لو طلع معكم واحد زي كذا وش تقولون له !!!!!!!

[ليالي المكشات]

السلام عليكم



شباب وش بتسون لشخص طالع معكم لكشتة لاول مرة وطبختم ذيك الكبسة وحطيتوه بتبسي يوم جيتوا بتاكلون قال خويكم الجديد يععع قرف خل ناكل بملاعق وقلتوله اي زين ناكل بملاعق الفقه بس وسكتوه واكلتوا بيدينكم وهو من بينكم يا كل بملعقة وش تقولون له في ذي اللحظه !!!!!!!!!!!!!!!!!!!!!

[موسمي]

بعلمه علوم المراجل شوي شوي لين يتعود على المراجل ... وإذا كان هذا طبعه مره مايغيره قله تلحف

عن البرد في بيتكم :) ...

والله طلع معي واحد مره للبر وجلس في شنطة السياره طول الرحله لين رجنا كنا في الثمامه بعد :) ...

تقبل مروري ...

أخوك : موسمي

[الساهر2003]

السلام عليكم
اولا هو لا يتدخل ويقول يععع افقع وجهه واكرشه يبي ياكل ولا يبعد ويشرب من الشاهي لما ينفقع بطنه واذا ياكل بملعقه كل واحد ينام على الجنب الى يريحه مسكين ماراح يشبع بياكلون عنه اللى يضربون بخمس
والاشكال هذه كثيره لا تدقق تتعب سلفتك هذي ذكرتني بواحد من الربع قبل كم يوم وانا جالس ومتركي وغفلت عنه وانا جالس والتفت وادور المركا والقاه حاط المركا من الجهة الثانية متركي سكت عنه واكتشف في اثناء الجلسة انه معه مركا في السيارة ولا نزله وسكت عنه قلت هذى هوينه والشكوا لله
والسلام

[عاشق خلاوي]

الشرهة مب عليه الشرهة على اللي جابه والله

[راعي العوالي]

عادي يا اخوي عطوا الرجال جوه خلوه ياخذ راحته ما فيها شي الحين اللي يسمعك يقول قالكم يع عشاكم يقرف والا شي مع ان فيه تحفظ كبير على كلمة (((يععع)))

[ليالي المكشات]

اولا مشكروين على تفاعلكم يا اعضاء منتداي المفضل






{{{{{{{{{{{والا شي مع ان فيه تحفظ كبير على كلمة (((يععع)))}}}}}}}}}}}}}}}د

ثانيا هذا من باب المبالغه لكن الي اقصده يجيك بعض الناس يقرفك ويقززك اذا اكل بملعقة من التبسي لانه يدخل الملعقه بفمه ثم يرجع وياكل بملعقة من التبسي هذا مثله مثل السواويق اذا اكلو مفطح ياكل بيده ثم يثر الي فيده على التبسي نفس الشيء الي ياكل بملعقه

وبعدين لا تستغرب اللحين صارت موضة في الفترة الاخيره جنس ثالث يطلعون البر تلقى لابس الجنز الضيق وجزء من قفاه طالع والعياذ بالله:mad:

[آل مغيرة2011]

الرسول صلى الله عليه وسلم أشرف الخلق أكل بيده .

[الذيب المغترب]

الرسول صلى الله عليه وسلم أشرف الخلق أكل بيده .

[مداوي]

لا شك ان الكل باليد من السنه ولاننكر على من أكل بملعقة أما مسألة تعييب الطعام وغيرها فينبغي أن ينكر عليه ذلك وأن يبين له الصواب

[جار الكعبة]

ههههههههههههههههه والله في كثير من الشباب هذولا
مرة كنا في بــر عند نياق لواحد من اقاربنا وكان معانا واحد من الجماعة بس للاسف المال اعمى بصيرته عن علوم القبائل ، المهم كنا في عصرية وننتظر المغرب عشان تنحلب النياق ( وصاحب المكان ياجلس يزبط الجمرية = عجينة الجمر ) ولما اظلمت الدنيا قام خوينا وطلع السيارة خايف من الظلام ههههههههههههه و دواب الليل . الله يستر عليه والله يا جلسنا نقنع فيه يشرب من الحليب مافي فايدة. صحيح صعب جداً تغير من طبع الاشخاص مثل ذولا .
اما بالنسبة للأكل في اليد ثبت علمياً ان اليد تفرز مادة من خلال الجلد تختلط مع الطعام وعند دخولها للمعدة تساعد على هطم الطعام . شي مثبت واكيد .
لكم تحياتي يا بـــــــــــــــــــــــــــــــــــدو .

