وأخيرا وجدتها

[حلحيل]

وأخيرا وجدت القصيدة ولها عندي ذكرى طيبة ولها معنى عميق



مكانك بالعيون اللي تمنى شوفتك بشفاق
مثل ماهو على خبرك يفوح بريح ريحانه
حبيبي ما سكن قلبي سوى حبك ولا أحد لاق
مكانك مثل ماهو يا عنب عمري ورمانه
ترى لولاك ياملح الحياة العمر ما ينطاق
حياتي مالها معنى بدونك مالها خانه
حمى الله مبسمٍ خايف من الضحكة يجيه ارهاق
حمى الله نظرة تجمع هناء العالم وحرمانه
وش الدنيا سوى لحظة لقاء يا معذبي وعناق
وش الدنيا سوى دمعه وعين تحب سهرانه
أببعد بك عن عيون العذول بداخل الأعماق
أخاف تشوف حسادي ورود الحب رويانه
تغيب الشمس باشواقي وتشرق ياغلا باشواق
وأنا متعلق ما بين خوف القلب وأمانه
أنا مثل البحر يغرق ليامنه بغى الاغراق
ولكن لا عشقت اعطي حبيبي بالوفاء دانه
حبيبي ماحد قبلك ولا بعدك على الاطلاق
عطاه الطير لاجل الحب تغريده وجنحانه
عسى الله لا يوفق من تمنى لك ولي فراق
عسى الله يحرمه من والديه وشوفة اخوانه




مساعد بن سعيد المرزوقي

[راعي مرات]

الغالي000 حلحيل

ما هذا الأختيار أيها المبدع000


فهلاً قصيدة جميلة وتشد 00قرأتها وأعدت قرأتها0

00لا ألومك إذا إحتفظت بها فهي فعلاً رائعه

سلمت وصح لسان قائلها/مساعد بن سعيد المرزوقي

[تالي الاولين*]

.


صح لسان الشاعر

ويعطيك العافية على حسن اختيارك ياحلحيل

تحيات اخوك تالي الاولين


.