برقع الطير وشيء غير معتاد..

[hawwamT]

كل عام والجميع بخير
.
.
.
.
.
.
.
.
.
يصيح الطير لاجيت أبرقعه
مايحب البرقع أبد
وفي النهاية انتهت المشكلة
واذا عرف السبب بطل العجب
السبب: راقبت الطير مايحصل له بعد أبرقعه فلقيت يخرج قمل واجد من ريش الطير ويمشي على عين الطير ويطلع بره يمشي على البرقع و يمشي القمل على عين الطير ويحك ولا يقدر يحك بسبب البرقع..وطبعا البخاخ بارا قضى عليها والحمد لله وبعدها الطير ارتاح ولم يعد يصيح او يتضايق من البرقع

http://www.mekshat.com/pix/upload/images48/mk39294_dsc010001.jpg

[رضوان]

السلام عليكم
الحمد لله وفاله الخرب ان شاء الله

[عناز]

الله يعافيك يا حوام

وملاحظه جيده لكن ما لقيت غير هاللون

أصفر ياحوام أبي أعلم ثقل عليك

[سرهيد1]

السلام عليكم

تبيني اعلمك

رح الله يوفقك انا اشهد انك صقار

الرجال اللى ما يتابع الطير الين يعرف علته والله ما يدري وين الصقارة رايحه

لكن الصقار الصحيح هو اللي يتابع الطير الين يعرف وش اسباب المشاكل اللي ظهرت فيه

عرفت لي رجال الله يرحم من توفى منهم ويطول عمر من بقى على ما يرضي الله

والله الواحد منهم يطالع بوجه طيره يعرف ان الطير مستذبح واللا مريض واللا منغث واللا معومس واللا مستنكر ............ هذولا الصقارة اللي يطلق عليهم مسمى صقارة صحيح

اما بعض هالجيل التالي والله ما غير يدودل دميجته ويقول انا صقار .

تلاقي طيره جايه رداد ولا عاد يقدر يطير وهو يقول والله لقرص عليك يالخبيث الين ما عاد تخلي صيدتك .........

الله المستعان .............. تبون الصحيح من عقب ذولا انا اشهد ان الصقور عيقبت

بيض الله وجهك على مشاركتك اخوانك بهالموضوع الزين

وسجل عندك اعجابي بشخصك الكريم وكل من هم على مثل فعولك

[الاشعل 316]

يالحوام يعطيك الف عافيه

وسرهيد بيض الله وجهه

اخوك ابو سطام

[سنجااار]

السلام عليكم

تبيني اعلمك

رح الله يوفقك انا اشهد انك صقار

الرجال اللى ما يتابع الطير الين يعرف علته والله ما يدري وين الصقارة رايحه

لكن الصقار الصحيح هو اللي يتابع الطير الين يعرف وش اسباب المشاكل اللي ظهرت فيه

عرفت لي رجال الله يرحم من توفى منهم ويطول عمر من بقى على ما يرضي الله

والله الواحد منهم يطالع بوجه طيره يعرف ان الطير مستذبح واللا مريض واللا منغث واللا معومس واللا مستنكر ............ هذولا الصقارة اللي يطلق عليهم مسمى صقارة صحيح

اما بعض هالجيل التالي والله ما غير يدودل دميجته ويقول انا صقار .

تلاقي طيره جايه رداد ولا عاد يقدر يطير وهو يقول والله لقرص عليك يالخبيث الين ما عاد تخلي صيدتك .........

الله المستعان .............. تبون الصحيح من عقب ذولا انا اشهد ان الصقور عيقبت

بيض الله وجهك على مشاركتك اخوانك بهالموضوع الزين

وسجل عندك اعجابي بشخصك الكريم وكل من هم على مثل فعولك

كلامك سليم ياسرهيد

[شبراق]

مشاءالله ماخلى شي لنا سرهيد بيض الله وجيهكم

[hawwamT]

الأخ الفاضل رضوان...شاكر مرورك وكل عام وانت بخير
الأخ الفاضل عناز...أضحكتني أضحك الله سنك وسلم لي على أبومحماس..وخله يعلمك على الكراويين اللي في ديرتنا وش سبقها
الأخ الفاضل سرهيد شاكر مرورك واطراءك و أنا قطرة في بحر خبرتكم
الأخ الفاضل الأشعل أشكرك على المرور وكل عام والجميع بخير
الاخ الفاضل سنجار كل عام وانت بخير
الاخ الكريم شبراق تحياتي الحارة

[المري]

ابرك يوم انت المشكلة..

واعجبني شدة ملاحظتك لطيرك والله اعجبني اكثر هو !!! كلام سرهيد ( ابوعبدالله)

يازين كلااامك ياسرهيد وعسى الله ان كفيت ووفيت بخصوص الصقار الصحيح..

الله يحفظك يابوعبدالله..

[((الخالدي))]

الحمد الله وفاله الخرب أنشاء الله

[القرناس المهاجر]

إذا عُـرف السـبب .. بطل العـجب
اخي hawwamT الحمد لله أنك عرفت العله :D:D وحليتها

فالك وفال طيرك التوفــيق 00


اخوك .. القرناس المهاجر

[ابو عايد]

السلام عليكم ورحمة الله وبركاته

كلام صحيح واكثر الطيور اذا اطلعت من المقيظ

[خيال الصبحا]

الاخ حوامات
بيض الله وجهك
والله لا يهينك ، وملاحظه
جيده ، ومعلومه مفيده للمبتدئين
أمثالي ، والله يوفق دنيا واخره ، وشكرًا