[عاشق الكنود_]

معذور دام الدعوى به حليب نياق ههههه
واحيانا يشربون بول الفحل او البعير واذا قلت لا قالوا مو علوم رجال هههههههههه
يشربون بول هههه

[عبدالرحمن]

لما تخرج اخوي من الثنوي كان معهم واحد عزمهم على ذبيحه بمناسبه تخرجهم , وكان فيه واحد من بين المعازيم قال ما اكل لحم ولا اكل بيدي , طبعا كنا صغار وصار مسخره بينا بسبب الحركه هذي , و الحين هو ما شاء الله تبارك الله صار في منصب وتقي وما ضره ما شاء الله و حنا صرنا من الرعيه .

لو تبغاني اتعود اكل بشوكه وسكين وتحطني مكانه ما عندي مانع.

و من ناحيه انه يحط الملعقه في فمه ويرجعها في التبسي فيه ناس ياكل بيده اذا جا يحط اللقمه في فمه بسم الله عليه لازم يتأكد انه حطها في المعده ( يدخل يده كلها في فمه ) يخليك تعاف الاكل و الرز يوصل اذانه .

عاداتنا تقول الاكل باليد ولكن ما نخرب طلعه عشان واحد من اخوياك او خوي اخوياك اكل بالملعقه .

[AL-OTAIBI]

انا مع كلام اخوي عبدالرحمن المراجل مهيب بالملاعق و الايدين
بعدين يا شباب حنا كبرنا على الاشياء الصغيره ذي يعني وش تفرق اذا الواحد اكل بيده و لا بالملعقه هذه كلها وسائل لتوصيل الطعام الى الفم فقط لا غير.






تقبل مروري يا أخي ليالي المكشات

أخوك: العتيبي

[برق بريده]

لما تخرج اخوي من الثنوي كان معهم واحد عزمهم على ذبيحه بمناسبه تخرجهم , وكان فيه واحد من بين المعازيم قال ما اكل لحم ولا اكل بيدي , طبعا كنا صغار وصار مسخره بينا بسبب الحركه هذي , و الحين هو ما شاء الله تبارك الله صار في منصب وتقي وما ضره ما شاء الله و حنا صرنا من الرعيه .

لو تبغاني اتعود اكل بشوكه وسكين وتحطني مكانه ما عندي مانع.

و من ناحيه انه يحط الملعقه في فمه ويرجعها في التبسي فيه ناس ياكل بيده اذا جا يحط اللقمه في فمه بسم الله عليه لازم يتأكد انه حطها في المعده ( يدخل يده كلها في فمه ) يخليك تعاف الاكل و الرز يوصل اذانه .

عاداتنا تقول الاكل باليد ولكن ما نخرب طلعه عشان واحد من اخوياك او خوي اخوياك اكل بالملعقه .

تسلم اخوي عبدالرحمن


كلن ينام على الجنب الي يريحوه

[الإستراتيجي]

يا رجال يازينه يا كل بالملعقة خله على هواه مدام الرجال نضيف و طيبه أخلاقه ، أبرك من بعض الناس ما يعرف ياكل يكب باقي الرز في الصحن ويحوس مكانك ومكانه ونصف الرز في الأرض ،،،،


لا والمصيبه تلقاه مبوبز ( لا هو جالس ولا هو واقف ) هههههه وبعضهم الله يجعلك ما تجلس معه أثمه مليان رز و قاعد يسولف يطلع نصف إلي في فمه في الأرض وأنت تشوف هذااااا وش تقول عنه :)

[ولد عنيزة]

الشرهه على اللي جايبه للكشته
وهو بعد مايستحي ولا يقدر الرجال اللي يبونه يستانس ويقول يععععععععع
أشوا إني منب معكم كان مسكته المقير والديره لا شوفك كاشتن معنى

[ابوعلوش]

يابوي .. اعطيه ملفه وهو في البر واقول له انه مفصول من الكشته .. ورح دور لك ليموزين .. ورح لبيتكم الله يرحم والديه ..

