حامي المقاعد الخلفية ( التنزاني )

[عبدالرحمن السالم]

السلام عليكم .. واسعد الله اوقاتكم بكل خير ..

وكل عام وانتم بخير بحلول شهر رمضان المبارك اعاده الله علينا وعليكم باليمن والمسرات وجعلكم من صوامه وقوامه ..

أخواني انا معي باثفندر وحاط فيه حامي المقاعد الخلفية إلى هو من النوع التنزاني طبعاً وراد السنيدي ومن كثر طلعاتي وروحاتي تقطع ونفسي اغيره ..
شفت انا قبل فتره سياره واحد من الشباب من منتدي مكشات وحاط الحامي هذا بس مو متصل يعني مو قطعه كامله على المرتبه الخلفيه لا كل مرتبة له تلبيسه " يعني مفصوله "
فياليت احد يدلني عليها علماً بأني من سكان الرياض
او اى حامي يكون من النوع الجيد ..
وهل تنصحوني بالتفيصل ..؟

ولكم منى جزيل الشكر ..:BUTT1:

[M o b d a]

أخوي

هذا مسويه عند محل اليوسف للرحلات


بحي الريان

قبل مستشفى اليمامه وإنت جاي من خريص ..

من الجهه المقابله ..

[هدد ؟؟؟]

يالغالي / أنت تقصد الخرج اللي يكون في الشنطة ؟
ان كان هو فأرى التفصيل . والشراع الجيد هو تنزاني 303 ويستعمله أغلب محلات الرحلات مثل الغرابي والبرية والرواق وغيره .
والسعر من 200 إلى 250 تقريباً .
إذا بغيت وصف أحد المحلات أبشرررررر .

[عبدالرحمن السالم]

أخوي

هذا مسويه عند محل اليوسف للرحلات


بحي الريان

قبل مستشفى اليمامه وإنت جاي من خريص ..

من الجهه المقابله ..

الله لايهينك اخوي وبيض الله وجههك

شف انا شاري من الرماية قبل سنتين بس من كثر الطلعات والجيات تقطعت وودي اغيره للأحسن
وزي منت عارف معي باثفندر وودي يكون الحامي منفصل مابى تكون متصله على المرتبة الخلفية كله فهمت قصدي .. لكن بمر اليوسف بأذن الله

ولاهنت يالغالي

[عبدالرحمن السالم]

يالغالي / أنت تقصد الخرج اللي يكون في الشنطة ؟
ان كان هو فأرى التفصيل . والشراع الجيد هو تنزاني 303 ويستعمله أغلب محلات الرحلات مثل الغرابي والبرية والرواق وغيره .
والسعر من 200 إلى 250 تقريباً .
إذا بغيت وصف أحد المحلات أبشرررررر .

الله الله يالغالي

اى والله تكفي والله لايهينك نبي وصف الزين منهم

وبيض الله وجههك مقدماً

[الساهر2003]

تفصيل وموجود عند برق الحيا والبرية تفصيل ووارد السنيدي يجي اكثر من شكل

[هدد ؟؟؟]

محل البرية /
غرب تقاطع شارع عنيزة مع شارع الزبير بن العوام ب100 متر بحي الروابي .
إذا جاك التقاطع ووجهك جنوب لف يمين شف المحل على اليمين قبل ساحة البلدية الترفيهية بحي الروابي .

محل الرواق على شارع الأمير ماجد بحي الروابي مقابل الممشى.
إذا جيت من الدائري ووجهك شمال وتعديت مخرج 14 امش سيدا ثم يجيك فتحه على اليمين للخدمة وفيه شارع الأمير ماجد عند مسجد النملة وترا المسجد واضح . لف يمين ثم امش سيدا يجي المحل على اليمين بعد الإشارة الأولى.

[عبدالرحمن السالم]

تفصيل وموجود عند برق الحيا والبرية تفصيل ووارد السنيدي يجي اكثر من شكل

ان شاء الله امرهم بأذن الله لاهنت يالغالي وماقصرت

[عبدالرحمن السالم]

محل البرية /
غرب تقاطع شارع عنيزة مع شارع الزبير بن العوام ب100 متر بحي الروابي .
إذا جاك التقاطع ووجهك جنوب لف يمين شف المحل على اليمين قبل ساحة البلدية الترفيهية بحي الروابي .

محل الرواق على شارع الأمير ماجد بحي الروابي مقابل الممشى.
إذا جيت من الدائري ووجهك شمال وتعديت مخرج 14 امش سيدا ثم يجيك فتحه على اليمين للخدمة وفيه شارع الأمير ماجد عند مسجد النملة وترا المسجد واضح . لف يمين ثم امش سيدا يجي المحل على اليمين بعد الإشارة الأولى.

ياسلام عليك يا هدد والله لايهينك وألف شكر لك على الوصف الواضح وعلى تعاونك معى
لاهنت وعساك دوم سالم