المهايط يحط من قدر أهل الإبل

[راعي علوم]

أهل الإبل معروفين من قديم الزمان بخصال حميدة
كالكرم والشجاعة والصبر وعزة النفس
لكن دخل في هذه المهنة من ليسوا بأهلها من الشريطية الذين درجوا على الكذب
وتهويل الأمور
ومع الأسف البعض ساقها على أهل الإبل وهم منها براء

فيقول لك هذه البكرة مسيومة بي 370 ألف
تناظر للبكرة وإلا 3 ألف لا تستحقها

هناك صفات متفق عليها عند أهل الصنعة وكلما توفرت هذه الصفات أو أكتملت يرتفع السعر وكلما قلت يقل السعر حتى يصل لسعر الذبح(اللحم) 2000-4000 ريال

فالمهايط يفقد هيبة الصنعة ويفقدها المصداقية
حتى أنني سمعت من يقول
الأسعار غير صحيحة وكلها مهايط

والدليل
نزل بكرة زينة أو ناقة مزيونة فلن يزيد سعرها عن 20 ألف
فهل جميع الشريطية متفقين على عدم الرفع؟
الفرق بين سعر الحراج والعرض يفترض بحدود 10%

السؤال لماذا في الحراج البل الطيبة سعرها 5 و 10 و 20 ألف
والعروض في الشبوك أو عند المراح بالملايين؟

هذا يشكك المنتقدين أكثر.

[خيال الصبحا]

الأخ راعي علوم
الله لايهينك
وبيض الله وجهك
وبخصوص الابل الناس
لها عيون وتعرف الزين من الشين
صحيح فيه كذب من البعض ولكن فيه فرق
ايضًا بين النياق ، كذلك الشخص الي تجيه بمراحه
لو الي معه منايح ماهن نياق مزاين يبي يحد عليك الي
ماتجيب بالسوق خمسه يبي يقول لك بسبعه ، وهذا طبعًا ماينفي
ان مافيه ناس تكذب وناس تغش ، والي يبي يشري يخاوي اهل العرف
ويشري من طرفهم وهو الربحان بإذن الله ، وشكرًا

[المشترك]

السلام عليكم
اخوي راعي العلوم الله يعطيك العا فيه علا موضوعك اشيق بنسبه لسوالك

في حراج البل وانا اخوك ازين يفرض نفسه انكانت زينه والله ان تضرب البحيري ونكانت زرموم من الخمسه الا العشره



وفيه ملاحضه عليك ياراعي العلوم انت عميت الشريطيه كلهم وصابعك ماهي سوا فيهم الطيب وفيهم الخيب



تقبل مروري اخوك المشترك

[راعي علوم]

خيال الصبحا ممكن بس هذا السؤال
لماذا الأسعار بالحراج رخيصة جداً؟

ارى نياق عادية يقال السوم وصل عليها لل 200 و300 ألف
وفي الحراج أجد أفضل منها بي 6 ألاف

لا تحسبني خشيم في البل
لدي ذود ورعيتها من عام 1401 عند عمي رحمه الله
واعرف الزين ونصف النصف والشين
خصوصاً المغاتير

هذا يحرجني أمام أصحابي
كيف تقول لنا الأسعار ممتازة ونجيب لك من الحراج مثلها بي 6 و8 ألاف؟

أخي المشترك نقول بعض الشريطية لأن التعميم لا يصح(جزاكم الله خير على التنبيه).

[خيال الصبحا]

خيال الصبحا ممكن بس هذا السؤال
لماذا الأسعار بالحراج رخيصة جداً؟

ارى نياق عادية يقال السوم وصل عليها لل 200 و300 ألف
وفي الحراج أجد أفضل منها بي 6 ألاف

لا تحسبني خشيم في البل
لدي ذود ورعيتها من عام 1401 عند عمي رحمه الله
واعرف الزين ونصف النصف والشين
خصوصاً المغاتير

هذا يحرجني أمام أصحابي
كيف تقول لنا الأسعار ممتازة ونجيب لك من الحراج مثلها بي 6 و8 ألاف؟

أخي المشترك نقول بعض الشريطية لأن التعميم لا يصح(جزاكم الله خير على التنبيه).
الاخ راعي علوم بيض الله وجهك
ولكن عندي سؤال
هل السيارات(بالحراج)نفس
السيارات الي بالمعرض؟؟وهل الي
بالحراج والي بالمعرض نفس سعر السيارة
الي تشوفها بالشارع وتعجبك وتكلم راعيها يبيعها
لك ؟أكيد السعر يختلف ولكن ماهو مثل ماذكرت انت
200الف ... 6الاف ، وشكرًا

[نجم السويبع]

السلام عليكم
الاخ راعي علوم ماشاء الله عليك قلت كل اللي بخاطري حول هذا الموضوع واتفق معك في ماقلت ولي اضافه بسيطه
وسبب اختلاف اقيام البل بعض الناس مايعرف البل واذا سمع بالسومه الكبيره
جاله نظر وضن انها طيبه وهي من الوسطة ويمشي على السوم
والشريطيه يطيحون في ناس واجد من هاذي النوعيه اللي تبني على السوم



اما اللي يشتري من المراح فلازم يفرق السعر ويكون في حدود المعقول وهذا انا افضله لانك تشوف الناقة وامهاتها وفحالها وتشوف شي ماتشوفه في الحراج






