تدخل وسط مشروعه وتنقي على كيفك

والله الله بالفرخ الي ماد بوزه منتفخ خطر يتفقع ههههههه

هذا جواله

0503431889

الثالث /

واحد هندي في سوق الحمام محترم وصاحب دين احسبه والله حسيبه وأميــن حيل

اسمه عبدالله

هو يشتغل في مذبح دجاج وحمام في وسط السوق جنب الي يبيعون الضبان والصواريخ

هو يشتغل ويا ثلاثة معه في نفس المحل

واحد اسمه منير وآحد اسمه اقبال وواحد اسمه عبدالله

اتركهم كلهم وتكلم مع عبدالله

فهو أمين ويبيع في نفس محله الحمام الي تبي فرنسي او بلدي او زاجل او بعد لو تبي بط بري ويذبحه لك قدامك وتشيله

قل له من طرف ابو حمد قل الي هو صديقك
جاك آخر مره هو واولده حمد ويبي يراعيك
ههههه

او خذ جوال منير خويه ودق على منير وقل له عطني عبدالله

واطلب منه الي تبي او اساله قبل ماتجي ممكن
ماعنده شي طيب فترجع بدون شي والسوق
مليان بس الصدوق قليل غالبهم يعلف باردى

شي

هذا جوال منير قل له عطني عبدالله

0557591500

هذا شي

بقينا في طريقة الطبخ وافضل مايعلف به اللحمام وطريقة تربيته

وكيف يصير التناسل عندك ضعف المعروف عند الناس

هذا كله يحتاج موظوع مستقل ولكن خشية قولت موضوع غير مكشاتي تركته ولم افرده بموضوع والا الصور جاهزه والموضوع به جاهز

اي استفسار انا في الخدمة وعندي لك نصايح اذا بتربيه عندك وتغذيه بنفسك والله يطلع شي ماتتخيله

وترى باعطيك معلومه مهمه جدا جدا

ترى لحمته ومرقته هالحمام الفرنسي اللاحم والله مايوقع الا في ظهرك

وترى يهيج الرجال ههههههههه

فانتبه لاتكثر منه الا وانت حول البيت وحواليه

اعرف لك واحد من الربع وكم واحد من الي
اعرفهم كذا

يقول هالرجال والله يابو حمد تركت
الحمام الفرنسي قلت ليه قال انشبني وسوا لي
بلاوي

الباقي مشفّر لايسمح الموقع بالكلام عنه ههههههههه

والله الله دق فيه وادع لبو حمد

واي استفسار تراني في الخدمة

أصل الموضوع في هذا الرابط ...

http://www.mekshat.com/vb/showthread.php?t=75606

مخاوي قناص

02/09/2007, 06:19 AM

اقول الله يسعدك http://www.mekshat.com/vb/images/icons/icon10.gifياراعي الهدد يتفوق التلميذ على الاستاذ لاكن على الدكتور مااعتقد اشكرك

مخاوي قناص

02/09/2007, 06:23 AM

ههههههههههههههههههه والله يا مخاوي مقناص اني ضحكت من قلبي خصوصا خلك حول البيت

وكملها راعي الهدد بس السؤال (واحد يعني انه غشيم)
ليه خلك حول البيت تقصد اطبخها في البيت مثلا ؟
او تقصد علشان تغسل من ايدك تمام من الاكله؟
او تقصد ان الواحد ياكلها ويتعب من زين الاكله ولازم ينام في بيته؟

:rolleyes: فهد
اخوي فهد النوم :o :o :o لازم لازم لازم بس قبل الاكله

مخاوي قناص

11/09/2007, 02:29 AM

يااخوان معقول ماحد جرب يقول تجربته لو على الخاص

جلمود الجبيرى

12/09/2007, 06:47 AM

والله انك يبو حمد ماقصرت مابقا الا تطبخ وتذوقناخخخخخ يمال العافيه للجميع

راعى ثادق

12/09/2007, 06:54 AM

شكرا لكل من افادنا عن الحمام واحسن نوع عندى الحمام البلدى

شاهد عيان

12/09/2007, 08:07 AM

والله يالغالي الحمام مشكلته بعد الأكل دركسون السيارة مايلف لا يمين ولا يسار !
كود تحول من السيارة ثم تلف الدركسون !

مخاوي قناص

12/09/2007, 08:54 AM

والله انك يبو حمد ماقصرت مابقا الا تطبخ وتذوقناخخخخخ يمال العافيه للجميعشاكر لك مرورك الي شرفنا وبوحمد اه على ابوحمد الله يخليه لعين ترجيه

مخاوي قناص

12/09/2007, 08:55 AM

شكرا لكل من افادنا عن الحمام واحسن نوع عندى الحمام البلدىوالشكر موصول لك الي شرفتنا بمرورك

مخاوي قناص

12/09/2007, 08:58 AM

والله يالغالي الحمام مشكلته بعد الأكل دركسون السيارة مايلف لا يمين ولا يسار !

كود تحول من السيارة ثم تلف الدركسون !
احسن شي لاتروح محل خلك حول البيت مرورك شرف لنا

ولد سبيع

12/09/2007, 09:36 AM

اوووووووووووهـ
عز الله ان الدركسون مشكله
يعطيكم العافيه على الموضوع

مخاوي قناص

10/10/2007, 07:30 AM

اوووووووووووهـ
عز الله ان الدركسون مشكله
يعطيكم العافيه على الموضوعالله يعافيك شرفتنا بمرورك

راعي ساموده

10/10/2007, 06:35 PM

جزاك الله خير

أبوطلال2007

11/10/2007, 10:44 PM

جزاك الله خير.،،،