وأخيرا.. صيد العقيـــر..!!!

[ابوميدار]

<السلام عليكم ورحمة الله وبركاته
كل عام وانتم بخير .. وينعاد علينا وعليكم بالخير انشالله وبالصحه والعافيه

قبل ابدأ عذروني عالصور ماعرفت اصغرهم
.................
اليوم جايب لكم بعض الصور من صيد العجير وهذا الصيد كان قبل 3 ايام .. وطبعا انا العجير كنت غاسل يدي منه ابد من سناره وشباكه..!!! حدّي اروح اتسلى على هالحواقيل بس هالمره الحمدلله .. رحت واكتشفت موقع حليو بين بحيره كبيره وبحرمفتوح وبينهم مثل النهر .. في النهر هذا شفت سمك ماشالله بكثره ف قررت الطلعه الجايه اجيب معاي شبااك .. والله وجبت الشبك صغير طوله 15 متر والحمدلله صدنا فيه . بس خوش سمك مليان لحم وعلى كلام الوالد الله يحفظه ان طعمه احلى من الصافي. بس ياليت احد يقولي نوع السمك هذا لأني صراحه ماعرفته طبعا اهي بحجم كف اليد واكبر وفي صورة عينه من هالسمك مقرّبه .. نترككم مع الصوره .............. قبل مانترككم مع الصوره في صوره ثانيه;) صيد ابو قميص وهذي الصوره قبل شهرين كان معاي ولد عمي واخوي شرقاوي هاوي ..... وسمحولي على الاطاله يا اخواان


http://www.m5zn.com/uploads/93db13e1ea.jpg (http://www.m5zn.com)


وهذي العيّنه...ايش نوعها..؟؟
Y
Y
Y
http://www.m5zn.com/uploads/baccd24ee8.jpg (http://www.m5zn.com)

وهذا صيد ابو قميص.. تشكيله حليوه من شعري وحمام ونيسر وقرقفانه .. ولا نخلى من هالحاقول
Y
Y
Y
http://www.m5zn.com/uploads/dcf4d582f1.jpg (http://www.m5zn.com)

[بوداحم]

ما شاء الله تبارك الله
عليك بالف عافيه

[waels]

السمك اللي تسأل عنه اسمه بدح ومفردها بدحة بفتح الباء.

ومبروكين ان شاء الله عليك والله يزيدك

[( برى بحرى)]

يعله عوافى

ما شاء الله صيد وايد حلو ولذيذ بصراحه

عليكم بالعافيه

وتحياتى لك

[صياد متهور]

مشاء الله عليك صيد العوافي انا ما أعرف البدح بس شكله السمكة تشبة الجواف والله أعلم ما أأكد لك .
خللي الاخوان يردون لك خبرأحسن مني........عليك بألـــــــــــــــــــــــــــــــف عــــــــــــــــــــــافية........

[ابو بيان]

ما شاء الله تبارك الله
عليك بالعافيه

http://www.mekshat.com/pix/upload/images49/mk59463_93db13e1ea.jpg
http://www.mekshat.com/pix/upload/images49/mk59463_baccd24ee8.jpg
http://www.mekshat.com/pix/upload/images49/mk59463_dcf4d582f1.jpg

[شعور]

الصوره الاخيره مالوفه لسمك الحكومه الشعري والرقيب ابو نقطه


والصوره الثانيه نسميه قاص وهو من احلى الاسماك لو كان وسط ابوربع كيلو ما ادري هو كبير ولا يتهيألي لازم تحط شي جنب السمك زي بكت دخان علبة بيبسي اي حاجه للتوضيح


وشكرا على الصور الحلوه

[مداوي]

صيد طيب
بالعافيه

[قابوس]

ماشاء الله على الصيد الحلو
هاذا هو البدح والي يجي عود حجمه يسمونه الرياشي وهو طيب الطعم وأذكر انه هاذي الأيام يكثر على السيف على المنطقه الرمليه بذات ويجيك معه سمك اللحلاح بكثره وهو من اسهل انواع السمك الي ينفك من الشباك بحيث تمسكه مع راسه وتسحبه ويطلع على طول .