اما بالنسبه للاسعار الخياليه التي يصل لها بعض البل فقليل اللي يستاهل


والبقيه مثل ماقلت مهايط وسبب وصول بعض البل لهذه الاسعار يعود الى الندره مثلا لوبغيت جيب فكسار فعبداللطيف والبازعي واليحيى موجودين
اماالبل فقليله الكاملة المواصفات ولكن التحق بالركب عالم ماتدري وين الله حاطها ......... الموضوع جميل ويحكي الواقع دمت بود

[ابو مساعد]

مساكم الله بالخير ياشباب
راعي العلوم كلامك صح وكثير من الناس هذي مهنتهم حتى ان بينهم وبن انفسهم عندما يشتري ناقه يعرف زبونها قبل لا يدفع فلوسها ,,, تدري وش الاسباب اولا لزم تخاويهم ثانيا لازم تشري منهم وتبيعهم وثالثا لازم تعزمها ويعزمونك بعدين تعال شوف الشغل نياقك سعرهم وصفهم غير شكل .
تحياتي

[راعي الروضة]

كلام سليم 000 المشكله ماهي اسعار البل المنخفظه في الحراج او المهايط اللي ذكرت 000 لكن وش نقول الخرق اكبر من الرقعه 000 فبعض الشريطية للاسف مايحلل ولا يحرم مايدري ان فيه جنه ونار 000 تصدق عاد ان بعض الناش يرشن المجاهيم بويه سودا علشان تصير (غرابية ) في عين الزبون 000 وبعضهم مايحلبها علشان يجي ضرعها كبير 00 والبعض يعطيها ابره قبل ينزلها للحراج علشان تكون هاديه وتزين في عين الزيون 00 وما نقول الا الله يهديهم000 الله يهديهم في ها الشهر المبارك

[التام]

كلام سليم ولا عليه عتاب

حقيقه وصلت البل اسعار خياليه بعير توصل قيمته 15 مليون قسم بالله العظيم لو تسحب من بنقلاديش

15 مليون انهز اقتصادها وعلى قول اخوي راعى الهدد ندعي الله انه لا يغضب علينا بهذي الاسعار التي لا تدخل العقل

وسالفت النخاله و موت الابل من الله لعلهم يعتبرون


وبصراحه طلعت المزاينات و تركو الهجن والجيش التي فيها العزه


وانا تروني راعي ابل وحب المزليين لا كن السعر الي يدخل العقل


تقبلو تحيات..........................التام

[المزروعي]

راعي العلوم . أنا اشهد انك فتحت باب كبير !!!! كلنا بدو و أهل إبل لكن والله أنا شفنا شي هذي السنين ما يصدق الاسعار الخياليه و الشريطيه حتى شكينا أنا لسنا من اهل الابل و لا نعرف في اسعارهن. القضيه أصبحت ماديه بحته لاتعتمد لا على مواصفات الناقه و لا على اصل الناقه. الله المستعان

[abo_dgsh]

اخوي صدقني الناقة الزينة بتظهر وتعرف
اما انا ممكن عرفت قصدك شيبانا اللي في البر
وبعيدين عن الحراج او السوق والمزاينات هذا
يجعل النظر بعيد عنها قبل شهر ونصف بيعت بكر
ملحاء من احد من الجماعة القريبين جداً بــ25الف ريال
ويذكرونها في السوق 160 الف ريال !!!!!!!!!!
عموماً هذا مهوب حسد ((الله يرزقه))لاكن شيبانا مايروحون الاسواق
او بالمعنى الاصح بعيدين جداً المدينة
مشكوووووووور على الموضع الذي اثارني مع الرغم اني لي اكثر من 4شهور مارديت

[abo_dgsh]

وعلى طاري النخال نحن اكثر من تضرر من النخال
وهو مسموم وليس مسمم بعدين ياخوي التام حرام عليك تقول كذاء
ترى اكثرهم شيبان والله مايلقون عشاها

[الذيب المغترب]

منذ ان خلقت الابل لم تصل لهذا السعر

[سندهم]

راعي علوم . صراحة انك صريح جداً

هههههههههههههههههههههههههههههههههههههههههههههههههه هههههههههههههههههههه

أجل مهايط ::good:


ذكرتني : بخالي منصور . يقول النياق والفحول اللي بالملايين

قل نعم بملايين (الهلل ) هههههههههههههههههههههههههههههههههههههههه

كله غش وكذب ::no2:

[AL-OTAIBI]

الايام ذي صار النصب في كل محل حتى الابل ما سلمت من نصب هالشريطيه

اذكر مره شريت خلفه من سوق الحسا و كانت طويبه شريتها بثمانية الاف ريال و قعدت عندي شهرين و ماتت
بعدين اكتشفت ان الناقه كان صايبها مرض الطير , و مرض الطير يا اخوان ان كنتوا منتو عارفينه ما يبين على الناقه على طول ما يبين عليها الا اذا قربت تموت و يقعد فتره طويله في جسم الناقه و هي حيه بس ما يبان عليها , و هو مرض يبين عند فحص الناقه طبيا لاكن الشريطي اللي باعني اياها ما علمني عنها و المشكله ان بيني و بين هالشريطي معرفه و يوم رحت سألته عنها بعد ما ماتت قالي انا كنت شاك انها مصابه.

وشرايكم يا اخوان , هذا و انا اعرفه سوا فيني كذا و شلون لو ما اعرفه

خذوها قاعده من كل 1000000 شريطي تقلون 1 بس صادق و الباقي نصابين.

[a.الخثلان]

بعض النياق عند فلان تسوى 5000 وإذا كانت عند فلان تسوى خمسين ألف على نفس المواصفات والشكل