المساعد الشخصي الرقمي

مشاهدة النسخة كاملة : والحل مع هذا الطير


أخو وضحة
09/09/2007, 01:18 AM
السلام عليكم ورحمة الله وبركاته
يا شباب عندي طير وكري فيه صيحه عجيبة وللمعلومية قبل ما أقيضة ما كان فيه هذي الصيحه كان راكد هادي
الحين تقول انه وحش المهم السالفة وما فيها جيت انقل الطير اليوم الصبح لأنه مصفي ريشه جلس يصيح والله خبل بي مع اني مقيضه لحاله ولا تقدر تقول انه فيه طير ثاني يصيح عشان يأخذ هذي الصيحة منه المهم نقلت الطير يوم اني شلته على ايدي ركد شوي بس اذا طالعت فيه قام يصيح طنشته وقلت هذا بسبب المقيض الطير توحش شوي والله وروح أجيب له قمريه واحطها على الدس ودي ادعيه اناديه باسمه ولا شي لو اني ناديت الجدار يمكن رد علي ويوم انه شاف القمريه وهو يصيح صياح غير طبيعي وينفش ريشه تقول اني ذابح ابوه المهم رفض انه يجيني قمت عطيته القمرية اخذها وغطا عليها وماغير يناظر فيني يأخذ لقمه ويناظرني وانا ما اقول الا انا لله وانا اليه راجعون ..................................

تكفون وش الحل وانا خابركم ما تقصرون ياالنشاما
ابن حصوان
09/09/2007, 01:33 AM
الله يعينك الطير اكيد فيه شي مروعه في المقيض
راعي الشهامه
09/09/2007, 01:36 AM
الله يكون بعونك

بس حاول انك تدهله واجد

وانشاء الله الاخوان يبي يفيدونك
آبو غلآ
09/09/2007, 01:38 AM
ياخوي طير توك مطلعه من مقيضه
لازم تجووعه هذا اول شي وتصكه بالبرقع
الطير ماعاد تفرع له الا على يدكـ ولا تفرع البرقع وهو لحاله
وبعدين حاول تنقزهـ على الدس بنسر
قطعة لحم صغيرهـ ..
واذا ماماجاك على الدس جوعه لين يطيح الي في رآسه وينقز
وانقل الطير
ابوحافظ
09/09/2007, 01:40 AM
وعليكم السلام ورحمة الله وبركاته..




مسيت او صبحت بالخير اخو وضحه..


بالنسبه لصيحة الوكري وهو توه مطلع من المقيض اعتبرها عااديه بالنسبه لي اذا ماكان فيه شي او خاايف من شي...


قبل اسبووع مطلع خوي لي طيره من المقيض وهالطير معروف من يظهر من المقيض يبدا يصيح لحد مايمر عليه اسبوعين او اكثر ومع النقل والدعو ترووح الصيحه..


وهو من كم سنه على هالحاااله بس يصيح لظهر من مقيضه مده معينه وبعدها عاااااادي...


ويمكن طيرك يبي نقل ومدااااره مع تجووويع بسط لحد مايااخذ عليك بس انت وسع صدرك عليه.


وربي يطعمك من صيده ان شاءالله... هذا اللي عندي وانتظر باقي الاخواان يفيدووونك..
أخو وضحة
09/09/2007, 01:42 AM
وش الي مروعه سعف النخل مو معقول التراب الله يكرمك والقارئين شي أكيد لا
الطير يوم كان في المقيض كنت اعلفه احط العلف على التكيه واروح ما كان يصيح يعني في رأيك وش الي مروعه
والله يعطيك العافيه على مرورك
أخو وضحة
09/09/2007, 01:49 AM
راعي الشهامة مشكور على مرورك
شارب فينتو مشكور على المعلومة الطيبه انا عارف انه يبغاله تجويع وتنقيز بس يوم كنت اجيه في المقيض مكان يصيح وهذا هو الي روعني ومشكور على اهتمامك
ابو حافظ كلامك صحيح والله يسمع منك ويعطيك العافية
وشكرا
ابن حصوان
09/09/2007, 02:06 AM
يمكن سعف النخل
بوخالد الكعبي
09/09/2007, 02:07 AM
هلا وغلا بالغالي

شي عادي هذا لاانه طالع من المقيض بس يالغالي حاسب لين جيت اتبرقعه اذا البرقع ضيق ترى بصيح منه مره ثانيه غيره له

تقبلي تحياتي
BeLoveLy
09/09/2007, 06:48 AM
http://www.mekshat.com/vb/images/frames/11_cur.gifhttp://www.mekshat.com/vb/images/frames/11_cul.gif

السلام عليكم و رحمة الله و بركاته
اخوي اخو وضحة ,, مساك الله بالخير ,,, ما ازود عن كلام الربع
بس انت حط في كبده شناذره و خله يزوع ما فيه و مثل ما قالو الربع عليك بالنقله
ولا تفرع فيه الا على يدك و انشاء الله تزين علومه ,, بس يا ليت توافينا باخبارة للأستفادة
و تقول وش انت سويت معاه ,,
مشكور


