اللي مضيع ريشة طير على ظهر كروان يدخل

[طرح السعودية]

العام كنت اقنص ولقيت كروان بظهره ريشة الرجاء لمن فقد ريشة بها الطريقة يدخل ويعطينا الاوصاف التالية
مكان الكروان
رقم الريشة
نوع الريشة
طريقة تثيت الريشة بالكروان

كم منتوف ريشة من الكروان
اوصاف اخرى ان وجدت

[خيال الصبحا]

الأخ طرح السعودية
بيض الله وجهك
والله لا يهينك
وشكرًا

[طواش]

شكرا لك أخوي طرح السعودية
بس ممكن الكروان يطير الاف الكيلو مترات أنا ضيعت كروان السنه الماضية في موريتانيا على ظهره ريشة مارشل في شهر 28 أكتوبر تقريبا

[حطاب 123]

:good: :good: :good: بيض الله وجهك
والله لا يهينك
وشكرًا

[أبو فيصل]

بيض الله وجهك ويا كثر اللي بيوصفون لك

[فنجون]

اذا من العام الله الي عطاك الريشه ههههههههههه

[عجمي]

بيض الله وجهك

وان شالله ترجع لأصحابة

اخوك عجمي

[جيتك يابعد حيي]

نعم الرجل انت ياطرح السعوديه

[قناص الحبارى]

كفو والله يا طرح السعوديه



أخوك/ قناص الحبارى

[المري]

مرحبا اخوي طرح السعودية وحياك الله ..

العام ضيعت لي ريشتين في كراووين..


الاول: نوع اسباني مطور سوداء مثل ريشة المارشل السوداء بس في لمبه حمراء تشر اذا صارت شغاله..


الثانية: ريشة فرنسية بيضاء رقم 36 ..

المكان : جنوب الحساء..

مكان الريشة : في العمد..

وسلااااااااااااااااااااامتك

اخوك - المري

[راكان 11]

انا ضيعت لي ريشة مارشال رقم 13
في الربع الخالي على كروان بنعلمه على فرخ
حطيت الريشه على ساق الكروان
والكروان منتوف منه الموس والنايفتين ... هديناه آخر العصر وبهذلنا في الحقنه وقام يتوزا بالحاذ لين ضيعناه ...مع العلم ان الريشه جلست يومين تأشر بالجهاز لين ضيعناه

وسلامتك

[راعي الناوي]

بيض الله وجهك وماقصرت وموقف طيب منك :good: :good: :good: :good: :good: :good: :good: :good: :good: :good:

[الفالكونر]

السلام عليكم ,,
الله يجزاك خير يا طرح السعودية ,,,

لكن ممكن سؤال ..,,!!!؟؟؟
أنت تقول طرحت الكروان العام الماضي ,, والحين تعلن عن الريشه ..؟؟!! وينك من العام ...؟؟؟؟؟؟

[المري]

اخوي الفالكونر

وين من العام ؟؟ وليه مااعلن عنها ذيك الحزة؟؟

هذه امور ماعاد لها داعي خلاااص الرجال اعلن عنها بيض الله وجهك ووجهه

وهو على كيفه هو وكروانه وريشته .. لان راعي الريشة يوم حطها في الكروان مقنع منها .

ولانقول الا كثر الله من امثاله.. وجزاه الله كل الخير..

اخوك - بومعيض

[عناز]

أصبر أصبر ياطرح السعوديه والله انك جبتها ... ياشيخ انا أتمنى هالفرصه من زمان
وانا ضد فكرة وضع ريشه بالكروان ... وهناك اثنين من ربعي مثل أخونا المري
وكلهم لهم معزه خاصه بقلبي- ولا تهونون- وكلهم اهل مرابط طيور المري
بهجره(الله يعمرها بدينه) حول الاحساء وابو محماس والشرافي بالدمام
وكل سنه يضيعون ريشه او اكثر والغريب انهم اكثر ناس تقريبا
يصيدون كراوين-ماشاء الله عليهم-الظاهر انهم يضيعون
أكثر من ريشه (موضوع دسم يابومعيض)
وبيض الله وجهك ياطرح السعوديه

