ابي رز نثري بالكاتم وشلون ؟

[الأجودي]

بسم الله الرحمن الرحيم
السلام عليكم ورحمة الله

ياطباخين كل واحد منا عنده طموح وانا طموحي اسوي رز نثري بالكاتم يعني يطلع لك ممتاز ومهوب عبيط
فيه مطعم في الربوة على شارع الاربعين يصلح فيه اليمني رز مضغوط لكنه نثري اللهم صلي على محمد واقعد اعوفر معه ساعة ابيه يعلمني وابو يمن يقولي لا سر مهنة والصراحة حقه يحتفظ هاك اليوم هندي تعتيق يوم جاء يعتق قالي بابا اطلع برا انا مايبغى انتا شوف ههههههههه
المهم مالكم بالطويلة ابيكم تعلموني بارك الله فيكم ووشلون الطريقة

[المتهني]

وعليكم السلام ورحمة الله وبركاته

ههههههههههههههههههههههههههه، والله ضحكت عليك من قلب هل طموحك انك تسوي رز نثري ؟والله عجيب
الطريقه سلمك الله انك تحط الماء كثر الرز بالظبط واذا ما فيه دهن بالمرقه حط قدر فنجال زيت وبسسسسسسسسسس

واذا اظبطت ادعلي ، واذا ما اظبطت بعد ادعلي....

[مجازف2010]

اخوي المسألة مايبي يلها اختراع ذره

الشغله كلها انك تقلل الماء يعني اذا كبيت الرز اقصر الماء يعني يكون الماء فوق الرز تقريبا 2 سنتمتر يعني على راس اصبعك وخلاص وطبعا يكون الرز مربص ( منقوع ) في ماء فاتر لا يقل عن نصف ساعة وخلاص واذا قام البلف ( الصفيره ) حقت القدر تدور اقصر النار اقل من المتوسط واذا شميت ريحة الحكاكة او الكرارة افتح القدر وتمتع باحلى نثريه

تحياتي لك

[mrayman]

مثل ما قالوا الشباب ولايهونون اهم شيء يتنقع الرز
وقلل الماء والزيت يكون شوي زياده عن العاده
وربنا يكتب لك رز نثري يحبه قلبك

[الرجم العالي]

مثل ماقالو بس اذا كان بشااااور كثر الزيت شوي

مع السلامه :p

[راعي الهـــدد]

والله ونخوك المسألة بسيطه جداُ ...

بس تبي الدعوى سعة بال ورواقه .... وحب لشغله نفسها ...

شف هذا غدانا وبالصور وطريقة أعداده مفصلة جداً ...

اجزم جزم اذا اتبعتها بتلاقي لك نثرية على كيف كيف كيفك ... هههه

اصل الصور من موضوع لي سابق على هذا الرابط ...

http://www.mekshat.com/vb/showthread.php?t=87446 (http://www.mekshat.com/vb/showthread.php?t=87446)


تابع معي وركز جيداً فالأمر بسيط ..

انصحك برز الوليمة .... او بيت الخليج ...

وغيرها لاتدور ...


(22)

وصلت ابو عبدالله وجلست معه وتقهوينا ووسعنا الصدر

وعيب هالرحلة اني ما صورة القهوة والجلسة بتوسع

عموماً بعد القهوة كلاً منا خم له شي الي قدر والي جلس يقطع بصل والي يولم شي وهاه وهاه

وخم ابو عبدالله قدر الظغط حبيّب قلبي

وبدا يحورف ويتفنن مثل العادة

واحكر لنا ذيك الكبسة الي ماقبلها ولابعدها شي

واليكم الصور بالتفصيل الممل
ويمكن ان تكون مرجع لمن لم يعرف كيف يضبط الكبسة في قدر الظغط

وسأفردها بموضوع في خيمة الطبخات البرية

اول شي

حمس ابو عبدالله البصل والطماط ومثل ماتشوفون

وكب عليها شوي بهارات وملح وفلفل واحد مقطع كنكهة


http://www.mekshat.com/pix/upload/images36/mk33838_24p.jpg


(23)

بعدها زاد الماء جعله يسلم

بس لاتكثر حسب كمية الرز


http://www.mekshat.com/pix/upload/images36/mk33838_25p.jpg


(24)

ثم جاك الرز يمشي مليووون هههههه

يازين شكله تقول كنه صفاة من شدة بياظه



http://www.mekshat.com/pix/upload/images36/mk33838_26p.jpg



( 25 )
وشوي الين الرز محول في اسفل القدر هههههه

ولاعاد تسمع الا صوت خبطه في الماء


http://www.mekshat.com/pix/upload/images36/mk33838_27p.jpg



(26)

ومثل ماتشوفون هاليد المبروكة تحرك الرز شوي

لعشان تعرف وش مقدار الماء


http://www.mekshat.com/pix/upload/images36/mk33838_28p.jpg



(27)

ثم خذا ابو عبدالله رشفه من المرقة يم يم يم

والمقصد طيب ولاتسيئووون الظن

بس يبي يذوق الملح ههههههه

بس اشوفها طولت هالذواقه رشفه ورى رشفه ههههه


http://www.mekshat.com/pix/upload/images36/mk33838_29p.jpg



(28)

