قلب شاهين
22/09/2007, 03:34 PM
السلام عليكم ورحمة الله وبركاتة ،،
أخواني أعضاء منتديات مكشات حبيت أنزل موضوع للمبتدئين بالصقارة وهو يعم الجميع وفيه تبادل خبرات وهو عن تعليم الطير عن الملواح ،،
أنا أبذكر لكم طريقتي الي أسويها وأنا أعتبرها طريقة جيده ،،
طبعا في أول الأيام بعد ماتدهل طيرك وتركده وتقصر عليه بالعلف أخذ الملواح وعلفه بالملواح حط العلف بين الجنحان وعلف الطير اول ثلاث أيام بالملواح خله يعرف أن الملواح هو علف ،،
وبعدين أبدا نقز الطير على الملواح واذا جاء أكرمه بالعلف ، ومن بعده أطلع البر وأدع الطير من مسافه 5 أمتار على الملواح واذا جاء لا تشيل الملواح خله يعلف شوي وبعدين بعد المسافه خلها 10 امتار وأدعه واذا جاء بعد المسافه يعني كل ماله تبعد المسافه الى ان تصل 20 متر تقريبا وابدا أسحب الملواح أول مره أسحبه مره وحده وبعدين مرتين وبعدين خمس وعشر وكل ماله زود الى ان يكون الطير بدا يشقلب على الملواح وهنا يكون الطير يعرف الملواح ،،
هذا هو الموضوع لكن أبذكر لكم قصة صارت لنا :
كان عندنا مثلوث حر والطير هذا حااااار ويحب الملواح المهم الطير هذا معروف بالملواح يا انه يشطف راسك أو انه يشيل شماغك ولا يشيل نظارتك المهم انه يلعب بحسبتك وكنا طالعين ندعي طيورنا المهم لوحنا لكم طير وجاء دور المثلوث وكان معنا واحد سبيعي مايعرف طبع المثلوث وقنا ها يارجال مين بيدعي المثلوث وكل واحد يطالع الثاني وبأبتسامه يعني ماني ملوح وجاء السبيعي وقال وش فيكم خايفين انا ابلوحله قلنا طيب وراح ومسك الملواح وبدا يلوح وهدينا الطير المهم والطير اول مره ماسوا شي وكذالك ثاني مره لكن المره الثالثه جاء شاطف راسه وخاف السبيعي شوي وحول عليه شال شماغه وانا اسمعه يصيح الله يلعنه من طير وش ذا المهم وبعدين حول على النظاره هههههه واشووفه يجدع الملوااح ويقول والله معذورين يوم انكم ماتبون تلوحون له ههههه ،،
ومره كان عند ولد عمي طير حر مجهم ونفس الشي الطير حار المهم وهو يلوح له يشطفه وبالأخير جاء الطير مسرررع ويصدم براسه !!!
عندي سؤال وش سبب الطيور الي مثل هذي الحاله وفي بعضهم يخلي الملواح ويحول على راسك علما بأن اغلبهم وحوش مافيهم جير !!
أرجو أن يكون الموضوع يعجبكم واذا كان فيه غلط السموحه ،،
( الموضوع لتبادل الخبرات )
تحياتي / قلب شاهين ،،
أخواني أعضاء منتديات مكشات حبيت أنزل موضوع للمبتدئين بالصقارة وهو يعم الجميع وفيه تبادل خبرات وهو عن تعليم الطير عن الملواح ،،
أنا أبذكر لكم طريقتي الي أسويها وأنا أعتبرها طريقة جيده ،،
طبعا في أول الأيام بعد ماتدهل طيرك وتركده وتقصر عليه بالعلف أخذ الملواح وعلفه بالملواح حط العلف بين الجنحان وعلف الطير اول ثلاث أيام بالملواح خله يعرف أن الملواح هو علف ،،
وبعدين أبدا نقز الطير على الملواح واذا جاء أكرمه بالعلف ، ومن بعده أطلع البر وأدع الطير من مسافه 5 أمتار على الملواح واذا جاء لا تشيل الملواح خله يعلف شوي وبعدين بعد المسافه خلها 10 امتار وأدعه واذا جاء بعد المسافه يعني كل ماله تبعد المسافه الى ان تصل 20 متر تقريبا وابدا أسحب الملواح أول مره أسحبه مره وحده وبعدين مرتين وبعدين خمس وعشر وكل ماله زود الى ان يكون الطير بدا يشقلب على الملواح وهنا يكون الطير يعرف الملواح ،،
هذا هو الموضوع لكن أبذكر لكم قصة صارت لنا :
كان عندنا مثلوث حر والطير هذا حااااار ويحب الملواح المهم الطير هذا معروف بالملواح يا انه يشطف راسك أو انه يشيل شماغك ولا يشيل نظارتك المهم انه يلعب بحسبتك وكنا طالعين ندعي طيورنا المهم لوحنا لكم طير وجاء دور المثلوث وكان معنا واحد سبيعي مايعرف طبع المثلوث وقنا ها يارجال مين بيدعي المثلوث وكل واحد يطالع الثاني وبأبتسامه يعني ماني ملوح وجاء السبيعي وقال وش فيكم خايفين انا ابلوحله قلنا طيب وراح ومسك الملواح وبدا يلوح وهدينا الطير المهم والطير اول مره ماسوا شي وكذالك ثاني مره لكن المره الثالثه جاء شاطف راسه وخاف السبيعي شوي وحول عليه شال شماغه وانا اسمعه يصيح الله يلعنه من طير وش ذا المهم وبعدين حول على النظاره هههههه واشووفه يجدع الملوااح ويقول والله معذورين يوم انكم ماتبون تلوحون له ههههه ،،
ومره كان عند ولد عمي طير حر مجهم ونفس الشي الطير حار المهم وهو يلوح له يشطفه وبالأخير جاء الطير مسرررع ويصدم براسه !!!
عندي سؤال وش سبب الطيور الي مثل هذي الحاله وفي بعضهم يخلي الملواح ويحول على راسك علما بأن اغلبهم وحوش مافيهم جير !!
أرجو أن يكون الموضوع يعجبكم واذا كان فيه غلط السموحه ،،
( الموضوع لتبادل الخبرات )
تحياتي / قلب شاهين ،،