ممكن أحد يعطيني من وقته 5 دقايق بس ؟

[Y A S S E R]

السلام علــيكم ورحمه الله وبركـاته ..:)


أخواني من منكم من يشرح بالتفصيل الممل عن الدبل ؟!:confused:


يعني أنا قبل خمس ايام كتبت موضوع ولكن ما احد عطاني الشرح الكويس !:no:


أنا معي باث فاندر ..
وبحكم اني أول مرة أستعمل الدبل فأريد


الطريقه الصحيحه لتشغيل الدبل : ;)



مثلا انا الان في النفود وتطعيس على خفيف ؟ هل أشغل الخفيف ؟:(




وكذلك الثقيل ؟ اذا قعدت وغطست اشغله بس ؟!!



الامـر الاخير وكما ذكرت سابقا .. :eek:


معي باااث وكيف أغير التعشيق بالطريقه الصحيحه :j



لاني سمعت انه يطلع صوت قوي اذا عشقت طقه ثم طقتين !؟؟:rolleyes:




المهم الزبده أريد شرح كـامل عن الدبل :D





ليكوون لـي ولغيري فائده وشكرا لكم مقدما :)
/
\
/
\


أخـوكم
ياسر


,

[ن ك م]

والله يالغالي ودي افيدك لكن ماعمري ركبت باث فاندر

[ق ب م 632]

سبق وسأل احد الاعضاء نفس سؤالك والشباب ماقصروا


لو تبحث في المواضيع السابقه بتلقاه



او يمكن يجي واحد من وجيه الخير ويجيب لنا الرابط

[سفاري97]

زبدة الهرج نيشان
اول ماتدخل النفود أو الشعيب عشق الدبل الخفيف حتى لومافيه وعوره لكن اريح لسياره واذا كنت شخص محافض وقف وعشق الدبل وبامكانك تعشق وانت تمشي
ولايوجد اي ضرر من الدبل الخفيف اذا طول في وضع التعشيق بشرط عدم السرعه الزائده
اما الدبل الثقيل تعشقه عند سحب سياره ثانيه وفي حالة اذاما قدرت تمشي السياره بالدبل الخفيف لوعورة الارض
افضل طريقه لفصل الدبل انك توقف وتفصل الدبل وترجع قليل للخلف علشلن تفصل التروس
نصييييييييييحه لازم تنزل من هوا الكفرات اريح لسيارتك
هذا مالدي ارجو اني افدتك

[الدحبول]

ما عمري ركبت باث فيندر
على حسب خبرتي
عصا دبل يجي فيه
H2 هذا الوضع يستخدم داخل البلد يعني السيارة دفع خلفي وفي الاماكن ذات سطح صلب
H4 هذا يطلق عليه الدبل الخفيف هذا بامكانك تعشيقة والسيارة واقفة أو وهي ماشية
هذا الوضع يصلح لرمال والجروف الثلجية والاوحال الخفيفة
ماياثر حتى لو شغلته لفترة طويلة أو تقطع به مسافة طويلة
N السيارة على الفضي لا تستخدم هذا الوضع إلا في حالة سياتك غرزت و واحد بيسحبها
L4 هذا الدبل الثقيل يستخدم وفي سحب السيارات الاخرى المغرزة و إخراج سيارتك
لا تستخدم هذا الوضع إلا في حال سير على سيارة لمسافة طويلة مثل حده 5 كم إلى 10 كم
إنتبه لاتعشق السيارة في هذا الوضع إلا في حال تفضي قير السيارة والضغط على البريك مضبوط

إتمنى بان أكون قد أفتك

[Y A S S E R]

زبدة الهرج نيشان

اول ماتدخل النفود أو الشعيب عشق الدبل الخفيف حتى لومافيه وعوره لكن اريح لسياره واذا كنت شخص محافض وقف وعشق الدبل وبامكانك تعشق وانت تمشي
ولايوجد اي ضرر من الدبل الخفيف اذا طول في وضع التعشيق بشرط عدم السرعه الزائده
اما الدبل الثقيل تعشقه عند سحب سياره ثانيه وفي حالة اذاما قدرت تمشي السياره بالدبل الخفيف لوعورة الارض
افضل طريقه لفصل الدبل انك توقف وتفصل الدبل وترجع قليل للخلف علشلن تفصل التروس
نصييييييييييحه لازم تنزل من هوا الكفرات اريح لسيارتك

هذا مالدي ارجو اني افدتك





ياحبيلك مشكووور ,,

لو تفيدني في التعشيق ؟ يقولون ان له طريقه عشان مايطلع صوت قووي؟

[Y A S S E R]

ما عمري ركبت باث فيندر
على حسب خبرتي
عصا دبل يجي فيه
H2 هذا الوضع يستخدم داخل البلد يعني السيارة دفع خلفي وفي الاماكن ذات سطح صلب
H4 هذا يطلق عليه الدبل الخفيف هذا بامكانك تعشيقة والسيارة واقفة أو وهي ماشية
هذا الوضع يصلح لرمال والجروف الثلجية والاوحال الخفيفة
ماياثر حتى لو شغلته لفترة طويلة أو تقطع به مسافة طويلة
N السيارة على الفضي لا تستخدم هذا الوضع إلا في حالة سياتك غرزت و واحد بيسحبها
L4 هذا الدبل الثقيل يستخدم وفي سحب السيارات الاخرى المغرزة و إخراج سيارتك
لا تستخدم هذا الوضع إلا في حال سير على سيارة لمسافة طويلة مثل حده 5 كم إلى 10 كم
إنتبه لاتعشق السيارة في هذا الوضع إلا في حال تفضي قير السيارة والضغط على البريك مضبوط

