صور الطير المهجن يتغلب على الطير الوحش...وبعض صور الطيور الوحاشه والمهجنه [الأرشيف]

جرناس دبي

12/09/2007, 11:27 PM

السلام عليكم ورحمة الله
مبروك عليكم شهر رمضان .. وهاذي اول مشاركه لي بعد انقطاع طويل
ومثل ما وعدتكم اخواني اني احطلكم الصوره اللي تثبت ليش حب اهل الامارات للطيور المهجنه
على الوحاشه.وقد ثبت بأن نسبة صيد الطيور المهجنه أكثر من صيد الطيور الوحاشه
وقد ذكر بو رداد اكثر من مره تفاصيل عن الطيور المهجنه عيوبها وافعالها
للعلم ان الشاهين الوحش قانص 15 حبارى
وهو فرخ و17حبارى وهو بكر في هاذي الصوره كان الهدد للشاهين الوحش و من بعد خمس دقايق
لقفنا الجير شاهين وسبق الشاهين الوحش وعلق الحبارى ومن بعده جيا الشاهين الوحش
والصوره اكبر دليل...

والسموحه لمحبي طيور الوحاشه..

http://www.mekshat.com/pix/upload/images48/mk36356_s7300363.jpg

وهاذي بعض صور شواهين لمحبيها وبعض صور الطيور المهجنه لمحبيها .. وانشالله في موضوعي الثاني اعرضلكم بعض صور الطيور..

أخوكم جرنــــــــاس دبي

http://www.mekshat.com/pix/upload/images48/mk36356_s7300360.jpg
http://www.mekshat.com/pix/upload/images48/mk36356_s7300362.jpg
http://www.mekshat.com/pix/upload/images48/mk36356_s7300353.jpg
http://www.mekshat.com/pix/upload/images48/mk36356_s7300354.jpg
http://www.mekshat.com/pix/upload/images48/mk36356_s7300352.jpg
http://www.mekshat.com/pix/upload/images48/mk36356_s7300342.jpg
http://www.mekshat.com/pix/upload/images48/mk36356_s7300346.jpg
http://www.mekshat.com/pix/upload/images48/mk36356_s7300348.jpg

http://www.mekshat.com/pix/upload/images48/mk36356_s7300349.jpg

راعي الناوي

12/09/2007, 11:36 PM

انا معاك لكن لي تجارب مع قرموشة الجير وصادت عندي ولحوقها طيب ، والجير الثاني جير شاهين من انتاج بريطانيا 17 ×17 ولحوقه اعبر من الشواهين ، ولي ذكريات مع فرخ شاهين ماانساها ابد صاد عندي في العراق 17 حبارى لكن ودي انه يرجع وابدل به 20 جير وشكرا على الموضوع الطيب

سرهيد1

12/09/2007, 11:40 PM

السلام عليكم ورحمة الله

حياك اخي الكريم والشهر عليك مبارك

مشكور على الموضوع

واقبل مني هذه الصورة هدية

http://members.lycos.co.uk/kw7ob/1/wooow.jpg

عجمي

13/09/2007, 12:02 AM

مشكور على الصور

ويعطيك العافية

اخوك عجمي

نايف الخالدي

13/09/2007, 12:27 AM

هلا والله باخوي
بس انا عندي اعتراض
ماتوجب المقارنه على طير واحد بس
يعني انا اقول مافيه مقارنه بين الوحش والجير
ورد سرهيد اخوي يكفي
انا ماقول ان الجير مو طير الى من اسبق الطيور بس مافيه مقارنه مع الحر
وهاذي وجهت نظري وشكرا على الصور الطيبه

رضوان

13/09/2007, 12:49 AM

السلام عليكم
مشكور اخي ومشاء الله خوش موضوع وخوش صور تطير العقل ونتظر جديدك مع تحيات خويك رضوان

الاشعل 316

13/09/2007, 01:49 AM

مشكور يا خوي قرناس دبي

وبيض الله وجهك
على هالصور

اخوك ابو سطام

عبرود الشمال

13/09/2007, 02:08 AM

مافية مقارنة بين الوحش والجير
الاصيل دايم اصيل والوحش مامثلة بالطيور
ورد اخوي سرهيد كفى ووفى

خيال الصبحا

13/09/2007, 02:15 AM

وعليكم السلام
الاخ جرناس دبي
الله لا يهينك
والله يبارك بطيورك
ومشكور على الصور الزينة
وطيور التفريخ بها سبق وبها شجاعه(قصدي
حماقه)يعني كونه يصيد ويهد هذا ماهو كل شيء
تبي لك طير عده خوي يفهم ماهو طير مدلخ ، والتجربة
ماتكون على طير واحد ، فيه جبلية صادت حبرو(مقاسها مايزيد
عن 14*14)جب لي من الجيرة الي بهالمقاس يصيد حبرو ، وشكرًا

أبو رداد

13/09/2007, 03:13 AM

الله يحيك يقرناس دبي
ماشاء الله تبارك الله
الله يبارك لك في طيرك ويطعمك من صيده
الطيور تفعل والشجاعه والسبق موجوده
في الوحوش والتفاريخ
والفخر للصقار الي يعرف يظهر طيبها
على فكره المكان ماهو غريب علي
يمكن عرفتك ههههههه
,,,
خيال الصبحا
اخي العزيز
بعدك جديد في عالم الصقاره لاتستعجل
في تبوع جير شاهين فعلت وصادت التايسون والحبروا
وحاليا موجود تبع جير شاهين قرناس خامس
ماراح عليه كروان ولاحباره ولا تايسون ولاحبرو
وعطوا راعيه باترول 2007 من الوكاله بدل الطير
وماقبل يبدل ههههههه يريد زود
وقبل سنتين ضاع تبع جيرشاهين ملقفين به على فرخ شاهين وحش
وراعيه نزل اعلان في الجريده يعطي المبشر في الطير 50 الف درهم
والامثله كثيره
والعام شوف عيني جير مارلن وزنه 350 غرام (يعني حجمه نص جبليه)
صاد حباره خلويه علقها وفلتت منه وبعدها معركه في الارض وصادها
والسلام

الحر جساس

13/09/2007, 03:45 AM

مشكور يا خوي قرناس دبي

وبيض الله وجهك
على هالصور
اخوك /دربي صعب

المري

13/09/2007, 09:32 AM

الطيب طيب ..

واكثر الحرار صيده مافيه كلااام وفعله طيب..

والجيرة فيه الطيب اللي يتركز شعر راسك من طياره تشوف سرعة مااقدر اوصفه..

وان شاء الله ان الله عطاكم عمر بنشووف اكثر الصقاقير معاهم اجيره..

اخوكم - المري

ابو سيوف

13/09/2007, 12:12 PM

مبارك عليكم الشهر جميعاً
الله يعطيك العافية اخوي جرناس دبي على الموضوع والصور الرائعة
بس لوتكرمت تعطينا اسعار الطيور المهجنة اذا كان عندك فكرة ولك خالص احترامي وتقديري

المزروعي

13/09/2007, 12:27 PM

كلمة حق في هذا الموضوع. لايمكن مقارنة سبق المهجن مع الوحش أبد المهجن اسبق بكثير . صحيح ان المهجن غشيم في البدايه لكن تشوف الهوايل منه إذا أعطيته حقه في العلومه . عندي فلم مقناص عن الجيره في راس الخيمه و الله أنك تقول هذا خطاف مش طير من سرعته .

