كيف استخدم هالقفص للطرح (يوجد صوره)

[mej]

السلام عليكم ورحمة الله وبركاته

هذا القفص من والعضو ابو شيخه يقول استخدمه للطرح و حط الجرابيع فيه

وهاذي مشاركته واضافته جزاه الله خير

http://www.mekshat.com/vb/showpost.php?p=1112183&postcount=6 (http://www.mekshat.com/vb/showpost.php?p=1112183&postcount=6)



http://www.mekshat.com/pix/upload/images47/mk40160_mk48272_tr-123.jpg



احب اسأل وين اقدر احصل مثل هالشبك مع العلم اني بالدمام او اي مكان بالمنطقه الشرقيه؟؟؟؟؟

واخيرا واهم شي بالنسبه لاستخدامه؟؟؟بس احط الجرابيع بداخله والطير يهد على القفص في الارض؟؟؟؟

ارجو التوضيح بارك الله فيكم اخواني اعضاء مكشات وشاكر لكم

[مبحوح الحروف.]

http://www.rahimh.com/Video/sheriasweb.rm

تفضل اخوي

انت اذا شفت طير تجي وتقرب منه بس مو قريب حيل يعني يكون المكان واضح للطير طبعا يكون الطير من جهة السايق واللي جمب السايق يفتح الباب وينزل الشبك بدون لايشووفكم


بعدها تبعد وتخلي القفص بينك وبين الطير يعني وجه السياره يكون على الشبكه بعدها الطير الانه الطير كل انتباه عليك فا يشوف الجربوع وتعطيه فترة وان شاء الله يهد وان ماهد ابعد عنه شوي وتشووفه هاد

وترا هالطريقه ( للبواشق) اللي اكثر شي يستخدومنها للنقل ويمكن تهد عليه شيهانه فرخ



واي شي تبيه انا حاضر بشبك الطيور


دعواتكم بطررح الطيرر :)


مبحوح الحرووف

[mej]

مبحوح الحروف الله يعطيك العافيه

المقطع لوحده يغني عن موضوع كامل ولا نستغني عن خبرتك

1- الي بالشبك هذا جربوع؟؟؟؟لان شكله ارنب لانه كبير شوي؟؟؟؟واذا ارنب اي افضل برايك ينحط بالقفص جرابيع او ارنب؟؟

2- وين اقدر احصل مثل هالشبك في الشرقيه يكون فيه عيون في اعلاه فوق عشان تشبك الطير؟؟؟؟

والله يعطيك الف الف عافيه

[مبحوح الحروف.]

http://www.mekshat.com/pix/upload/images47/mk61397_m.jpg


.

http://www.mekshat.com/pix/upload/images47/mk61397_m2.jpg



هذى صور الشبكه وتلاحظ انه في عازل حتى لايستطيع الطير مسك الجربوع


الاجابه عن اسألتك

1- نعم ياخي العزيز انه جربوع وتلاحظ انه في اخير المقطع حجم الجربوع بالنسبه للباشق


2 - عند محلات بيع الصقور وتقيض الصقور توجد عندهم عدت الشبك واهل الشرقيه ادرى بمحلاتهاا


وارجع واقول اللي بالشبك جربوع :)

[الكريزي]

موجود الشبك في محلات الصقور في 91 في الدمام

واخبر ان قد شريته من محل ابوسعود اللي جنب محل ثقل بن محماس

[mej]

مبحوح الحروف وارجع واقول الله يعطيك العافيه شرحك وافي وصور نادره والله

بيض الله وجهك

[mej]

الكريزي جزاك الله الف خير وكثر الله من امثالك

[ولـد الدوادمي]

أخوي mej

تحصلها طالعمرك عند القرناس بالدمام في 91 وبئذن الله راح تلقا الي يسر عينك

أخوك
ولد الدوادمي

[الاشعل 316]

الربع ما قصرم

اخوك ابو سطام

[mej]

ولد الدوادمي

الاشعل

الله يعطيكم العافيه على المرور

[قلب شاهين]

الأخوان افادوك ،،

تحياتي / قلب شاهين ،،

[ابو شيخة]

