سيارة الجيب الشروكي

[جوال^البراري]

السلام عليكم ورحمة الله وبركاته يالربع انا عندي جيب شروكي وصراحه انا مرتاح عليه بس كثير من الناس لايحبوون الشروكي ويفضلون النيسان واللاندكروزر على الشروكي ابي منك شنو هلالاسباب لو سمحتوا ا :cool:

[الخبير]

السلام عليكم
و الله يا الحبيب الصراحة اول شئ ان الاند كروزر معروف من زمان و سعره فيه يعني إستثمار لك و للزمن، بعدين خراباته قليله وهو ايضاً ياباني .
الشيروكي مهبول على الطعوس عزم على كيفك لكن مهما كان الاند ما مثله و علي فكره كلام اناس له دوره ، يعني الناس دايم يمدحونه مثل ما قال الشاعر :
يا ماحلى الفكس آر لا هب النسيمي ** انسيابي لا ركون ولا زوايا

[جوال^البراري]

حيالله الخبير وان شالله انك خبير .....حديثك على اللاندكروزر عدل يالغالي ولاكن كل شيء وله مزايا ....وبصراحه انا عندي جيب شروكي مضا عليه عندي ما يقارب ثلاث سنين ونصف .....وانا من الناس الى أأيد الجيب الشروكي من كذا نا حيه :1- سياره خفيفه كما اني استعمله لثلاث ركاب فأقل 2- توفير للبانزين كما يختلف الحال في الباترول . 3-فزته قويه جدا وانا استخدمه للطيور السريه مثال الدحروج الى نسميه بالكويت .4-سياره صغيره وتستطيع من خلالها التحكم بها.واخيرا تستحمل ضربات البراري وما في البراري من ضربات. ويعطيك العافيه ;)

[القماري]

أخوي جوال البراري بصراحة الجيب ماعليها كلام وقوية ، لكن عيبها في حاجتين بالنسبة عندنا هنا في السعودية : أول حاجة الوكيل الي محتكر السيارة ومخلي عنده فرع لو أثنين في كل منطقة عكس التويوتا والنيسان . والحاجة الثانية سعر قطع الغيار إلي أعلى من غيرها - يعني أنا كان عندي ولمدة أربع سنوات جيب رانجلر دوختني ودوخت جيبي من كثر ماطلبت في آخر أيامها
(المكينة عز الله ماشكت من شيء ) بس دوخني الدفرنش (أكثر من مرة أصلح فيه ومافاد معاه )
ونفس الحاصل معي حاصل مع خويي معاه جيب شروكي 99 ومتورط معاه في الدفرنش والوكالة دوخته من كثر الروحات والجيات وبدون فايدة.
أما الأندكروزر فأعتقد أن دعايتها أكبر من عملها وقد أني شفت أكثر من لاندكروزر لمن يدخل الكثبان ويضرب الرمل الصدام الأمامي ينزل الصدام من السيارة ( تقول ملزوق بعلك) صحيح هيه سيارة قوية بس سعرها مو معقول بالمرة (يعني معقول بداية السنة السعر ب 160 الف ريال وفي نهاية السنة يصل السعر 100 الف ريال )
أما الباترول خصوصا الجديد فبصراحة هوه المسيطر ( ملك البر والطريق وبدون منافس ) لأن سيارتي الحالية باترول ولازم أنحاز للباترول وبصراحة على قوة المكينة للباترول ما أزال أشوف أن الجيب هوه الأقوى خصوصا في العزم وألأداء.
http://www.truckworld.com/Travel-Adventure/99-rotary-tour/rotary-tour23.jpg

[راعي عنيزة]

لا شك اخوي الشيركي ليس بتحمل التويوتا وقلة الخرابات لكن كل شي له ثمنه

فاذا كنت تحب الرمل والتطعيس فالشيروكي هو ربيع قلبك وما تعطيك اي سياره ثانيه مثل ما يعطيك من قوة عزم وخفة ويستاهل لو صبرت عليه وعلى خرابه وقطع غياره وصراحه اسنعماله في الطريق والمدينه احسن واريح الف مره من باقي الجيوب

اما ذا كنت تحب المشي الهادي ودوبك دوب نفسك (مؤدب:) ) فلا تقرب الشيروكي ولا يقربك والتويوتا احسن لك

عموما الشيروكي هو افضل واصبر من الرانجلر ومن الجراند شيروكي وان كانو الموديل الجديد منه خربو شكله وصار كنه سوزوكي :mad:

[عابر سبيل]

أخوي جوال البراري...
السلام عليكم ،،،،

يقولون (( من بغى الدح ماقال اح ))

لا شك بأن سيارات الشيروكي هي الأفضل على الإطلاق __ عالمياً حتى __ ان بغيتها خط فهي ونعومك تمشي ومريحه وفخمه ......