خيال الصبحا

13/09/2007, 04:41 PM

خيال الصبحا
اخي العزيز
بعدك جديد في عالم الصقاره لاتستعجل
في تبوع جير شاهين فعلت وصادت التايسون والحبروا
وحاليا موجود تبع جير شاهين قرناس خامس
ماراح عليه كروان ولاحباره ولا تايسون ولاحبرو
وعطوا راعيه باترول 2007 من الوكاله بدل الطير
وماقبل يبدل ههههههه يريد زود
وقبل سنتين ضاع تبع جيرشاهين ملقفين به على فرخ شاهين وحش
وراعيه نزل اعلان في الجريده يعطي المبشر في الطير 50 الف درهم
والامثله كثيره
والعام شوف عيني جير مارلن وزنه 350 غرام (يعني حجمه نص جبليه)
صاد حباره خلويه علقها وفلتت منه وبعدها معركه في الارض وصادها

والسلام

وينك ياسرهيد تفزع لي هههههههههه
الظاهر توهقنا مع ابو رداد هههههههه
ابو رداد انا حبيت من الطيور المفرخة الجير شاهين
والجير التبع ، وبعدين شلت فكرت الجير شاهين ، ولكن الجير
التبع مازال فيه امل بسيط والا غالبًا النية على رفضه ، لإني اسمع
من اهل الجيرة انها طيور توافيق(اذا الله وفقك بطير طيب والا ماراح
يسرك ، بعكس الوحوش غالبيتها تفعل ، وانت ادرى مني)وشكرًا

ع العمرو

13/09/2007, 04:49 PM

مشكور وماقصرت وجعلك تسلم يالغالي اخوكم ابوسليمان:p

قلب شاهين

13/09/2007, 05:18 PM

مبارك عليكم الشهر جميعاً
الله يعطيك العافية اخوي جرناس دبي على الموضوع والصور الرائعة

المتهلهل

13/09/2007, 05:25 PM

شهاب بن عساف

14/09/2007, 02:30 AM

سرهيد1

14/09/2007, 02:40 AM

http://www.mekshat.com/pix/upload/images48/mk30245_mk36356_s7300363tre.jpg (http://www.mekshat.com/pix/upload/images48/mk30245_mk36356_s7300363tre.jpg)

مسكينه الشاهين وخذت حباراها ولسان حالها يقول
وش دراء الثور اني عنتر

هههههههههههه حيا الله شهاب

ياخوك والله انك كتبت المثل اللى بغيت اكتبه من اول رد

لكن الغريب في موضوع هالصورة ............ ليه الشاهين ما عليها ريشة جهاز وهو عليه ريشة ...؟؟؟؟ ايهم اللى ملحقين به وايهم اللي كان له الهدد ......؟؟؟؟؟؟؟؟؟؟؟؟؟؟؟؟؟؟؟؟؟؟؟؟

سؤال محير :p

تعليق على نفس الصورة
لسان حال الشيهانه يغني يقول

أحدن ينام وراسه تحت كمه = وأحدن يصيب النوم عينه ويخطيه
يومن ولد اللاش رزقه على امه = رزقي على اللي ميت القشع يحييه

شهاب بن عساف

14/09/2007, 03:12 AM

جرناس دبي

17/09/2007, 12:00 AM

مرحبا خويه راعي الناوي

الطير العزيز مستحيل تبدله بطير ثاني وأنا مثلك

وعندي جير شاهين ما بدلبه بـ 30 طير شاهين وحش

وأشكرك على هذا الراي

أخوكــ جرناس دبي

مرحبا خويه سرهيد

أنا اشكرك على هذه الصوره هذا يعني

أنك مولع بجمال الجير لدرجة انه محطوط

ف الحمام (وانته بكرامه) كديكور يعني اذا

كان فيه عله يصلح كديكور او لتصوير

أما الوحش اذا كان به عله وما يتعالج منها

آخرته في أكياس الخمام(القمامه) أو سكراب

للطيور الثانيه حتى ما ينفع لتصوير او ديكور

ومشكور على المشاركه

هلا هلا اخوي العجمي

أنشالله اوافيك بصور عن قريب

أخوكـ جرناس دبي

نايف الخالدي

1)هذا الكلام صح وانا معاك بالراي

لكن ارقام مقناص الجير هي اللي اثبتت مقالتي

وعكس كلامك

2)انته ما تعرف الجير انه نوع من فصيلة الحرار واكبرهن

انا أحترم وجهت نظرك

3)المشكله مب في الطير الجير المشكله في اللي ما يعرف يقدره

الجير مثل الاسد صعب الترويض و التعليم لكن الوحاشه مثل

(...........) سهل التعليم الشاهين ليله وثالثه مري والحر ثلاثه والرابعه مري

حتى الهاوي يقدر يعلم الشاهين الوحش والحر لكن الجير ما يجوزله تعليم الصغار

من الصقارين. طير له مكانته وقدره معروف عند كبار الصقارين لكن للأسف انه

يوقع في يد صقار يريد الطير يصقر راعيه.

وهــــذا ردي على سرهيد.
شموخ

http://www.mekshat.com/pix/upload/images48/mk36356_img_0081.jpg

مرحبا اخوي رضوان

مشكور على هالكلمات الطيبه

وانشالله عن قريب

هلا اخوي الاشعل 316

ما تحلا المشاركات الا بك وبأمثالك

أخوكـ جرناس دبي

مرحبا اخويه خيال الصبحا

كلمات حلوه واسلوب احلى

ومشكور على المديح.

أبغي اسألك:

1)كد نقلت طير مهجن

2)14*14 لو منك ما قلتها هذا يبين ان ما عندك درايه عن الطيور

المهجنه وأفعالها

3)وانا اتمنى ان تكون مطلع اكثر لجل ما تحط نفسك ف موقف لا تحسد عليه

وتشكك الاعضاء في قلة معرفتك بالطيور المهجنه وسبق انك ذكرت انها (حماقه)

4)الامثله كثيره من الجير باربي الى الجير تبع الى جير بريرا الى الجير لنر-(

الحبرو تايسن-الخرب-الحباره-دجاج الخيبر-الديك الرومي-الصلال-الفزن-كراوين)

-نحن نسميها شجاعه لانها وعلى صغر حجمها تقبل على الطيور الى ذكرتها .اذا مالك معرفه ف الجيره لا اتقول شي قبل ما تسأل. بدون إحراج

مرحبا الساع بورداد

أظن اني عرفتك ياذيب ههههههههه

وعن نفسي انا اشكرك على المعلومات القيمه اللي تحملها موضوعاتك

ومشاركاتك

واجدد بذكر ان معلوماتي زادت وكان منها الاستفاده أكثر وهذا بفضل الله

وبفضلك.ويعلك ابزود

من العلم وجزاك الله ألف الخير على المجهود الطيب اللي تبذله

لتعريف الاعضاء بالطيور المهجنه والجير.

لكن انا اقول الدور ياينهم.

أخوكـ جرناس دبي

مرحبا اخوي دربي صعب

هذا من طيب أصلك

مرحبا أخوي المري

سلومة عزمان

بعد الغيبه الطويله

ما يبقى الا الطيب من الناس

مرحبا اخوي المزروعي

لكن نحن السابقون وهم اللاحقون.

لان بعض الاعضاء متعودين على نقل الوحاشه

لكن ما شافو هدد الطير المهجنه انا لا اقصد كل الطيور

المهجنه انا اتكلم عن الطيور اللي تعليمها كان صح.

أنا اضم صوتي معاك

لان بعض الاعضاء متعودين على نقل الوحاشه

لكن ما شافو هدد الطير المهجنه انا لا اقصد كل الطيور

المهجنه انا اتكلم عن الطيور اللي تعليمها كان صح.

لكن نحن السابقون وهم اللاحقون.

