أول سالفة انزلها لكم بالصقارة ..

[خيال الصبحا]

بسم الله الرحمن الرحيم
السلام عليكم ورحمة الله وبركاته
كيف حالكم يااهل مكشات؟ان شاء الله بخير
اغلبكم يعرف ان الموسم هذا اول موسم لي بالصقارة
وعسى الله ييسر ، شريت شيهانه جبلية إيرانية فرخ تنقل بكر
قبل شهر وعشر ايام تقريبًا ، والطيرة شريتها بالمقيض(طبعًا مقيضه عند
ابو معيض"المري" وشريتها من طرفه)المهم اني يوم شريت الطيرة كان باقي
معها النايفة والطويلة ، وكنت متوقع انها رايح تتاخر ماتصفي ، وكنت احتري
متى ابو معيض يدق علي او يرسل لي رسالة يقول لي انها جاهزه او انها حذفت النايفة
ولكن مافيه فايدة ، ودقيت على ابو معيض بعد ماشريتها بحوالي اسبوعين اساله عنها وقال لي
لين الحين ماحذفت النايفة ، أنا بديت اتذكر قصيدة ابن فطيس وبديت احس بها والي يقول باولها
الله على الربطه يعين الصقاقير * * * الي تعد الريش وتعد الايام
وصراحة اني كنت متخوف من انها ماتصفي او تتاخر لإن ابو معيض ماعطاني خبر ، يعني الطيرة لين الحين
معها موس ونايفة ، وارسلت لابو معيض قبل يومين رسالة اقول
بشر يابو معيض وش باقي مع الطيرة = هي صفت الريش والا تو يالمري
أن كانها مصفيه ياجعلها خيره = وان كان باقي عساها تحذفه بدري
وابو معيض مارد(احتمال ان الرسالة ماوصلته لإن عندي جوال ماهو صاحي ، دايم ارسل رسايل ولا
توصل ، مثل يرسل لي احد رسالة يسال عن شي وارد عليه برسالة وبعد ساعة او ساعتين يدق يسال وش
صار اقول له رديت عليك برسالة يقول لي ماوصلت!!دايم تصير معي ، وفيه احتمال ثاني ان الرسالة وصلت
لابو معيض ولكن كان مشغول ولا رد)بعدها مابغيت ادق على ابو معيض بنفس الليلة واسالة لإني حسيت
اني زودتها شوي، ودقيت عليه البارح بالليل ويوم نشدته عن الطيرة وش باقي معها(انا لين الحين اقول باقي ريشتين
الموس والنايفة والظاهر اني ابنقلها مرقعه بهن)ولكن يوم سالت ابو معيض قال لي : الطيره حذفت النايفة والحين متعديه
النص ، يوم سمعت هالكلام وش اقول لكم ، شعور لا يوصف صراحة ، أنا من أول ناوي انقل الطيرة ثاني عيد حتى وان
كانها ماصفت ، ولكن هالخبر جاني مثل البشارة ، وأنا ماحولي صقاقير اعرفهم ، البارح ماودي الا اني اشوف ادمي يفهم
بالطيور من اخوياي واقعد اقول له الطيره حذفت النايفة والحين متعديه النص ومن هالكلام ، ولكن بما ان مالقيت احد
اسولف له البارح نزلت الموضوع لكم،واسف على الإطالة،وعقبال ماابشركم بصيد الطيرة ان شاء الله وشكرًا

[ولـد الدوادمي]

أخوي خيال الصبحا
يسرني باني أول من رد عليك بالموضوع
ويقول المثل دأمك من طرف أبو معيض بئذن الله أن تطبيحك بعالم الصقاره متساويه
ومبروك على الطير الله يطعمك من صيده ويكفيك شره
وبئذن الله انك راح تشوف الي يسر عينك وييشبعك أنت والطير
والفال للجميع

دمت بحفظ الله ورعايته

أخوك
ولد الدوادمي

[مران]