إتمنى بان أكون قد أفتك



شكرا لك .. بس ما ادري هناك مشكله هي اني اذا بغيت ارجعه وافصله يصير قوووي مرة واذا ظغطته بقووة يطلع صوت قوي ؟؟

[جريح الخطاوي]

هــــلا اخـــــوي.......انـــا معــــاي جيب باثفنــــدر....

انـــا ابــــي ازيـــد شــــوي علــ كــــــلام اخـــوي (( الـــدحبـــول ))

مثــــلا لو انت شـــابك الدبل (( الخفيف وغـــرزت سيــــارتك )) ورحت..تبي تشبك الدبل الثقيل...لازم تضغط العصــا او القير (( حق الدبل )) على تحت وثم ترجعه ورا حبتين ..وبكذا يكــون شبك معاك (( الدبل الثقيل ))...طيب انت طلعت ..وتبي ترده على الدبل الخفيف.على طـــول ......وهذا غلط ....وغلطــ
كبير اصــلا راح تلاحظ انه يطلع صـــوت...صـــح..لكن الحـــل انكــ ..تفضي الدبل....وتحطه على وضع h2وبعـــدين ترجعه على وضع h4 >>وهو الدبل الخفيف...جـــرب وبتعـــرف....
تبــي ترتــاح وتـــريح سيـــارتك..كل مــافكــرت تــروح للبـــر او للتطعيس ...خلي كفــرات فيهــا 25 اذا كــانت الرمال شــوي قويه...امـــا اذا انهــا رمال كـــايده وتغــوص السيارة فيهــا بالحيل فخلــي فكفراتك 15..ولا تطول بالمشي عليها عشــان ماتعــدملك الكفرات......ولا تطلع الخط...المسفلت..وتبي ترووح مشــوار طويل شــوي...انصحك تــزيرد الكفــرات ...انــا عنــي ...دايمــا اخلــــي بالكفـــرات ..
(( 25 ))...ومقنــاصي دايم...بالطعوس..والوديــأن.....
........وسلامتك..

اتمنى اكـــــون خدمتك

[خالد940]

والله ودي اشارك بس لقيت الاخوان ما قصرو فصلو الموضوع تفصيل.

[نمر بن حثلين]

الدبل الثقيل يطلع صوت اذا عشقته او فصلته وانت معشق القير

اذا كان موترك تماتيك لازم تفضي القير على N وتحط رجلك على الفرامل واذا وقف الموتر تماما عشق
والقير العادي بعد حطه بالفاضي ونفس الشي فرامل بعدين حط الثقيل او افصل منه


واما الدبل الخفيف الاخوان ما قصروا بس انتبه تعشقه وانت مسرع
يعني وانت واقف او تمشي 20 40 بس لاتصير مسرع عشان ما تعدمه


واذا موترك تماتيك حط القير على 2 عشان تريح القير ولا يحتمي من كثر التعشيقات بالرمل

[الدحبول]

الدبل الثقيل يطلع صوت اذا عشقته او فصلته وانت معشق القير

اذا كان موترك تماتيك لازم تفضي القير على N وتحط رجلك على الفرامل واذا وقف الموتر تماما عشق
والقير العادي بعد حطه بالفاضي ونفس الشي فرامل بعدين حط الثقيل او افصل منه


واما الدبل الخفيف الاخوان ما قصروا بس انتبه تعشقه وانت مسرع
يعني وانت واقف او تمشي 20 40 بس لاتصير مسرع عشان ما تعدمه


واذا موترك تماتيك حط القير على 2 عشان تريح القير ولا يحتمي من كثر التعشيقات بالرمل

الاخ هاوي الهدد أو فتى البران
يقول يعشق الدبل الخفيف وهو يمشى وسرعة 190 على هدد GX 2006
أنا عشقت الدبل الخفيف على لاندكروزر 1997 وهو ماشي 80 ويشبك
بس لازم تكون الطاره سيده

إليك الرابط

http://www.mekshat.com/vb/showthread.php?t=62513

[نمر بن حثلين]

اخوي مهب اشكال انه يشبك مره لكن بعد سنه سنتين خمس ؟
للاستعمال الحشمه عشان يدوم معك الدبل بدون قر وبدون مشاكل
وش يمنع تدلل الدبل وتهدي عشان يخدمك وقت اطول بأذن الله

[Y A S S E R]

الله يعطيكم ألف عافيه ..


وش معنى هالكلمه في الدبل / Atp ؟!

[الدحبول]

هذي الكلمة لونه أحمر توجد في السيارات قير أوتومتيك يكون القير على P
والدبل فاضي على N
يعني بزم تنقل الدبل في أحد الاوضاع لانه السيارة الان قادرة على تحرك حتى ولا على وضع P