وضع ريشه المارشل على الكروان وتتبعه

[طرح الشبك]

اول شي الفعل هاذا ما يفعله الا ضعاف النفوس واقول الطمع ماخلا شي


ثاتي شي والله لو مسكت الريشه على ضهر كروان والله ما يشوفها راعي الريشه لانه لم يحترم غيره


لان هذا فعول ضعاف النفوس وعندنا سلوم ان الصقار الي تثبت عليه هذه العلوم يطرد من مجالس الصقاقير


انا ما كتبت هاذا الكلام الا من ان بعض الشباب يتساهل في هاذا الشي ويتفاخر فيه ولا يعلم انه عار على جبينه


يااخي لا تحرم اخوانك الصقاقير لذه الهدد اعذروني ان كان كلامي شديد بعض الشي ولاكن والله لم استطع الصبر


ولكم كل الشكر والتقدير اخوكم طرح الشبك


http://www.mekshat.com/vb/images/misc/progress.gif

[hawwamT]

أحد الصقاقير حط الريشة على الكروان وحرم بعدها يسويها..تدري ليش ..طار الكروان 35 كم ومالقاه الا بالتعب الشديد

[ابرق العزاف]

ياخي اعتقد مافيها شيء وسيله حديثه للبحث عن الكروان
بدل ماقضي عدد من الساعات في البحث والقص ويمكن اطوفه بالسياره وهو جنبي
وصرف بنزين للسياره و ضياع وقت استخدم هذه الاله الحديثه واحيانا نرجع من المقناص
بعد ساعتين واقل من الانطلاقه ( شوف كيف اختصر الزمن)
ووفر وقت ومصاريف للسياره وتسوي غداك بدري وتاخذ راحتك تمام والعصر كذلك
انا لاارى فيها باس

[قشاع الرمث]

السلام عليكم ورحمة الله وبركاته

مبروك عليكم الشهر

الاخ طرح الشبك مساك الله بالخير

انا من رايي الخاص الي ما الزم يقتنع فيه
ما اعتقد ان لظعف النفس اي علاقه بالموظوع
وما فيه احد ما يطمع بالصيد بجميع انواعه والا
الناس كان ما تقنص . وما فيه شك ان الرزق من الله
ولاكن الانسان ياخذ بالاسباب . وهذي وسيله حديثه تساعد
على الصيد .

وقياسا على كلامك اقولك لا تستخدم الشوزن لصيد القمري
واستخدم السكتون الهوائي . لان الشوزن اظمنوممكن بالصيد
تصيد اكثر من قمريه برميه واحده . ارجو انك تا خذ هالمثال
بصدر رحب . وممكن يجي احد ويقولك هذا طمع .

وبعدين يا اخي الكريم

كلنا صقاقير ونجلس مع صقاقير سواء بمجالسهم او بمجالسنا
وما سبق شفت او سمعت احد انتقد هالطريقه . بالعكس كل الناس
يمدحونه . والصقاقير وانا اخوك اغلبهم اهل كرم وعلوم غانمه
ما يطردون احد من مجالسهم حتى لو كان مخمل .



وما اعتقد ان فيها حرمان لاحد من لذه الهدد
لانك ما هديت عليهم ولا تدخلت بصيدهم .
والرزق على هالكريم .


اتمنى انك ما تاخذ على خاطرك
لان رايي يخالف رايك .

اختلاف الراي لا يفسد للود قظيه ...

[رفيق الطيبين]

هلابك اخوي طرح الشبك مسألة انها ضعف نفس لا :no2: لاكن :j


طمع في الصيد يمكن اقرب لها شوي :D وهذي شطاره من الصقاقير :good: لان الكروان متعب


تحصل جرته ولا تعينه الا عقب الشين :confused: لانه ذكي في اختيار المكان الامين يعني انا اعتبره استراتيجي


ياما وياما حولت عيون كل صقار :no: ولا لقاه جرته جديده ولا يحصله ومعروف ان الكراوين تجمع واذا لقوا واحد


ضحوابه ومعه ريشه على شان الجول وبعض الاحيان تروح الريشه والكروان ويفلس الصقار :( منها كلها وانا


اشوفه من( وجهة نظري) مافيها شي وسيله حديثه زيها زي الجهاز اللي يحطونه للفري والكراوين والحباري


