موسى بن عيسى
10/09/2007, 10:08 AM
واهني اللي تقدم في اجازه داخليه
شهر من عرض الرصيد ولاتأثر في حسابه
قدم اوراقه وسجلها ضروره عائليه
مايبي دوخة دوام ولاابن امه درابه
من بدايات الربيع وبالمطر لاواهنيه
عادته يبهج خفوق(ن)لابتهج يكسب ثوابه
جهز العزبه بجمس شد حروات ضحويه
والجماعه يحترونه ومحفوفه بالغرابه
مالفى الا الجماعه يحتونه في مجيه
جاهزين بالخيام وكل محضر زهابه
لمتن فيها طبيعي محد يخلي خويه
كلهم واحد ولافي من يرفع في جنابه
حركوا يوم الله سهل وسلكوا درب سويه
محتفين بلمتن واللي لفاهم ياهلابه
اربع جموس وجيب(ن)كنهم صفة سريه
اقطعوا درب الخباري وهزعوا غربي هضابه
في فياض الله الوسيعه كلها بالحمد ريه
بها من عشب لاونه ينسدح ورع(ن)غدابه
والورود اللي تشكل كنها في مزهري
هوالعصافير تخالف وقتها لحن وطرابه
والخضار الي تقول مفصل بارض زوليه
خلقة الله العظيم وقدرته مهي غرابه
وقفوا كل المواتر وانزلوا بارض نديه
والتفازع بيد وحده لين تموها الذيابه
ودون ماغاب الشفق تالي زوال المغربيه
الوتد مطقوق بارض لخيمتن مست طنابه
يانديبي ماتشوف ان العرب بالعون حيه
يوم شبوا من حطب نار لهيبه يقتدابه
جلستن فيها تجمع تسعد العين الشقيه
جهز اصغرهم ثلاثه في وصايفهن تشابه
من معاميل جلبها كيف طنخات بدويه
تردع اللي ماعرف للمرجله صدر الرحابه
ركد بنار تاكد من سناها مستويه
فوق منها دلة فارة على من رد بابه
والقدوع منزلينه في عذوق السكريه
والرذاذ اللي يرطب جلسه بنسمة ضبابه
والبريق اللي تفوح شيحه ويركد شويه
جاهز لاشك يتنى لاتقهووا دار مابه
والقصايد لاتقهووا والملاغز والحزيه
والعلوم اللي يونس ليلها جر الربابه
ولاهدا وبل المخايل وارتوى القيعان ميه
جتها من فضل الكريم محملها سودا سحابه
ترعد ليا هل مزن يغسل أثام الخطيه
تبر ق وكن المطر فجر من الفرحه غيابه
عزته كلما ذكرته وانا موسى ماتهيه
لاني ماعندي اجازه الا كان انها نهابه
ينقضي كل الربيع ولاتجينا الموسميه
الا والرطوبه نتمنى فيها لو يومن طلابه
الاجازه ماتعرف بها لرطوبه اولويه
من يشوف الصيف هذا زين مايرمي ثيابه
قلت ابي اكتب قصيده والتقط صوره فوريه
واتبرد من هواها لوني من اكد ريابه
المهم اني اغمض واتناوش بندقيه
من خيالي واقعد ارمي من فشق ابو شبابه
واتقنص على كيفى وامتطي فوقالمطيه
واحضر الراعي واخلي تسرح بجنبه دوابه
ومستعد ارجع زمان ماضين بالجاهليه
والجسد يبقى مكاني وانا في عهد الصحابه
بس من افتح عيوني وارجع امسحهن بيديه
القى نفسي في مكاني وانقل احلامي كتابه
.
الشميلاني موسى بن عيسى
التوقيع
[انا اللذي من معهد الحزن خريج - ---------- غفلت عن ر مح الزمان وطعني
الشميلاني [aboessa2000@hotmail.com
شهر من عرض الرصيد ولاتأثر في حسابه
قدم اوراقه وسجلها ضروره عائليه
مايبي دوخة دوام ولاابن امه درابه
من بدايات الربيع وبالمطر لاواهنيه
عادته يبهج خفوق(ن)لابتهج يكسب ثوابه
جهز العزبه بجمس شد حروات ضحويه
والجماعه يحترونه ومحفوفه بالغرابه
مالفى الا الجماعه يحتونه في مجيه
جاهزين بالخيام وكل محضر زهابه
لمتن فيها طبيعي محد يخلي خويه
كلهم واحد ولافي من يرفع في جنابه
حركوا يوم الله سهل وسلكوا درب سويه
محتفين بلمتن واللي لفاهم ياهلابه
اربع جموس وجيب(ن)كنهم صفة سريه
اقطعوا درب الخباري وهزعوا غربي هضابه
في فياض الله الوسيعه كلها بالحمد ريه
بها من عشب لاونه ينسدح ورع(ن)غدابه
والورود اللي تشكل كنها في مزهري
هوالعصافير تخالف وقتها لحن وطرابه
والخضار الي تقول مفصل بارض زوليه
خلقة الله العظيم وقدرته مهي غرابه
وقفوا كل المواتر وانزلوا بارض نديه
والتفازع بيد وحده لين تموها الذيابه
ودون ماغاب الشفق تالي زوال المغربيه
الوتد مطقوق بارض لخيمتن مست طنابه
يانديبي ماتشوف ان العرب بالعون حيه
يوم شبوا من حطب نار لهيبه يقتدابه
جلستن فيها تجمع تسعد العين الشقيه
جهز اصغرهم ثلاثه في وصايفهن تشابه
من معاميل جلبها كيف طنخات بدويه
تردع اللي ماعرف للمرجله صدر الرحابه
ركد بنار تاكد من سناها مستويه
فوق منها دلة فارة على من رد بابه
والقدوع منزلينه في عذوق السكريه
والرذاذ اللي يرطب جلسه بنسمة ضبابه
والبريق اللي تفوح شيحه ويركد شويه
جاهز لاشك يتنى لاتقهووا دار مابه
والقصايد لاتقهووا والملاغز والحزيه
والعلوم اللي يونس ليلها جر الربابه
ولاهدا وبل المخايل وارتوى القيعان ميه
جتها من فضل الكريم محملها سودا سحابه
ترعد ليا هل مزن يغسل أثام الخطيه
تبر ق وكن المطر فجر من الفرحه غيابه
عزته كلما ذكرته وانا موسى ماتهيه
لاني ماعندي اجازه الا كان انها نهابه
ينقضي كل الربيع ولاتجينا الموسميه
الا والرطوبه نتمنى فيها لو يومن طلابه
الاجازه ماتعرف بها لرطوبه اولويه
من يشوف الصيف هذا زين مايرمي ثيابه
قلت ابي اكتب قصيده والتقط صوره فوريه
واتبرد من هواها لوني من اكد ريابه
المهم اني اغمض واتناوش بندقيه
من خيالي واقعد ارمي من فشق ابو شبابه
واتقنص على كيفى وامتطي فوقالمطيه
واحضر الراعي واخلي تسرح بجنبه دوابه
ومستعد ارجع زمان ماضين بالجاهليه
والجسد يبقى مكاني وانا في عهد الصحابه
بس من افتح عيوني وارجع امسحهن بيديه
القى نفسي في مكاني وانقل احلامي كتابه
.
الشميلاني موسى بن عيسى
التوقيع
[انا اللذي من معهد الحزن خريج - ---------- غفلت عن ر مح الزمان وطعني
الشميلاني [aboessa2000@hotmail.com