راعي الناوي
02/09/2007, 05:47 AM
بسم الله الرحمن الرحيم
اخواني اعضاء المكشات ، السلام عليكم ورحمة الله وبركاته وبعد ، في ملاحظه على بعض الصقاقير اثناء المقيض يكون في قمة الحذر على ريش طيره ويحافظ عليه ، لكن بعد مايشيل الطير تجيك الطامه الكبرى وياكثرهم نشوفهم عند الدكتور هذا يجبر والثاني يجبر ، باسرد لكم قصه سريعه تتضمن الموضوع عند عمي الله يرحمه قرناس شاهين الطير صايد 35 حبارى في العراق عزم الشايب يبيع طيره ويجيبه المزاد ويجيك المحرّج ويصيح بالطير اللي صايد 35 ماراح عليه شي ، وعز الله الشاهين مافيه ريشه مكسوره تقول توك شايله من المقيض المهم كان في اثنين يتكلمون عن الطير وعمي يسمعهم وهم مايدرون ويقولون راعي الطير هذا كذوب وإلا طير صايد ماتحصل فيه ريشه مكسوره ماكملوا كلامهم إلا الشيخ اللي مخاويه عمي يشوف الطير ويعرفه ويشيله ب30000 ريال إلا والربع اللي يتكلمون عن عمي قاموا يتلفتون ، المغزى من السالفه يوم سألت عمي شلون يحافظ على ريش طيره ؟ قال إذا صاد طيرك ارنب حبارى اللي يكون جيب المخلاه واطوي المخلاه وحط صيدتك وإلا عشى طيرك فوق المخلاه بحيث يرتفع ذيل الطير وراس ريش الجنحان عن مستوى الارض وخله يتعشى وهو في مكان مرتفع ، قلت ياعم باشيله على يدي ازين قال الطير بيتعود على يدك خله ياكل على صيدته ازين ، اعتقد يالربع فهمتوا قصدي من هالسالفه واسمحولي على الاطاله والله يكتب اللي فيه المنفعه لي ولاخواني وسلامتك
اخواني اعضاء المكشات ، السلام عليكم ورحمة الله وبركاته وبعد ، في ملاحظه على بعض الصقاقير اثناء المقيض يكون في قمة الحذر على ريش طيره ويحافظ عليه ، لكن بعد مايشيل الطير تجيك الطامه الكبرى وياكثرهم نشوفهم عند الدكتور هذا يجبر والثاني يجبر ، باسرد لكم قصه سريعه تتضمن الموضوع عند عمي الله يرحمه قرناس شاهين الطير صايد 35 حبارى في العراق عزم الشايب يبيع طيره ويجيبه المزاد ويجيك المحرّج ويصيح بالطير اللي صايد 35 ماراح عليه شي ، وعز الله الشاهين مافيه ريشه مكسوره تقول توك شايله من المقيض المهم كان في اثنين يتكلمون عن الطير وعمي يسمعهم وهم مايدرون ويقولون راعي الطير هذا كذوب وإلا طير صايد ماتحصل فيه ريشه مكسوره ماكملوا كلامهم إلا الشيخ اللي مخاويه عمي يشوف الطير ويعرفه ويشيله ب30000 ريال إلا والربع اللي يتكلمون عن عمي قاموا يتلفتون ، المغزى من السالفه يوم سألت عمي شلون يحافظ على ريش طيره ؟ قال إذا صاد طيرك ارنب حبارى اللي يكون جيب المخلاه واطوي المخلاه وحط صيدتك وإلا عشى طيرك فوق المخلاه بحيث يرتفع ذيل الطير وراس ريش الجنحان عن مستوى الارض وخله يتعشى وهو في مكان مرتفع ، قلت ياعم باشيله على يدي ازين قال الطير بيتعود على يدك خله ياكل على صيدته ازين ، اعتقد يالربع فهمتوا قصدي من هالسالفه واسمحولي على الاطاله والله يكتب اللي فيه المنفعه لي ولاخواني وسلامتك