[شاعر المستقبل]

بقول للي جا يبه يرجعه

[غالي]

ههههههههههههههههههههههههههههههههههههههه
ذكرتني بكشته
معنا واحد الله يستر عليه من الجماعه
ورحنا روضة خريم (عنده بعييييييد هالحين الرجال يبي دوار العماريه ههههههههه)
المهم اول ما بدت ترش وهو واقف على رجليه يطل من الخيمه الصغيره
ثم صار المطر متوسط وبدت الارض تبتل
الا يمسك واحد من اخواني يا فلاااااااااااان خلنا نمشييييييييييي
تخيل انحجرنا ماعاد نطلع :( وراي عيال انا ههههههههههههههههههههه قلت وحنا مالنا اهل ولا حريم؟ ههههه
واقوله يارجال اذكر ربك المنطقه ماهي وادي ولا انت بعيد شف العوائل حولك جالسين وهم حريم
وهو صامل الا يقوم ونروح
اخر شيء بغيت اللقطه مع قلابيه حق الثوب ( لا والظاهر ثوبه جديد من مشار هههههههههه) واركبه بالسياره قهرني
فا للاسف فيه ناس حقين حدائق مهوب بر
:)

[ارتست]

من ناحية الاكل بالملعقة هذي امور ترجع لصاحبها ولا ظن انها تعيب الرجال

لا كن تحفظي على اللي يجي معك ويعيب امر من امورك اللي اجتهدت فيها وهذا من وجهة نظري قل فهم وقل مرجلة (إذا الواحد عاب شي فيخله في نفسة ولا يبين للي حوله حتى مايحرج صاحبة)

لاكن للأسف ان فيه ناس هذي طريقتهم في النقد من باب التكبر <<< يعني بيقول انه ولد نعمة......

الحمد لله بس اللي نورنا بديننا وبتربيتنا الطيبة;)

[ذيب ساقان]

هذي ياليالي مكشات اقوله الخلى واقضبه الجاده تالي الليل عشان يعرف ان الله حق.
( لاإله إلا الله محمد رسول الله )

[الأجردي]

بسم الله الرحمن الرحيم

والله إذا بياكل بملعقه فياكل بصحن لحاله وخله يمطرس علي كيفه بصحنه
وبسأل كيف يقطع من اللحم بالملعقه والا أنتم تقطعون له.

[الرسن]

ياجماعة المشكلة ماهي في الملعقة انا راعي كشتات وبر ودهناء وربع خالي ومقانيص واستخدم الملعقة
هذي قناعات شخصية ليس لاحد ان يختلف عليها ودمتم.
المشكلة في اللي يقول وعع هذا ودك تعفجه وتمسكه خط في شعيب في ليلة مافيها قمرا وتخليه
الهيس الاربد والله ان يستادب ولاعاد يطلع للبر او يكشت تصير درس له من اول وتالي.
معالسلامة

[طارق الحربي]

لو هو خلاها على الاكل بالملعقه فهو شي عادي جدا ولا يعيب الرجال

ولكن المصيبه كلمة ( يععععع) هذي البلا

[بخار الماء]

ما عاب رسول الله صلى الله عليه وسلم طعاما قط .


وهذا يوعوع .
مسكيـــــــــــــــــــــــــــــــــــــــــ ـــن


الله يبعدنا عن أهل الوعاويع وعوعتهم .


تراهم كثيرين .


وياليت هذا وأشكاله يفهمون ويطبقون


قوله صلى الله عليه وسلم"من صنع إليكم معروفا فكافئوه فإن لم تكافئوه فادعوا له "



وياليت أمثال هذا يفهمون


ومن هاب الرجال تهيبوه # ومن حقر الرجال فلن يُهابا


مشكور أخوي وفيك الخير والبركة

[googl11]

مهما كان فهو خويكم والا ما كشتوه معكم
ثانيا الله يهديك خويك يمكن ما انولد في نفس بيئتك والتربيه لها دور كبير
وبعدين لاتقسون عليه وتنفرونه عن قولته يععع بلعكس سلاح بيدك انت واخوياك هذه الكلمه لكي تعدلون من سلوكه تدريجيا اذا حابين انه يبتل خويكم طبعا ويازينها اذا علمت واحد المراجل وتعبت معه صدقني شعور لا يوصف وخاصه اذا قالك يله نكشت ولنت مشغول تبي تصير في ذيك الليله بس تهوجسبه ومطمئن عليه لانه واحد من طلابك طبعا اذا كانك طير بر والله المستعان

