عرفان وا قلبي شكى حر فرقاك [الأرشيف]

مشاهدة النسخة كاملة : عرفان وا قلبي شكى حر فرقاك

جرير

25/09/2007, 02:34 PM

هذه القصيده الجميله لشاعر إبراهيم أبن رديعان يسندها علي أبنه عرفان ،فصور ماكان بينه وبين ابنه وما يتمنى بحيث تعيش معه واقعه من خلال قصيدته... ورغم الحب الشديد من الاب لابنه الا انه اراد تذكير الابن بهذه العبارات الجميله التي تدل علي محبة الاب لابنه ويبدوا ان الفراق حل بينهم فتره من الزمن مما ادي للشوق الذي ذكره الشاعرفي هذا البيت..
عرفان وا وجدي على قرب لاماك ..... يدق قلبي مثل روس السنابيك

والقصيده تعبر عن الكثير من مشاعر الشاعر........
.
يالله ياللي يسجد الكل لرضاك
الدايم الله دون ريب(ن) وتشكيك

أنت المعين وخاب منهو تناساك
نشكرك ولا نحصي فضايل حسانيك

أرفع يديني بالخفا وا ترجاك
منك المدد لا ضيقن المساليك

إفرج لقلب(ن) كن به كهرب أسلاك
لو سج ساعه عاودنه دواكيك

يموجبي كنه بقبات الأدراك
ويشبه لطير(ن) لولسته الشوابيك

وقتي صعيب وناظري دوم سفاك
لا تسئلن طالع لوجهي ويكفيك

وا عيني اللي كن به طفو تنباك
اللي اليا جاء وسط عينك يواذيك

دن القلم ياذيب وصفحات الأبواك
وأسئل وأنا أحضر لك الفكر وأمليك

عرفان مندوبي بخطي تنصاك
شعور منهو مخلص(ن) لك ويغليك

عرفان وا وجدي على قرب لاماك
يدق قلبي مثل روس السنابيك

ووجدالسجين اللي انسجن خلف شباك
بابه حديد وغلقن الشبابيك

في ديرة(ن) لغواتهم مثل الأتراك
مامن صديق ولا رفيق(ن) يحاكيك

عرفان وا قلبي شكى حر فرقاك
عرفان لا تنسى خوي(ن) مخاويك

وكم مرة(ن) للبر ناديت وياك
بالبر بفراشي عن البرد أغطيك

وأن كان عندك شك طالع لماطاك
أقدام رجلي يشبهن لمواطيك

أقصر اخطى رجلي على قدر ممشاك
أقصر اخطى رجلي عشان أباريك

وكم مرة(ن) تطلب وأنا أقولك هاك
ناخذ على الراتب لزومك ونعطيك

وكم مرة(ن) قايست رجلك على حذاك
وكنادر الكوره على قياس رجليك

عرفان لاتنسى زمان(ن) تعداك
يوم أنت فوق المتن لاصحت أراضيك

أسهر اليا قالولي النوم ماجاك
واليا رقدت أحلم وبالأسم أناديك

وأراجع الدكتور وأخذ لك دواك
أخذ قياس الملعقه منه وأعطيك

وأشري لك المطلوب وأدور أرضاك
وأخذ من الدكان شكليت مع كيك

وكم مرة(ن) حبيت خشمك وعلباك
واليا ضحكت أضحك ويبكين مبكيك

وكم ليلة(ن) نضفي على جسمك أغطاك
خدام لك مثل العبيد المماليك

هذا كلام اللي سهر لجل يرعاك
لفتت نظر وأطلب عسى الله يخليك

وكان الشعور اللي كتبناه يخفاك
أسئل عنه خالك ترى الخال ينبيك

ولولاك ماخط القلم حرف لولاك
وعز الله أني في حياتي مساويك

ماقلتها تشهير ولا قصدي أشناك
موجز كلامي أطلب عسى الله يهديك

وصلاة ربي عد ما ينبت الراك
وعداد مانشري عروق المساويك

على الرسول اللي نفى دين الإشراك
وعداد من طاف بالحرم وقال لبيك
.