الله يبارك لك فيها وعلى البركه
وعقبال ماتجيب لنا علوم الكراوين
وعقبال الحرار انشاء الله
وعزا الله انك تستاهل
اخوك مران

[راكان 11]

ياخيال الصبحا

والله انك ذكرتني لأيام مضت لي اول ماصقرت الطيور وعجلتي عليها ولو ماصفت والا اهدها وهي توها وحش .... كل هذا من العجله الزياده

والله ثم والله انك رجال صاحب قلب كبير وصادق
انا من المتابعين لمواضيعك دائما وعرفت من كلامك مدى طيبة قلبك ونيتك الصافيه اللي مايخالطها تلاعب

وابشر ان شاء الله ان شيهانتك تبي تخلص وتنقلها .... وتقنص بها وتستانس .... وانت بصحه وسلامه

وان كانك عجل ابشر بالطير هالحين ... والله ثم والله اني صادق ولا نيب متراجع ابدا :no2:

الله يسعدك

[الاشعل 316]

ما شاء الله عليك يا خيال الصبحا

بس بيني وبينك خل بااااالك طويل

لان الصقاره تبغى لها طولة بال

اذا صرت عجل ترى ما تصقر صح

وان شاء الله فالك البحري والكروان والارنب

اخوك ابو سطام

[الحر جساس]

الله يباركلك فيها وعقبال الصيد والعلوم الزينه والله يوفقك دامك جديد,,,
وتنزل لنا مواضيع عنها ,,,, بعد الصيد ,,, بس لا تنسى الكميره نبي مقاطع وصور الله لايهبنك,,,
تحياتي,,,
اخوك ,,, دربي صعب

[المزروعي]

خيال صبحا .
إن كان الجبليه تأخرت أو ما حذفت الامواس لايتكدر خاطرك بتجيك جبليه فرخ توها مصيوده في بلادها (إيران) !!! بس عطنا العلم !

[المنصوووري]

لله يوفقك بالطير وترى الصبر زين

[راعي الناوي]

مادامك دخلت مجال الصقاره الله حطك في اول اختبار واللي هو الصبر ، والله يعينك على الصبر

[الوهـ قحطان ـاج]

اخو خيال الصبحا


اول شي اقوله لك الله يباركلك فيها ويعطيك خيرها ويكفيك شرها


وتشوف الصيد والفيد من وراها


واذا جات الكرواين نبي فعلها الزين تعالني ونشوف التحدي


والله يحيك عند اخوك الكبير ههههههههههه


تحياتي لك يالغالي

[وقاااااد]

حياك الله ياخيال الصبحا وسوالفك كلها زينه
والشيهانه بتحذف انشاءالله وتونسك بالعافيه
بس لاتشغلك عن البل
تقبل مروري
وقاااااد

[Falcon7]

عليكم السلام و رحمة الله و بركاته


بيض الله وجهك يا اخوي خيال الصبحا على هذا الموضوع الجميل مبروك على هذي الشواهينه الزينه خاصه اذا كانت من بومعيض و الله ان شاء أطيب خاطرك بمقناص زين

[طارق الحربي]

ابو نايف

الله يبارك لك في الطيره وتاكل من صيدها

ومادامها عند ابو معيض فما عليها خوف

تحياتي

[خيال الصبحا]

أخوي خيال الصبحا
يسرني باني أول من رد عليك بالموضوع
ويقول المثل دأمك من طرف أبو معيض بئذن الله أن تطبيحك بعالم الصقاره متساويه
ومبروك على الطير الله يطعمك من صيده ويكفيك شره
وبئذن الله انك راح تشوف الي يسر عينك وييشبعك أنت والطير
والفال للجميع

دمت بحفظ الله ورعايته

أخوك
ولد الدوادمي
الأخ ولد الدوادمي
هلا بك
والله يبارك فيك
وشاكر لك مرورك
وردك الكريم ، وهلابك

[خيال الصبحا]