جرناس دبي

17/09/2007, 12:19 AM

http://www.mekshat.com/pix/upload/images48/mk30245_mk45928_14a.jpg (http://www.mekshat.com/pix/upload/images48/mk30245_mk45928_14a.jpg)

سرهيد هذي الصوره ذكرتني بمسرحية شاهد ماشفشي حاجه ههههه يوم عادل امام يقول

متعوده ديمن

مرحبا اخوي شهاب بن عساف
انا احترم رايك ... ومداعبتك الطيبه
انته من الناس اللي يحكم على الطير بالنظر
حبيت ازيد من معلوماتك ان الجير ف الاصل وحش
وقاموا بتربيتها ف المزارع للتقليل من ثمنها ولانها نادره
ولو كان تجينا وحاشه ما كنت بتقدر على ثمنها..وحال المثل
اللي يقول اللي ما يطول العنب حامض عنه يقول.

جرناس دبي

17/09/2007, 12:26 AM

بسم الله الرحمن الرحيم
كل عام وجميع اعضاء مكشات بخير وعسى الله يتقبل صيامنا ورقوعنا وسجودنا
اخى قرناس دبي مشكور على هذة الصور الجميلة
والطيور المهجنة عديدة وفعلها طيب ذلك لانها من نسل الوحوش فلا نقلل من الصقور الوحوش فهى الاصل
تقبل مرورى بصدر رحب
مرحبا اخوي المتهلهل
انا ماعمري قللة من الوحوش
ولا نصبر عن الطيور الوحاشه والجير ف الاصل وحش
ولكن كلمة الحق تنقال
ومشكور ع المرور
أخوك جرناس دبي

جرناس دبي

17/09/2007, 12:32 AM

هههههههههههه حيا الله شهاب

ياخوك والله انك كتبت المثل اللى بغيت اكتبه من اول رد

لكن الغريب في موضوع هالصورة ............ ليه الشاهين ما عليها ريشة جهاز وهو عليه ريشة ...؟؟؟؟ ايهم اللى ملحقين به وايهم اللي كان له الهدد ......؟؟؟؟؟؟؟؟؟؟؟؟؟؟؟؟؟؟؟؟؟؟؟؟

سؤال محير :p

تعليق على نفس الصورة
لسان حال الشيهانه يغني يقول

أحدن ينام وراسه تحت كمه = وأحدن يصيب النوم عينه ويخطيه
يومن ولد اللاش رزقه على امه = رزقي على اللي ميت القشع يحييه

مرحبا سرهيد
أظنك انته ادور اشياء بس عشان تلفت النظر مادري شو منها الغايه
يمكن اتحاول تفتح موضوع يكون احراج لي انا .لكن انا بسألك سؤال
تقدر اتجوفلي كاشح الطير الشاهين لرجله اليسرى اذا تقدر واذا ما قدرت
ما فيها احراج .والهدد كان للشاهين
أخوك جرناس دبي

سرهيد1

17/09/2007, 12:40 AM

اخوي جرناس دبي

السلام عليك ورحمة الله

حياك الله اخوي الكريم

وفي البداية ارجوا من الله ان يتسع صدرك لكلامي لو لبعض الشئ

اخي الكريم اعلم حفظك الله ان كل ما كتبته في هذا الموضوع لا يمسك شخصك الكريم بتاتاً
وليس من طباعي ان اتعرض للأخوان والذي انت منهم بحول الله الا بكل خير

والقضية هي فقط في محور النقاش الطويل

نحن نكره التهاجين وانتم تحبونها

ولكل منا وجهة نظر

نحترم بعضنا البعض فيها وعليها

ولكن النقد والانتقاد يكون على الطيور فقط

حتى المزاح يكون على الطيور فقط

اما الرجال اللي مثلك وشرواك فوق هالسوالف ولا يمكن نخطي عليهم

ارجوا من الله ان تقبل مني الاعتذار لو كان في مزاحي السابق ما اغضبك مني

نحن في شهر كريم واخر ما اتمناه ان يغضب مني احد اخوتي خصوصاً في هذا الشهر المبارك

مداوي

17/09/2007, 02:43 AM

مشكور اخوي يعطيك العافيه
طيور وبس

نايف الخالدي

17/09/2007, 07:20 AM

هلا والله احوي جرناس دبي
الضاهر ان خذتك الحماسه على الجيره
بس انا بقولك
الجير اسبق وماحد يقول لا بس وش ابي من سبوق يغث
ان جاك مايهوش جاك صياح وان صار مايصيح جاك كفاخ وان طلع منهم كلهم جاك ياكل الطيور
وانا هنا اتكلم عن التهجين مو الجير الاصيل
لانه اصيل
انا اتكلم عن الخلطات الى اذا كان احنا مانعرف الطيور و محنا صقاقير بس كلن وله راي والواحد مايفرض رايه على انه هو الصح
انا اقول راي بس اما تقولي ارقام وقياسات
اذا تبي تشوف ارقام شوف مقناص الامير نايف والامير سلطان وبتعرف الاصايل وش فعلها قبل الجيرات
وانا مابي طير يصيد صلال ولا تايسون ابيه يصيد الحبارى الي انا اقنص عشانها وابيه يلحق
وانا ماقول اني صقار واعرف الطيور الانسان مهما تعلم الى انه يكون ماتعلم الى الشي القليل وبعدين ياخي انا بقولك اول كنا نسال الطير وين مطروح ايراني باكستاني الحين صرنا نقول اي مزرعه ومسوين له هوك ولا لا
وبعدين شف التوقيع الي تحت تراه جير ومن احسن مزرعه فالكون سنتر فالازنب خذ طير والي غيره والله مايسوى
وشكرا وهاذا رايي وارجوا انك تتقبله بصدر رحب

مشــعوفان

17/09/2007, 10:26 AM

السلام عليكم ورحمة الله

الوحش ثم الوحش ثم الوحش

بس ملاحظه أخوي سرهيد صورة الطير المرفقه في ردك حرام الله يكرمك ويكرم الربع كااافه

هذا ماهو موقع يحط فيه طير .

دمتم سااالمين

سنجااار

17/09/2007, 11:32 AM

الله يعطيك العافية على الصور ماقصرت اخونا قرناس دبي

الزاجل الازرق

17/09/2007, 11:55 AM

هلا اخوي جرناس دبي كلامك فيه محله عن الجيره وانا من الي يفضلون

جيرة الشواهين وتبوع الجيره ايضا وكلامك عن الجيره يصيب عين الهدف

ولكن وسع بالك يالغالي مع اخونا سرهيد وكلنا اخوان واحباب وخلان الحمدلله على كل شي

اخوي سرهيد ترك متعدي السرعه تمشي 260 خفض السرعه شوي ههههههههههه

الله يوفقكم ويبارك فيكم اجمعين
اخوكم ابودغيم

<عاشق الصمان>

17/09/2007, 12:14 PM

شغلك عدل يعطيك العافية ...........

سرهيد1

17/09/2007, 05:04 PM

السلام عليكم ورحمة الله

الوحش ثم الوحش ثم الوحش

بس ملاحظه أخوي سرهيد صورة الطير المرفقه في ردك حرام الله يكرمك ويكرم الربع كااافه

هذا ماهو موقع يحط فيه طير .

دمتم سااالمين

السلام عليكم

يالربع انتم وش جاكم ..........؟؟؟؟ يعني جرناس دبي يمكن زعل عليه وما الومه يوم يحسب اني انا حاط الطير بالحمام .........

