المساعد الشخصي الرقمي

مشاهدة النسخة كاملة : ودي اشتري ناقة ولاكن


الذيب المغترب
19/09/2007, 08:24 PM
ودي اشتري ناقة ولاكن كيف اعرف الناقة الزينة من اللي ماهي زينة
يعني باختصار كيف اعرف الناقة السليمة ماتكون حايلا حليبها كثير مافيها امراض هدية وكيف اعرف العمر مع العلم مايهم ان كانت ماهي مزيونه ولاكن مقبولة ارجو الافادة من الاعضاء الاعزاء-------وشكرا
التام
19/09/2007, 10:03 PM
الذيب المغترب

هلا وحياك الله من ناحيت الناقه الي تبيها للحليب في الحلراج البل واجده ونشاء الله تلاقي الناقه الطيبه

الناقه السليمه : الي مافيها جرب ولاهي مكسوره ونتا تعرفها من اول ما تشوفها

تبي حليبها كثير : اذا انتا اول مره تشري نا قه اشتري نا قه خلفا توها والد احلبها وذا عجبك حليبها وكثرته

اشتري وهذي تعود لرغبتك في كثرت الحليب اذا عجبتك كثرته وكمان ديود اناقه ان كانت رويانه وكبيره

الهديه: لارحت للي تبي تشريها منه اشرط عليه انك تحلبها بنفسك واذا الناقه قامت تعقط وتحرك وترغي وتلد

يمك بتنهش فابعد عنها لانها عجور وفيه ابل وهي بكار وش حلاها لاكن لمنها تولد اتغير

العمر : تعرف العمر لمن تفر سنها الثنيه طيبه للي يبي له بكره ويتحلبها لاكن انكان تبي الحليب الرباع طيبه

الثنيه تشوف سنين اثنين والرباع مثلها تقريبن مثل الغنم


والله يوفك بالناقه الي ماتخجلك عند ضيوفك وتحلب الين تتعب يدك



وتقبل تحيات...........التام
رووس الشواهيق
19/09/2007, 10:47 PM
والله وانا اخوك الناقة وحده ماتنفع وانا اشوف لو تشيل الفكرة هذا من راسك يكون احسن لأنها والله ((( متعــــــــــــــبة )) وانا مجربها متعبة من كل ناحية طعام وشراب وعناية علشان الحليب وترى البل في الوقت التالي غالية مانت محصل وحدة والا وفيها عيب اسألني انا دايم اجي السوق واشوف البل واشوف كيف بعض الشباب يجي ويشتري نياق بسعر غالي جدا مثل ماقلت لك ؟؟؟ والله لو تشيل الفكرة هذا من راسك يكون احسن (((( مجرد راي وانا احتفظ فيه ))))) يعطيك العافية والله يهنيك انشاء الله تقبل تحيات اخوك رووس الشواهيق
الذيب المغترب
20/09/2007, 12:04 AM
اخوي التام
اشكرك على ماذكرت من معلومات
طيب كم سعر الناق اللي ذكرت سوا كانت مجهم او مغتر ان كانت ثنية .
اخوي رووس الشواهيق
اشكرك على النصيحة وسوف ادرس نصيحتك .
المسااااافر
20/09/2007, 04:19 AM
هلا بك اخوي الذيب المغترب كلام اخوي رووس الشواهيق صحيح وانا والله انصحك بالمجهم لانها حليبها واجد وتلقها بشهر عشره الخلفات اكثر لان اكثر البل ولادتها بعشره وانصح بالبكر ام ثاني ولا ثالث وبتلقها بحدود 8الى 12الف ريال وانشاء الله اكون افدتك.
الذيب المغترب
20/09/2007, 06:06 AM
المسااااافر اشكرك على على المشاركة وافادتك وخصوصا وقت الولادة والسعر لانك تخبر اللي عندة خلفة الوقت هذاومن قبل شهرين متغليين بالسعر لقلة الخلفات
AL-OTAIBI
20/09/2007, 01:13 PM
والله شف و انا اخوك ان كانك تبي كثرة الحليب مالك غير المجاهيم مشوره بكثرة حليبها

على طاري كثرة الحليب ذكرتني بواحد من اخوياي مهوب راعي ابل قرر انه يشري ناقه و يحطها بمزرعته علشان يتمنحبها هو و عياله الزبده انه يوم راح للسوق طاح له بشريطي سوداني و خف عليه و باع له ناقه متورم ديسها و خوينا الله يستر عليه يحسبنه شي زين >>>> على باله مليانه حليب و تورط بها المسكين .
الذيب المغترب
21/09/2007, 04:52 AM
ههههههه ههههه ان شاء الله ماكون زي خويك
لاكن المجاهيم معروفة بتورم الديد وهذا اللي مخوفني منها
اشكرك على المرور والمشاركة