المساعد الشخصي الرقمي

مشاهدة النسخة كاملة : غلطتي لما شريت قارمن 276 عربي


مريقب العيفار
22/09/2007, 07:48 PM
كنت اسمع ان القارمن الانجليزي أفضل بالاستقابل من القارمن العربي

بسبب ان التعريب يؤثر على البرنامج الاصلي

وانا لا يوجد عندي أي مشكلة باللغة الانجليزية

والانجليزي ارخص بالسعر من العربي

ولما نويت اشتري

سالت العامل بدار موجة هل الانجليزي احسن بالاستقبال من العربي؟

قال: هذا اول لكن الحين زي بعض

والفرق بالسعر مائة ريال بس

قلت اجل آخذ عربي علشان لو بغيت ابيع يكون اسهل

ومع اول يوم بدت المشاكل صرت اذا دخلت الشريحة طفا الجهاز

قالوا بسبب نسخة البرنامج انها قديمة ولا لها تحديث ولازم تفرمت

فرمتنا

وبعد كم يوم صرت اذا استعرضت صفحات الحهاز اذا وصلت لصفحة كمبيوتر الرحلة طفأ الجهاز

رحت دار موجة

قالوا: لازم تفرمت

فرمتنا

بعدها بأيام اذا شغلت الجهاز وبحث عن الاقمار وعند اكتمال البحث يطفأ الجهاز

قمت فرمته مع اني كنت اسوق السيارة برحلة

وصرت عين تسوق وعين تفرمت:D

ادركت اني لو اشتريت الانجليزي كان عندي النسخة الخامسة بدل النسخة 2.01

يعني شف الفرق:mad:

اعتقد ان الوكيل يتحمل جزء من المشكلة

اذ لو طلب من الشركة عمل تحديث للبرنامج لما رفضت شركة قارمن

وانا ناوي ان شاء الله اكتب لشركة قارمن عن هالمشكلة

فنصيحة لا تشتري عربي اذا كنت تقدر على الانجليزي

اخوكم مريقب العيفار
الساهر2003
22/09/2007, 08:02 PM
تسلم ومشكور اخوي لكن تاكد ان الخلل ليس من التعريب وانما من الجهاز نفسه يجب اصلاحه او تغييره
والف شكر والله يعوضك باخير منه واطلب من البايع تغييره ولو بالعين الحمرا
مستكشف
22/09/2007, 08:14 PM
مرحباً بك
يوجد لدي النسخة العربية من الجهاز وتعمل بشكل سليم جداً
أعتقد أن المشكلة من الجهاز راجع الوكيل مادام أن الجهاز تحت الضمان
تحياتي
مريقب العيفار
23/09/2007, 12:25 AM
الأخ الساهر ربي يعطيك العافية

ومشكور على مرورك يالغالي


الأخ الكريم مستكشف

سوف ننتظر ونرى لعل وعسى وشكرا لك مرورك العاطر
برق الوسم 25
23/09/2007, 02:39 AM
اخي الكريم

انا عندي جهاز عربي مافيه مشكلة وكثير من الزملاء مافيه احد اشتكى ولكن المشكلة في جهازك