لكن انتم بالله تحسبون انا اسوي هالسوايا .............؟؟؟

هذا الموقع اللي فيه الصورة من هالمزارع اللي تنتج التهاجين

http://sports.webshots.com/photo/2026519380090053811TTCueX

يا جماعاة هذي هي المحلات الي ترعرع فيها التهاجين في المزارع ............. تلاقيه ما يعرف الفرق بين المجلس والحمام ........... وبين الحر والحبارى .......... وبين كف الصقار وكف الخمار .....

هذي البهايم والله ما يشبهها بالوحوش رجل منصف ولكن هوا النفس يجعل الناس تقول ما تقبله العقول .

حنا نجامل ربعنا ونقول ايه صحيح صدقتو حتى لو ما قتنعنا ......... ترى كلنا جربنا التهاجين ولو ما جربناها خاوانا من نقلوها وشفنا وش بلاويها .......... فلا يجينا واحد يحاول يتلاعب بالعبارات حتى يقنع المطالعين بشي ما يدخل العقل .

وللعلم صقارة الوحوش هي اللي تبين الصقار المتمكن من اللى يسمع بالصقارة

يجيك وحش جارح ما يعرف يتفاهم ولا سبق له التعرض للبشر ولا الاقتراب منهم يمتلك انواع الاسلحة التي لا يتوانى في استخدامها في اي لحظة . وتعال ورنا شطارتك انقله دهله نقزه وعقب اجذبه همن علمه على اللوح وبعد طلقه تطليق جيد وبعدها علمه على الحباري ................. والله ما يجهز طيرك الا وانت تحسه مثل ولدك من حر ما عانيت منه ومن شوق نفسك تشوف فعله يطلق وجهك بين ربعك .

ولكن بهايم التهجين ذي تجيك والله ما تعرف غير الناس إتكاليه من فقشت من البيضة وهي تدري انها الين صاحت بيجيها علف .......... وتعال شفها لامن جتك معلمة على نوارس وصلاصيل وغربان وخراط ما يعلمه غير علام الغيوب ......... وما تبي ولا شي منك تجيك جاهزة مجهزة يعني خذ الطير من المحل وطلق بس همن رح هد ............. وعقبها رح اقعد بالمجالس وقل انا صقار ...............؟؟؟؟ والله مشاكل .

الصقاره ترى مي بقل التعب والسلامة من الناب والمخلب ............. الصقارة غير الله يرحم الصقاقير بس .

واما اللي يبي يصير يهد له بطير ما يتعب معه ولا ينشغل والين وراه حبارى ذبحها ............. اقول ترى ازين ما ينفعكم بندق شوزن اريح لكم من التعب والطلعة كل يوم للمدعى وعلف ولا تعلف ......... البندق والله اخير لكم وللبيئة اللي اعدمتوها بهالتهاجين اللي ما عطتنا خير .

لكن وش نقول في الختام ,,,,,,,,,,,,,,, أقول ......... حدث العاقل بما لا يليق ,,, فأن صدق فلا عقل له

ابو سمحه

17/09/2007, 05:07 PM

مشكور على الصور الجميله

جرناس دبي

17/09/2007, 07:44 PM

السلام عليكم الجميع
الشي إلي أعجبني فيكم يا أخواني سوى في النقد أوفي الأجاز
هيه صراحة كل واحد منكم من غير مايكون مجبر
لكل واحد منا له تجاربه ورايه وأنا أحترمها حتى النقد
إلي وصل معلومه بطريقه غير مباشره سوى كانت صحيحه
أوخاطئه لباقي الأعضاء.
نعم أنا مع بعض الأخوه أن الزمان غير عن هاذى الزمن
الأول نقول الطير وين أنطرح و اليوم من اي مزرعه.
الأول الطيور ماله جواز اليوم أوراق وحيل وجواز.
الأول مقناص الحباري والكروان موجوده في أكثر من دوله
خليجيه.واليوم كثرة العقارات والمحميات ودخول موئسسه
الرفق بالحيوان الأجنبيه وتفتيش بين دول الخليج وين راح
يلقى راعي الطير الوحش مقناص.
أنا ما أبغي أعرض صور لطيور وحاشه كيف حالتها وهيه
مخزنه كابضاعه مهربه في مخزن أو في حضرة(الدياي أوالكلاب أوفي الحمامات وأنتو بكرامه أوفي اللنجات بين درامات الديزل) لحترامي لها.
ترى يا أخواني القلوب صافيه وأنا مب شال على أحد
وموضوع النقاش دايم مفتوح
والسموحه لطولت عليكم
أخوكم جرناس دبي :butt3:

جرناس دبي

17/09/2007, 08:05 PM

السلام عليكم

يالربع انتم وش جاكم ..........؟؟؟؟ يعني جرناس دبي يمكن زعل عليه وما الومه يوم يحسب اني انا حاط الطير بالحمام .........

لكن انتم بالله تحسبون انا اسوي هالسوايا .............؟؟؟

هذا الموقع اللي فيه الصورة من هالمزارع اللي تنتج التهاجين

http://sports.webshots.com/photo/2026519380090053811TTCueX

يا جماعاة هذي هي المحلات الي ترعرع فيها التهاجين في المزارع ............. تلاقيه ما يعرف الفرق بين المجلس والحمام ........... وبين الحر والحبارى .......... وبين كف الصقار وكف الخمار .....

هذي البهايم والله ما يشبهها بالوحوش رجل منصف ولكن هوا النفس يجعل الناس تقول ما تقبله العقول .

حنا نجامل ربعنا ونقول ايه صحيح صدقتو حتى لو ما قتنعنا ......... ترى كلنا جربنا التهاجين ولو ما جربناها خاوانا من نقلوها وشفنا وش بلاويها .......... فلا يجينا واحد يحاول يتلاعب بالعبارات حتى يقنع المطالعين بشي ما يدخل العقل .

وللعلم صقارة الوحوش هي اللي تبين الصقار المتمكن من اللى يسمع بالصقارة

يجيك وحش جارح ما يعرف يتفاهم ولا سبق له التعرض للبشر ولا الاقتراب منهم يمتلك انواع الاسلحة التي لا يتوانى في استخدامها في اي لحظة . وتعال ورنا شطارتك انقله دهله نقزه وعقب اجذبه همن علمه على اللوح وبعد طلقه تطليق جيد وبعدها علمه على الحباري ................. والله ما يجهز طيرك الا وانت تحسه مثل ولدك من حر ما عانيت منه ومن شوق نفسك تشوف فعله يطلق وجهك بين ربعك .

ولكن بهايم التهجين ذي تجيك والله ما تعرف غير الناس إتكاليه من فقشت من البيضة وهي تدري انها الين صاحت بيجيها علف .......... وتعال شفها لامن جتك معلمة على نوارس وصلاصيل وغربان وخراط ما يعلمه غير علام الغيوب ......... وما تبي ولا شي منك تجيك جاهزة مجهزة يعني خذ الطير من المحل وطلق بس همن رح هد ............. وعقبها رح اقعد بالمجالس وقل انا صقار ...............؟؟؟؟ والله مشاكل .

الصقاره ترى مي بقل التعب والسلامة من الناب والمخلب ............. الصقارة غير الله يرحم الصقاقير بس .

واما اللي يبي يصير يهد له بطير ما يتعب معه ولا ينشغل والين وراه حبارى ذبحها ............. اقول ترى ازين ما ينفعكم بندق شوزن اريح لكم من التعب والطلعة كل يوم للمدعى وعلف ولا تعلف ......... البندق والله اخير لكم وللبيئة اللي اعدمتوها بهالتهاجين اللي ما عطتنا خير .