[برنو بيشة]

الناس ماهم سوى
وهذا عاده تزال مع الأيام والأكل بالملعقه شي شخصي من وجهت نظري ولا فيها شيء

وتقبل مروري

[مطر سهيل]

حريه شخصيه والموضوع عادي

[قناص ام وشاح]

تسلم على الموضوع.
تدري شبسويبه
1-بقوله عز النعمه ولا لا تذمها
2- تبي تاكل ولا ضف وجهك
3- من وين له ملعقه

[johnnyDep]

كل شخص له اتيكيت معين متعود عليه انا بصراحه ما اقدر اكل الا بشوكه وسكين وملعقه خخخخخخخخ ولد نعمه
ويمكن هو قال يعععع عشان شاف عدم النظافه بالطبخ يمكن طباخكم خرطي خخخ وعافت نفسه الاكل
ومثل ما قلت لك كل واحد واسلوبه بالحياه ياكل بسكين ولا بمنقاش ولا بخشب مثل الصينين المهم انه ياكل ولا يغير عادته احد
ما اجمل ان يتمسك الشخص بعاداته حتى لو صار عليه مذمه المهم ما يتنازل عن النظافه يا ناس
انا مو ضد الاكل باليد بس بشرط النظافه القصوى تخيلوا سبع اشخاص ياكلون بيدهم من صحن واحد
وكل واحد يرجع يده للصحن مليانه سعابيل اعذروني على الوصف كيف يجيك نفس تاكل والله من جد يع
لكن الملعقه تعطيك نظافه اكثر
هذا مجرد رأي مو اكثر
وتحياتي للجميع

[الساهر2003]

كلن ينام على الجنب اللي يريحه
وفيه بعض الحياونات اطهر من بعض البشر
واللبيب بالاشارة يفهم

[ع العمرو]

المرة الثانيه خلوه يقعد عند امه يقشر بطاط !!:d

[((الخالدي))]

على راحتة بكيفة والله

[الرسن]

كل شخص له اتيكيت معين متعود عليه انا بصراحه ما اقدر اكل الا بشوكه وسكين وملعقه خخخخخخخخ ولد نعمه
ويمكن هو قال يعععع عشان شاف عدم النظافه بالطبخ يمكن طباخكم خرطي خخخ وعافت نفسه الاكل
ومثل ما قلت لك كل واحد واسلوبه بالحياه ياكل بسكين ولا بمنقاش ولا بخشب مثل الصينين المهم انه ياكل ولا يغير عادته احد
ما اجمل ان يتمسك الشخص بعاداته حتى لو صار عليه مذمه المهم ما يتنازل عن النظافه يا ناس
انا مو ضد الاكل باليد بس بشرط النظافه القصوى تخيلوا سبع اشخاص ياكلون بيدهم من صحن واحد
وكل واحد يرجع يده للصحن مليانه سعابيل اعذروني على الوصف كيف يجيك نفس تاكل والله من جد يع
لكن الملعقه تعطيك نظافه اكثر
هذا مجرد رأي مو اكثر
وتحياتي للجميع

اسمح لي اذا كان في اليد سعابيل فترى الملعقة ماتخلو من السعابيل وتفاعلها الكيمائي انت توحي
معالسلامة

[johnnyDep]

اسمح لي اذا كان في اليد سعابيل فترى الملعقة ماتخلو من السعابيل وتفاعلها الكيمائي انت توحي
معالسلامة

اسمح لي انت حبي الملعقه اذا كانت نظيفه اتحداك تسبب اي نوع من انواع التفاعل الكيميائي وين هي معادلة بالعكس انت اذا اكلت فيها تخلي اللقمه على قد الفم بالضبط لكن اليد تختلف
اذا كان الواحد مع اهله مو مشكله ياكل باليد لكن مع شباب وعددهم كثير والاكل يكون باليد ما اظن انها بتكون فاضيه من السعابيييل انت توحي ولا ما توحي

[ليالي المكشات]