[طرح السعودية]

شكراللجميع وما سوينا الا الواجب وما عليكم زود
اخوي (الفالكونر) انا من ساعة ما لقيت الكروان وانا اعررف على الريشة بكل مجلس وكل مكان وانا تراي ما سجلت في هالمنتدى الا قريب وما خطرت على بالي فكرة الاعلان هنا الا هاليومين ولو كان عندي طماعة ماجبت طاريها لكن ابشرك هالامور ماحنا من اهلها والله يسامحك
الاخوان اللي حطوا معلومات عن ريشهم المفقودات واللي راسلني على الخاص كلهم الوصف لايطابق اللي عندي والله يعقل عليهم

[عناز]

أنت تقول طرحت الكروان العام الماضي ,, والحين تعلن عن الريشه ..؟؟!! وينك من العام ...؟؟؟؟؟؟
:confused: :no2: :mad: :eek:



لكن ابشرك هالامور ماحنا من اهلها والله يسامحك
:D :good: :) ;)

[المري]

مانقول الا أبيض وجه اخوي طرح السعودية..

وعسى الله يعودك على الصيد والفيد..

اخوك - المري

[خيال البويضا]

طرح السعوديه , كفو والله



دايما اهل الصيد اهل شيمه ووفا , وخصوصا اهل الصقور اهل نبل وكرم وامانه وانت هنا تقدم درس بسيط فى الامانه , لا عدمناك


بارك الله فيك وكثر الله من أمثالك

[راكان 11]

يا طرح السعوديه

وسع صدرك وخوينا مايقصد شي
وانت رايتك بيضا وماقصرت

بيض الله وجهك

[الساجي1]

اخوي طرح السعوديه
مضيع ريشة مارشال رقم 9 مطوره
في الساجي شرق النعيريه
في العمد مثبته ومعها قصب ريش علشان يثبت الصفره

وسلامتك

[عبرود الشمال]

بيض الله وجهك اخوي طرح السعودية
ماقصرت ورايتك بيضاء

[أبو فيصل]

فيه حل عندي واذا ما أحد سواه ترى برائة الأختراع نسجلها عند أبو معيض

ليش ما تحطون في الكروان حجل بأسمك وتلفونك بالأضافه للريشه.

[طرح السعودية]

الساجي الاوصاف لاتنطبق على اللي عندي والله يعقل عليك

[ابو عايد]

السلام عليكم

انا مضيع ريشتين انا وربعي من هل قطر مارشال رقم 18 ورقم 20 في شهر واحد هجري

وسلامتك

[طرح السعودية]

الاخ ابو عايد لابد من اكمال المعلومات

[ابو عايد]

السلام عليكم ورحمة الله وبركاته

الأخ : طرح السعودية

وحدة مطورة ذهبيه والثانية مطورة سوداء والمارية محزمين الكروان مثل الجهاز الى في الامارات الى على ظهر الطير لتعقب الطيور وريشة على الظهر

[الواثق 7]

فيه رفيقاً لي مضيعاً له ريشة شمال أم رقيبه في الحتيفة وهي ما رشال ورقمها 6 أو10 والرجال قانص هاليومين وكان الأوصاف مطابقة راسلني على الخاص على شان اجيب لك الأوصاف كامله

[قشاع الرمث]

السلام عليكم ورحمة الله وبركاته

بيظ الله وجهك وكثر من امثالك

انا ظيعت لي ريشه على كروان مربوطه برجله
اخر الوقت العام حول لينه ومنتوف من الكروان الدواغر
والريشه بور ماكس ( ام قرص ) رقم 12 .

