ايش تسوى يا صقار

[شقران2000]

:( اذا شريت طير من رجال وشرط على الطير انه صايد وقت الربطه ومشتراك غالي,ويوم جاى وقت المقناص اله الطير فيه مرض الصرع ,ولما كلمت راعيه قعد يقول بعتك الطير سليم ويمكن حصل هذا المرض عندك يعني فلوسك طارت ياصقار,ايش تسوي الحين وشكرا

[صقار البكيرية]

يعني وش بسوي ابعالجه وافعل الاسباب
والباقي على الشافي
ولا تنسى ذكر الله

انا لله وانا اليه راجعون

[صقار البكيرية]

والله لا يجيب المصايب

[نايف الخالدي]

والله يعتمد اذا كنت فاحص الطير وكان سليم
وفيه وقت بين المشترى وحدوث المرض فالرجال ماعليه شي اذا كان فيه وقت يعني من مده شهر 3 اسابيع
لان مرض زي هاذا مايخفى مده طويله يعني لو كان فيه بيبين لك من اول ماخذيته
يعني يمكن توه صايب الطير وهاذا رايي واخواني الاعضاء بيفيدونك

[شقران2000]

شكرا ياشباب على المرور,ولكن كلامي واضح,اذا شريته قبل المقناص والطير حاذف باقي عليه مثلا ثلاث ثم جاء وقت الهدد اله الطير فيه صرع,هذا اله اقصده,خصوصا ان بعض الصرع ما يبين اله اذاطار الطير,وانت دافع فيه مبلغ غالي من غير تعبك في المقيض:mad:

[عناز]

أول شيء أقول الحمد لله ولا راد لامره

ثانيا شرطه لك الصيد ولم تتطرق للحاله الصحيه للطير

ثالثا يجب ان نتعلم من أخطاء الاخرين ولا بأس أن نتعلم من أخطائنا

أخيرا الله يعوض عليك

[قلب شاهين]

أول شيء أقول الحمد لله ولا راد لامره

ثانيا شرطه لك الصيد ولم تتطرق للحاله الصحيه للطير

ثالثا يجب ان نتعلم من أخطاء الاخرين ولا بأس أن نتعلم من أخطائنا

أخيرا الله يعوض عليك

كلام سليم ،،

تحياتي / قلب شاهين ،،

[((الخالدي))]

قبل ما أشترية أفحصة

[بويوسف الكويت]

و الله اذا على انا ماقول الله حسبنا الله و نعمه الوكيل و ثانى شى ياخوى تحمد اللهعلى السلامه و خسارة فلوس و لا تجيك بشى ثانى و قول الحمدالله على كل حال و تقبل مرورى بويوسف

[ذيب السرايا]

السلام عليكم ورحمة الله وبركاته ، اقول والله ماقصرت ياخوي المري وماشاء الله على سعة الصدر عندك
لاهنت عندي سؤال: اذا بغيت أدرب الوكري على الملواح وش الخطوات بالتفصيل.

[شعراوي]

امسك الي انت شاريه منه وط فبطنه ههههه

[شبراق]

لا حولى ولا قوت الى بالله االعلي العضيم

الحمدلله على كل حال ونا اخوك عالج طيرك وده للعويدي انكانك قريب من الرياض وخله يكويه ونشاءالله يعتك اذا كان يعلف .
اما بالنسبة المشترى الطير اذا انت شارية وفاحصه ومافيه شي مايلحق راعيه شي تتحمله انت وذا انك مافحصت الطير يوم تشرية وبين فيه الصرع على قول اخونا بعد مشتراك بمده اكثر من اسبوع اشكوى لله تتحمله انت اما اذا قبل وفيه شهود يرجع الطير
والله يشفي طيرك انشاءالله

[ابو عايد]

السلام عليكم ورحمة الله وبركاته

الله يعينك على مرض طيرك ومالك من العلاج الا الكوي والاخوان ماقصروا معك

[azzam1]

الاخ العزيز شقران:
اليا بغيت تشترى الطير (احدى ثنتين)
اما تكون تعرف الرجال ويكون مضبوط وكلامه ثقه
واما تفحص الطير بنفسك وتدعيه وتتاكد منه
ولكن المشكله الناس اللى تشترى بالمربط وهى اكبر مشكله لا ن الطير ممكن يكون اصيب بمرض وصاحبه مايدرى عنه ..شوف الصقاقير قبل مافيه احد يشترى ويبيع بالقيض ابدا ولكن العكس تماما الان اكثر المشترى والبيع بالقيض