اشكركم على تفاااااعلكم ولكم كل الامتناااان
موسمي
الساهر
عاشق خلاوي
راعي العوالي
عبدالله
الذيب المغترب
مداوي
جار الكعبة
عاشق الكنود
عبدالرحمن
al-otatbi
برق بريدة
ثرمداء شبح
ولد عنيزة
ابو علوش
شاعر المستقبل
غالي
بن دخيل
الاجردي
الرسن
طارق الحربي
gcog111
برنو بيشة
مناص ام وشاح
johnnypep
ع العمرو- الخالدي

[escape_man]

والله ياخوي كل شخص وطبعة

لكن القضية مهيب انه ياكل بملعقة او ماياكل الا شغلات معينة

القضية انه اذا اجبرتك الظروف وماجت على كيفك وكيفه وصار عوووومه ( راكب راسه )

هذا وشحيلتك فيه ,,, يعني بحكم انك راعي بر ومرت عليك تجارب وتتحلى بالتكيف مع الامور

وطاح بكبدك اشخاص يخالفون مبادئك وقناعاتك

الاسبوع الماضي زبطت السحور وكان الهواء شوي قوي والمكان مرتفع فتأخر شوي لكن كنا لانزال بدري على السحور

اشغلنا واحد من الشباب ::

مابوه امل يخلص .... حطوه مرقه ... تقل هذا دافورك ... مابه مع خوياك دافور ثاني ... الحين وراو مانمشي وناخذ سحورنا بالرياض

مع العلم انه السحور زبط وكان كايف وعلى كيفك

اقسمت بالله انه مايتعدى معي دوار الثمامة او تفتيش المزاحمية

[ليالي المكشات]

((اقسمت بالله انه مايتعدى معي دوار الثمامة او تفتيش المزاحمية))

هههه اعصااااابك شكلك تتنرفس من ذي الاشكال وشايف منهم الويل

وعلى العموم مشكوووووووووووووووووووووووووووووووور على مداااخلتك اخوي

[دايم المحبه]

الصرااحه الموضوع مايستااااااهل كل الاهميه هااااااذي

ولاكن حبيت اقول انا الاكل بالملعقه اتوقع انه عاااادي بس اقول الي ياكل بالملعقه

حرم نفسه نعمت الاكل بالخمس ولاكن الي يقووول انها قررررف الاكل باليد

هاذا لو يفقد النعمه يوم واااحد كان يااااكل لو في الاكل اي شي مقررف

الشي السي هو الي يعييب في الاكل ولو فيه خير ليش ماطبخ هو

ولو انه جوعاااان كان كله وسكت وشكرا

[سامي العنزي]

مااقوله شي
اطنشه واتعشى كأنه مو معي .

[ولد الصحاري]

عادي هذا الشي

[أبومنصور]

اضـمـن انه مهوب معرمــش
واقطع له اللحم انا على مزاجي
وخل ملعقته تنفعه يدب فيها من الرز لين ينتفخ
هههههههههههههههههههااااي
......
على العموم اكرام النفس هواه

[مغلي الوضح]

مهما كان فهو خويكم والا ما كشتوه معكم
ثانيا الله يهديك خويك يمكن ما انولد في نفس بيئتك والتربيه لها دور كبير
وبعدين لاتقسون عليه وتنفرونه عن قولته يععع بلعكس سلاح بيدك انت واخوياك هذه الكلمه لكي تعدلون من سلوكه تدريجيا اذا حابين انه يبتل خويكم طبعا ويازينها اذا علمت واحد المراجل وتعبت معه صدقني شعور لا يوصف وخاصه اذا قالك يله نكشت ولنت مشغول تبي تصير في ذيك الليله بس تهوجسبه ومطمئن عليه لانه واحد من طلابك طبعا اذا كانك طير بر والله المستعان
.................................................. .................................................. .


تحياتي وتقديري لصاحب الرد أعلاه

[عقريص]

أنا أئيد كلام أخوي الساهر

[Ry905]

البر يبي له خشونة وتعود على ترك الكماليات ووسائل الراحة

[weather]

هذي بسيطة المشكلة لين طق اللطمة وقعد مايبي يوصخ يديه ولا يشب ضو ولايصب قهوة .