والقمري.... لاكن انا ما عمري سويتها ولاكن مافيها شي اذا بسويها :good: ( من له حيله فل يحتال):good: وشكرأ


أخوووك // رفيق الطيبين

[طرح السعودية]

اخوي طرح الشبك اول مرة اسمع شخص يرى ان وضع الريشة في ضهر الكروان فيه تعدي على الاخرين وعدم احترام لهم فبأي وجه يكون غير محترم لهم فهو لم يتعدى على حق غيره وليس في الامر حرمة شرعية وان كنت ترى حرمته فنحن ننتظر منك الدليل فالمعول عليه لدينا كمسلمين الكتاب والسنة
وبأي وجه حق ترى انه يحق لك عدم ارجاع الريشة لصاحبها والسؤال عنه عندما تجدها فهي حلال مثل الطير عندما يضيع ويمسك به شخص اخر فأنت تطلب منه الطير ولو رفض لحصل امر اخر
أود منك شرح وتوضيح كيف يكون هالامر عار على صاحبه فهو استخدم وسيلة ترشده على مكان الصيد مثلما تستخدم الدربيل للبحث عن الصيد ومثلما تترفع وتطلع طيرك لكي يدلك على الحبارى
فهالطريقة من وجهة نضري ليس فيها اخلال بالمروءة ولاتعدي على حقوق الاخرين وليس فيها محضور شرعي وهي طريقة مجدية ونافعة وليس فيها حرمان من الهدد لاحد
نحن نريد منك اقناعنا برأيك بدليل نقلي أوعقلي
اخوك طرح السغودية

[الاشعل 316]

يا اخون طرح الكراوين والا الحباري لازم يبغى الها تعب
وصحيح هي فيها تعب بس بعد التعب تحس ان فيها
وناسه اما اني احط ريشه على الكروان عشان يدلني على
على باقي الكراوينلا ياخي كل واحد ونصيبه
والصيد بالصقور احسن شي انك تصيد في السنه
حباري وحده ثلاثة كراوين
عشان تحس بحلاوة الصيد ويكون فيك الحماس اكثر في السنه الجايه حتى لو ما طرحت شي في السنه الثانيه يكون فيك حماس اما الصيد الكثير انا لا ااويده
وهذي الريشه لا اوويدها


لان سبحان الله يمكن انت تصيد في السنه


قل ثلاثه حباري خل الحباري على جنب
المهم الكروان بتطرح 30 . 25 . قل 20


ياخي وش خليت لباقي الصقاقير اذا هذي الريشه بتساعدك على كل هذا
والصراحه لاحد يزعل مني هذي حركة


الاعليمة اللي لا يعرفون يقصون


يبغون الشي جاهز قدام عيونهم


وهذي ما هي من عوايد الصقاقير

واذا انكم زعلتم من هذا الكلام

رح للشيبان اللي يقنصون اول وقل لهم هالحركه واسمع

وش يقولك بيعطيك احلى تعبير عن هالريشه


وهذا ما عندي


اخوكم ابو سطام

[سفتور]

يا جماعه الرزق على الكريم سواء بالجهاز و الا بدونه أن كان الله كاتبلك تلقا الكروان والا الحبارى بتلقاها وأن ماكتبلك الكريم لو أدور سنه منت بلاقيها.

[عناز]

ارفقوا على الرجال ياجماعه...هذي وجهة نظر اخونا طرح الشبك

ربما التعبير كان جاف شوي لكنه اعتذر على ذلك ...
وهذي شجاعة منه قلما نجدها هالايام (ومحشومين منها ربعي المكشاتيه)

وسبحان مغير الاحوال وين المتعه بالقنص شكلها بتتلاشى

طيور مهجنه... وحباري تقنص بالليل... وكراوين يستدل عليها بوضع ريشه

وين المتعه في اعطاء الطريده نسبه50 في الميه للهرب من الصياد

هذا يحصل في ايامنا مادري وش اللي بيصير بالمستقبل

[ابو عايد]

