المساعد الشخصي الرقمي

مشاهدة النسخة كاملة : يا ما حلا المسرى مع طرة النور ................



بن وايل
05/09/2007, 01:13 PM
يـاماحلا الـمسرى مع طرة النور ^^ مـن قبل خيط الشمس يبدي شعاعه

مـع رفـقةٍ مافيهم اللي به قصور ^^ ربـعٍ تـربوا عـالكرم والشجاعه

كـل واحـدٍ فيهم مجرّب ومخبور ^^ مـاشاور الـحرمه بـخوة ربـاعه

لا جـا لـزومٍ مـايصفون بالدّور ^^ كـلٍ بـذل مـجهود قدر استطاعه

أمـيرهم يـهتم بـالرّاي والـشور ^^ دايـم يـدوّر ويـن راي الجماعه

لا صرت عنده كنك بعش عصفور ^^ مـاباقي الا يـوكّلك فـي ذراعـه

لاجيت اقول اسمه اسميه منصور ^^ كلٍ يعرفه من طيور البتاعه

شيل الشوازن والفشق معهم صقور ^^ وحـمام لا صاروا طيورك جواعه

مـوترك جيبٍ خلفه العفش مجرور ^^ يـسوقه الـلي خـاف ربه وطاعه

وجمسٍ محمل ما ركب فيه مطيور ^^ هـو مـنوة الـلي مات قلبه وباعه

عـفشك مـكمّل فـيه زلٍ وماطور ^^ وبـيتٍ من (القاضي) جديدٍ شراعه

وعـدة الـمطبخ بـين قـزٍ وتنّور ^^ وحـوايج واغـراض فـيها نفاعه

ورز(الـمهيدب) مع سكاكين وقدور ^^ واحـرص على الطبّاخ كمّل متاعه

ونـجرٍ ومـحماسٍ ودلّـه ودافور ^^ وبـنٍ وتـمرٍ يـغري اللي شباعه

تـنزل بـروضٍ توّه اليوم ممطور ^^ والـغيم عـقب الشمس تم انقشاعه

الـبر حـولك كـله ورود وزهور ^^ وقـت الـربيع العشب زاد ارتفاعه

حـتى الرمل تشتم له ريحة عطور ^^ والـقاع خـضرا كـن فيها زراعه

معك خروفٍ مايبي ضرب صاطور ^^ اذا ذبـحـته عـلّقه مـن كـراعه

احـمس بـصيله والمعاليق عالفور ^^ مـن طعمه الجوعان ياكل صباعه

مـن عقب هذا ما تبي طب دكتور ^^ كـانك مريضٍ صار عندك مناعه

حـنّا بـنعمه بس تبي حمد وشكور ^^ وحفظ الصلاة الخمس ويّا الجماعه

مـا تـغتني لو تملك المال وقصور ^^ لا صـرت مـا تملك كنوز القناعه


الشاعر: ابن شارخ


تحياتي : بن وايل

جرير
06/09/2007, 10:16 AM
.
.
صح لسان الشاعر
ومشكور سلمت علي النقل
مادري كلمة طرة في اول بيت انا شاك انها طلة النور
ولا لا يابن وائل.

دغيم1
06/09/2007, 11:38 AM
السلام عليكم ورحمة الله وبركاته
يعطيك العافية أخي الكريم
بن وايل
صح لسان الشاعر وسلمت يمينك
كلمات تصف رحلة وربانها
تضع الحروف متكامله حول الرفقة الطيبة
تقبل تحياتي وشكري
دمت بود

ابوفهد36
06/09/2007, 11:49 AM
صح لسان الشاعر ويعطيك العافيه

بن وايل
07/09/2007, 12:41 AM
الله يعافيكم جميعا .

ويعطيك العافية اخوي جرير على هالملاحظة والظاهر انها مثل ما قلت مع طلت النور ...