المساعد الشخصي الرقمي

مشاهدة النسخة كاملة : مابعد اكلتو دخل ولاتطعمتو فيه صح( بطريقتي الخاصة )


ضحية بيشة
10/09/2007, 12:22 PM
ادماااااااااان ياشباب قسم بالله هلوسه لو تذوقون الدخل بطريقتي الخاصه

طبعا يمكن احد يعرفها كيفه بس والله طريقتي جديده ومميزه ويشهدالله ان كل من جربها جلس يهذري فيها من زينها

المهم اللي يبي يجربها يجهز الدخل منتوف الله لايهينه ويدق علي مو عشان اسويه له بس ولا عشانت ناكل دخل بس عشان الجمعه والتعارف ولاانا غلطان

شرط الدخل يكون شحيمي والله يااخوان ان الصيد بالطبخ يعني حرام تتعب وترمي ويجيك واحد يبربس عليك

صيدك لاكن معي مالكم هم والله ماتاقف بنادقكم لو تذوقون طبخي والحمدلله واثق من نفسي وشكرا

اللي من خارج الرياض ياشباب رجاء عدم الاحراج ويمكن يكون فيه مكرمه بقرب رمضان ونعطيهم الطريقه
ضحية بيشة
10/09/2007, 04:14 PM
مافيه ولاواحد كريم قال حياك انت وطبختك؟

شو هالمكشاتيي؟؟؟

والله بعطيكم الطريقه مجانا بس ماشفت تفاعل شكل الدخل بححححححححح
ابو مشعل 1
10/09/2007, 04:40 PM
حياك الله اخوي حتى بدون الطبخه


عطنا الطريقه لاهنت ياذيبان
كياف
11/09/2007, 10:16 PM
الله يحييك ويسلمك ويامرحبا و يا مسهلا و .. و...

عطنا الطريقة لاهنت!!
عرق دقله
11/09/2007, 10:41 PM
السلام عليكم اخوي الدخل في الفريزر أنتظر الطبخه
الضاري
11/09/2007, 10:50 PM
على الأقل لو صوره للطبخه يابن الحلال :)

شوقتنا مررره لهالطبخه !!!
mrayman
12/09/2007, 11:23 AM
للحين ما سويتها طيب اعطيك طبختي وتعطيني طبختك هههههههههههههههههه

ولا اقولك بلاش ان شاء الله اني كريم وانت تستاهل هذي طبختي

خذلك دخل شحيمي ورصه في الصينيه مع ملح مع بهاراتك الي تبي وخله لين ينجح ويطلع مرقه

وسوا لك رز صافي مافيه شيء وبعدين خذ المرق الي بالصينيه وشبع الرز فيه بعد ما يخلص الرز .

ان شاء الله تبي تدعيلي ولراعي الوصفه <= منقولة للأمانة

وسلامتك
ضحية بيشة
12/09/2007, 09:51 PM
بعطيكم طبخة الكيكه او الطرطه طبعا هذي لعيون ابو مشعل وهي انك تطبخ الدخل واذا نجح تطلع المويه وتخلي الدخل مع البصل والزيت والمويه برا طبعا وتكون منقع الرز بالمويه الحاره مره تحط الرز على الدخل بعدين تحط المويه حقت الدخل فوق الرز وتخليها تاخذ قلبتين على السريع بحيث ان الرز يكون متشبع مويه من قبل ومرقة الطيور قليله يادوب تغطي الرز وزياده شوي واذا قلب الرز خلاص حط قصدير واكتمه زين واقصر له مرره والله ياشباب تطلع مقلوبه او طرطه على كيف كيفكم طبعا تقلب القدرعلى الصحن وترفعه ويطلع الرز تحت والدخل والبصل فوق ياسلام والطريقه هذي ياشباب اللي يميزها ان الزيت بصراحه تشوفه بشكل رهيب جدا وحبة الرز خاصه اذا كان المهيدب بشاور تشوفها كبيره مره ودسمه والبصل طبعا يفضل البصل الابيض ويكون كثير وتقطيع جوانح وبالعافيه

اما عاد الطريقه اللي عليها الكلام اليوم سويتها لواحد من الشباب قسم بالله انه يقول اول مره بحياتي احس اني اكلت دخل ابو مشعل وين اللي وعدتني بقسم الملاحه انتظر اتصالك ولك مني اعطيك الطبخه
ابو مشعل 1
12/09/2007, 09:58 PM
السلام عليكم ورحمة الله وبركاته


الله يبيض وجهك


اخوي ضحية بيشة


وبارك الله فيك على شرح الطريقه


اما ماوعدتك فيه من اعيوني يالغالي بس انا هالحين بعيد اشوي بالساحل وراجع ان شاء الله 10 رمضان وتواصل معكم عن طريق مقهى للانترنت


وتقبل تحيات اخوك
ابومشعل
ضحية بيشة
13/09/2007, 01:18 AM
وجهك ابيض يابو مشعل والله يوفقكم بالمقناص ويردكم سالمين غانمين

أمانه ياابو مشعل اذا احتجت اي شيء سواء كنت بقيال او بينبع ان تبلغني ترا المحلات هذي لعبتي من زمان

اليوم والله ياابو مشعل ضيعت وانا قريب من الرياض وابشرك صيدنا زين ولك رساله على الخاص سبشل
winchester
13/09/2007, 01:34 AM
أفضل طريقه لدخل جربتها
الادوات 1. دخل (شيوخ) منتوف.
2. فحم أو حطب رمث أو سدر.
3. ملح.
4. أسياخ شوي.
5. براد شاي سكر زياده.
6. خبز مدفـاء على الجمر.
الطريقه:
شوي مثل شوي الكباب.

النتيجه:
تأكل الدخل بعظامه



دمــتم بود
ضحية بيشة
13/09/2007, 01:44 AM
الكشيت والمشرف الضاري وراكم ياكافي صاكين الباب بوجهي برسل لكم الطريقه ولقيتكم مقفلين لانها خاصه باللي يردون علي بس هههههههههههههه
ضحية بيشة
13/09/2007, 01:46 AM
الضاري مشرف الحياة الفطريه والله لو اعطيك الطريقه ان تكون سبب في انقراض الدخل الله يسعدك ههههههههههههههههه