برادو
11/09/2007, 08:32 AM
السلام عليكم
يا جماعة الخير ودي افتح موضوع للمشاركه علنا نصل لحل أو على القليله نفضفض شوي إسمح لنا يا مشرف الموضوع مو مكشاتي بس مهم.
يا جماعة الخير السواقه عندنا صايره متعبه جدا الناس ماتحترم بعض ولا تحترم قواعد المرور أبد. الشوارع صايره ترفع الضغط الناس كأنها تتحدى بعض وتضايق بعض ليه طيب؟ هل غياب الرقيب له دور؟ هل احترام المواطنين لبعض غير موجود؟
باليل شباب بس تفرفر ولا عندها شغله الا المساقط ومضايق الناس وكل سياره فيها واحد والا اثنين! الصباح شياب يسوقون كأنهم بزران تعطيه اشارة تجاوز يسقط عليك ويحدك كأنك سابه ليه؟؟
البزران قلنا ماتربوا طيب هالشياب شسالفتهم؟ والله عيب من جد شي يفشل. بعض الأحيان الأمور هذي تصير قدام الدوريات ولا كأن الأمر يعنيهم تدرون ليه لأن راعي الدوريه مثلهم يحد ويضايق الناس ان كان رسمي ولا مدني.
اللي من جد ودي اعرفه ليه الأشاره عندنا تعتبر استفزاز وانك تتجاوز قدام احد يعتبر اهانه لازم توخر عن طريق اي واحد مسرع ولا بيصدمك لأن ما عنده بريك واذا ما وخرت بينشبلك نص ساعه مساقط وتحدحد لين تمل. هل هو اثبات سواقه؟ ياخي كل الناس تعرف تسوق مو بس انت! شسالفه؟؟
في يوم من الأيام تجاوزت وكان وراي واحد راعي كامري مستعجل حيل ولصق بالجيب من ورا لين صرت ماشوفه راح تحت الزجاجه يعني لو ألمس البريك بيدخل بالإستبنه. المهم يوم تجاوزت فتحت له الطريق وجا جنبي ويهاوش ويشر وعيونه كلها شر شفيك ياخي عسى ماشر وين جالسين قلت يمكن غلطت على الرجال اشرت له شفيك وهو ينجن "اعوذ بالله من الشيطان" شجاه ذا الزبده وهو ينشبلي وراي وراي وتكبيس ودنيا لين وصلت البيت وقفت عند باب البيت وكلمته "خير يالطيب آمر" ولا الرجال مو طبيعي ماتشوف والناس مستعجله ومدري ايش قلت له لو انك فعلا مستعجل كا ما لحقتني للبيت صح ولا لا؟ المهم صفطه ودخلت البيت لأني حسيت بمنقصه اكلم بزر.
والمواقف كثيره كل يوم لابد يصير لك موقف اللي ودي اعرفه ليــــــــــــــــــــــــــــــــــــــــــــــــ ـــــــه عسى ماشر؟ المشكله العالم هذي تشوفها بأماكن ثانيه زي الألف اذا ساقت ماني قايل اذا راحوا اوروبا خلنا في البحرين والكويت والأمارات. قمه بالأدب والأخلاق يعني يعرف يتأدب ولا لا؟ ليه عندنا صاير عله ولا ماخذ راحته في ديرته؟
اتوقع الحل الشده والحزم في تطبيق النظام والعقاب الرادع هم الحل لجعل الناس تلتزم بالنظام وتحترمه
الختام مبروك عليكم الشهر والله كريم
يا جماعة الخير ودي افتح موضوع للمشاركه علنا نصل لحل أو على القليله نفضفض شوي إسمح لنا يا مشرف الموضوع مو مكشاتي بس مهم.
يا جماعة الخير السواقه عندنا صايره متعبه جدا الناس ماتحترم بعض ولا تحترم قواعد المرور أبد. الشوارع صايره ترفع الضغط الناس كأنها تتحدى بعض وتضايق بعض ليه طيب؟ هل غياب الرقيب له دور؟ هل احترام المواطنين لبعض غير موجود؟
باليل شباب بس تفرفر ولا عندها شغله الا المساقط ومضايق الناس وكل سياره فيها واحد والا اثنين! الصباح شياب يسوقون كأنهم بزران تعطيه اشارة تجاوز يسقط عليك ويحدك كأنك سابه ليه؟؟
البزران قلنا ماتربوا طيب هالشياب شسالفتهم؟ والله عيب من جد شي يفشل. بعض الأحيان الأمور هذي تصير قدام الدوريات ولا كأن الأمر يعنيهم تدرون ليه لأن راعي الدوريه مثلهم يحد ويضايق الناس ان كان رسمي ولا مدني.
اللي من جد ودي اعرفه ليه الأشاره عندنا تعتبر استفزاز وانك تتجاوز قدام احد يعتبر اهانه لازم توخر عن طريق اي واحد مسرع ولا بيصدمك لأن ما عنده بريك واذا ما وخرت بينشبلك نص ساعه مساقط وتحدحد لين تمل. هل هو اثبات سواقه؟ ياخي كل الناس تعرف تسوق مو بس انت! شسالفه؟؟
في يوم من الأيام تجاوزت وكان وراي واحد راعي كامري مستعجل حيل ولصق بالجيب من ورا لين صرت ماشوفه راح تحت الزجاجه يعني لو ألمس البريك بيدخل بالإستبنه. المهم يوم تجاوزت فتحت له الطريق وجا جنبي ويهاوش ويشر وعيونه كلها شر شفيك ياخي عسى ماشر وين جالسين قلت يمكن غلطت على الرجال اشرت له شفيك وهو ينجن "اعوذ بالله من الشيطان" شجاه ذا الزبده وهو ينشبلي وراي وراي وتكبيس ودنيا لين وصلت البيت وقفت عند باب البيت وكلمته "خير يالطيب آمر" ولا الرجال مو طبيعي ماتشوف والناس مستعجله ومدري ايش قلت له لو انك فعلا مستعجل كا ما لحقتني للبيت صح ولا لا؟ المهم صفطه ودخلت البيت لأني حسيت بمنقصه اكلم بزر.
والمواقف كثيره كل يوم لابد يصير لك موقف اللي ودي اعرفه ليــــــــــــــــــــــــــــــــــــــــــــــــ ـــــــه عسى ماشر؟ المشكله العالم هذي تشوفها بأماكن ثانيه زي الألف اذا ساقت ماني قايل اذا راحوا اوروبا خلنا في البحرين والكويت والأمارات. قمه بالأدب والأخلاق يعني يعرف يتأدب ولا لا؟ ليه عندنا صاير عله ولا ماخذ راحته في ديرته؟
اتوقع الحل الشده والحزم في تطبيق النظام والعقاب الرادع هم الحل لجعل الناس تلتزم بالنظام وتحترمه
الختام مبروك عليكم الشهر والله كريم