؟؟؟ماهي احسن انواع السلق؟؟؟

[ابوهارون]

السلام عليكم ورحمہ اللہ وبركاتہ

مبروك عليكم الشهر ياجماعة الربع
^_^عسانا عيدين عليہ

المهم انا الي ابي اعرفه
احسن نواعه
ثاني معلومه الي ابي اعرفه وش يقلون لعيالے الســلقـے
الاول والثانيے والثالث الا الخير
افيدونا افادكم اللــه

[ابن برقاء.]

السلق انواعه كثيره بس في رئيي يجي العربي الاصيل والايراني وهو شبيه جدا بالعربي يجي اريش والافريقي نوعين شمال افريقيا يشبه الساحلي تقريبا فرق بسيط جدا جنوب افريقيا في مالي ونيجيريا وانا شخصيا اقول السلق الافريقي سلاله الازواخ هو افضل السلالات رقبه طويله مره صدر نازل بطن ضامر رفع طول ضهر زقم طويل كل اوصاف السلق صح فيه والباقي خلي ولي ماينفع بريال .

[القحطاني505]

الاول:.:افضل الانواع في الارنب السلوقي العربي الاصيل(الخليجي)
وفي الظبي السلوقي السوري العربي الاصيل(ونادر ماتحصل لان اللي تمشي كيلوين وتقطع ماهي بزينه لكن اللي تمشي 4 كيلو بقوتها افضل من العربي بكثييير والسوري المخلوط بتركي وهاذا اللي خرب السلق السوري هو الخلط واغلب السلقان الموجوده بسوريا مخلوطه بتركي وهي ماهيب طيبه وابحث عن السلق السوريه الاصيله مثل بطلة الخليج سلقة اهل الامارات عيه هاذي سلقه عربيه اصيله وماعليها كلام)
===========================
الثاني:.:جرو - جروه (الجرو اللي هو الذيخ (ذكر))(وجروه اللي هي الذاريه(انثى السلق))
===========================
الثالث:.:الجرا اللي تطلع من بطن امها والله مااهتم بذا الكلام وماعليك من اول وحده منهن او اخر وحده منهن اهم شي يكون سلالتهم طيبه والسلقان طيبه
واخذ ارداها يطلع اقوى جرو لان ياخذ نسل الطيييب اما بتجيب لي ذاريه ماهيب طيبه وذيخ طيب
اكيد انك بتاخذ ازينهم شكل واخسهم فعل
===========================
طولت عليك يابوهارون لكن هاذ ان شاء الله بيفيدك
=======================
الله يبارك فيك وعساك من صوامه وقوامه
==================
ولاهنت اسئلتك طيبه وتفيد القارئ كثييييراً

[ابن حصوان]

سلق الرملهههههههههه

[ابن برقاء.]

بالنسبه للجراء السلقه اذا هي طيبه والذيخ طيب وامه طيبه يجي الانتاج كله طيب بس واحد طيب واحد مش حالك يطلعن الاجراء فيهن الطيب وفيهن الردي بالنسبه للقحطاني وعيه الله يرزقك اهل الامارات مثلها وازود بس مادام السلق تلد وتجيب بيجي الي هي في مستوى عيه وفوق ويوم لك ويوم عليك

[ابوهارون]

لايامل الثانكيو
الله يعطيكم العافيه على الدر
لاكن!الذيخ الحين ماهو الكلب الكبير؟؟
ولا وشو؟

[<عاشق الصمان>]

ما قصرو الشباب ..........

[الأكيدر]

ماقصروا الاخوان 000

[سلطان العوني]

ما قفصر اخوي القحطاني


بالنسبه للاسماء
الثاني كلوه يمين والثالث كلوه يسار والرابع القلب

[almazrooei007]

شوف احسن نوع العربي النوع املط...حص ..هذا للظبا ..اما بالنسبه للارانب العربي الاريش.....اما عند التهجين قد تحصل علي شي طيب ...او العكس ..السموحه عالاطاله

[AL-OTAIBI]

والله انا مالي خبره بالسلق لاكن سمعت ان افضل انواع السلق الان موجوده عند واحد من شيوخ البحرين يقاله الغتم و هي من سلاله عربيه اصيله غير مخلوطه

[القهوه]

ابوهارون ماخبرتك تهتم بالسلق وش الجديد؟

[راعي عدلى]

السلق ما تفرق الا بالميدان

جاوبو عليك اخواني لكن اعرف اسماء الجراء الي هو القلب و الكلى و السد لكن ما اعرف ترتيبهن و ما اتوقع فيهن فرق
تقبل مروري

[رفيق الأمل]

الاول:.:افضل الانواع في الارنب السلوقي العربي الاصيل(الخليجي)
وفي الظبي السلوقي السوري العربي الاصيل(ونادر ماتحصل لان اللي تمشي كيلوين وتقطع ماهي بزينه لكن اللي تمشي 4 كيلو بقوتها افضل من العربي بكثييير والسوري المخلوط بتركي وهاذا اللي خرب السلق السوري هو الخلط واغلب السلقان الموجوده بسوريا مخلوطه بتركي وهي ماهيب طيبه وابحث عن السلق السوريه الاصيله مثل بطلة الخليج سلقة اهل الامارات عيه هاذي سلقه عربيه اصيله وماعليها كلام)
===========================
الثاني:.:جرو - جروه (الجرو اللي هو الذيخ (ذكر))(وجروه اللي هي الذاريه(انثى السلق))
===========================
الثالث:.:الجرا اللي تطلع من بطن امها والله مااهتم بذا الكلام وماعليك من اول وحده منهن او اخر وحده منهن اهم شي يكون سلالتهم طيبه والسلقان طيبه
واخذ ارداها يطلع اقوى جرو لان ياخذ نسل الطيييب اما بتجيب لي ذاريه ماهيب طيبه وذيخ طيب
اكيد انك بتاخذ ازينهم شكل واخسهم فعل
===========================
طولت عليك يابوهارون لكن هاذ ان شاء الله بيفيدك
=======================
الله يبارك فيك وعساك من صوامه وقوامه
==================
ولاهنت اسئلتك طيبه وتفيد القارئ كثييييراً

السلام عليكم : مثل ماقال اخونا القحطاني جزاه الله خير

[قرناس شماالي]

فادوك الاخوان ومقصرو الله يخليهم ذخر لمكشات