[فتى التويم]

المسأله مسأله شخصيه يعني بكيفه

بس اللي يدور على الرجال ويشوف انه ياكل بملعقه ويعيب هذا عليه فهو اكبر غلطان

وياكم من واحد ياكل بملاعق ارجل من ألف واحد ياكل بيده

[أبو فهد ( 1 )]

اسمع يا أخي ليالي المكشات إذا كان الرجال أخلاقه طيبة

أعتقد مايعيبه الأكل بالملعقة بالعكس أقوم واجيب له ملعقة واقول تفضل يا أخي بالعافية

لا بعد لويبي جبت له عودان حقات الصينيين

وسلامتكم

[طير شـ م ـالي]

أبــروح وأتــركـــة :mad: :mad: :mad:

[قناص الوعول]

اكرام النفس هواها كلن نام على الجنب الي يريحه

[تركي البرازي]

السلام عليكم



يععع قرف خل ناكل بملاعق بملعقة وش تقولون له في ذي اللحظه !!!!!!!!!!!!!!!!!!!!!

السلام عليكم

طبعا من ناحيتي الشخصية

أنا أحترم كل عادات وتقاليد المجتمعات ... فلكل مجتمع عادات وتقاليد تميزه عن المجتمعات الأخرى ... مثلا السلام عندنا (( تبويس )) هذا شيء طبيعي عندنا ، لكن عند الغرب تعتبر شخص شاذ جنسيا ؟؟؟؟؟؟؟؟؟
وعندنا إحترام الشياب وتقبيل رؤوسهم إلخ ..

فعندما يتكلم شخص ما في عاداتي وتقاليدي فهمته إياها ...
أما الشخص الخكري فسوف أضع له إناء خاص به (( لأننا في نظره وصخين )) وأخليه ياكل زي الكلب لحاله ....

والسلام ختام

[الطامي]

انا اللي باقول له
اييييييييييييييييييه
تعلم من الرجاجيل لايضحكون عليك والا فارقنا ولاتخاوينا

[barracuda]

هذا يا خوي تربطه في الصدام و تسحبه الين باب بيتهم

http://www.mekshat.com/pix/upload/sign/images/mk58338.gif

[خبيرالقميري]

تسلم اخوي واقول لو اني مكانك ازبرله واشوته ولاه هناك :mad: واناقدصاري مثل كذا وحنا طالعين مع الربع جاء واحد من اخويانا وتظهر عليه أثارالنعمه +النعومه وحناجالسين قال واحد من اخويانا فيه غار قريب خلنا نروحله قلنا ياله ورحت انا وياه نشوف المكان يوم رجعنا قلنالهم ياله ورحن يمه وعوينا رافض نروح من اول شي لاكن قما قال المثل القوه تغلب الشجاعه ورحنا وشلنا العجب عوينا ممممممممممذرق وحنا شبين ضو طبعن معروف ان اول ماتشب الضو ادخن الضو وعوينا منسدح ولابس نظارته الشمسيه يقووووووول دخان يالله وماطلع من الغار الا يوم جينا نبي نمشي:j

[طلال آل مقبل]

(لا يوجد تعليق)ههههههههههههههه

[سيف الظفير]

خله يا كل بيده بالغصـــب واذا بدا ياكل كب في دربة لبــــــــــن !!!!!!!!


ولا عاد تاخذ معك الا قروووووووم يا خوي

[هاوي3333]

ادخا الملعقه بحلقه ههههههههههههههه

[ليالي المكشات]

مشكورين اخواني اعضاء مكشات العزيز

escape_man (http://www.mekshat.com/vb/member.php?u=10578)
دايم المحبة
سامي العنزي
ولد الصحارى
فيصل المنصور
مغلي الوضح
عقيرص
rx905
weather
فتى التويم
ابو فهد (1)
طير شمالي
مقناص الوعول
تركي البرازي
الطامي
barracuda
خبير القميري
طلال ال مقبل
سيف الظفير
هاوي 3333

على تفاعلكم وفيتوا وكفيتوا وما قصرتوا

[عاشق الصحرى]

صراحه اقوله ارخمه الشرهه مو عليه على اللي طلعه البر

[مرقاب]

يااخوان ان كان على الملعقه الامر يهون فيه اشياء ثانيه اعظم وادج تحياتي

[بحر الظلمات]

بعض الناس يتعب نفسه ويحاول يلاحظ كل حاجه وهذا خطاء كبير يجب على الانسان ان يترك الناس براحتها وانا عن نفسي ما انظر بلي معي على الصحن وقت الاكل لان من راقب الناس مات هما ونا اعرف واحد معانا بالعمل والله يدفع قطه وما ياكل معانا كله من مراقبته للناس ياشباب التركيز على المعاني الايجابيه ضروري جدا وعلى قول اخوانا بمصر مادئئش

[المليحي]

الرسول صلى الله عليه وسلم أشرف الخلق أكل بيده .

