اخواني في حايل و في الجوف بغيت استفسر الله لا يهينكم

[ALOTAIBI]

كل عام وانتم بخير
سمعت طريق مدري هو سريع والا مزدوج يربط حايل بالجوف هل الخبر صحيح والا لا.
وذا كان صحيح كم طوله وهل فيه محطات بنزيم
ولا تواخذوني يالربع انا من الغربيه وتعرفون المشوار كنت اذا اسافر الجوف عن طريق (ابو عجرم) ولف يمين الى (الجوف)
وهل طريقي (الطريق اللي يمر البسيطا ثم ابو عجرم ثم الجوف) اقل مسافه من طريق (حايل... الجوف)
وشكرا

[القرم 500]

السلام عليكم من حائل الى الرديفة بالجوف 350 كيلو ثم يسار ابو عجرم طبرجل القريات الحديثة 300 وشكرا

[القرم 500]

السلام عليكم من حائل الى الرديفة 350 بدون محاط بنزين ثم يسار الى ابو عجرم وطبرجل العيساوية القريات الحديثة 300 وشكرا

[تعب2007]

من عند طريق حايل اذا كنت تبغى الجوف اقرب
ولايوجد محطات بنزين مسافة 360كلم

[ALOTAIBI]

مرحبا اخوي القرم 500 وانت يا تعب 2007 الله يحيكم
حبيبي يالقرم 500 الرديفه هل الخط الجديد (حايل)....(سكاكا الجوف ) يطاها يعني لو تسيد توجه للجوف ولو تلف يسار توجه لبو عجرم والا انا ما فهمتك؟ وكم كيلو الخط بين الرديفه والجوف
يا تعب2007 خلاص نويت اسافر عن طريق حايل
ما قلتولي الخط سريع مثل طريق القصيم ....المدينه؟
انا في انتظار الردود

[خالد ماغير]

نعم الخط سريع
الله يوفقك

[KING GALAXY]

نعم فيه خط سريع يربط حائل بالجوف

[القرم 500]

السلام عليكم الرديفة بالجوف اخوي عشر كيلو عن ابو عجرم واذا رحت من الرديفة يمين تروح الدومة ثم سكاكا ثم عرعر وشكرا

[ابو صقر]

بس .. انتبه الطريق ما بعد اكتمل نهائياً
يعني فيه تحويلات .. وممكن يطلع لك الطريق مسار واحد
وكذلك طلعات ونزلات وهذي خطورتها تكمن فيه معدات الشركه التي تقوم على انشاء الطريق

والله يوفقك ..
تروح وترجع بالسلامه

تشكوراتي للجميع ..

[الضاري]

أخي العتيبي


حفاظاً على سلامتك أسلك هذا الطريق نهاراً فهناك بعض التحويلات الخطره


وكذلك بعض الجمال السائبه التي تسببت في بعض الحوادث ليلاً


تاصل بالسلامه إن شاء الله


تحياتي

[ALOTAIBI]

تحيه طيبه اخواني
حسبت الخط جهز واكتمل واثره باقي عليه .....توكل على الله يالضاري لله يعين ولاني ماشي معه الا في النهار ومشكور يالضاري الله ييبض وجهك
ابوصقر بيض الله وجهك على التنبيه وكلامك في الحسبان
القرم 500 شكرا على التواصل والرد والله يعطيك العافيه والله لا يهينك
King Galaxy وخالد مشكورين على التواصل والله يبيض وجيهكم
واخيرا تامروني يالربع اي شي من الغربيه انا حاضر
والله يجزاكم الف خير

[ahmad877]

السلام عليك اخوي
الطريق بين حائل والجوف زي ماقالوا الشباب
بس الطريق ترى يصير سيد واحد وصير سيدين
يعني الطريق ما خلص إلى الحين والمسافة تقريباً
كليو ما في محطات بانزين بس في بقالة
غير مجهزة كاملاً عب وانا اخوك من حائل يكفي للجوف
انا مشيت الطريق وانتبه من الطريق ترى الشركة شغالة فيه
وغير مكتمل .
تحياتي ،،،،،،،،،،،،،،،،،،،، اخوك ahma877

[الأطلسي]

السلام عليكم


انتبه لطريق اللي يربط حايل مع الجوف


ترى فيه اغبار كثير


يعني يبيلك علبة فيري تملى وجهيت السيارة


علشان ما اتخرب البوية

[الجندي2005]

انتبه من الطريق لا تمشي الا بالنهار وخلك منتبه والله ثم والله راح غيه خلق كثيررررررررر

[الدبل الثقيل]

يااخوان الطريق هذا متى يخلص ؟ من 1424 وهم يسوون فيه

[ALOTAIBI]

ahmad877
الأطلسي
الجندي2005
بيض الله وجيهكم والله يجزاكم الف خير على الرد والنصائح وما قصرتوا
يالدبل الثقيل والله علمي علمك

[جبل راف]

ماقصروا الاخوان كفو ووفوا

[قطن]

نعم فيه خط سريع يربط حائل بالجوف