وان بغيتها بر فابشر بالخير فزة ولا اروع قوة وصبر وتحمل جبال او طعوس او طين ( في وجه العدو ) ..... وين ما تبي ..

وبالنسبة لقطع غيارها عندنا في السعودية ابو يمن جزاهم الله خير ما بقو شي إلا ووردوه فيه محلات تبيعك قطع الغيار باسعار اقل مما تتخيل بداية بالفحمات إلين المكاين والقيرات ...

انا معي قراند شيروكي 98 ( 6سرندل ) وما شفت منه إلا كل خير
== المشكلة الحقيقة هي :-
1- ارتفاع الحرارة نوع ما ( يبيلك تكون منتبه للحرارة ) ومالها حل صراحه كل اللي يخطر على بالك سويته ولكن دون جدوى ..
2- النور ضعيف (( وماله حل )) غيرت شمعات ركبت كتاوت ... بدون فايده / مالك إلا تركب كبوس إضافيه ....

وتحياتي للجميع..

ودليت بطل الصحاري طيب الفزة اقمر على الطلعات نقازي
بارض عفاش خبير القار ماقزه مايقطعه كود شيروكي ممتازي ((( بتصرف )))

[القناص]

السلام عليكم

يا شباب الشيروكي ما مثله

والي عنده شك او شكوى يزور الموقع ادناه وبيطيبون خاطره:)

ارعص فيذا (http://www.umc.com.sa)

[باترول 99]

والله بصراحه أنا بغيت آخذلي شروكي ولكن أشرو علي بعض الشباب إني ما أقرب شي أسمه شروكي ومدحوه لي من ناحية قوته بس عذروبه قطع غياره ومرمطة الوكاله .

واللندكروزر فيه قيمته سيارة [شيبان ] ولي يبي الرزه وفيه القوه وهذا المشهور عنه وعيبه عندنا في السعودية السعر نار.

أما سياره تبيها كد وما يعورك قليك إذا كديتها الباترول خفه و قوه وسعرها معقول ..

[جوال^البراري]

السلام عليكم يالربع حيالله الربع لقد قرأة ردودكم الطيبه والمفيده والصحيحه انشاء الله. افا الاخ القماري :فقال عن قلت فروع الشروكي وعن الدفرنش كثر خراباته وحصل معاي الشيء نفسه في سيارتي, واح اشكره على هالصوره الحلوه. واما عن الاخ راعي عنيزه: فقد عطانا ميزات الشروكي الحلوه والحقيقه. وانا عن الاخ عابر سبيل:كما قال عن حرارة الشروكي مهذا الشيء انا نفسي عانيته والله واعلم ان سبت الحراره ان بايب الشروكي تمر على المكينه وتصبه التكييف حار. واما عن الاخ باترول 99:فلكم التحيه وللباترول التحيه. ولقد لخصت الموضوع كله بين الجيوب ولقد تفوق عليهم الباتروول بصراحه يالربع.1- لان الشروكي كما ذكرنا آنفا من عيوبه مثل خرابات الدفرنش ومثل حرارة السياره ومثل قلة الفروع ومثل غلاوت قطع غياره.2- وعن اللاندكروزر مابه الا غلات وسعره وما يسوا اضربه بالبران.3- واما عن الباترول عجيب عجيب يالربع والله مكده مكده على الصعاب وانا انشاء الله راح آخذلي باترول انشاء الله. ويعطيكم العافيه يالربع والسلام عليكم........