تقبل مروري
اخوك : عبدالرحمن

http://www.mekshat.com/vb/images/frames/11_cdr.gifhttp://www.mekshat.com/vb/images/frames/11_cdl.gif
الزاجل الازرق
09/09/2007, 06:58 AM
اخوي العزيز الطير ما قعد يصيح الى انه تذكر فيه يوم شد عليه الجوع

والتجويع الزائد يسبب الصيحه
راعي الناوي
09/09/2007, 07:15 AM
هلا وغلا بالغالي

شي عادي هذا لاانه طالع من المقيض بس يالغالي حاسب لين جيت اتبرقعه اذا البرقع ضيق ترى بصيح منه مره ثانيه غيره له

تقبلي تحياتي
مازيد على اخوي بوخالد لكن وين ماتبي تروح حطه معاك في السياره خل السياره تهزه هي بحد ذاتها تصقر الطير وسلامتك ووسع خاطرك تجيني ساعات ودي اصفقه بالدس :mad:
أخو وضحة
09/09/2007, 11:54 AM
ابن حصوان السعف وانا اخوك ما يفجع الطير لأنه من الطبيعة ومشكور على المرور
بو خالد الكعبي البرقع برقع العام وما ظنتي ان راسه بيكبر ومشكور على المرور
BeLoVeLy أبشر بأخباره ومشكور على المرور
الزاجل الأزرق ما أخبر اني في يوم جوعته أغديه وأعشيه أول بأول ومشكور على المرور
راعي الناوي حلوه تبي تكفخ الطير بالدس هههههههه ومشكور على المرور
ومشكورين والله يعطيكم العافية وطولت العمر
الاشعل 316
09/09/2007, 12:59 PM
يمكن كل هذي الاحتملات صحيحه

اخوك ابو سطام
قشاع الرمث
09/09/2007, 01:10 PM
السلام عليكم ورحمة الله وبركاته

اخو وظحة مساك الله بالخير

انا اقول من النادر ان الطير الي يصيح يترك الصيحة
ما ودي اقول من المستحيل .

واذا الطير مهو غالي عليك بعه بكلب سرق هله والا اطلقه
وخل عنك وجع الراس وطب السوق برمظان وتلقى الي يونسك
وعز الله ان الطير الي يصيح يفشلك عند الناس .

والله يعينك ..
خيال الصبحا
09/09/2007, 03:06 PM
وعليكم السلام ورحمة الله وبركاته
الاخ اخو وضحه
الشباب ماخلوا شي نقوله
البرقع .. شي مخوفه .. زد تدهيله ..الخ
ولكن فيه نقطه مهمه إذا الطير مانقز على يدك
برقعه بدون علف ولا تعلفه لين ينقز على يدك ، وشكرًا
سرهيد1
09/09/2007, 03:08 PM
السلام عليكم

وش باقي عليه من ريشه ؟؟؟؟؟؟؟؟؟؟؟

هل الموس يسوق ....؟؟؟ وش مقدار الموس لو كان الجواب نعم ؟

والسلام عليكم
قلب شاهين
09/09/2007, 03:46 PM
الأخوان أفادوك ،،

وأنا أنصحك كثرة التدهيل والتقصير في العلف ،،

وشنذر الطير وابدا أدعه على خفيف ،،

تحياتي / قلب شاهين ،،
القرناس المهاجر
09/09/2007, 04:00 PM
اخي 00 اسباب صيحة الطير تنحصر في أربعة امور حسب عرفي الشخصي ..
1_ إما أنه مفجوع ..!!!!
2_ أو انك تسحب منه العلفه فيرد عليك بصيحه إستنكايه !!!
3_ أو أنه تعرض للتجويع وبالتالي يصيح كي لايفقد العلفه !!!
4_ ألأمر الأخير انه إكتسب الصيحه من مخالطة الطيور الصياحه بالمقيض !!!


اخوك 00 القرناس المهاجر
عباااااادي
09/09/2007, 09:01 PM
امر طبيعي اصبر على الطير وبيرجع على حالتة الطبيعية
أخو وضحة
10/09/2007, 01:27 AM
مشكورين على المرور كلكم والله يعطيكم العافية وما قصرتم وأرجع وأقول مشكورين
أخوي سرهيد الطير ما نقلته من مقيضه الا بعد ما صف ريشه كله
وابشرك اليوم العيال أخذوه معهم الخبت ويوم جو واقبلت على الطير ما صاح لكن يوم اني جيت اشيله علي ايدي قام يصيح بس صياح خفيف جدا من غير فتح الفم وناديته بإسمه وكأنه عرف تصدقون كأنه يسترجع في ذاكرته شي من التعليم القديم ...
عندنا في العزبه قطو أو بس قديم مسمينوه ميقالو يوم انه شافه هد عليه الطير لأني معلمه على الأرنب وجلس يصيح وينفش ريشه وعينه على القطو والله لو تظربه بالدس انه ما هو معك عينه على القطو وش تحليلكم في هذا الشي ومعليش طولت عليكم
امير الرفيعه
10/09/2007, 03:24 PM
طيرك يبيله نقل

والطير مستاحش من بعد المقيض .

والله اعلم .