المساعد الشخصي الرقمي

مشاهدة النسخة كاملة : تفضلو النقاش حااااااار واستفسار


مطير قول وفعل
08/09/2007, 08:12 AM
السلام عليكم ورحمة الله وبركاته
شبا ب كيفكم طيبين

شباب وش رايكم في الضرب للسلق على اساس التدريب ؟؟؟


وانا عندي سلقه اصيله جدا جدا جدا لا كن عطانياها امير الله يحفظه

واخذتها وعمرها سنتين والسلقه اتوقع انها مادربت القنص فالليل وكيف ادربها اخذتها مع السلق تقريبا 14مره حتى مرات تلحقني السلق وانا بالسياره وهي تهرول على خفيف تقربا مشي جوعتها ولا نفع ضربتها ولا نفع علما بان الامير اظنه مادربها لاكن مرات تشوف بساس بالاستراحه الصباح ولايمغط ظهره البس


والسلا عليكم ورحمة الله وبركاته
طيري غدى
08/09/2007, 09:10 AM
هلا وغلا مطير قول وفعــل يالله حيــه

شباب وش رايكم في الضرب للسلق على اساس التدريب ؟؟؟

والله الضرب ينفــع بعض الأحيان وبعض الأحيان يذعر السلوقي يخليه خواف اضربه وقت يغلط بس اما كل شوي تلعن ابو سرسبيله لا ياخوي بعدين يبهذلك والله مايقربك ابد تبلشبه ..

اسمــع وانا أخوك فيه بعض السلق مايحلق ورا السياره يكون معــود على الهدد بس انك تنزله على صيده وهذي
زينه وشينــه الزين فيهــا انه يكون نازل لجل صيده يكون متحمس ومنتبه والشين فيهــا انك ماتقدر تشحــطه وتشدد جسمه وعضلاتــه..





انت جرب بالسلقه الي عندك انك تاخذها مع سلق وتدورلك يا جربوع يا حصني والأفضل الحصني لأن بعض السلق مايحب الجربوع يفضل الشيء الكبيـــر.

وهد السلق واذا السلقه طيبه يبــان فعلهــاا ويبان طيبهــا وتشوف مطرادهــااا


واذا هي خير شر ماهي مدربه مع اني ماضن سلقه ماتطرد شيء لازم تطرد لأنها مخصصه لصيــد


اما القطو باين على السلفه مربوطه وتجيها قطاوه وميته على ذبحتهــاا وصيدها من النوع السلقه شرسه وترا الشرس خاصه من يذبح القطوه قليل .... وترا انا افضل السلقه تكون شرسه للحيونات الشرسه اما الأرنب الله يعين بتقطع والديه بس مع التعلم راح تلين عليه
اما يالغالي المطراد بالليل فيه سلق متعود يهد بالنهار ولاهو متعــود بالليل يضيع بالليـــل بس مع التعــود ونور الكبس والسياره وشوفه لسلق وهو يطرد مره ومرات راح يتعــود ...
ونصيحــه مني لك اذا كانت السلقــه مربوطــه من مده وعندك علم عنهــا لاا تشد عليهــا مره وحده احتمال يضر السلقه في العدي ويشددهــا شوي شوي عليهــا كل يوم اعطهــا على حسب قدرتها في الركض ... ألين ماتشوف ان السلقه تبي الركض وتناقز من النشاط ....

انشاءالله يالغالي اني أفدتك وانا والله ياخوي ماقلتلك شيء من راسي شيء انا مجربه شخصيــن .... دمت بعافيه

وتقبل المــرور ...



اخوك طيري غدى
AnGeR
08/09/2007, 06:22 PM
وعليكم السلآم ورحمة الله وبركاته

الضرب للكلب عامتا ما ينفع وخاصتا اذا كان الكلب صغير لآنه يطلع جبان ويخاف من اي شئ
اما اذا كان الكلب كبير ممكن تضربه ضربه خفيفه اذا فعل شئ غلط على خشمه بصباعك ضربه خفيفه


ياريت يا شباب تعودون الكلب ع الكلام العادي كانك تكلم شخص لان التكرار يعلم ......


