متوهق بالطبخ

[لهاب]

السلام عليكم :

يا أخوان أنا شريت قدر ضغط لكن توهقت بالطبخات ماعرفت أضبط شي واللي أبيه من الطيبين

يعلموني طبخة اللحم و الدجاج مع الرز وشنو غيرهن ممكن ينطبخ بهالقدر ويضبط .

أتمنى من الطيبين انهم يحددون الكميات والمقادير حتى لو انه يتكلم بالعاميه



ولكم جزيل الشكر

[أبـو فـايـز]

اخوي في البداية تضع الكشنة (الزيت والبصل والطماط مع البهارات), تطبخها تقريبا 10 دقايق بدون ضغط, يعني والغطاء مفتوح, بعدها تضيف اللحم او الدجاج مع الموية وتغطي القدر وتخليه يطبخ لين يصفر, بعدها ترفع الغطاء وتضيف الرز وتصكره مره ثانية لين يصفر وبالهنا والشفاء
ولاتنسى تعزمنا :)

[Y A S S E R]

اذا بغيت انه مايحترق نفس كلام أبوفايز ^^

بس ازيد شي واحد هو اذا صفر اقعد 8 دقايق ثم افتحه بعد خرروج الهواء

ثم كب الرز وشب على اعلى درجه لهب ولاتسكر الغطاء الا اذا راحت المويه

بعد ماترروح المويه سكره واقعد 15 دقيقه ثم فكه وشف النثررررري !

[جنون الليل]

كان ودي أخدمك بس مو متأكدة منه طريقتي في الكاتم لأنه ألاً أنا ما أستعمله إلا قليل ومن زمان ما إستعملته من سنوات لأني صراحة أخاف منه
وإذا على السرعة في الطبخ أنا أسوي الرز دائماً أبيض لحاله واللحم لحاله واذا دجاج أشويه بشواية الفرن أو الكهرباء ماياخذ نص ساعة والرز مثله
أما الكاتم صفر ما صفر أفتح سكر صراحة شغلانة زيادة إني أحس إنه قنبلة موجودة في المطبخ
وستجد في ردودي ومواضيعي كيفية طبخ الأرز الأبيض المفلفل والنثري ويلمع مثل القزاز
وأحلى من رز المطاعم

[لهاب]

السلام عليكم:
أخوي ابو فايز وياسر11 وجنون الليل شكرا لمروركم وما نستغني عن خدماتك

بالنسبه لأبو فايز أذا خليت الكشنه 10 دقائق مايحترق البصل والبهارات اعتقد انه يصير أسود وأذا حطيت الدجاج او اللحم شكثر احط المويه كاسه كاستين ولا .......؟ أخاف احط الرز بعدين تطفح المويه ويصير العيش خبيصه والمويه اللي احطها بالقدر تكون حارة بارده .


مع الشكر