خابركم ماتقصرون

[أخو وضحة]

السلام عليكم ورحمة الله وبركاته
خابركم ما تقصرون وانشاء الله بألقى عندكم الحل

فيه واحد من الشباب عنده طير الله لا يوريكم مثله شراه أول الربطة والحين بعد ما صفى الطير ريشه قام يخفف عنه العلف لأجل التدريب على التلواح المهم اذا جاء عند الطير والعلف بيده قام الطير يصيح ويهد عليه ولا بعد يهد وين يهد على وجه الرجال قلت له علفه على ايدك ودهل الطير قلي نفس الحكاية ما أقدر أعلفه على ايدي وادهله الطير مجنون اذا شاف العلف ما عاد يفكر في أحد اهم شي العلف ياكله وبعدها يطيب خاطره
قلت انشاء الله ابلقى عندكم الحل
وشكرا

[بويوسف الكويت]

انشالله الاعضاء ماراح يقصرون معاك و راح تلقى الحل و تقبل مرورى بويوسف

[أخو وضحة]

مشكور على مرورك وانشاء الله ألقى الحل

[((الخالدي))]

انشالله الاعضاء ماراح يقصرون معاك

[قلب ذيب]

اولا ارجو ان تكتبوا ( ان شاء الله ) كماهو بين القوسين لأن انشاء يدل على انشاء الشي اي اقامته اما اشاءة الله عز وجل فتكتب كما هو موضح 0
بارك الله فيكم 0
الطير اذا تعود على طبع من الصعب تخليصه منه , انا لو اشوف الطير ممكن اساعد حسب معرفتي البسيطه
استعن باقرب صقار مخضرم !والله يعينك 0

[جرناس دبي]

مرحبا أخوي
إذاكان خويك يريد تعليم الطير من جديد على التلواح يوجعله يترك طبع أنه يهوش.
1-خله يربط العلف في التلواح
2-خله يجعل الطير يرى العلف في التلواح بس ويعلفه من التلواح لين ماتطيب نفسه وليس
على يده
3-لايجعل الطير يرى العلف في يده بالمره لمده أسبوع
وبأذن الله بيرجع طبيعي لأن وقت الربط كان الطير ينعطا له العلف على الدس
أكثر الوقت.
أخوك جرناس دبي

[أخو وضحة]

قلب ذيب مشكور على النصيحة ومشكور على المرور ووين محلك الله يجزاك بالخير
جرناس دبي الله يعطيك العافية بنجربها ونشوف وللمعلومية العلف كان يعطى للطير على وكر ويوثق العلف ومشكور على مرورك وننتظر ردودك
وشكرا

[الاشعل 316]

مرحبا أخوي
إذاكان خويك يريد تعليم الطير من جديد على التلواح يوجعله يترك طبع أنه يهوش.
1-خله يربط العلف في التلواح
2-خله يجعل الطير يرى العلف في التلواح بس ويعلفه من التلواح لين ماتطيب نفسه وليس
على يده
3-لايجعل الطير يرى العلف في يده بالمره لمده أسبوع
وبأذن الله بيرجع طبيعي لأن وقت الربط كان الطير ينعطا له العلف على الدس
أكثر الوقت.
أخوك جرناس دبي


كلام سليم



اخوك ابو سطام

[BeLoveLy]

السلام عليكم و رحمة الله و بركاته
مساكم الله بالخير جميعاً ,,, بالنسبة باخونا اخو وضحة
انا صايره معي الحين في طير واحد من الشباب بس الطير الي عندنا اهون شوي ,,, لائن الي عندنا اذا عزلته يهوش عليك بس اذا تخليه ما يهوش ولا يقول شي ,, يعني كل شغلك يصير مره وحده ,,, مافي تنقيز اكثر من مره وحده ,, المره الثانيه يهوش عليك ,,,
انا و اعوذ بالله من كلمة انا ,, انا انصح بشنذرت الطير ,,, و بعدها خله يحاول ينقل الطير و هو مبرقع و يحط العلفه تحت الطير يعني داخل الدس و يفرع الطير و هو شاد السبوق على شان ما يهوش عليه ,, و يخليه ياكل و اذا هاش عليه خله يعزله ولا يعطيه و لليوم الثاني و اذا سواها بعد خله للثالث لمن يطيح ما في راسه ,,,
او انه مثل ما قالو الشباب يعلفه على الملواح على طووول ,,, بس انا اشوف انه يوسع صدره عليه و يحاول انه يحرمه شوي من العلف ,, الى ان انشاء الله يتحسن ,, و في طريقة بعد توني ذكرتها ,,, لا يعلمه على الدس الحين خله يعلم الطير على الملواح و يتم معاه على الملواح الى ان تصل شقلبت الطير فوق الخمسين و بعدها يحاول ينقزة ,, لائن الطير اذا تعب ما يفكر بالهجوم يبي ياكل بسسسس ,,

تقبل مروري
اخوك / عبدالرحمن