الاخ mej الله يجزاك خير وودي تروح لموظوع اخونا خيال الصبحا يمكن يروي عطش اسئلتك وهذا هو الموظوع بسم الله الرحمن الرحيم
السلام عليكم ورحمة الله وبركاته
كيف حالكم يااهل مكشات؟ان شاء الله بخير
اليوم راح اكتب موضوع ماراح أسأل ههههههههههه
إذا شفت طير وحش كيف تطرحه؟؟الطرق كثيرة ولكن ابي
احاول اشرح لكم الشيء الي اعرفه والي اقدر عليه ، والشيء الي
مااعرفه اتركه لكم ..طبعًا قبل لا أبدأ أفضل وقت لشبك الطيور هو بعد
الفجر(يكون الطير توه ماصاد شي ويدور العلف)
1-لو كان الطير صايد حمامه او سمانه أو فاره أو أي شيء ثاني ماعليك بهالحالة
الا انك تلحقه بالسيارة ماتخليه ياخذ فرصة انه يوكر وياكل الصيده الي معه ، بعد شوي
من طرده راح يرمي صيدته ويكمل طيرانه ، أنت وقف على الصيده الي رماها ولبسها شبكه
(أي نوع من أنواع الشبك)وأن كان الشبكه مربوط بها ثقاله أحسن(الثقاله هي حصاه أو حديده
أو اي شي ثقيل تربط الشبكه به على شان مايطير بها الطير)وبعد ماتلبس الصيده شبكه ابعد عنها وانتظر
راح تلاحظ ان الطير يرجع لها بعد شوي وأن رجع لها ونزل عليها أنت اركب السيارة ودر عليه من بعيد
لبعيد(خذ عليه دوره كامله أو نص دوره)وبعدها سق عليه وان شاء الله تلقاه متعلق بالشبك(فايدة الدوران هي
على شان يتحرك الطير وتضمن انه تعلق بالشبكه)
2-لو مرك طير بالسماء(ماهو صايد شيء ولكنه طاير)أسبقه بالسيارة وارم(احذف)له سمانه او حمامه(بدون شبكه)
وابعد عنه ، أن هد عليها وصادها هذا هو المطلوب وان ماصادها يخلف الله على الحمامه(لو كان بالحمامه شبكه وماصادها
الطير وش تسوي ؟؟ على شان كذا ارمها بدون شبكه أن صادها او تطير وماتعذبها)المهم ان صادها خله شوي لين يذكيها
ويذوق الدم ، لاذاق الدم الحقه بالسياره لين يرميها ولبسها شبكه ... الخ(مثل النقطة رقم 1)
3-لو لقيت طير موكر على حزم وش تسوي؟؟أرم له سمانه أو جربوع أو فاره(والطيور تستانس على الجرابيع والفيران)أو
قطا أن كان معك ، طبعًا الي ترميه له يكون بشبكه وثقاله واطلب الله انه يهد عليها
4-لو لقيت طير قبل تغيب الشمس وش تسوي؟؟حاول معه بالطرق السابقة أن مشى الحال خير على خير ، ولكن أن
غابت عليك الشمس وانت ماطرحته وش تسوي؟؟عندك احد حلين : الأول أنك تحتريه للفجر وقبل يطلع النور ارم له
السمان والجرابيع لان بعض الطيور يطير على طلعت النور على شان كذا لازم تكون انت راميهن له من بدري.
والحل الثاني أنك تطرحه بالليل بالمخدجه(المخدجه هي حديده طويله براسها حديده دائرية وشبكه مثل الي مع صيادين
الحشرات وبعض صيادين السمك)وطريقتها انك تسري للطير بدون صوت(ان كان عليكم هوى نزل ثوبك على شان
مايخرفش)وأمش شوي شوي لين يبقى على الطير شوي (على طول المخدجه الي معك)واذا قربت منه ان شاء الله تصيده
(أظن انه لازم يكون معك كبس وتوجهه على الطير وتقرب منه لين تصيده على شان مايشوفك)

طبعًا كل الحالات السابقة لو كان مامعك طير ، ولكن لو كان معك طير تقنص به ولقيت طير وحش وش تسوي ، أظن
ان الصقاقير يعرفونها على شان كذا ماني ذاكر الطرق على شان ماأطيل الموضوع ، هذا وماأصبت فيه فمن الله ، وما
أخطأت فيه فمن نفسي والشيطان ، وعدلوا لي ان كاني اخطيت بشيء ، وشكرًا

[hawwamT]