تحياتي
سلطان العوني
09/09/2007, 12:00 AM
اخوي حاول تاخذ السلقه وتاخذ معك سلق ثانيه

وتحاول تطلعها ثلاث مرات ورا بعض نهار مع السلق المتربه ويوم واحد تطلعها لليل مع السلق المتدربه

وكرر هالعمليه اكثر من مره وحاور تحمسها على الصيد سواء ارنب او حصني
ومع التكرار طلعها يوم نها ويوم لليل مع السلق المتدربه

وحاول تخليها توالف سلقه مدربه
ساطي العتيبي
09/09/2007, 12:45 AM
كلام اخوي ابو عايش عين الصواب
وكفيت ووفيت يالعووووووووووووووووووني
اخــــــــــــــــــــــــــــــــــــــــــــــــ ــــــــوك
القاسمي
09/09/2007, 09:09 AM
اخوي مطيري قول وفعل
اول شي في تدريب السلوقي لازم كسب الثقه او السلوقي يوالف عليك ويستئمن عشان يتجاوب معاك ممكن يكون خايف واذا خاف السلوقي منك ما عاد يطرد اول شي اكله ومسح عليه وناده وحاول تجيب سلقه مدربه
وخلها معه علا طول شهر شهرين وفك جرابيع في حوش وخله معها مع الوقت يتدرب
القحطاني505
09/09/2007, 05:15 PM
اخوي ماازيد على كلام سلطان العوني ولكن ياليت نشوف صورة السلقه الاصيله اللي جاتك من اميير علشان نشوف السلاله وش اقرب مالها من السلقان اللي عندنا وبيض الله وجهك وان شاء الله تصيد سلقتك وماعليها شر
الأكيدر
09/09/2007, 10:14 PM
ماقصرو الاخوان واعمل مثل ماقال اخوي سلطان 000
مطير قول وفعل
09/09/2007, 11:02 PM
بيض الله وجيهكم وماقصرتوا


يالربع السلقه حاطهن مع سلق مدربه والسلق طردت حصني بالليل ولاطردت معهن بالعكس ضيعناها ورجعنالها دورناها لين حصلناها ومسكنالها جرابيع وكسرنا رجولها عندها وهي جوعانه بغت تمسكه ثم تركته وجاني رجال شايب من اهل السلق ومعروووووف قال وانا اخوك كانت عندي سلقه جايبها من العراق اسمها سمره يحلف الرجال دين ان الظبا ماتمغط ظهرها مع السلقه لاكن الجرابيع ماتلحقها ولاتناظر فيها وهذي يقول عزة نفس عند السلقه
مير هذي يالربع لاخير ولاشر والسلقه والله والله والله انها من اطيب السلق اللي شفتها
لاكن طبعها اقشر ولها 4شهور وهي مع السلق المدربه
ومشكوووووووورين ماقصرتو
مطير قول وفعل
09/09/2007, 11:07 PM
اخوي ماازيد على كلام سلطان العوني ولكن ياليت نشوف صورة السلقه الاصيله اللي جاتك من اميير علشان نشوف السلاله وش اقرب مالها من السلقان اللي عندنا وبيض الله وجهك وان شاء الله تصيد سلقتك وماعليها شر



والله وانا اخوك السلقه اللي جاتني من الامير موجوده لاوزيدك من الشعر بيت عارفن سلالتها
من سلق الروسان يعني اريحك بدال ماتشوفها واجبلك الصور ودور لا لا :no2: مايحتاج
اسئل عن سلق الروسان اللي هم الرويس وتعرف سلالتهن زين
بالتوفيق اخوي ابو قححط;) ;)
وبيض الله وجهك على المرور
سلطان العوني
10/09/2007, 07:26 AM
اخوي مطير قول وفعل

ان شاء الله تضبط معك باذن الله
لكن حاول تجلس معها اكثر وقت تقدر عليه واكلها ولا تضربها ولا ترفع صوتك عليها او تحاول تخوفها وشوف كلامي
مطير قول وفعل
10/09/2007, 07:38 AM
الله يبيض وجهك ياولد عمي


لاعدمناك
سلطان العوني
10/09/2007, 07:57 AM
ووجهك ابيض يالامير