المساعد الشخصي الرقمي

مشاهدة النسخة كاملة : تكفون الفزعه بخصوص المدينه المنوره - عفيــف


المميـز
10/09/2007, 10:23 PM
السلام عليكم

انا حاليا متواجد في عفيف

وجيت عفيف عن طريق المدينه المنوره - القصيم السريع

ولكن قبل القصيم بحوالي 100كم فرقت من مفرق النبهانيه والى الرس وبعدها الى البجاديه وبعدها الى عفيف

ولكن الطريق طووووويل جدا ومجموع المسافه 755كم

سألت اهل عفيف عن اقرب طريق وقالوا

عن طريق ( ردميت البيب ) او طريق المهد !!!!

ولكن ما اعطوني شيء اكيد واانا قلت مالي الا الله ثم انتم

اذا كان فيه احد ماشي مع الطريق يقولي وضع الطريق ومن وين وكم طول الطريق تقريبا ؟؟؟



ان شاء الله ان العلم الاكيد عندكم ,,,
ثعل البرد
10/09/2007, 10:50 PM
حياك الله أخي المميز



النقاط التالية ربما تفيدك :


1- إذا وصلت مفرق النبهانية وفرقت للنبهانية ومشيت (تعديت النبهانية متجه للشرق) يجيك مفرق يمين ((الهمجة - خضراء - بدائع الضبطان - مسكه - وغيرها من الديار والقرى )) أفرق معه واتجه إلى ضرية من خلال اللوحات ... الطريق سهل وواضح وإذا وصلت ضرية أمسك طريق عفيف الجديد (اسأل عنه)


هذا الطريق أقرب من البجاية بكثير يطيح بالنسبة لك حوالي ساعة أو أكثر وأنا مجربه وهو مسفلت كله .



2- بالنسبة للسفر عبر ردمية خط الأنابيب فأنصحك أنك تتجنبها لأنها تبي تدمر موترك بكثرة المطبات والبطانيج أما إذا كنت مضطر فخط البيب تجده جنوب ضرية حوالي 50 ك جنوب قرية كبشان وأعتقد أنك تستطيع الذهاب لعفيف من عند قرية الأشعرية يكون أقرب من قرية كبشان




هذه خريطة ربما توضح لك قليلاً وأعذرنا على القصور :


http://www.mekshat.com/pix/upload/images47/mk19960_fig-081.jpg




وهذا موقع خرائط ربما يفيدك



http://www.athagafy.com/maps (http://www.athagafy.com/maps)













ـــــــــــــــــــــــــــــــــ
المميـز
10/09/2007, 11:02 PM
الله يجزاك خير اخوي .-* ثعل البرد *-.

عز الله انك ماقصرررت

سمعت بالطريق اللي قلت لي عنه ومسافته تقريبا على ماسمعت 600كم

بس ردمية البيب يقولون 290كم الى المدينه <<<< الصراحه تغري

وانا الحين ولله الحمد توظفت في عفيف يعني كل اسبوع رايح جاي وجالس ادور عن اقرب طريق

ومثل ماقلت لك وفيه ناس ذكروا خط المهد ولكن الى الان ماقابلت احد مشى معه

انا الحين لي اكثر من نص ساعه ادور عفيف بقوقل ايرث عجزت القاها :d
خوي النشاما
10/09/2007, 11:50 PM
سلام اخوي المميز
الطريق 3 ساعات من عفيف
تمشي شرق عفيف 5كيلو يجي مفرق الى الحماده بعد 5كيلو من عفيف تتجه شمال بعد حوالي 25 كم يجي مفرق
يسار الى صقراه والخظرا ومحامه بن زريبه تمشي حوالي 30كم يجي خط البيب قبل محامه بن زريبه تمشي يسار حوالي 25كم تجي محطه البيب رقم 9 بعدها 5كم تلف يمين حوالي 15كم تجيك قريه اسمها الهميجه
تاخذ الخط من عندها ملاحظه = من محامه بن زريبه الى الهميجه الطريق صحراوي نكمل تمشي يجيك
حرف تي T يمين طلال يسار ثرب تاخذ يمين الين يجيك خط القصيم المدينه السريع وارجو اني افدك وافت اخواني الاعضاء وهذا افضل طريق للمدينه عفيف الين يكمل الطريق الثاني عفيف المهد ويكون افضل
وشكرآ
ابـ معزي ـو
06/11/2007, 08:07 PM
اخوي : المميز
حي الله ولد الديره ..
انا عندي لك طريق قريب مرررره ..
بس ترا 50 كم . زفلت والباقي صحراء .. الله يعينك .
هذا ياطويل العمر وانت طالع من عفيف متجه للحجاز .. يجيك المفرق بعد (( دله )) لتعليم القياده .. تشوف وصلة الزفلت يمينك .. امسك الوصله ذي لين تعداء لك يمكن 4 او 5 هجر .. وتلقاء باقي الطريق ممهد لين تقول سلام يامهد الذهب .. ومن مهد الذهب اسأل عن طريق المدينه الجديد .. وتبي تاصل مرادك ..

تقبل تحياتي
اخوك : سلطان الهاجري
ابـ معزي ـو