[ذيب الصمان]

عايدي (عادي) ما فيه مشكله في الموضوع شخص لا يحب الاكل بواسطة اليد

[مرفــأ]

يا رجال يازينه يا كل بالملعقة خله على هواه مدام الرجال نضيف و طيبه أخلاقه ، أبرك من بعض الناس ما يعرف ياكل يكب باقي الرز في الصحن ويحوس مكانك ومكانه ونصف الرز في الأرض ،،،،


لا والمصيبه تلقاه مبوبز ( لا هو جالس ولا هو واقف ) هههههه وبعضهم الله يجعلك ما تجلس معه أثمه مليان رز و قاعد يسولف يطلع نصف إلي في فمه في الأرض وأنت تشوف هذااااا وش تقول عنه :)



والله صدقت اخوي

لا نعيب اكله بالملعقه مع ان الافضل باليد

ولكن نعيب كلمت يععععع

[راعي الضلع]

متكدن يمكن

[ليالي المكشات]

مشكورين اخوتي الاعضااااء

عاشق الصحرى
مرقاب
بحر الظلمات
المليحي
ذيب الصمان
مرفأ
راعي الضلع

على المشاركه الفعالة

تحياتي

[@أبو زيد@]

يارجال زين أنها وقفت على الملعقة

أشوى انه ما قال أبي من ماكدونالدز ههههههههه

[د م ق]

ارجعه للديرة بوز

[الخيال الاسود]

هـذا أول مرة أعطي سداح فرصه حتى يتعود

[جنون الليل]

صراحة الأكل باليد له نكهة لكن يجب أن يكون بأدب
وكذلك الأكل بالملعقة له بروتوكول لكن ما أتوقع بالبر إلا إللي متعيجز يقوم يغسل
لكن يجب علينا إتباع الأدب النبوي أثناء الأكل حتى لا نثير إشمئزاز وقرف الآخرين مما يجبرهم على ترك الأكل
واللي يبي ياكل بيده واللي يبي بالملعقة موهنا المشكلة
كل شخص وحسب تعوده
واللي دعاك للقرف من هذا الشخص أنه يحط الملعقه في فمه وياكل إذا كان الأكل جامد مايضر
أما إذا كان مرق وماشابه ممكن
البعض ما يتقبل وأنا أولهم حتى لو أشوف أحد يذوق الأكل أثناء الطبخ ثم يحرك الأكل بنفس الملعقة والله ما أمد يدي عليه
أما إذا ماشفت شي مو مشكلة:j :D

لكن فيه ناس وكثيرة وياليتهم يتنبهون لأنفسهم يقرفونك من بعد أمتار وهم اللي ينفضون إيديهم على الأكل عقب كل لقمة ولا يمص أصابعه عقب كل لقمة ويرجع ياكل معك لا ويقطع لك لحم بعد:D
بس فيه شي نسيتوا منول يوم العالم كلهم يرشخون المرقة من بادية وحدة بالفناجيل:p
والغضارة اللي تقول حجري ((قدر أبو ذبيحة)) والكل يشرب منها وعاد الرجاجيل شواربهم اللي يوقع عليها الطير :D تغطس فيها :p
وترى هذا سبب قلة حدوث العين في السابق كلً يشرب عقب الثاني وياخذ مناعة:p

[سيد النشاما..]