لكن وش نقول في الختام ,,,,,,,,,,,,,,, أقول ......... حدث العاقل بما لا يليق ,,, فأن صدق فلا عقل له
مرحبا أخوي سرهيد
كل واحد منا يعرف صقارته من 1984 سنه أعتقد أنا وياك
ما كانت الطيور المهجنه موجوده ذاك الوقت إلى قليل
عند الشيوخ ولو كانت موجوده ماكنت بتعرفها
فلاتقلل من غيرك من الأعضاء
وسموحه منك مافي الخاطر شي
أخوك جرناس دبي

جرناس دبي

17/09/2007, 08:09 PM

...........................

سرهيد1

17/09/2007, 09:00 PM

مرحبا أخوي سرهيد
كل واحد منا يعرف صقارته من 1984 سنه أعتقد أنا وياك
ما كانت الطيور المهجنه موجوده ذاك الوقت إلى قليل
عند الشيوخ ولو كانت موجوده ماكنت بتعرفها
فلاتقلل من غيرك من الأعضاء
وسموحه منك مافي الخاطر شي
أخوك جرناس دبي

السلام عليك اخوي جرناس دبي

والله النفس صافية من ناحيتك

وانته بيض الله وجهك يوم تصفح عن اخوك

لكن النقاش مستمر

ولو بغيت اني افضح سوالف التهاجين بحول الله وقدرته غير احطلك سوالف تضيق الخلق هنا

لاني اعرف منظماتهم وكيف يشتغلون وكيف جابو المنع الدولي وكل الحيل اللي يتبعونها

ولو تدري وش اهدافهم كان والله ترحم الصقور ولا عاد تطالع في مهجن ابد

على كل حال اذا كان لغتك الانجليزية زينه خبرني والله لوريك فضايح من بعدها تعاف التهاجين

بيض الله وجهك على سعة الصدر وحنا اخوان حتى لو اختلفنا في وجهات النظر

خيال الصبحا

17/09/2007, 09:23 PM

الاخوان
سرهيد
جرناس دبي
بيض الله وجيهكم
ويابو عبدالله انت اكبر
من انك تحط الطير بهالموضع
ومحشوم عن هالحركات ، وكلنا ندري
انك ماتسويها ، وبخصوص سوالف التهجين
نتحراها ، وياجرناس دبي بيض الله وجهك على
رحابة صدرك ، وشكرًا

الشـ صقرـــام

17/09/2007, 10:02 PM

السلام عليكم جميع

مبارك عليكم الشهر الكريم

والله يعيده على الجميع بالخير واليمن والبركه

في الموسم الماضي كنا قانصين انا واخواني الاعضاء (عاشق الجول) و(صريح بزياده )

وكان معنا من الطيور اربع 2 حرار 2 جير شاهين

الحرار ما عليها اي كلام والحمد لله صادت وكفت وفت

اما الجير شاهين

الاول (شلهوب) ماشاء الله عليه راكد وطلع وسبوق جدا وصايد الحباره والكروان والارنب وافعاله تبيض الوجه
حتى ونحن ماشيين بالليل نغير المنطقه طار من سيارتي احد الكراوين الجواسيس ومباشرة اخونا عاشق الجول هده على الكروان الي طار مني على ضوء السياره وصاده.

الثاني (نجلا) اقسم بالله انها تخجل وسودت وجه راعيها هديناها على خمس كراوين صارت تطير فوقهن مثل الشرياص بس تهد تفكرها طلق وحين توصل للكروان تتركه وفرطعت الخمس كراوين كل واحد بديره الي طلعت عيونا حتى شفناها .
وفي اليوم الثاني جا صاحبها يدعيها بعد كم طقه بدل ما تجي للملواح صارت تشابط راس صاحبها وجته بكل سرعتها وطربته بظهره والله انه جلس بالارض يتوجع .
وموقف ثاني اصعب حين اخذنا الكروان من احد الطيور دخلت جيب خويي ونسيت انه تارك نجلا مفرعه وبدون رباط وتفاجئت بنجلا تهبش على وجهي ولولا ستر الله راحت عيوني منها على فراستها الحمقى وجرى الدم من جبيني حتى افتكر خوياي ان عيوني طلعت من ضربتها لي والحمد لله الله سلمني منها .

القصد يا اخواني من كلامي ان التفاريخ بعضها ينجح واكثرها فاشل .

والتحيه الكبيره مني للاخوان المشاركين في هذا الموضوع

وعلى راسهم

جرناس دبي

وسرهيد

عذرا للاطاله

تحياتي لكم

جرناس دبي

18/09/2007, 03:15 AM

السلام عليكم
والله أنكم أخجلتم تواضعي برحابة صدوركم وبطيبة قلوبكم
وهذا يدل على طيبة أصلكم
وأن لي الفخر بمعرفة رجال مثكم وشرواتكم
وأني أشهد أنكم أهل لصقاره ومعانيها
وكل أحترامي وتقديري لأخوي سرهيد
أخوكم جرناس دبي

بوخالد الكعبي

18/09/2007, 03:18 AM

يعطيك العافيه اخوووى

معشي الطير

18/09/2007, 12:48 PM

السلام عليكم ورحمه الله وبركاته .
يالربع انا ودي اجرب التهجين لاكن بصراحه هنا عندنا بالسعوديه مايجنا الا الفاشل منها . لوحبيت اروح للامارت واخذ لي واحد كم احصل سعره وكيف ادخله السعوديه للعلم انا نفسي (حر+وكري) ياليت اللي عنده خبره بالهشي يفيدنا .

((الخالدي))

18/09/2007, 03:22 PM

مشكور ياجرناس وما قصرت

جرناس دبي

19/09/2007, 01:20 AM

السلام عليكم ورحمة الله وبركاته
مثل ماوعدتكم بأني بعرض بعض صور للطيور الوحاشه بترتيب
هاذي صور لطيور الوكري شواهين والوكري حرار عند الوصول
http://www.mekshat.com/pix/upload/images48/mk36356_kk.jpg
http://www.mekshat.com/pix/upload/images48/mk36356_ku.jpg
http://www.mekshat.com/pix/upload/images48/mk36356_ll.jpg
وهنيه الطيور عند أخذ حمام طيب بعد ساعات السفر ومعاناته
http://www.mekshat.com/pix/upload/images48/mk36356_s7300383.jpg
http://www.mekshat.com/pix/upload/images48/mk36356_s7300384.jpg
يامحلى الناظرهن وهن في أنتعاش بعد الشاور
http://www.mekshat.com/pix/upload/images48/mk36356_s7300386.jpg
شوفو هاي النظره والتعبير لكم
http://www.mekshat.com/pix/upload/images48/mk36356_s7300381.jpg
يا محلى النظافه هههههههه
http://www.mekshat.com/pix/upload/images48/mk36356_s7300380.jpg

جرناس دبي

19/09/2007, 01:49 AM

وهنيه التجفيف على أشعة الشمس والهوا المنعش مع العلف
بعد معانات روائح إلي تعرفونها.
http://www.mekshat.com/pix/upload/images48/mk36356_s7300388.jpg
http://www.mekshat.com/pix/upload/images48/mk36356_s7300389.jpg

والحين بدا العرض جاهزين .العرض 14 الوزن توها واصله صبرو بعدين
بخبركم.يالله أن شوف

http://www.mekshat.com/pix/upload/images48/mk36356_s7300371.jpg

http://www.mekshat.com/pix/upload/images48/mk36356_s7300370.jpg

http://www.mekshat.com/pix/upload/images48/mk36356_s7300373.jpg

http://www.mekshat.com/pix/upload/images48/mk36356_s7300378.jpg

http://www.mekshat.com/pix/upload/images48/mk36356_s7300377.jpg

http://www.mekshat.com/pix/upload/images48/mk36356_s7300376.jpg
وإنشاء الله المره الثانيه بتكون صور التبوع ومن بعد الشواهين
والسموحه
أخوكم جرناس دبي