ومعه الشكر

[gyrefalcons]

واحد من الربع ضيع له ريشه على ظهر كروان نوع مارشال بس مايتذكر الرقم منتوف منه ثلاث ريشات شمال الحمار في السعوديه

[ابو سمحه]

طرح السعوديه ما قصررررررررررت والله انك كفو الكفو لو غير والله كان ساكت بس انت تعجبني وينك السنه الما ضيه شكلك نسيت ابن ادم نساااااااي

[المنصوري-قطر]

اخوي العام واحد من الربع مضيع كروان فيه ريشه

بشوف لك الاوصاف وبرد لك خير

[بوخالد الكعبي]

ونعم الرجل انت ياطرح السعوديه

الله يقرب كل ضاله لك يالغالي

[ساطي العتيبي]

الله يكثر من امثالك ياطرح السعودية
اخـــــــــــــــــــــــــــــــــــــــــوك

[طرح السعودية]

اخوي ابو عايد الاوصاف غير مطابقة على اللي عندي والله يعقل عليك
اخوي الواثق لابد من اكمال الاوصاف وشكرا لك
اخوي قشاع الرمث الاوصاف غير مطابقة والله يعقل عليك

[مغــادر]

والله العام ضيعت ريشه المانيه مثبته في الذيل بسبته بلاستيك حول الدهناء والكروان مقروض من ريشه المغاطي. والله لايهينك

[طرح السعودية]

اخوي مغادر لابد من اكمال الاوصاف رقم الريشة لونها وتحديد المكان تقريبا الدهنا طويلة وين منها
ارجو توضيح ها الامور

[طرح السعودية]

الرجاء من الاخوة اللي ماحددوا اوصاف الريش اللي لهم ريش ضايعة يحددونها

[طرح الشبك]

اول شي الفعل هاذا ما يفعله الا ضعاف النفوس واقول الطمع ماخلا شي


ثاتي شي والله لو مسكت الريشه على ضهر كروان والله ما يشوفها راعي الريشه لانه لم يحترم غيره


لان هذا فعول ضعاف النفوس وعندنا سلوم ان الصقار الي تثبت عليه هذه العلوم يطرد من مجالس الصقاقير


انا ما كتبت هاذا الكلام الا من ان بعض الشباب يتساهل في هاذا الشي ويتفاخر فيه ولا يعلم انه عار على جبينه


يااخي لا تحرم اخوانك الصقاقير لذه الهدد اعذروني ان كان كلامي شديد بعض الشي ولاكن والله لم استطع الصبر


ولكم كل الشكر والتقدير اخوكم طرح الشبك

[سماء نجد]

عوذا
مار هاذي اخرته
اشوى مار اللي الله فكني منك ههههههههههههه
اقول اغديها مار رقم تسعه يالربع افطنولي هههههه

[النجم السماوي]

اول شي الفعل هاذا ما يفعله الا ضعاف النفوس واقول الطمع ماخلا شي



ثاتي شي والله لو مسكت الريشه على ضهر كروان والله ما يشوفها راعي الريشه لانه لم يحترم غيره


لان هذا فعول ضعاف النفوس وعندنا سلوم ان الصقار الي تثبت عليه هذه العلوم يطرد من مجالس الصقاقير


انا ما كتبت هاذا الكلام الا من ان بعض الشباب يتساهل في هاذا الشي ويتفاخر فيه ولا يعلم انه عار على جبينه


يااخي لا تحرم اخوانك الصقاقير لذه الهدد اعذروني ان كان كلامي شديد بعض الشي ولاكن والله لم استطع الصبر



ولكم كل الشكر والتقدير اخوكم طرح الشبك




والله الضعيف انت والصقاقير اللي تجالسهم ولا وش دخلك بخلق الله واقناصتها
لكن معذور لا زم اتهرج علشان ماتنطرد من مجالسهم ,,,,

اجل ليا طرّح طيرك لا ترمي الحباره ولا تردف علاها خلها لغيرك
ولا عاد تشغل جهاز الفري خله يعبر للدول المجاوره هههههه

ابك ابك ابك انت عار بكبرك ولا النشاما اهل مكشات مايلحهم العار لانهم
كلهم يركبون الريش بالكروان مار توّقع يا اوليد وكلامك منت معذور فيه
وان ماقدرت تصبر منت ملزوم تقراها ,, وابنشدك هي معصيه ولا منكر
يوم ماقدرت تصبر عنها ياعنك بالخلايق سطيل وخبلان


على الاداره محاسبت الاخ وانذاره لا تهامه الاخوان