طرق طرح الصقور ... دعوه لتبادل الخبرات

[أبو رداد]

السلام عليكم ورحمة الله وبركاته
رمضان مبارك على الجميع
وان شاء الله يكون هذا الموسم موسم خير ورزق على الجميع
,,,
هناك طرق كثيره لطرح الصقور
منها ما أصبح قديما ولم يعد يستخدم
ومنها طرق لازالت تستخدم
مثل ( الخدج , الناشبيه , الظليه , الشبكه الارضيه , صيد النخيل , طريقة العتاله, النوجه)
وسوف امر على هذه الطرق مرورا سريعا
واركز في الشرح على طريقة طرح الصقور بواسطة السياره
لانها اكثر الطرق انتشارا
وسوف اقسم شرح هذه الطريقه الى
1 / التجهيزات المطلوبه
2 / طريقة البحث والتميز بين الصقور وباقي الجوارح
3 / كيفية التعامل مع الصقر الوحش منذ رؤيته الى تسبيقه
4 / الحيل المجربه مع قرانيس الهوى ...
5 / وضع فرضيات لصقر في الحوم او على عمود كهرب او يطرد شيء او موقع فوق الارض والطرق المثلى للتعامل معه
,,,
اتمنى من جميع الاخوه التفاعل وتبادل الخبرات
لان منتدانا يدخل اليه طواريح من معظم الاقطار العربيه
ولعلنا في موضوعنا هذا ننفع اخا لنا محتاج للمساعده
ونكسب الاجر في هذه الايام الفضيله
,,,
المواضيع اعلاه سوف تكون متسلسه بعد ردي هذا ان شاء الله
والي عند سؤال او اقتراح او مداخله فليتفضل
والسلام

[أبو رداد]

لم يكتمل الموضوع بعد

[أبو رداد]

لم يكتمل الموضوع بعد ...

[خيال الصبحا]

وعليكم السلام ورحمة الله وبركاته
الاخ ابو رداد
تقبل الله منا ومنك
صالح الاعمال ، وبخصوص
الموضوع هذي نسخه من موضوع
كتبته قبل كم يوم ، وان شاء الله تكون فيها الفايدة
.
.
.
بسم الله الرحمن الرحيم
السلام عليكم ورحمة الله وبركاته
كيف حالكم يااهل مكشات؟ان شاء الله بخير
اليوم راح اكتب موضوع ماراح أسأل ههههههههههه
إذا شفت طير وحش كيف تطرحه؟؟الطرق كثيرة ولكن ابي
احاول اشرح لكم الشيء الي اعرفه والي اقدر عليه ، والشيء الي
مااعرفه اتركه لكم ..طبعًا قبل لا أبدأ أفضل وقت لشبك الطيور هو بعد
الفجر(يكون الطير توه ماصاد شي ويدور العلف)
1-لو كان الطير صايد حمامه او سمانه أو فاره أو أي شيء ثاني ماعليك بهالحالة
الا انك تلحقه بالسيارة ماتخليه ياخذ فرصة انه يوكر وياكل الصيده الي معه ، بعد شوي
من طرده راح يرمي صيدته ويكمل طيرانه ، أنت وقف على الصيده الي رماها ولبسها شبكه
(أي نوع من أنواع الشبك)وأن كان الشبكه مربوط بها ثقاله أحسن(الثقاله هي حصاه أو حديده
أو اي شي ثقيل تربط الشبكه به على شان مايطير بها الطير)وبعد ماتلبس الصيده شبكه ابعد عنها وانتظر
راح تلاحظ ان الطير يرجع لها بعد شوي وأن رجع لها ونزل عليها أنت اركب السيارة ودر عليه من بعيد
لبعيد(خذ عليه دوره كامله أو نص دوره)وبعدها سق عليه وان شاء الله تلقاه متعلق بالشبك(فايدة الدوران هي
على شان يتحرك الطير وتضمن انه تعلق بالشبكه)
2-لو مرك طير بالسماء(ماهو صايد شيء ولكنه طاير)أسبقه بالسيارة وارم(احذف)له سمانه او حمامه(بدون شبكه)
وابعد عنه ، أن هد عليها وصادها هذا هو المطلوب وان ماصادها يخلف الله على الحمامه(لو كان بالحمامه شبكه وماصادها
الطير وش تسوي ؟؟ على شان كذا ارمها بدون شبكه أن صادها او تطير وماتعذبها)المهم ان صادها خله شوي لين يذكيها
ويذوق الدم ، لاذاق الدم الحقه بالسياره لين يرميها ولبسها شبكه ... الخ(مثل النقطة رقم 1)
3-لو لقيت طير موكر على حزم وش تسوي؟؟أرم له سمانه أو جربوع أو فاره(والطيور تستانس على الجرابيع والفيران)أو
قطا أن كان معك ، طبعًا الي ترميه له يكون بشبكه وثقاله واطلب الله انه يهد عليها
4-لو لقيت طير قبل تغيب الشمس وش تسوي؟؟حاول معه بالطرق السابقة أن مشى الحال خير على خير ، ولكن أن
غابت عليك الشمس وانت ماطرحته وش تسوي؟؟عندك احد حلين : الأول أنك تحتريه للفجر وقبل يطلع النور ارم له
السمان والجرابيع لان بعض الطيور يطير على طلعت النور على شان كذا لازم تكون انت راميهن له من بدري.
والحل الثاني أنك تطرحه بالليل بالمخدجه(المخدجه هي حديده طويله براسها حديده دائرية وشبكه مثل الي مع صيادين
الحشرات وبعض صيادين السمك)وطريقتها انك تسري للطير بدون صوت(ان كان عليكم هوى نزل ثوبك على شان
مايخرفش)وأمش شوي شوي لين يبقى على الطير شوي (على طول المخدجه الي معك)واذا قربت منه ان شاء الله تصيده
(أظن انه لازم يكون معك كبس وتوجهه على الطير وتقرب منه لين تصيده على شان مايشوفك)