شبراق

19/09/2007, 11:11 AM

مشكور على الموضوع لكن ابقولك اصابعك ماهيب وحده
انا معك ان بالجيرة فيه سبق وذبح فارط لكن فيه الطيب وفيه الردي والله يابعض الجيره اني ما اقنيه ولى ليلة وبعضه لا والله يبيض الوجه وكذلك بالوحوش لكن الوحش اذا جاء طيب وصامل وسبوق والله ان يحط الجير بمخباه
الوحش الحاله بالاطباع وهم شي ان الغالب من الوحوش يرفق على روحه اما الجير لا والله مايرحم روحه ابد عادي يطق حصاه على سرعه ويدمن كفوفه

جرناس دبي

19/09/2007, 08:39 PM

أبو رداد

20/09/2007, 03:15 AM

السلام عليكم ورحمة الله وبركاته
اذكروا الله
رمضان كريم
والتسجيل في المنتدى مغلق ....
,,,,
((الاختلاف في الراي لايسفسد للود قضيه))
واقرب مثل انا وسرهيد
ابو عبدالله اقرب صديق لي في المنتدى
وترانا من ثلاث سنين او اكثر متخالفين في مسائل كثيره بخصوص الطيور
والحمد لله ولامره صار زعل او غلط بينا
نخرج من النقاش والنفوس نظيفه ومافي الخاطر شي
,,,
اتمنى ان ترتقي كل المحاورات الى هذا المستوى
والسلام

عناز

20/09/2007, 03:44 AM

جرناس دبي شكرا على الصور
أعجبتني هالصوره

شوفو هاي النظره والتعبير لكم
http://www.mekshat.com/pix/upload/images48/mk36356_s7300381.jpg

شهاب بن عساف

20/09/2007, 06:06 AM

مرحبا اخوي شهاب بن عساف
انا احترم رايك ... ومداعبتك الطيبه
انته من الناس اللي يحكم على الطير بالنظر
حبيت ازيد من معلوماتك ان الجير ف الاصل وحش
وقاموا بتربيتها ف المزارع للتقليل من ثمنها ولانها نادره
ولو كان تجينا وحاشه ما كنت بتقدر على ثمنها..وحال المثل
اللي يقول اللي ما يطول العنب حامض عنه يقول.

ياهلا اخوي جرناس دبي
انا اعرف ان الجير فالاصل وحش وهو من اطيب الطيور ولكن 0
ليس الفتى من قال كان ابي -- ولكن الفتى من قال ها انا ذى
انا اعرف ان الطيور التي تتكاثر في المزارع هي الدواجن بانواعها ولكن جميع الجوارح تتكاثر في الطبيعه وتعرف ما ينفعها وما يضرها وتستطيع الاعتماد على نفسها 0
فمتعت الصقاره ليست في هدد الطير فقط ولكن المتعه الحقيقية في فن ترويض هذا الطائر الوحش وتطويعه 0
اما انتاج المزارع فانت تشتريه احيانا وعليه شروط بذبح كذا وكذا اي طير جاهز خذ وهد فاين المتعة حتى لو كان الطير يصيد فهذا الطير اشبه بالبندقيه ومع احترامي الشديد لا تضن ان هذى شجاعة في الطيور المهجنه ولكن ينطبق عليه المثل اللي يقول (( خبل ومتعافي ))

اما مسئلت العنب فانا ومع الاسف ذقت طعم الحموضه ولكن ليس بلساني بل في جوفي فتخيل اخوي جرناس دبي وانت تدعي طيرك المهجن ومبسوط ويتركك ويروح يطرد كيس باغه يدفه الهواء قلت يمكن يبي يجيب اغراض من البقالة 0
وتخيل ايضا انك تلوح لطيرك المهجن قريب من امراح عرب مهجور ويتركك ويروح يطقله كورة قدم تركوها في المراح انا قلت اكيد الطير هذا من انتاج مزرعة(( زين الدين زيدان ))
وتخيل ايضا انك فاك طيرك المهجن على حمامة وتزبن في وسط حرملة كبيرة ويوم جيته تبي تعلف الطير لقيته قاضب علبة بيبسي والحمامة في وسط الحرملة الحمد لله ان علبة البيبسي فاضيه والا كان علوم 0
وتخيل ايضا ان خويك يبشرك بان طيره المهجن طلع وتطردونه على طلعه وشوي والاه على ظهر شاة يالله طرحنا الشاة عشان ناخذ طيرنا 00
وتخيل ايضا ان واحد من اخويانا كان يهددنا ان ماسوينا له اللي يبي بيهد علينا طيره المهجن وكنا الصراحه نخاف ولا فيه ولا واحد يقدر يقوله لا لان حنا عارفين النتيجه اكيد اشتباه مخلب في الجمجمه طبعا بعد الاشعه المقطعيه 0
المشكلة اخي ليست في شكلها ولا في لونها ولا في سرعتها المشكله في سلوكياتها فهي عاشت في بيئه ليست بيئتها فكيف تتعرف على ما يضرها وما ينفعها وهي تضن بان الانسان هو ابوها وامها والاقفاص هي بيئتها

وكل واحد يذكر ماواجه وهذا ماواجهته اخوي جرناس دبي مع طيور الدواجن قصدي التهجين 00
هذاغير سهولة اصابتها بالامراض لضعف المناعة لديها
وتقبل تحياتي

جرناس دبي

20/09/2007, 08:39 AM

عناز

20/09/2007, 10:29 AM

ياهلا اخوي جرناس دبي

انا اعرف ان الجير فالاصل وحش وهو من اطيب الطيور ولكن 0
ليس الفتى من قال كان ابي -- ولكن الفتى من قال ها انا ذى
انا اعرف ان الطيور التي تتكاثر في المزارع هي الدواجن بانواعها ولكن جميع الجوارح تتكاثر في الطبيعه وتعرف ما ينفعها وما يضرها وتستطيع الاعتماد على نفسها 0
فمتعت الصقاره ليست في هدد الطير فقط ولكن المتعه الحقيقية في فن ترويض هذا الطائر الوحش وتطويعه 0
اما انتاج المزارع فانت تشتريه احيانا وعليه شروط بذبح كذا وكذا اي طير جاهز خذ وهد فاين المتعة حتى لو كان الطير يصيد فهذا الطير اشبه بالبندقيه ومع احترامي الشديد لا تضن ان هذى شجاعة في الطيور المهجنه ولكن ينطبق عليه المثل اللي يقول (( خبل ومتعافي ))

اما مسئلت العنب فانا ومع الاسف ذقت طعم الحموضه ولكن ليس بلساني بل في جوفي فتخيل اخوي جرناس دبي وانت تدعي طيرك المهجن ومبسوط ويتركك ويروح يطرد كيس باغه يدفه الهواء قلت يمكن يبي يجيب اغراض من البقالة 0
وتخيل ايضا انك تلوح لطيرك المهجن قريب من امراح عرب مهجور ويتركك ويروح يطقله كورة قدم تركوها في المراح انا قلت اكيد الطير هذا من انتاج مزرعة(( زين الدين زيدان ))
وتخيل ايضا انك فاك طيرك المهجن على حمامة وتزبن في وسط حرملة كبيرة ويوم جيته تبي تعلف الطير لقيته قاضب علبة بيبسي والحمامة في وسط الحرملة الحمد لله ان علبة البيبسي فاضيه والا كان علوم 0
وتخيل ايضا ان خويك يبشرك بان طيره المهجن طلع وتطردونه على طلعه وشوي والاه على ظهر شاة يالله طرحنا الشاة عشان ناخذ طيرنا 00
وتخيل ايضا ان واحد من اخويانا كان يهددنا ان ماسوينا له اللي يبي بيهد علينا طيره المهجن وكنا الصراحه نخاف ولا فيه ولا واحد يقدر يقوله لا لان حنا عارفين النتيجه اكيد اشتباه مخلب في الجمجمه طبعا بعد الاشعه المقطعيه 0
المشكلة اخي ليست في شكلها ولا في لونها ولا في سرعتها المشكله في سلوكياتها فهي عاشت في بيئه ليست بيئتها فكيف تتعرف على ما يضرها وما ينفعها وهي تضن بان الانسان هو ابوها وامها والاقفاص هي بيئتها

