أفيدوني عن مصنع خيام بالرياض يتقبل فكرة جديدة

[النداوي1]

الأخوه الكرام السلام عليكم ورحمة الله وبركاته:-

لدي فكرة جديدة لتـفـصيل خيمة تستعمل لعدة أغراض وتصلح للقنوص والكشاته الثابتين وخصوصاً المتنقـلين

لذا أرجو أن تفيدوني بمصنع للخيام يكون جيد ويتقبل الفكرة ولكم كل الشكر 000

[a.الخثلان]

النداوي

إن كان عندك فكرة فأنا عندي عدة افكار وجالس ابحث وادور من يتبناها بالنص

والحقيقة طحت في عدة امور أذكرها لك على سبيل الاختصار

أحد شايف نفسه وصاير أبو العريف ولا يبي يستقبل أحد ووده يعرف وش عندك

وثاني ممكن يستقبلك لكن ما راح يعطيك أي سعر خاص لو تصلح عنده مليون حبة

وثالث امكانياته ضعيفه ولا يتقن الشغلة

ورابع مكوش عليه السوداني ولا يعطيك ادنى مجال تقابل مديره :mad:

باقي لي عدة خيارات آخرها التوجه للصين وأعرف مكتب راح يرتب لي زيارة او مراسلة المختصين في المجال المطلوب في دولة الصين ولهم مكتب هناك

وإن كانك صامل تشاركني وأشارك والمجالس بالآمانات ونصلح الأفكار بعد دراستها جيدا بالصين ونجيب كمية كبيرة للسوق فمبدئيا أرحب بذلك بعد ما نجلس سوى

لأن ربيعنا إلى هنيا لما يشوف حاجة عندك راح يلهفها منك مالم تكن مسيطر على السوق وداخل بقوة

زد على ذلك ما أحد عنده امكانية يصلح لك الشغلة مضبوط

[جلمود الجبيرى]

والله اذابغيت اصلح شى بلطبع بسيط انحر الغرابى فى الرياض واعرض الفكره على كذا واحد حتى اشوف الصامل منهم وابدا اناوياه لين اخلص وفى الغالب تنجح لان فيه امعلمين متمرسين هناك-- مجرد راى

[النداوي1]

أخوي الزينون مشكور على الرد ولا تواخذني على التاخير وبيض الله وجهك

[النداوي1]

أخوي جلمودالجبيري مشكور على الرد وبيض الله وجهك

[السعلووو]

فيه محل بمخرج 15 يتقبل الأفكار الجديد واسمه (الكشاته )