http://www.mekshat.com/pix/upload/images49/mk15396_sunset1.jpg

الاشعل 316

25/09/2007, 02:55 PM

صح لسانك ولسان الشاعر

وبيض الله وجهك على القصيد

اخوك ابو سطام

دغيم1

25/09/2007, 07:41 PM

السلام عليكم ورحمة الله وبركاته

بسم الله الرحمن الرحيم

http://www.mekshat.com/pix/upload/images49/mk46848_quran.jpg

قصيدة تجلت فيها معاني الأبوة وارتسمت عليها صورة الحنان

ولأن العقوق من أكبر الكبائر
نجد هنا الشاعر يذكر أبنه بمجريات حياته عندما كان صغيرا
وماعانى لأجله
صح لسان الشاعر
وسلمت يمينك أخي الغالي
جرير

تقبل تحياتي

دمت بود

سعود الروقي

26/09/2007, 12:47 AM

جرير

سلمت يمناك على هالنقل الراقي الذي يدل على ذوقك الراقي

وصح لسان الشاعر

لك كل التقدير

ناصر التميمي

26/09/2007, 03:04 AM

السلام عليكم ورحمة الله
لاشك ان ابوحمد من شعراء منطقتنا المميزين
سلمت يمناك يالي نقلت القصيده مع العلم انني سبق وان سمعتها ولاكن الله يعافيك
ومن منتدانا هذا ارفع الدعاء الصادق للوالدة ابناءه بالشفاء العاجل
وان يجعل مالم بها في ميزان حسناتها
ويعلم الله كم للعائلة الرديعان من تقدير بنفسي حفظهم الله من كل مكروه
وحفظ صغيرهم وكبيرهم من كل سوء
بصفتهم اخوالي واهلي واحبابي
ابنكم(((( الناصر)))) خشوم السحاااااااب

ناصر التميمي

26/09/2007, 03:06 AM

وانتظرو مني اندر القصائد للشاعر ابوا حمد مع فالق التقدير

جرير

26/09/2007, 11:34 AM

الاشعل 316
دغيم1
سعود الروقي
حياكم الله ويستاهل الشاعر والقصيده معبره
خشوم السحاب
حياك الله والله يستجيب دعائك ويشفي مرضانا ومرضي المسلمين
وترانا علي الوعد بانتظار مالديك من قصائد الشاعر وياهلا
.

لولا الهرم والفقر والثالث المـوت

يالا دمي بالكون ياعظـم شانـك

سخرت ذرات الهوى تنقل الصوت

وخليتها اطوع من تحـرك بنانـك

جماد تكلمها وهي وسـط تابـوت

تاخذ وتعطي ماصدر مـن بيانـك

وعزمت من فوق القمر تبني بيوت

من يقهرك لو هو طويـل زمانـك

صادق الشوق

26/09/2007, 07:39 PM

صح لسانك ماقصرت

الحابش

26/09/2007, 07:51 PM

صح لسانك وصح لسان قايل القصيده

winchester

26/09/2007, 07:55 PM

تسلم على هالقصيـده اللي لها شجون وعبـرات

دمـت بود

ناصر التميمي

27/09/2007, 02:14 AM

السلام عليكم ورحمة الله
اخي جرير لازلت على الوعد فنتظرني
لانني غير موجود بالمنطقه هذه الايام
انا بمكه المكرمه لاداء مناسك العمره
اسال الله ان يتقبل منا ومنكم صالح
الاعمال*****
اخيك في الله خشوم السحاااااب

ابوهديل 8

27/09/2007, 02:34 PM

بارك الله فيك اخي جرير
قصيده رائعه تذكرنا بفضل الوالدين
ومالهم علينا من الفضل الكبير بعد الله سبحانه
وتعالى بارك الله فيك
وكثر من امثالك
تقبل تحياتي

القرناس المهاجر

28/09/2007, 12:04 AM

عرفان لاتنسى زمان(ن) تعداك

يوم أنت فوق المتن لاصحت أراضيك

أسهر اليا قالولي النوم ماجاك

واليا رقدت أحلم وبالأسم أناديك

مشكور أخي جرير على هذا النقل الرائع لنصيحة ألأب الذي عركته الحياة 00
نصيحه جميله يمكن الأستفادة منها والعمل بها 00 لآهنت :good:

اخوكم 00 القرناس المهاجر

النداوي1

28/09/2007, 01:14 AM

سلمت يمناك أخوي جرير وصح لسان الشاعر
تقبل مروري
أخوك النداوي1

ابو مشعل 1

30/09/2007, 09:54 PM

راعي البرهـ

02/10/2007, 07:23 PM

وبيض الله وجهك على القصيد
تسلم على النقل