وكل واحد يذكر ماواجه وهذا ماواجهته اخوي جرناس دبي مع طيور الدواجن قصدي التهجين 00
هذاغير سهولة اصابتها بالامراض لضعف المناعة لديها

وتقبل تحياتي

أخوي شهاب بن عساف هذا بيت القصيد:هذا غير سهولة أصابتها بالامراض لضعف المناعه لديها

جرناس دبي

20/09/2007, 12:15 PM

مرحبا أخويه عناز
وبنزلك صورة طير وأريد رايك فيه
شكرا على المرور

جرناس دبي

20/09/2007, 12:26 PM

مرحبا مليون أخوي والمعلم الكبير بورداد
المحاورات دايم راقيه بوجودكم والقلوب صافيه ونحن في هاذى الشهر الفضيل
وأنته مثل ماتقول ((لأختلاف في الراي لايفسدللود قضيه))
أخوك جرناس دبي

جرناس دبي

20/09/2007, 01:03 PM

السلام عليكم
لقيت هالطير الصغير الحجم طلبه مني شخص وماكنت أريد بيعه
وطير ربي يأكل من الكف ماهو بشرياص
هاذى ذكر الوكري شواهين والله أعلم العرض 6ونص
أفيدونا الله يعطيكم العافيه
http://www.mekshat.com/pix/upload/images48/mk36356_s7300397.jpg

http://www.mekshat.com/pix/upload/images48/mk36356_s7300399.jpg

http://www.mekshat.com/pix/upload/images48/mk36356_s7300404.jpg

http://www.mekshat.com/pix/upload/images48/mk36356_s7300406.jpg

http://www.mekshat.com/pix/upload/images48/mk36356_s7300407.jpg

http://www.mekshat.com/pix/upload/images48/mk36356_s7300405.jpg

http://www.mekshat.com/pix/upload/images48/mk36356_s7300403.jpg

http://www.mekshat.com/pix/upload/images48/mk36356_s7300402.jpg

جرناس دبي

عـــرادي

20/09/2007, 01:32 PM

أخوي قرناس دبي حياك الله
بخصوص كلامك حب أهل الامارات للمهجنه ( ما أتوقع ذلك )
ولاكن لقله وندره وجود الطيور الوحوش (( الفارسيه الاصيله )) حبو الطيور المهجنه
لأن الطير الوحش تعود على الصيد بيده وأخذ العلف من الطيور الاخرى والارتفاع والحر والبرد
والجوع والخوف والحذر ......... الخ

والطيور المهجنه طيور قويه وسريعه جدا وجميله وتاخذ المواصفات والتركيبه المطلوبه اللي تعجبك بس تفتقد لبعض الغرائز
وصاحبها يخاف عليها من أمور كثيره مثل الضياع فهي لا تعتمد على نفسها
وابذكرلك ، مره هدينا طير تفريخ قبل المغرب على حمامه وغربه الشمس ولم نجده فأمرحنا في موقع قريب من مكان الطير وكانت الارض مكشوفه ولما قمنا الصبح وجدنا الطير عند السياره ففرحنا بالطير ولما مشينا الصبح للمقناص وجدنا جره الطير وهو جاي مشي على رجوله مسافه 1كم ، المسكين طول الليل يمشي بتجاه النور .
والطيور كا الاصابع كل طير يختلف عن الاخر بس وين الصيد
وتقبل خالص تحياتي
أخوك / عرادي

قشاع الرمث

20/09/2007, 02:20 PM

السلام عليكم ورحمة الله وبركاته

مساكم الله بالخير يالربع

الاخ قرناس دبي موضوع مميز
يكفي انك اثرت قريحة ابو عبدالله ( سرهيد )
وقام ابو عبدالله يحرب ويكوش يوم اطريت الوحوش .

ولاكن وانا اخوك انتم ياهل الامارات عندكم الطيور هذي من سنين
واقتنعتو فيها وعرفتوهن زين . اما حنا فالسعوديه تو هالطيور عندنا من 7_10 سنين
ومن اربع سنين حصل طفره للجيرات عندنا صار الجميع يقول الطير جير ولا كن
هالشيئ ما استمر لاكثر من ثلاث سنين حيث بدت الناس تكره هالنوع من الطيور
ولدرجه انها صارت ما عاد لها زباين يعني شريت جير وجيت تبيعه ما ينباع الا بكل
صعوبه وبخساره طبعا ( ولكل قاعدة شواذ ) ولاكن بالنهايه صارت الناس تقول انقل
خظر تركي من هالوحوش ولا انقل جير ابيض مفرخ بدرج ( قوطي ) .
مع انهن فيهن سبق الا انهن ماهن من عمل ربي .

وبالنهايه ما يصح الا الصحيح ....
يعني برايي الخاص الطير حر اصيل .

ومع الشكر ....

خيال الصبحا

20/09/2007, 04:49 PM

الاخ جرناس دبي
بيض الله وجهك على الصور الجديدة الي اضفتها
ولو انه ماودنا على الوحوش ولكن من غلاها يسوى بها
كذا ، والا لو ماهي غاليه كان ماهربوها واتعبوا انفسهم ، على
كل حال بيض الله وجهك ، وننتظر جديدك ، وشكرًا

جرناس دبي

20/09/2007, 06:32 PM

مرحبا أخواني
عرادي و قشاع الرمث مشكورين على المرور
وأبداء الراي الطيب وهاذى يدل على أخلاقكم العاليه
جرناس دبي

جرناس دبي

20/09/2007, 06:39 PM

مرحبا الساع أخوي خيال الصبحا
ومشكور على لفت النظر
وأنا أحاول أطلعكم على ماهو جديد في السوق أو ماوراء الكواليس
أخوك جرناس دبي

جرناس دبي

20/09/2007, 08:11 PM

السلام عليكم ورحمة وبركاته
شوفوا اخواني هذا الطير تفريخ حر من حر
وزنه 1400 عرضه 17 ونص طوله يقارب الـ18 ارضه كبيره
ويقولون مسواي له هج ثلاث اسابيع فيه كبر حجم هالطير
ولا تبخلون بآراءكم..

http://www.mekshat.com/pix/upload/images48/mk36356_s7300412.jpg

http://www.mekshat.com/pix/upload/images48/mk36356_s7300411.jpg

http://www.mekshat.com/pix/upload/images48/mk36356_s7300408.jpg

http://www.mekshat.com/pix/upload/images48/mk36356_s7300410.jpg

مع تحيات جرنــــــاس دبي

قشاع الرمث

20/09/2007, 08:26 PM

السلام عليكم ورحمة الله وبركاته

الاخ قرناس دبي

مساك الله بالخير

اذا ممكن نبي لمحة عن الاسعار .

مع الشكر الجزيل ...