السلام عليكم ورحمة الله وبركاته

مساء الخير ياصقارين مكشات

الأخ : طرح الشبك له حرية الرأي
ولكن موضوعك جانب الصور على ماأعتقد أنك من خارج المملكة والصيد عندكم واجد والاخوان ماقصرو في الردود ولكن كم قيمه الكروان ما يتعدى 100ريال سعودي الريشه قيمتها أقل وحدة 1250ريال

هذا مثال ثاتي شي


اول شي الفعل هاذا ما يفعله الا ضعاف النفوس واقول الطمع ماخلا شي


وش تقول الى يهد على كروان أو أحبارى ويجي يهد هو والثاني يجي بالشوزن ويرميها والصقار يدورها أكثر من نصف ساعه

أنا بسألك سؤال من ناحية الصيد عندكم واجد هل أنت تحمل شوزن أذا رحت للمقناص هل امتنعت ما ترمي حبارى أو أي طير مهاجر باي سلاح معك

[الزاجل الازرق]

ارفقوا على الرجال ياجماعه...هذي وجهة نظر اخونا طرح الشبك
ربما التعبير كان جاف شوي لكنه اعتذر على ذلك ...
وهذي شجاعة منه قلما نجدها هالايام (ومحشومين منها ربعي المكشاتيه)

وسبحان مغير الاحوال وين المتعه بالقنص شكلها بتتلاشى

طيور مهجنه... وحباري تقنص بالليل... وكراوين يستدل عليها بوضع ريشه

وين المتعه في اعطاء الطريده نسبه50 في الميه للهرب من الصياد

هذا يحصل في ايامنا مادري وش اللي بيصير بالمستقبل:good: :good: :good: :good:




اعجبني ردك ياعناز




وطرح الشبك معه حق




ياعناز الحين صار يعلقون بالكروان ريشه


من والله الحسد الله يكفينا شرهم

[وقاااااد]

طرح الشبك
من وجهه نضري اشوف ان الطريقه اللي انت ذكرت مافيها شي من الكلام اللي تقول
واي واحد يقدر يسويها ولا تضر احد بالعكس تريح الصقار
وإذا كان الهدف هد الطير جعل فيه العافيه بالطريقه هذي او بغيرها
بلاك من اهل الشوازن اللي يرمون ماشافت اعيونهم
وجهه نضر
تقبل مروري
وقاااااااد

[azzam1]

السلام عليكم ومبارك عليكم الشهر:
الاخوه الاعزاء اخونا طرح الشبك بوسيله او باخرى طرح قضيه واعطى فيها وجهة نظره,فيه اشياء كثيره موجوده الان ولم تكن موجوده قبل وللاسف اغلب هالاشياء سى ومدمر للصيد وهدفه الطمع والجشع (مثال):
صيد الفرى بالمسجل الصوتى وعمل الخدع الخ000000
وضع حوض الماء بالسدر لتجميع الطيور الصغيره(الدخل) وخداعها
وضع الريشه لتتبع الكراوين وابادة الموجود
مقناص الليل بالكشاف
عمل كمين للصيد
وغيرها كثير,يااخوان الله سبحانه لم يخلق تلك المخلوقات والطيور عبثا والصيد فى الكثافه والعشوائيه الموجوده سوف يؤثر سلبا على التوازن البيئى
(وكلوا واشربوا ولا تسرفوا)
ارجو ان لا يساء فهمى والله من وراء القصد

[azzam1]

ارجو السموحه

[المري]

بيض الله وجهك اخوي عزام

وعزالله انك جبت شي وارد ..

تسلم وماقصرت ..

اخوك - بومعيض

[عبادل العاصمي]

وش نسوي يالذيب

عسى الله يهدي الجميع

[طرح السعودية]

اخونا طرح الشبك حاط حيله على اهل الطيور اللي طول السنة وهم ينتضرون الكراوين لاجل الهدد مع العلم ان اللي يروح اكثر من اللي يطرحون بينما اغفل الحديث وحاد باللوم عن اهل البنادق اللي يقنصون الكراوين بالليل ويمحون ماحصلوا ومن المعلوم ان الكروان من السهل العثور عليه ليلا بالنور ومن السهل صيده بالبندقية فايهما اضر وايهما مخالف لتوجيهات ولاة الا مر

[عناز]

azzam1


بيض الله وجهك


(وكلوا واشربوا ولا تسرفوا)