مصطلحات لاهل الابل نرجو الافاده عن معناها

[mej]

السلام عليكم ورحمة الله وبركاته

هذا رجال عارض ابله للبيع ولا فهمت بعض الكلمات

يقول

2 اجلاب من العام وحده لاهج بنتها فيها للحين والثانيه شريتها في الربيع ميته بنتها واضربها البعير مره وحده ولقحت وكسرت على اخر الربيع وخليتها لان ديدها خربان بالمره والناقه ناهيه بالزين

جلب بايع ولدها قبل اسبوعين وفيها شق خربان وولدها اسمن الحشوان


السؤال وش المقصود بجلاب وجلب؟؟؟

وشاكر لكم جميعا

[واكس]

والله ياخوي انا حاولت ولا فهمت شي
تحياتي

[عبادل العاصمي]

أبرمع

جلاب من العام :يعني الرجال نزل بها السوق العام ولا بيعت

جلب:بقسر الجيم .... يعني نزالناه السوق "هبطنا به" "جلبناه" وبيع ولله الحمد

[NissaN 1990]

ما فيه أي إضافات على كلام أخوي رجل الجنوب لأن الجلب هو الأخذ وأغلب البدو ما يقولون خذينها ولاكن يقولون جلبناها

[راشد الخلاوي]

الجلب هو أنها لوحدها ما معها شى من الحيران وليس في بطنها شى بعد

تسمي جلب أي لا لقحه ولا خلفه ولا معشر

ولك تحياتي

[عبدالرحمن 1]

الجلب هو أنها لوحدها ما معها شى من الحيران وليس في بطنها شى بعد

تسمي جلب أي لا لقحه ولا خلفه ولا معشر

ولك تحياتي
وانت الصادق يا لخلاوي ما يقالها اجلاب يقال لها جنبه اللي هي الحيل والبكار اللي ما بعد تلا قحت الي لا خلفات ولا عشاير ولا لقحات