طلب مساعدة واستشارة بخصوص منيفة

[نمط]

السلام عليكم

الاخوة الكرام , حنا شباب ناويين - إن شاء الله - نخيم في منيفة هذا العيد , وطالبين منكم تفيدونا عنها

في وايتات ماء تجي تشحن لنا الخزان ؟
نقدر نعبي مويا من مركز خفر السواحل ؟

نريد معلومات لو سمحتوا عن منيفة
وكيفية الصيد البحري فيها
ومعنا بنادق هوائية مصرحة هل هي مسموحة ؟

غزول البحر مسموحة والا ممنوعة ؟
وين مواقع الصيد البحري للـ حداق؟ بخيوط ؟

وين الأماكن الممتازة لـ خيوط المد

كنا نخيم في أبو حدرية وقررنا نروح منيفة هالسنة حتى تكون رحلتنا بر وبحر
وقلنا أعضاء مكشات ما يقصرون بإذن الله

وونترجى منكم الاستشارة والمساعدة يالربع

[أبو ستري]

مافي وايت يجي يعبي ماي الإ للبدو واذا جاك فحظك زين .
ما تقدر تعبي موية من المركز .
الصيد يمكن يصير طيب بعد العيد والاماكن كثيرة .
لا أعلم عن البنادق , ممكن اذا غوص مافي مشكلة .
ممنوعة غزول البحر منعاً باتاً .

منيفة كلها محادق فقط اتجه للبحر في اي مكان وتابع نبر السمك وجرب وما عندك مشكلة , رزقك الله كتبه الله لك يجيك في اي مكان ..

المد ممتاز للمكان الممتاز يعني اللي انت تشوفه ممتاز والماي فيه مو عميق مرة وتقدر تشيك على السقي وعلى الثبر ان قدرت .

لكن فيه خبر سيء جداً إن سلاح الحدود هناك سيء مرة وعندهم تعليمات ان الخيمة تكون بعيدة مسافة 200 متر من البحر والسيارة كذلك وراح توقع على كذا في التصريح , ولكن العام كان زحمة في العيد ولا كلموا احد الكل خذ راحته . :)

[ABU 7AMDAAN]

السلام عليكم

يقدر ينفعك مشرفنا الغالي بو عبدالله gulfhunter

لانه خبير في هالمنطقه الحلوه

مع تمنياتي لك بقضاء اجمل الاوقات

[gulfhunter]

السلام عليكم ورحمة الله وبركاته

حياك الله أخوي نمط

حاضرين اخوي ابو حمدان

اخوي بالنسبه إلى الويتات للمويه موجوده وتجيك لعندك لكن لا تعتمد عليه كثير خاصتاً إذا كان البر كله كشاته ... يتضرب بالسعر .... وما يجي اصلاً الاً نادر ... لكن انت روح دور عليه عند السماكه

بالنسبه إلى مسدسات الهواء ممنوعه منعاً باتاً وسلاح الحدود صعبين كثير

والغزول ممنوعه خاصتاً إذا ثلاث وجيه اما الوجه الواحد يمكن يسمحون لكم

خيط المد زين شوف بدوحة منيفه بأي مكان ان شاء الله ما عليه كلام

وياريت لو ترجع إلى موضوع قديم عن منيفه موجود لأخوي borashd دور عليه وبتشوف الأماكن فيه يمكن تلقاه بالمواضيع المثبته

وحاضرين طال عمرك

[نمط]

أولاً شكراً لكم جميعاً , حقيقة ما قصرتوا
وموضوع أبو راشد عندي من اللعام وحفظت الخريطة اللي وضعها عندي بالجهاز
وهذا عنوان الموضوع
http://www.mekshat.com/vb/showthread.php?t=16197 (http://www.mekshat.com/vb/showthread.php?t=16197)

والبندق الهوائي اللي كنت أقصده ماهو بحري او للصيد البحري
كنت أقصد ( السكتون) للصيد البري , عندي بنادق ثلاث مصرحة وما أدري هي ممنوعة هناك أو مسموحة

وبخصوص الماء , ماء الشرب بنعبي لنا مطارات , ولكن عندنا خزان قلنا نبي كل ما بين يومين نعبيه من الوايت لاستخدام الغسيل , غسيل اليد وغسيل المواعين ... الخ

ومنيفة لأول مرة نروح لها , ندل طريقها , ولكن ما جربناها من قبل
وخيوط المد تحتاج موقع زين مافيه عمق حتى نعاين الخيوط كل ما بين فترة
لهذا طلبت منكم تفاصيلها
وهل في مواقع نقدر نروح لها وقت "القراح" أي اذا المويا نازلة
سمعت ان في مواقع نقطعها اذا ثبر ومحادقها زينة

وشنو أفضل الييم هناك ؟ خثاق والا ميد والا شنو

ترانا نحب الصدفي واما الهامور بيجي على أي شي

واللي مجرب منيفة لا يبخل علينا
وحقيقة ما قصرتوا يا أعضاء مكشات
نردها لكم بالأفراح

وهالله هالله

[Napoleon fish]

أحسن مناطق الصيد في منيفه
http://mekshat.com/vb/showthread.php?t=16197
الموضوع قديم

[نمط]

Napoleon fish (http://www.mekshat.com/vb/member.php?u=10239) ؛ شكراً لمرورك
لكن سبق لي أن أدرجت رد وبالتحديد أعلى مشاركتك أوضح فيها انني قرأت موضوع الأخ بو راشد والخارطة ممتازة وهي بحوزتي , وطلبت بعضها تفاصيل أخرى
والمواقع أعتقد انها أُعِدّت قديماً بحكم انها مرت سنتين أو ثلاث أو أكثر
وتتغير الأحوال

وأنا طامع في توضيحات الأخوة وتوجيههم وخصوصاً خلال هذهِ الفترات

[gulfhunter]

السلام عليكم ورحمة الله وبركاته

حياك الله أخوي نمط

بالنسبه إلى افضل الأماكن للمد شوف رقم 1 & 2 وخصوصاً بالدوحه هذي ان شاء الله تتوفق بالسبيطي لكن انتبه من الدرادير ؟؟؟؟؟؟

وبالنسبه إلى وايت الماء سبق ان ذكرت لك انه يجي للسماكه انت روح دوره وان شاء الله ما عندك مشكله ... وإذا مافيه الله يعينك تجيب من شيشة الزور :eek:

أما بالنسبه إلى السكتون ما عندي علم ولكن دسها ... وان شاء الله محد يجيك ولكن تراى منيفه ومو مثل الأول أعمال تنقيب البترول كثيره فيها واماكن الطيور .... كلها برتبلات وانا مبطي عن المكان إذا جيت للحق