ذكرت مرة قبل 4سنين تقريبا َ
في واحد من الشباب أبغاه يتعود على البر ويخاويني في كشتاتي
فأخذت اني اطلعه معي للبر لكن في نهار
فيوم جا ذاك اليوم قررنا نطلع نتعشاء وحنا موجهين يم ذاك الشعيب ... أهو شاف الدنيا ظلمى وخرمس
فقال((( رجعنا نصلح عشانا عند البيت . ارجع والله أني لأعشيك على حسابي . ارجع شف مافي احد في البر . ترى الدعوة ماهوب بر في بر ياخي أنت ماتمل من البر ؟؟ ... ))) وأنا صامل ومعزم ولافيها رجعة ابد أبد
فيوم تعشينا وغسلنا القدور وما احتاج لتغسيل ألا وذاك الصوت اللي يطق طق في رفرف السيارة

والخوي جلس يتلفت ويقول لي :(( شفت هذا فايدة البر . أنا قايله لك خلنا نرجع من زمان ))

الطقطقة طلعت مقلب من رفيق لنا موقف موتره وقاطع مسافة ماتقارب 500 متر علشان يسوي المقلب الله يهديه . والزبدة مافي السالفة أن الخوي اللي طلع معي معاد واطن البر وأخذها درس لمدى الحياة ........


من بعدها مايطلع معي ألا رجال عارفين وش معنى كلمة البر

[راعيية]

الطلعة الثانية للبر مااجيب ملعقة خالص وسلامتك الا الملس

[راعيية]

الطلعة الثانية للبر ماجيب ملعقة الا الملس اوهقة هههههههههههههههه.

[ليالي المكشات]

<P>
<FONT face=Arial><FONT size=5><FONT color=indigo>بس فيه شي نسيتوا منول يوم العالم كلهم يرشخون المرقة من بادية وحدة بالفناجيل<IMG class=inlineimg title=ساخر alt="" src="images/smilies/tongue.gif" border=0 smilieid="6"> </FONT></FONT></FONT></P>
<P><FONT face=Arial><FONT size=5><FONT color=indigo>والغضارة اللي تقول حجري ((قدر أبو ذبيحة)) والكل يشرب منها وعاد الرجاجيل شواربهم اللي يوقع عليها الطير <IMG class=inlineimg title=ضاحك alt="" src="images/smilies/biggrin.gif" border=0 smilieid="4"> تغطس فيها <IMG class=inlineimg title=ساخر alt="" src="images/smilies/tongue.gif" border=0 smilieid="6"> </FONT></FONT></FONT></P>
<P><FONT face=Arial><FONT size=5><FONT color=indigo>وترى هذا سبب قلة حدوث العين في السابق كلً يشرب عقب الثاني وياخذ مناعة<IMG class=inlineimg title=ساخر alt="" src="images/smilies/tongue.gif" border=0 smilieid="6"> </FONT></FONT></FONT></P>
<P>&nbsp;</P>
<P>&nbsp;</P>
<P>هههههه ليش لا والله يمكن كثرة العين هاليومين بسبب عدم شرب الاخ عقب اخوه المسلم</P>
<P>&nbsp;</P>

[ليالي المكشات]

<P>
<FONT face=Arial><FONT size=5><FONT color=indigo>بس فيه شي نسيتوا منول يوم العالم كلهم يرشخون المرقة من بادية وحدة بالفناجيل<IMG class=inlineimg title=ساخر alt="" src="images/smilies/tongue.gif" border=0 smilieid="6"> </FONT></FONT></FONT></P>
<P><FONT face=Arial><FONT size=5><FONT color=indigo>والغضارة اللي تقول حجري ((قدر أبو ذبيحة)) والكل يشرب منها وعاد الرجاجيل شواربهم اللي يوقع عليها الطير <IMG class=inlineimg title=ضاحك alt="" src="images/smilies/biggrin.gif" border=0 smilieid="4"> تغطس فيها <IMG class=inlineimg title=ساخر alt="" src="images/smilies/tongue.gif" border=0 smilieid="6"> </FONT></FONT></FONT></P>
<P><FONT face=Arial><FONT size=5><FONT color=indigo>وترى هذا سبب قلة حدوث العين في السابق كلً يشرب عقب الثاني وياخذ مناعة<IMG class=inlineimg title=ساخر alt="" src="images/smilies/tongue.gif" border=0 smilieid="6"> </FONT></FONT></FONT></P>
<P>&nbsp;</P>
<P>&nbsp;</P>
<P>ههههههه يمكن والله كثرة هالعين بين الناس هو عدم شرب الاخ عقب اخيه المسلم</P>
<P>&nbsp;</P>