الله يبارك لك فيها وعلى البركه




وعقبال ماتجيب لنا علوم الكراوين

وعقبال الحرار انشاء الله
وعزا الله انك تستاهل
اخوك مران




الاخ مران

اشكر لك مرورك
وردك الكريم ، وتستاهل
العافية ، وبيض الله وجهك على
دعوتك لي (بالحرار) وهلا بك

[خيال الصبحا]

ياخيال الصبحا


والله انك ذكرتني لأيام مضت لي اول ماصقرت الطيور وعجلتي عليها ولو ماصفت والا اهدها وهي توها وحش .... كل هذا من العجله الزياده

والله ثم والله انك رجال صاحب قلب كبير وصادق
انا من المتابعين لمواضيعك دائما وعرفت من كلامك مدى طيبة قلبك ونيتك الصافيه اللي مايخالطها تلاعب

وابشر ان شاء الله ان شيهانتك تبي تخلص وتنقلها .... وتقنص بها وتستانس .... وانت بصحه وسلامه

وان كانك عجل ابشر بالطير هالحين ... والله ثم والله اني صادق ولا نيب متراجع ابدا :no2:


الله يسعدك

الاخ راكان11
الله لا يهينك
وبيض الله وجهك
على ردك الجميل ، وبخصوص
الطويرة انا كنت ناوي اقنص بها عقب
رمضان حتى وان كانها ماصفت ، ولكن دام
النايفة متعديه النصيفة يعني ان شاء الله تكون مصفية
عقب رمضان ، والله يبارك لك بحلالك ، وبخصوص الطير
الله يبارك لك به ، انت كفيت ووفيت ويكفي انك عرضته علي ، ولكن
خلني على شويهينتي اتسلا بها ، واتعلم عليها ، وبيض الله وجهك ، وشكرًا

[خيال الصبحا]

ما شاء الله عليك يا خيال الصبحا





بس بيني وبينك خل بااااالك طويل


لان الصقاره تبغى لها طولة بال


اذا صرت عجل ترى ما تصقر صح


وان شاء الله فالك البحري والكروان والارنب


اخوك ابو سطام




الاخ ابو سطام

اشكر لك مرورك
وردك الكريم ، وان شاء
الله اني مطول بالي عليها
بس تخبر اول طير ودي انقله
بدري واتونس بها واتعلم عليها مع
اول الوقت ، والا من ناحية طول البال
مالك هم ،وتكفى لا تدعي لي بالبحريات ههههههه، وهلا بك

[خيال الصبحا]

الله يباركلك فيها وعقبال الصيد والعلوم الزينه والله يوفقك دامك جديد,,,





وتنزل لنا مواضيع عنها ,,,, بعد الصيد ,,, بس لا تنسى الكميره نبي مقاطع وصور الله لايهبنك,,,

تحياتي,,,

اخوك ,,, دربي صعب



الاخ دربي صعب

اشكر لك مرورك وردك
الكريم ، وبخصوص المقناص
كان الله وفق ابشر بصوره باذن
الله ، وهلا بك

[خيال الصبحا]

خيال صبحا .




إن كان الجبليه تأخرت أو ما حذفت الامواس لايتكدر خاطرك بتجيك جبليه فرخ توها مصيوده في بلادها (إيران) !!! بس عطنا العلم !



الاخ المزروعي

هلا بك
واشكر لك مرورك
وردك الكريم ، وبخصوص
الشيهانه الله يبارك لك بها ، وانت
ماقصرت كفيت ووفيت ،وبيض الله وجهك ،
وطويرتي ان شاء الله مايخلص رمضان الا وهي مصفية ، وشكرًا

[خيال الصبحا]

لله يوفقك بالطير وترى الصبر زين
الاخ ابو محمد
اشكر لك مرورك
وردك الكريم ،وحتى
انا اقول الصبر زين ههههه
وشكرًا

[خيال الصبحا]

مادامك دخلت مجال الصقاره الله حطك في اول اختبار واللي هو الصبر ، والله يعينك على الصبر


