عضو جديد وطبخه جديده ( استكوزا )

[AL - FAHAD]

السلام عليكم ورحمة الله وبركاته

صبحكم بالخير يا جماعة الربع :)

بما أني عضو جديد طابخ لكم اليوم طبخه جديده

تخيل واحد ما قد طبخ في حياته طبخه بحرية فجأة وبدون أي مقدمات وجد نفسه أمام استكوزا ( أم الربيان ) فقرر يطبخها ويعرمشها ( <-- مبدأ المتوحشين ) عاد توقعون كيف طلعت الطبخه الجديدة..

كونوا مع هذا التقرير مع مراسلنا من المطبخ :

بصراحة يا أخوان أنا أول مره أشوف هالكائن الحي ني بالعادة اشوفه منسدح بالصحن جاهز في المطاعم البحرية طبعاً، أخوي الله يسلمه رايح رحلة صيد بحرية وجاء محملاً بالخيرات ومعه هالكائن الحي الغريب

http://www.up.5alid.com/up/uploads/553c7d6d80.jpg


يا ولد وش العلم .. هذا من وين نجيه..ووشلون نقول به..

قلت يا ولد ما بدهاش لازم نكتشف...واتصل على واحد من الربع له خبره بالكائنات البحرية قال له كذا طريقة شوي وقلي وطبخ بس أهم شيء لازم تنظفه زين..قلت وخر أنا بحورف فيه وان شاء الله بيضبط..

وبدأت المعركة ...قصدي الطبخه ...

أولا ً : طلعت أربع حبات وغسلتها وسلقطتها بالقدر


http://www.up.5alid.com/up/uploads/bf5d0de1f8.jpg



http://www.up.5alid.com/up/uploads/966eb75d5f.jpg


ثانياً : اضفت عليه ماء فقط عشان انظفه زيادة يطلع باقي الكربون اللي فيه من البواخر اللي بالبحر :D


http://www.up.5alid.com/up/uploads/1760fa81fc.jpg


ثالثاً : شبيت عليه النار بدون أن أي أضيف لا ملح ولا بهارات ولمدة عشر دقائق

http://www.up.5alid.com/up/uploads/008179240e.jpg

[AL - FAHAD]

رابعاً : كبيت المويه القديمة من القدر وبدأ الشغل النظيف :) لاحظوا اللون تغير بعد غسيل البستم

http://www.up.5alid.com/up/uploads/1673fc25ca.jpg


خامساً : أضفت عليه ماء + ملح + بهاراتي الخاصة :)

http://www.up.5alid.com/up/uploads/b552a38f30.jpg


سادساً : شبيت عليه النار لمدة 35 - 40 دقيقة وبعدها طلعت الذبيحة وسدحتها بالصحن

http://www.up.5alid.com/up/uploads/cc2f9d0bba.jpg


سابعاً : سميت بسم الله وبديت أعرمش :)


http://www.up.5alid.com/up/uploads/792847a17a.jpg


http://www.up.5alid.com/up/uploads/1a15f89c21.jpg


الذبيحة بعد ما صفيت حسابي معها...اللهم لك الحمد

http://www.up.5alid.com/up/uploads/b231e88487.jpg


وبعد هذا الاكتشاف الجديد ... أتمنى أن يكون أعجبكم وأضاف إلى وفير معلوماتكم الجديد

وتحياتي للجميع


أخوكم

الــفــهــد

[فل اوبشن]

هههههههههههههههههه وش هالشغل الزين ماشاء الله عليك
استكوزا مره وحده لكن كيف الطعم زي الربيان ولا احسن ودنا نجربه ,..

[الكونترولCONTROL]

مشكور على الموضوع الجميل
==================
1- لكن هل أكيد ام الربيان هي نفسها الاستيكوزا ؟؟ انا مالي خبرة في البحريات .... لكن اسمع بها
================
2- كان الأفضل أن تستعمل برنامج لتصغير الصور - لكي تنزلها بأحجام صغيرة و يسهل تنزيلها و يسهل فتحها من الأعضاء - خصوصا عندما يكون النت بطيئة
===============
و بإمكانك تنزيل البرنامج التالي لتصغير الصور بنفس جودتها من أحجام 300 كيلو الى 40 ك أو اقل
==========
التحميل : افتح الصفحة التالية ثم اضغط على (( تحميل البرنامج ))
http://download.phroon.com/file.asp?item_id=9536
=======
و بعد اكتمال التحميل قم بتشغيل البرنامج و هو خفيف و سريع جدا - و سهل الاستخدام
===========
تحياتي

[AL - FAHAD]

أخوي فل أوبشن حياك الله وشكراً على مرورك أخوي..
وبالنسبة لسؤالك : طعمها بين طعم الربيان وعكرة الضب ههههههههههههههه وأنت احكم بتكون لذيذة ولا لا :)

==========

أخوي كنترول حياك الله ومشكور على المرور والتعقيب..
1. نعم الاستاكوزا هي أم الربيان. شكلها ربيانه كبيره :)
2. بالنسبة لموضوع الصور المعذرة يخوي تخبر عضو جديد في المنتدى عليمي..لكن أبشر في المواضيع القادمة بسنع الصور مراعاة لأصحاب الاتصال البطيء :)

[rado]

هذا اسمه ابو مخايط

[كياف]

حلووووووووووة (( بعد غسيل البستم ))!

عافاك الله على هالمشاركة..

[AL - FAHAD]

أخوي rado والله أول مره أسمع الاسم اللي أنت قلته ... يمكن يسمونه كذا في بعض البلدان لكن...اللي اعرفه عنه ناس يسمونه ( أم الربيان ) وهو معروف بـ الاستاكوزا..
تحياتي لك عزيزي وألف شكر ع مرورك وتعليقك..

[AL - FAHAD]

أخوي الكشيت...حلت دنياك
وبإذن الله القادم أحلى :)

تحياتي لك وألف شكر على مرورك