[hoh]

يا شباب انا معي شروكي موديل 2001 سبورت بابين
ودي اركب توانك ماء تحت الموتر هل فيه اقتراحات واحد مجرب

[الطير المهاجر]

مرحبا

انا عاش عندي الشيروكي سنتين
ماعليه كلام لكن في نقطة مو زينة ان محلات القطع غيار مو متوفرة وهذا الي مطيح سوقه

انا صرت خبير من كثر ما اضبط فيه وصار الشباب الي عنده شيروكي وفيه مشكلة يجيبه لي اصلحه صرت ميكانيكي

اما بالنسبة للي ينصح بالكروزر استميحك العذر لكن لولا قطع الغيار والا كان قاعدين تصيحون
والنيسان كذلك في ناس تشتري جديد وبعدين اذا ماحصل قطع غيار او كانت القطعة غالية راح اخينا بالله التشليح
بعد الكشخة والمكيف الي شغال

اما من حيث الطعوس فالشيروكي في المقدمة

اما من حيث الصرفية والاسهل استخداما فالشيروكي ايضا في المقدمة
الشيروكي اذا صارت بخاخاته نظيفة مايصرف شي وحق السفر ممتاز
يعني اربع اشخاص ممتاز جدا عليهم حتى خمسة
لكن الكروزر اذا ركبوا خمسة كانهم راكبين شيروكي ضيق اشوي

ماراح اكثر كلام لاني مقتنع فيه

http://www.mekshat.com/pix/upload/images20/mk20297_chee.jpg (http://www.mekshat.com/pix/upload/images20/mk20297_chee.jpg)

[تركي السهيمي]

انا معاي شروكي 2000 ما شاء الله عليه وابشركم فتحو وكاله عندنا

بس قوة بر وما عليك في قطع غيارة

وانصحكم بأستخدام الشروكي

[جنتل_مان]

شوووووووووووووووف وأحكم!!!!
http://www.youtube.com/watch?v=euCHU6ssmKc (http://www.youtube.com/watch?v=euCHU6ssmKc)
http://www.youtube.com/watch?v=nzLyITIMLpw (http://www.youtube.com/watch?v=nzLyITIMLpw)
http://www.youtube.com/watch?v=bLyTgYXUR7g (http://www.youtube.com/watch?v=bLyTgYXUR7g)

[Riyadh City]

عزيزي لو موضوعك طرح من سنين بعيده كان تقبلته بس الحين خلاص الشيروكي

اخذ مكانته الخاصه في قلوب اهل البر بذكر بعض المزايا وبعض العيوب :

طبعاً كلامي كله عن الشيروكي ليمتد لأن الجراند شيروكي ما انصح فيه أحد بصراحه ,

المميزات :

1 - قوة جبارة .
2 - سعر منافس جداً ومقدور عليه للجميع .
3 - قطع غيار متوفره أصلي وتجاري .
4 - سيارة قابلة للتعديل .
5 - تستخدم السيارة لجميع الأغراض بر + مدينة + سفر وترحال .

العيوب :

1 - صغر الحجم من الداخل ,, كل ما نزلت من السيارة لازم يطيح عقالي هههههه .
2 - تعاني السيارة من أجوائنا الحارة فيلاحظ على السيارة ارتفاع حرارة المحرك حتى وإن كان مقياس الحرارة في وضعه الطبيعي .
3 - المقاعد غير مريحة في المسافات الطويلة .

أخيراً وليس بآخراً يجب الحذر عند القيام بشراء شيروكي مستخدم وعلى المشتري فحص السيارة عند مختصين لأن أغلب جيوب الشيروكي يكون فيه مشاكل بالماكينة وذلك نتيجة الاستخدام الخاطئ للسيارة مع وجود الحرارة.


تحياتي وتقديري

[بدوي جنوبي]

لا اله الا الله

الموضوع هذا كُتب قبل سبع سنوات واربعه شهور تقريبا

شوفوا اخر اتصال له عام كم
والله يعلم هو حى ولا ميت

جوال^البراري http://www.mekshat.com/vb/images/statusicon/user_offline.gif
مكشاتي
آخر نشاط: 09/05/2002 01:41 AM

[بدوي جنوبي]

ارسلت له رساله على بريده
لادعوه للمشاركه مره اخرى
ونشوف بيستجيب ويعود لنا

[أدب العيون]

السلام عليكم ورحمه الله وبركاته
والله ياجماعه انا كنت اكره شي اسمه شيروكي
بس بعد ما شريته وجربته في المقناص والسفر
سياره لا يعلا عليها وكيف ما شاء الله

[سوبر VTC]

رابط

http://www.mekshat.com/vb/images/misc/subscribed.gif المستشار مؤتمن فهل تنصحني بالشيروكي (http://www.mekshat.com/vb/showthread.php?t=413132)

[الصقرا]

مشكورررررررررررر