[gulfhunter]

السلام عليكم ورحمة الله وبركاته

حياك الله أخوي ابو بيان

ماشاء الله خوش صيد

عليكم بالعافيه

[نمط]

هذا نسميه بالقطيف "جواف"
وأشواكه الداخلية كثيرة ولكن طعمه لذيذ
وحنا قليل ناكله من الأشواك اللي فيه
ونطبخه أما صالونة أو مقلي مع التطويل فيه حتى يكون "يابس"

وحقيقة حنا نستخدمه في الحدّاق وهو ممتاز وخصوصاً للهوامير
وكنا في الجبيل في الفناتير نصيد منه بالغزل وعلى طول نشكه بالسنارة وهو حي

وترى فرصة صيد الهامور به قوية جداً
وهو قوي في السنارة ويقاوم

[الشيخ حميد]

مشـاء الله


الله يهنيكم ويرزقكم من خيراته



بخصوص الصوره اخوي الغالي

السمكـه هذي يسمونها قـاص


ومره حلـوه لشوي الحجم الكبيـر والصغير احلى شـي كطعم خصوصا اذا كان حي


لان لمعته تجذب السمك الكبير واذا كان حي حركته بعد تجذب

[الوعدالصادق]

اللة يعطيك العافية تسلم اياديك امابالسبة لسمكة اسمها بدح بس اللي مستغرب منه صيدالشعري على كثرماصت ماتوفقت بصيدالشعري بالعافية

[سمك سماك]

السلام عليكم ورحمة الله وبركاته
ماشاء الله تبارك الله صيد جميل و بالف عافيه :good: :good: :good: :good:

[ولد الخبر22]

يعطيك العافيه اخوي على الصيد الرائع .

ومثل ماذكروا الاخوان هذا السمك الي صدته (بــــدح ) وطعمه لذيد
وبكثرة تحصله في العقير والقريـــة .

بس استغرب ماصدت في العقير شعـــم هالمنطقة يتاكثر فيها الشعم .

بس هو قل هالايام لاني قبل اربعه ايام كنت في العقير ولا طلعت الا اربع حبات شعم بالسناره .

تقبل احترامي واتمنى لك الصيد الوفير ..

[هوا بحري]

بسم الله الرحمن الرحيم
السلام عليكم ورحمة الله وبركاته،،،،،،،
الله يبشرك بالخيرويعطيك العافية على الخبرالحلو والصور الزينة والحقيقة الأخوان ماقصروا عطوك نوع السمكة وتقبل مروري.

{{تحــياتي}}

[سامي العنزي]

ماشاء الله تبارك الله
اخوي ابو ميدار صيد جميل ووفير
عساه بالعافيه
تستاهلووون .

[قبطان البحار]

عليك انت واللي معك بالف عافيه

[بالهون]

وين المكان بالتحديد او اقرب وصف له لو سمحت يمين الميناء

[ابوميدار]

يعطيكم العافيه اخواااني عالردود الجميله وماقصرتو خبرتونا عن نوع السمكه
ومشكور اخوي ابو بيان على تصغير الصور شاكر لك

وبالنسبه لأخوي ولد الخبر ..الموقع اللي انا رحت فيه فيه شعم وبكثره بس المشكله مايدخل بالشباك لانه يشوفه بالنهار .. بالسناره صدنا منه بس ماكان كبير


مع الشكر للجميييع :: اخوكم يوسف
............

[معاند سيف]

فيه العافيه

[معاند سيف]

خوش سمك . هذا النوع أسمه بدح , طعمه لذيذ في القلي , أفضل من القرقفان. في ناس تستخدمه طعم للهامور والسبيطي.

[كنق الهجره]

ماشاء الله خوش صيد

عليكم بالعافيه

[ابوعلوش]

الله على السمك والبحر .. ياليت الواحد يعرف يسبح كان يغطس من الصبح اللين الليل .. لكن من غرق في بانيو يخاف من الطاسه ..
مجرد رأي لا أكثر

[ترتيب]

ماشاء الله تبارك الله يعطيك العافيه والعقير كل خير

[الخطيفي]

ما شاء الله تبارك الله
عليك بالعافيه

[بوعابد]

ما شاء الله

[المحتسب]

صيد طيب أخوي وبالعافيه إن شاء الله لكن حبيب قلبي ما قلت لنا وين مكان صيدك بالعقير