ثم جاء الغالي وغط طرف اصيبعه

استغفر الله اللا قصدي مصبعه الدبي هههههه

لاوالله مصبعه السبابه وتأكد من ان الماء مقدار قفلة واحدة بس وبس وبس لاتزيد ابداً ابداً هههه

http://www.mekshat.com/pix/upload/images36/mk33838_30p.jpg


(29)

ثم كرسع الدجاج مع الرز والمرق وماغير ماتشوف
الا سيقان هالدجاج يتدودل يالله الخيرة ههههه


http://www.mekshat.com/pix/upload/images36/mk33838_31p.jpg



تــــــــــــــابـــــــــــع >>>>>>

ارجوك لاترد الآن رحمك الله

تــــــــــــــابـــــــــــع >>>>>>

[راعي الهـــدد]

مــــتـــــبـــوع<<<<<


(30)

هاه وش بعد وش بعد

ساو دجاجك صح او لحمتك ان كان معك اللحمه
الله لايهينك


http://www.mekshat.com/pix/upload/images36/mk33838_32p.jpg


(31)

ثم حط ماشئت من منكهات او محسنات او مشهيات
مثل كوسة

او فلفل وغيره


http://www.mekshat.com/pix/upload/images36/mk33838_33p.jpg



(32)

ثم طبق قدرك لاهنت واتبكه صح


http://www.mekshat.com/pix/upload/images36/mk33838_34p.jpg



(33)

والله اليد ماشاء الله تبارك الله

اللهم صلي على النبي ههههههه

متوسعة هههه تعرف لاقالو متوسع والله ماشاء الله متوسع متوسع هههههههه

ياعوين القدر اعويناه راح فيها من يدك يابو عبدالله هههههه

ابو عبدالله طالبك لاتعلق علي
والله ان عمران ابو احمد موصيني عليك
يقول علق عليه شوي وتراني في وجهه

ابو احمد لاتخليني ياعزوتي ولايهون ابو عبدالله هههههه

http://www.mekshat.com/pix/upload/images36/mk33838_35p.jpg


(34)

ثم طول عليه وخله الين يبدأ يتستس

ابو عبدالله ماودك اوصف بعد

والله في ثمي وصف لساعدك جعله مايشل ههههه

تدري يكفيك الي جاك هههههههه

من شافني قال وامن الحين من ابو عبدالله يالله الستيرة


http://www.mekshat.com/pix/upload/images36/mk33838_36p.jpg



(35)

ثم اذا تستس عود على قدرك وقصر عليه نمنم
يعني على آخر شي وخله لمدة 20 دقيقه
هذا اذا هو دجاج


http://www.mekshat.com/pix/upload/images36/mk33838_37p.jpg




(36)

اوهوهوه وصلت ساعة الصفر

واعلن ابو عبدالله ابتداء المعركة

وتمت 20دقيقه واسحب البلف

ومنظر اعشقه دائماً في الصحراء


http://www.mekshat.com/pix/upload/images36/mk33838_38p.jpg




(37)

ياااااااووووووك والله ان الريحة تكفيك


ولو مايحصل الا شوفت هالصحن الشعبي يكفيك

يالله تثبتني من الأرض لااطير

حتى تجي حزة غداي الوكادي

وش رايكم شاعر هههههههه من جنبها


http://www.mekshat.com/pix/upload/images36/mk33838_39p.jpg



(38)

وهذي صورة غديّنا الله يطرح به البركة

وقولو ماشاء الله تبارك الله


ورحمة بكم باقي صور الغداء غير صالحة للنشر

للمصلحة العامة هههههه


http://www.mekshat.com/pix/upload/images36/mk33838_40p.jpg




موفق ياغالي ....

محبك ابو حمد ...

[الأجودي]

بارك الله فيكم ومشكورين
ابوافيكم بصور الرز اذا ضبط بإذن الله

[هوايلكو1423]

والله الشغل تسلملي
راعي الهدد واسمحلي اقول راعي النثريات

[نقى بنبان]

شف هالمشاركة السابقة


http://www.mekshat.com/vb/showthread.php?t=40817 (http://www.mekshat.com/vb/showthread.php?t=40817)


وان ضبط شغلك وحققت طموحك بشرنا!
تحياتي

[أبو سعدة]

مستحيل يضبط الرز النثري بالكاتم الأصلي !
أنا جربت أكثر من مرة و آخرها حطيت ريحة ماء يعني شوي و خليته بالكاتم 7 دقايق فقط و يوم فتحته لقيت الماء ناااااشف لكن الرز ذايب وليس نثري و على فكرة الرز نقعته شوي بماء فاتر وليس دافئ !

[أخت مبارك]

انا عجبني هالبيت
يالله تثبتني من الأرض لااطير

حتى تجي حزة غداي الوكادي

بس صراحه ماقصرت علمتنا اياها
يعطيك العافيه
وبيض الله و جهك

[تميمي سدير]

اسمــــــــــــع يالاجودي
نقع الرز30 دقيقة بماء دافيي
ثمن حط الرز في القدر وخل الماء 1 سم عن الرز يعني لا تكثر
ثمن ارفع على النار على أعلى شي لمدة خمس دقايق
بعد الخمس دقائق اقصر له وحسب من 18 ألى 25
طبق الكلام وراح تعديلي

طبعاً الماء الي بلقدر يكون حار