شهاب بن عساف

20/09/2007, 08:35 PM

مرحبا خوي شهاب بن عساف
والله ضحكتني أسلوبك طيب وماتجوز عن المداعباتك
وأنا أشهد أن كل إلي قلته صحيح وصارت معاي أكثر من مره
وأن أغلبياتهن يعتمدن على الأنسان كاأبوهن وأمهن
وصارت هل الأمور كثيره لكثرة المزارع لربح السريع
وأكثرهم يعطي شروط كذب وطيح في كبدك وتعلمنا كيف نصيد هل مزارع
ولا كن ليس كل المهجن ولا كن أغلبيتها .
ومن يأخذ طير على شروط من عند الأنقليز
بأنه يقدر يقنص على تعليمهم وهنا يطيح بعض الصقارين في الخطاء يعتمد كلامهم على تعليمه
يريده جاهز
(يقنص الكروان -الحباره-الأرنب) كلام زايف لغرض البيع بأغلى سعر:no2:

الشرط إلي تاخذه على الطير (يذبح -يرتفع- وماكد أنصقر) هاذي الشروط إذا توفرة ما ينقصها
إلى صقارتك :good2:
ونحنا والبعض من كبار الصقارين المتعودين على صقارة الوحاشه مايجوز ألنا صقارة الأنقليز
إلي ماتنفعنا بشي نحنا متعودين على صقارة أجدادنا وأهلنا وعلى عاداتهم .
أما عاداة الأنقليز فهيه نافعه لهم فقط
وعن كثرة أمراضها أنا معك لأنها غير متعوده على جو دول الخليج
يبالها صبر في التعليم لين ماتتعود على الجو
لاكن بعض أخوانا يستعجلون عليها وما ينتظر لين مايبرد الجو.
ومشكور على المرور وتقبل تحياتي
أخوك جرناس دبي

اخي قرناس دبي
افهم من كلامك ان المسئلة تجارية بحته وليس الهدف هو الحفاظ على الطيور الوحوش من الانقراض 0
اصحاب تلك المزارع لما شاهدو المبالغ الكبيرة التي ينفقها الصقارون في دول الخليج على شراء هذه الصقور وما له من مردود مادي كبير قررو بانشاء هذه المزارع واقتناء افضل انواع الصقور للحصول على الموصفات المطلوبة بغض النظر عن السلبيات وتغير السلوكيات الواجب توفرها في الصقور الطبيعية ولو كان الهدف من ذلك هو الحرص على بقاء هذه الطيور من الانقراض لوجدنا هناك مزارع تقوم بانتاج الحباري وبيعها بالاسواق بشكل نظامي لتقنين عملية الصيد الجائر الذي هو فعلا يهددها بالانقراض ولكن المسئلة تجارية بالنسبه لهم ومزارع الحباري غير مجديه بالنسبه لهم وليس مسئلة الحفاظ على الثروة الفطرية كما يزعمون 00
وهذه الصور اكبر دليل على ذلك 00

http://www.mekshat.com/pix/upload/images48/mk30245_mk29718_mk29508_a0011[1].jpg (http://www.mekshat.com/pix/upload/images48/mk30245_mk29718_mk29508_a0011[1].jpg)

http://www.mekshat.com/pix/upload/images48/mk30245_mk29718_mk29508_a0012[1].jpg (http://www.mekshat.com/pix/upload/images48/mk30245_mk29718_mk29508_a0012[1].jpg)

وتقبل تحياتي

بويوسف الكويت

20/09/2007, 10:21 PM

ماشالله خوش طيور و الله يعطيك العافيه و تقبل مرورى بويوسف

جرناس دبي

21/09/2007, 02:03 AM

مرحبا أخوي شهاب بن عساف
عين الصواب كل ماقلة
و أنا أعرف شخصيان الشخص إلي له يد بالموضوع وتوقيف الطيور الوحاشه
بداعي المحافضه على الحياه الفطريه وهو من الجنسيه الألمانيه
وأذكر كان في عام 1987 أو88 كان يحمل ألة التصوير ويصور الطيور المريضه
وكان ينتقل من مكان إلى أخر لتصويرها وحتى في اللجات
ليعرضها على الهيأت العالميه بأننا نهدد الحياه الفطريه
وكان له ماأبتغا
ونحن مثل المثل إلى يقول (الماي غالب على الطحين)
وشكرا على المرور

رضوان

21/09/2007, 02:17 AM

السلام عليكم
مشاء الله خوش صور وخوش طيور ماقصرت يا جرناس دبي ونتظر تميزك
مع تحيات خويك رضوان

جرناس دبي

21/09/2007, 02:57 AM

السلام عليكم ورحمة الله وبركاته

الاخ قرناس دبي

مساك الله بالخير

اذا ممكن نبي لمحة عن الاسعار .

مع الشكر الجزيل ...

مرحبا قشاع الرمث
الأسعار:
الطيور التربيه والمهجنه:-
1-البيور الأبيض ,الجري ,الفضي,الأسود,(العرض 19 والطول 18 إلى العرض 17 ونص وطول 17-الوزن من 1700 إلى 1450)
السعر:من 55000إلى95000 .
الجير الشاهين الأمريكي أو الألماني بألوانها (العرض 18 والطول 18الى العرض 16 ونص والطول 16 ونص-الوزن من 1350 الى 1200)
السعر:من 55000 الى ال 20000
الجيرات حرار والثري كوارتر والقراميش الثري كوارتر -والحر من حر والشاهين من شاهين
(العرض 17x17 الى االعرض 16 ونص في 16 -الاوزان من 1200 الى 1150 بالنسبه لجيرات الحرار و الثري كورارتر والقراميش الثري كوارتر)
السعر:من 30000 الى 7000
(العرض 17x17الى 16x16 الوزن من 1250 الى 1150 بالنسبه للحر من حر )
السعر من 25000 الى 9000
العرض 16ونص في 15 ونص الى 15x15 الوزن 1000 الى 850 بالنسبه للشاهين من شاهين)
السعر:من 25000 الى 12000
وإن شالله بكمل لكم أسعار الوحاشه باكر أنشالله
والسموحه-

بويوسف الكويت

21/09/2007, 09:29 PM

الله يعطيك العافيه و ماقصرت على الموظوع و تقبل مرورى

جرناس دبي

23/09/2007, 11:53 PM

السلام عليكم ياربع
وصلة 50 حبارا من بكستان لا كن للأسف
فاتني تصويرهن.لاكن في المره اليايه بأذن الله
بنزل صورهن
وهاذي بعض الصور لشاهين

http://www.mekshat.com/pix/upload/images48/mk36356_s7300423.jpg

http://www.mekshat.com/pix/upload/images48/mk36356_s7300424.jpg

http://www.mekshat.com/pix/upload/images48/mk36356_s7300425.jpg

وهاذي صور لجير تبع

http://www.mekshat.com/pix/upload/images48/mk36356_s7300431.jpg

http://www.mekshat.com/pix/upload/images48/mk36356_s7300432.jpg

http://www.mekshat.com/pix/upload/images48/mk36356_s7300433.jpg

وهاذي صور للبومه ثلاث منهن
والله ياجماعه هاشن علي ثلاث ماعرفت
وين أروح حتى رميت آلة التصوير

http://www.mekshat.com/pix/upload/images48/mk36356_s7300434.jpg

http://www.mekshat.com/pix/upload/images48/mk36356_s7300439.jpg

http://www.mekshat.com/pix/upload/images48/mk36356_s7300436.jpg

http://www.mekshat.com/pix/upload/images48/mk36356_s7300438.jpg

مع تحيات
أخوكم جرناس دبي