اطراف ريشه لاقفيته لهن نوع...والى نطحته كن فيه التماسي

[عناز]

البارحـه نومـي هواجيـس ورموع = مـــراَ هـواجـيـس ومـــراَ نـعـاســي
اذكـر مـع الرمثـه زماليـج طـالـوع= واثوع من زين الفراش امتواسـي
وارجـع لطيـرِ طارحيـنـه بجـربـوع= عرضـه وطولـه وافيـن بالمقـاسـي
اطـراف ريشـه لاقفيتـه لهـن نــوع= ولا نطـحـتـه كـــن فـيــه التـمـاسـي
في وادي عقب سيل امس مقشوع=لا زول فـيـه ولا سمعـنـا حسـاسـي
فيه أم سالم تزعج الصوت مرفوع= وتلـقـى لـثـاري الحـبـاري مـداسـي
وركبوا وقالوا لهم ترى الرمي ممنوع=شوفوا فعول طيوركم يالدماسي
وطارن مقافي من ورا صحصح القوع=وغادر يد الصقار من فوق الكراسي
وعقب ترفع فوقهن نوخن طوع=وجاهن مجي مثل جيّت ادباسي
طقه والى هو من ماقعه بوع=ومن اولا خربك براسه عطاسي
وقع واخذ من داغر الخرب قرطوع=كنك من الترياق معطيه كاسي
خذنا لنا خمسة عشر يوم واسبوع=مستانسين ولا ذكرنا عكاسي
مع سنافيِ على شفة النوع=عن عادته ياعنك ماهو بناسي
كثر حطب حنوه على الجمر مجضوع=واركا دلالِ يطردن العماسي
وجميع ماتطلب على النار مجموع=ربعِ دليلتهم حنيف الدهاسي
وتوادعوا مع دكت الشمس بطلوع=وغدا لهم عند الركوب احتواسي
واقفوا مع خايعِ جثِ مقطوع=متناوشين روس حمر الرواسي




آمل ان تحوز القصيده على رظاكم واعتذر عن بعض الاخطاء اللغويه حيث ان القصيده منقوله من اوراق قديمه

عنـــــــــــــــــــــــــــــــــــــاز......... ....................

[mmsm53]

ياعنااااز
صح السانك والله لايهينك بيوت جميله من راس مانعدمه ان شاء الله 0
بس قلي ويش قصدك توردها في هاالوقت هذا ، تبي تذبحنا ونقنص بهالقيض على قولت راعي المثل
( على الريحه اللي من العام ) الحين يقولون البدو واهل الغروس هاذي ( ضربة المرزم ) انفقاع القيض
الأنسان صاير سمكة بحر يبعد شوي من الماء البارد ويسللم على الربع وبيباى ، لاااااا قال ايش قانص
ونجم السويبع ماظهر ولا سهيل بعد 0
؟؟؟؟ تراها من باب الفرفشه الخفيفه ، وسلامتكم 0

[عاشق الصحراء]

تسلم و الله تسلم و صح لسانك يا شاعر.
تقبل تحياتي
:good:

[ابو عايد]

وارجــع لطـيـرِ طارحـيـنـه بـجـربـوع=عـرضـه وطـولـه وافـيـن بالمـقـاسـي



مشكور أخوي عناز على هذه القصيده

الرئعه والجميله بحق وصح لسانك


وتقبل تحــــيات// العاشق الولهان