الاخ راعي الناوي
اشكر لك مرورك وردك
الكريم ، وعسى الله يعين ، وشكرًا

[خيال الصبحا]

اخو خيال الصبحا



اول شي اقوله لك الله يباركلك فيها ويعطيك خيرها ويكفيك شرها


وتشوف الصيد والفيد من وراها


واذا جات الكرواين نبي فعلها الزين تعالني ونشوف التحدي


والله يحيك عند اخوك الكبير ههههههههههه



تحياتي لك يالغالي


الاخ ابو هادي
حياك الله
وشاكر لك مرورك
وردك الكريم ، وبخصوص
التحدي فهو تحدي غير متكافى
والا واحد لين الحين مانقل الطير
ولا يعرف شي تتحداه هههههههههههه
على كل حال بيض الله وجهك ، وشكرًا

[خيال الصبحا]

حياك الله ياخيال الصبحا وسوالفك كلها زينه
والشيهانه بتحذف انشاءالله وتونسك بالعافيه
بس لاتشغلك عن البل
تقبل مروري
وقاااااد
الاخ ابو بندر
اشكر لك مرورك
وردك الكريم ، وهلا بك

[خيال الصبحا]

حياك الله ياخيال الصبحا وسوالفك كلها زينه
والشيهانه بتحذف انشاءالله وتونسك بالعافيه
بس لاتشغلك عن البل
تقبل مروري
وقاااااد
الاخ ابو بندر
اشكر لك مرورك
وردك الكريم ، وهلا بك

[خيال الصبحا]

عليكم السلام و رحمة الله و بركاته



بيض الله وجهك يا اخوي خيال الصبحا على هذا الموضوع الجميل مبروك على هذي الشواهينه الزينه خاصه اذا كانت من بومعيض و الله ان شاء أطيب خاطرك بمقناص زين


الاخ Falcon7
وجهك ابيض
واشكر لك مرورك
وردك الكريم ، وهلا بك

[خيال الصبحا]

ابو نايف

الله يبارك لك في الطيره وتاكل من صيدها

ومادامها عند ابو معيض فما عليها خوف

تحياتي
الاخ ابو عبدالله
اشكر لك مرورك
وردك الكريم ، وهلا بك

[قلب شاهين]

ياهلا وغلا فيك يا بو نايف ،،

أذا أنت متكدر على شان طيرتك باقي فيها النايفه وشلون انا باقي معها 3*3 :( :(

الله يعينك وفالك الحبارى والكروان وانشاء الله نطلع نقنص كراوين سوا ونشوف منهو الأحسن :d

الله يبارك فيه ويباركلك بطيرتك ،،

بيض الله وجهك ،،

تحياتي / قلب شاهين ،،

[خيال الصبحا]

ياهلا وغلا فيك يا بو نايف ،،

أذا أنت متكدر على شان طيرتك باقي فيها النايفه وشلون انا باقي معها 3*3 :( :(

الله يعينك وفالك الحبارى والكروان وانشاء الله نطلع نقنص كراوين سوا ونشوف منهو الأحسن :d

الله يبارك فيه ويباركلك بطيرتك ،،

بيض الله وجهك ،،

تحياتي / قلب شاهين ،،
الأخ أبو عبدالعزيز
الله يعينك ، اجل يازين
طويرتي دام باقي 3*3مع
طيرك ، الله يبارك لك بطيرتك
وان شاء الله تصفي بدري(هي بحريه؟؟)
وبخصوص التحدي ماعندي مانع ، بس خلني
بالاول انقلها وادهلها والله ييسر ، وشكرًا

[رضوان]

السلام عليكم
مشكور اخي وما قصرت والله تسلم يمينك ونتظر جديدك

[خيال الصبحا]

السلام عليكم


مشكور اخي وما قصرت والله تسلم يمينك ونتظر جديدك


الاخ رضوان
وعليكم السلام
أشكر لك مرورك
وردك الكريم ، وهلا بك