الله يعوضك الضمان وش فايدته وتقبل تحياتي
الوعب
23/09/2007, 06:04 AM
السلام عليكم ورحمه الله
اكيد الخلل مش من العربي , واحد من ربعي طلب اني اساعده في شراء جهاز قارمن ورحنا للوكيل وشرى العربي و من شراه
من يد لين يد ,, اي حد يبي يسافر ياخذه معه و غشمان الي ياخذونه كل واحد يتعبث شوي ويغير في الاعدادات و هو يروج يجيب لي الجهاز تعال ظبطه و ارجع احط الاعدادات,, و احيانا القى ناس داخلين على الخريطه و شايلين الصح منها
خلاصه الموضوع الجهاز من غربال لي غربال و هذا هو شغال زي الساعه ما شالله
اخوي انت عندك خلل انصحك ترجعه للمحل و تجبرهم على تغيير الجهاز او يرجعون فلوسك
ابوجهاد
23/09/2007, 10:16 AM
اقول يااخي الكريم
اعرف كثير من الاخوه عنهم جهاز276سي العربي
من اول مانزل الى الان واسالهم عن اجهاز علشان عندي
نيه اشتري جهاز وكلهم يمدحونه ويقولون ممتاز
بتقول اجل ليه مااشتريت لاني اسمع انه يبغى يجي جديد
ويكتب المواقع باالعربي
وجزاك الله خير وانت وجميع الاخوه في منتدانا الرائع
سنبل
23/09/2007, 01:26 PM
والله انا استخدمه لي سنتين تقريباً
ولا شفت منه اي مشاكل ولله الحمد
اتوقع المشكلة بجهازك زي ماقالوا الشباب
ابوعزيزm
23/09/2007, 01:35 PM
مثل ما قالوا الأخوان . . أن المشكلة من الجهاز راجع الوكيل مادام أن الجهاز تحت الضمان لا يخلص الضمان . .

أنا كانت معي مشكلة بالخرائط تروح المعالم على الخريطة . .

قالوا ا: المشكلة من الشريحة . ..

وعلى طول غيرو الشريحة والحين ولله الحمد تمام التمام
الباترول
23/09/2007, 01:43 PM
مثل ما قالوا الأخوان . . أن المشكلة من الجهاز راجع الوكيل مادام أن الجهاز تحت الضمان لا يخلص الضمان . .
ابوذيب
23/09/2007, 03:14 PM
اسوأ خدمات تجدها عندهم
والجهاز تلقاه مرجع من قبل ويحطونه بالكرتون الجديد ويبيعونه حتى يتورط فيه واحد جاهل ولا يرجعه
لذا قط الجهاز بوجيههم واشتر شريحة خرائط الصحراء احسن لك

وهم عندهم مشلكله بالتسويق والمصداقيه
مجتهد***
23/09/2007, 04:38 PM
يا أخوان أنا ناوي أغير الجهاز ألي معي و أخذ 276 سي العربي بدل جي بي أس 5
بس خوفتونا منه جهازي ماشي زي الحلاوة و كنت أبي الأفظل
ابوعزوز 1
23/09/2007, 06:54 PM
السلام عليكم
حبيت اضيف صوتي الى اخواني انا عندي جارمن 276 العربي ولله الحمد لم اجد اي مشكله وانا انصحك راجع الشركه وبدل الجهاز اذا الضمان ساري
وللعلم فقط لا تفرمت والشريحه داخل الجهاز
مريقب العيفار
23/09/2007, 09:39 PM
الله يجزاكم خير جميع يا اخوان

صدقوني اني كل مرة اطلع وابغى استعمل الجهاز صرت ما اظمن انه يشتغل صح

لكن يبدو ان الجهاز اللي اشتريته فيه بلا نبي نصبر ونشوف

مشكورين ياخوان على المرور
almsfhl
25/09/2007, 03:32 PM
اتوقع المشكلة في الجهاز رح للوكيل وخله يغيره لك
(غصب). وكان تبي فزعه ترانا جاهزين
برق الصمان
26/09/2007, 02:56 PM
:no2: المشاكل هذي وارده باي سلعه ( مشكله مصنعيه ) حتى بالسيارات تلاقيها
من الوكاله ويصير بها عيب يخليهم يبدلونها لك
نصيحه انشب لهم وعلهم لما يقولون خذ جهاز جديد وفكنا منك 0
تحياتي
مريقب العيفار
27/09/2007, 03:39 AM
الأخوان الكريمان

المسفهل

وبرق الصمان

جزاكم الله خير على الرأي والمشورة

ولا عدمنا هالطلة
المخزومي
27/09/2007, 06:42 PM
أخي مريقب العيفار
الجهاز كما ذكرت أنت تم التعريف على نظام تشغيل قديم وقد تم تطوير عدة إصدارات من الجهاز باللغة الأنجليزية بينما اللغة العربية محلك سر .

تحياتي