طبعًا كل الحالات السابقة لو كان مامعك طير ، ولكن لو كان معك طير تقنص به ولقيت طير وحش وش تسوي ، أظن
ان الصقاقير يعرفونها على شان كذا ماني ذاكر الطرق على شان ماأطيل الموضوع ، هذا وماأصبت فيه فمن الله ، وما
أخطأت فيه فمن نفسي والشيطان ، وعدلوا لي ان كاني اخطيت بشيء ، وشكرًا

[الاشعل 316]

يعطيك العافيه يا ابو رداد

وبيض الله وجهك وجزاك الله الف خير

اخوك ابو سطام

[رضوان]

السلام عليكم
ماقصرت يا ابو رداد ديما متميز

[بوعوف النصر]

بيض الله وجهك يا ابو رداد على الموضوع ويعطيك العافيه

[المهاجر1]

الله يعطيكم العافيه وماقصرتوا وان شاء الله يوفقكم الله فى طرح الطيور

[مبحوح الحروف.]

السلام عليكم ورحمة الله وبركاته

رمضان مبارك على الجميع
وان شاء الله يكون هذا الموسم موسم خير ورزق على الجميع
,,,
هناك طرق كثيره لطرح الصقور
منها ما أصبح قديما ولم يعد يستخدم
ومنها طرق لازالت تستخدم
مثل ( الخدج , الناشبيه , الظليه , الشبكه الارضيه , صيد النخيل , طريقة العتاله, النوجه)
وسوف امر على هذه الطرق مرورا سريعا
واركز في الشرح على طريقة طرح الصقور بواسطة السياره
لانها اكثر الطرق انتشارا
وسوف اقسم شرح هذه الطريقه الى
1 / التجهيزات المطلوبه
2 / طريقة البحث والتميز بين الصقور وباقي الجوارح
3 / كيفية التعامل مع الصقر الوحش منذ رؤيته الى تسبيقه
4 / الحيل المجربه مع قرانيس الهوى ...
5 / وضع فرضيات لصقر في الحوم او على عمود كهرب او يطرد شيء او موقع فوق الارض والطرق المثلى للتعامل معه
,,,
اتمنى من جميع الاخوه التفاعل وتبادل الخبرات
لان منتدانا يدخل اليه طواريح من معظم الاقطار العربيه
ولعلنا في موضوعنا هذا ننفع اخا لنا محتاج للمساعده
ونكسب الاجر في هذه الايام الفضيله
,,,
المواضيع اعلاه سوف تكون متسلسه بعد ردي هذا ان شاء الله
والي عند سؤال او اقتراح او مداخله فليتفضل

والسلام






كمل موضوعك يابو رداد ولاهنت تراك واعدنا من سنة انك تبي تنزل موضوع يخص طرح الطيور


ووعد الحــر :) دين

[((الخالدي))]

الله يعطيكم العافيه وماقصرتوا وان شاء الله يوفقكم الله فى طرح الطيور

[elsayad]

مشكورين والله أخوي ومشرفنا أبو رداد على الموضوع الطيب
ومشكور أيضاً على موضوعك خيال الصبحا
وجزاكم الله خيراً

[بويوسف الكويت]

الله يعطيك العافيه و بيض الله وجهك على المعلومات الطيبه و تقبل مرورى بويوسف

[ابو سمحه]

مشكوووووووووووووور
اتعب ونا اقول مشكور
الله لا يحرمنا منك
والله يكثر امثا لك

[الرجم العالي]

2 / طريقة البحث والتميز بين الصقور وباقي الجوارح


أي والله موضوع جميل ومفيد والأقتباس هذا أهم شي وشلون نميز خصوصا اذا صار الوحد عليمي مثلي :)

(( اليوم طالع أصيد طبعا (( قميري )) لاحبارى ولا كراااوين :) وشفت لي طير والله أنه دغدغ مشاعري

مدري وشهو من لحيه طبعا صورته بس شوي لك عليها الصوره وودي أنزلها بس قلت نصبر شوي أخاف تصير

ضحكه علي مارحت ولا جت .. عموما ننتظر باقي الموضوع الجميل وأن شاء الله نستفيد[/CENTER]

[ابن الشايب]

ومنها طرق لازالت تستخدم
مثل ( الخدج , الناشبيه , الظليه , الشبكه الارضيه , صيد النخيل , طريقة العتاله, النوجه)
وسوف امر على هذه الطرق مرورا سريعا
هلا ابو رداد
ابي استفسر عن الظليه ,صيدالنخيل,طريقة العتاله, النوجه,
ياليت توضح لنا هذي الطرق ومنك نستفيد
تحياتي

[همس الرعد]

السلام عليكم ورحمه الله وبركاته
الصراحه وانا اتجول في صفحات المنتدى لقيت هالموضوع الاكثر من ممتاز بس ما لقيت فيه زي ما كتب ابو رداد لكن اتمنى ان باقي الاعضاء يفيدوننا

[بو هاشم]

يعطيك العافيه على الموضوع المهم والممتاز

[الروقي2]

حيااللة خيال الصبحا موضوع مميز ومفيد -لكن اخر كلامك ختمتة بشي بعض الاخوان يجهلونة وهو -اذا معك طير وشفت طير وحش ماذا تفعل- هل قصدك الطير الذي يستخدم في النقل؟