سعود الروقي
26/09/2007, 11:00 PM
السلام عليكم ورحمة الله وبركاته
شجعني تفاعلكم مع مشاركتي الاولى
مما جعلني اختار هذه القصيده وعسى ان تنال على اعجابكم
لقيت فالمقناص متعـه واناسـه
يطرد غثا الايام والهـم والضيـق
لو كان لهموم المشقـى انتكاسـه
يدله ويبدي فالطـوال الشواهيـق
ينحاش عن ضوضا المدينه براسه
فارضٍ خلا فيها يجـر الطواريـق
يسلم من الشارع ولجة حساسـه
وبرامجٍ تخلف عقـول المخاليـق
يطلع من اجوا العولمه والسياسه
اللي تغث البال وتنشـف الريـق
مامن وراها الا الشقا والتعاسـه
واخير منها سجةٍ فـي سواحيـق
والا جنوب الـدار يـم اللساسـه
مرتع عطايا الله طوال السماحيـق
منها سعة خاطرومنهـا عساسـه
وخوة نشامـاً كلبوهـم مطاليـق
كسابة النوماس راسـه وساسـه
لاجيت اوصفهم كما النير وطويق
خط المسيـره دارسينـه دراسـه
مزين حنين جيوبهـم بالتعاشيـق
يفداهـم المسكيـن راع البلاسـه
اللي يلفق دايـم الحكـي تلفيـق
مشقاه طرد الصيد خطو الحواسه
في خايعٍ جـايٍ لنبتـه زماليـق
جول الحباري فيه تلقـا محاسـه
عابين لـه حـرٍ يبـت المعاليـق
الطول والعرض متساويٍ مقاسـه
المال في مثله يابو بـدر ماسيـق
طـلاع لحـاقٍ يثيـرك حماسـه
يشوش واليا شاش عطه المسابيق
على ابرق الجنحان ياقـو باسـه
لانازلـه والا الحقـوه الملاحيـق
واليا استكن الليل واضفى دماسه
جات المزوح الساميه والتعاليـق
وفنجالٍ الضرمان يجـلا عماسـه
من جوف بيضٍ كنهـن الغرانيـق
وقصايدٍ فيها الحكـم والسلاسـه
مهوب بشعر اليوم نصه خثاريـق
هذا حسب فكري وحسب اقتباسـه
يالله طلبتـك فالهـدى والتوافيـق
للشاعر ... مرزوق الغنامي العتيبي
شجعني تفاعلكم مع مشاركتي الاولى
مما جعلني اختار هذه القصيده وعسى ان تنال على اعجابكم
لقيت فالمقناص متعـه واناسـه
يطرد غثا الايام والهـم والضيـق
لو كان لهموم المشقـى انتكاسـه
يدله ويبدي فالطـوال الشواهيـق
ينحاش عن ضوضا المدينه براسه
فارضٍ خلا فيها يجـر الطواريـق
يسلم من الشارع ولجة حساسـه
وبرامجٍ تخلف عقـول المخاليـق
يطلع من اجوا العولمه والسياسه
اللي تغث البال وتنشـف الريـق
مامن وراها الا الشقا والتعاسـه
واخير منها سجةٍ فـي سواحيـق
والا جنوب الـدار يـم اللساسـه
مرتع عطايا الله طوال السماحيـق
منها سعة خاطرومنهـا عساسـه
وخوة نشامـاً كلبوهـم مطاليـق
كسابة النوماس راسـه وساسـه
لاجيت اوصفهم كما النير وطويق
خط المسيـره دارسينـه دراسـه
مزين حنين جيوبهـم بالتعاشيـق
يفداهـم المسكيـن راع البلاسـه
اللي يلفق دايـم الحكـي تلفيـق
مشقاه طرد الصيد خطو الحواسه
في خايعٍ جـايٍ لنبتـه زماليـق
جول الحباري فيه تلقـا محاسـه
عابين لـه حـرٍ يبـت المعاليـق
الطول والعرض متساويٍ مقاسـه
المال في مثله يابو بـدر ماسيـق
طـلاع لحـاقٍ يثيـرك حماسـه
يشوش واليا شاش عطه المسابيق
على ابرق الجنحان ياقـو باسـه
لانازلـه والا الحقـوه الملاحيـق
واليا استكن الليل واضفى دماسه
جات المزوح الساميه والتعاليـق
وفنجالٍ الضرمان يجـلا عماسـه
من جوف بيضٍ كنهـن الغرانيـق
وقصايدٍ فيها الحكـم والسلاسـه
مهوب بشعر اليوم نصه خثاريـق
هذا حسب فكري وحسب اقتباسـه
يالله طلبتـك فالهـدى والتوافيـق
للشاعر ... مرزوق الغنامي العتيبي