الاخ mej الله يجزاك خير وودي تروح لموظوع اخونا خيال الصبحا يمكن يروي عطش اسئلتك وهذا هو الموظوع بسم الله الرحمن الرحيم
السلام عليكم ورحمة الله وبركاته
كيف حالكم يااهل مكشات؟ان شاء الله بخير
اليوم راح اكتب موضوع ماراح أسأل ههههههههههه
إذا شفت طير وحش كيف تطرحه؟؟الطرق كثيرة ولكن ابي
احاول اشرح لكم الشيء الي اعرفه والي اقدر عليه ، والشيء الي
مااعرفه اتركه لكم ..طبعًا قبل لا أبدأ أفضل وقت لشبك الطيور هو بعد
الفجر(يكون الطير توه ماصاد شي ويدور العلف)
1-لو كان الطير صايد حمامه او سمانه أو فاره أو أي شيء ثاني ماعليك بهالحالة
الا انك تلحقه بالسيارة ماتخليه ياخذ فرصة انه يوكر وياكل الصيده الي معه ، بعد شوي
من طرده راح يرمي صيدته ويكمل طيرانه ، أنت وقف على الصيده الي رماها ولبسها شبكه
(أي نوع من أنواع الشبك)وأن كان الشبكه مربوط بها ثقاله أحسن(الثقاله هي حصاه أو حديده
أو اي شي ثقيل تربط الشبكه به على شان مايطير بها الطير)وبعد ماتلبس الصيده شبكه ابعد عنها وانتظر
راح تلاحظ ان الطير يرجع لها بعد شوي وأن رجع لها ونزل عليها أنت اركب السيارة ودر عليه من بعيد
لبعيد(خذ عليه دوره كامله أو نص دوره)وبعدها سق عليه وان شاء الله تلقاه متعلق بالشبك(فايدة الدوران هي
على شان يتحرك الطير وتضمن انه تعلق بالشبكه)
2-لو مرك طير بالسماء(ماهو صايد شيء ولكنه طاير)أسبقه بالسيارة وارم(احذف)له سمانه او حمامه(بدون شبكه)
وابعد عنه ، أن هد عليها وصادها هذا هو المطلوب وان ماصادها يخلف الله على الحمامه(لو كان بالحمامه شبكه وماصادها
الطير وش تسوي ؟؟ على شان كذا ارمها بدون شبكه أن صادها او تطير وماتعذبها)المهم ان صادها خله شوي لين يذكيها
ويذوق الدم ، لاذاق الدم الحقه بالسياره لين يرميها ولبسها شبكه ... الخ(مثل النقطة رقم 1)
3-لو لقيت طير موكر على حزم وش تسوي؟؟أرم له سمانه أو جربوع أو فاره(والطيور تستانس على الجرابيع والفيران)أو
قطا أن كان معك ، طبعًا الي ترميه له يكون بشبكه وثقاله واطلب الله انه يهد عليها
4-لو لقيت طير قبل تغيب الشمس وش تسوي؟؟حاول معه بالطرق السابقة أن مشى الحال خير على خير ، ولكن أن
غابت عليك الشمس وانت ماطرحته وش تسوي؟؟عندك احد حلين : الأول أنك تحتريه للفجر وقبل يطلع النور ارم له
السمان والجرابيع لان بعض الطيور يطير على طلعت النور على شان كذا لازم تكون انت راميهن له من بدري.
والحل الثاني أنك تطرحه بالليل بالمخدجه(المخدجه هي حديده طويله براسها حديده دائرية وشبكه مثل الي مع صيادين
الحشرات وبعض صيادين السمك)وطريقتها انك تسري للطير بدون صوت(ان كان عليكم هوى نزل ثوبك على شان
مايخرفش)وأمش شوي شوي لين يبقى على الطير شوي (على طول المخدجه الي معك)واذا قربت منه ان شاء الله تصيده
(أظن انه لازم يكون معك كبس وتوجهه على الطير وتقرب منه لين تصيده على شان مايشوفك)

طبعًا كل الحالات السابقة لو كان مامعك طير ، ولكن لو كان معك طير تقنص به ولقيت طير وحش وش تسوي ، أظن
ان الصقاقير يعرفونها على شان كذا ماني ذاكر الطرق على شان ماأطيل الموضوع ، هذا وماأصبت فيه فمن الله ، وما
أخطأت فيه فمن نفسي والشيطان ، وعدلوا لي ان كاني اخطيت بشيء ، وشكرًا

هو وين بس هالطير الوحش...ماشفناه من سنين...تحياتي وشكرا لهذه المعلومات

[mej]

قلب شاهين شاكر لك مرورك

ابو شيخه شاكر ومقدر مرورك..شكرا

هوام شاكر لك مرورك