طيري 00 تغيّرت علومه ..؟؟

[القرناس المهاجر]

يالربع افزعولي الله لايهينكم 00 عندي وكري طراد 00 دربته وكانت علومه كلها زينه 00 يطرح الحمام ويحول بالنقل واجيه مايكفخ 00 لكنه فجئه تغير 180 درجه :D 00 صـار كفوخ وقليل علف 00 والله مدري هو مرض واللا عين :j علماً أن ماهناك أعراض بينه للرداد والقلاع 00 وعدته نازله 00 ومع ذلك رجع وحش .. كأنه مايعرفني ولا صار بيننا خوّه وعشوات :D :D

والله احترت والمقناص على الأبواب ولوهديته ماضنتي يرجع لي :rolleyes:
ارجو المساعده والنصيحه 00 ممن حصلت له مثل هذه المشكله 00 وجل من لايسهوا 00 والمؤمن مرآت أخيه

اخوكم 00 القرناس المهاجر

[النداوي1]

أخي القرناس المهاجرمساك الله بالخير أذا كانت عدة الطير نازله واجد أكثرمن الازم فشيء طبيعي تتغيرنفسيته وتتغيرطبايعة عليك أتمنا لك التوفيق

[قلب شاهين]

أخوي القرناس المهاجر ،،

دهل الطير وأنقله ونقزه وأدعه على خفبف ،،

والطير مايكسر خشمه الا الجوع ،،

وعطه سكر نبات ومن الأشياء هذي وأنشاء الله تتحسن حالة الطير ،،

تحياتي / قلب شاهين ،،

[راكان 11]

أخوي القرناس المهاجر ،،

دهل الطير وأنقله ونقزه وأدعه على خفبف ،،

والطير مايكسر خشمه الا الجوع ،،

وعطه سكر نبات ومن الأشياء هذي وأنشاء الله تتحسن حالة الطير ،،

تحياتي / قلب شاهين ،،

:no2:

الرجال يقول طيرته هزله ولاهيب طيبه
وشلوووون يعطيها سكر نبات ؟؟؟؟
ومن الخطأ انه يجوعها ايضا

[القرناس المهاجر]

احبابي كلآ من 00

النداوي

ترى ونا اخوك عدة الطير مهي بنازله نزول الهلآك .. لكن اقصد انه مهو صنيع واجد 00 يعني حالياً حق طرد 00 والا معروفه العلوم ذ ي كلها وعوارضها 00لآهنت عالمرور00

قلب شاهين

لعلك اصبت الحقيقه :D لكن لايدري اخونا سرهيد هههههه تراه مايداني اللي يقرص

على الطير :D 00 لآهنت عالمرور .. ومشكور على النصيحه :)

راكان
بارك الله فيك 00 والطيرعدته مهي بالحيل نازله :no2: لكن الوكارى روسها ناشفه 00 ومثل ماقال قلب شاهين يبي له تجويع 00 لكني اخاف يكون داخله مرض وازيد علته عله وهذا اللي خلآني اطرح الموضوع 00 لأستشف آرآئكم :)

جزى الله الجميع كل خير 00

اخوكم 00 القرناس المهاجر

[قلب ذيب]

والطير مايكسر خشمه الا الجوع ،،!!!! وينك ياسرهيد 0ههههههههههه
----- لايستطيع اي مان الحكم الصحيح على حالة الطير , لاننا لم نرى الطير , فقط الحكم من خلال ماتفضلت به من وصف , وربما يكون وصفك غير دقيق 0
--- من الافضل عرض الطير على الدكتور البيطري , ربما تكون هناك بعض الامراض الخفيه مثل / دوود الرئه الذي ( يسل حال الطير ) بدون ان تعرف وش فيه 0
-- كل وجهات نظر الاخوه وجيهه ومقبوله وهدفهم مساعدتك , لكن انا ارى انه من الافضل ايصال الطير الى الدكتور او عرضه على صقار مخضرم من جماعتك نتمنى لطيرك السلامه ولك التوفيق 0

[عـــرادي]

حياك الله يالقرناس المهاجر
بخصوص الطير انشاء الله مابه الا العافيه
بس إنت تقارن بين طيرك قبل الربطه وطيرك بعد الربطه .. صح أو لا
إذا صح هذا الحل
لازم تنقل الطير على يدك وتعشيه على يدك وعلى شكل نسر وتضبط وزنه الهدد وتمسح على الطير وتخليه مبرقع لمده طويله و ثلاث أيام وطيرك أحسن من اول .

وإذا لا
فإن الامراض لا تجيب النزاره لطير بالعكس
والسبب يكون من أشخاص او اطفال يجون الطير ويخوفونه ويخربونه عليك وفي هذه الحاله لابد أن تجوع الطير زياده عن وزنه الهدد وتعامله في الطرقه الاولى وبحذر .

اتمنى انني قد افدتك
وتقبل خالص تحياتي
أخوكـ عرادي ـــ

[عناز]

القرناس المهاجر


أسأل الله بهذه الجمعه المباركه أن يشفي طيرك ويرجع أحسن من الاول


أنا فهمت انك دعيت الطير هالسنه لانك قلت (فجأه تغير 180 درجه)من السهل اننا


نقرب من تشخيص حالته أذا توفرت معلومات أوفى من اللي ذكرتها مثل(حالة المرش ولونه-أعزكم الله-عين الطير

ريشته , رائحه جوفه وأي معلومات أخرى تعتبر مفيده)

[القرناس المهاجر]

قلب ذيب 00 كلآم جميل ومنطقي 100%

مشكور على المرور .. ولآهنت

اخوك 00 القرناس المهاجر

[القرناس المهاجر]

عرادي 00 مرحبابك 00 والطير فرخ ياعزيزي 00لكن الظاهر أن إكرامي له انقلب بطر 00 والا ان واحد من اللي على بالي خش عينه فيه :D :D

لان علومه من قبل اسبوع كلها زينه بس من ثلاثه ايام جاه إللي بلآني

اخوك 00 القرناس المهاجر

[القرناس المهاجر]

عناز00 إرحب 00 أسأل الله أن يتقبل منك مادعوت به لطيري فرّاس 00
بالنسبه للمرش ولكم الكرامه .. مثل الغراء لزج .. ويمرش على الوكر .. مايقذفه بعيد .. ولونه اصفر مع شي خضار .. ولآحظت أنه مايمرش كثير .. قليل جداً جداً 00
تقبل تحياتي ..

اخوك 00 القرناس المهاجر

[طرح الشبك]

والطير مايكسر خشمه الا الجوع ،،!!!! وينك ياسرهيد 0ههههههههههه
----- لايستطيع اي مان الحكم الصحيح على حالة الطير , لاننا لم نرى الطير , فقط الحكم من خلال ماتفضلت به من وصف , وربما يكون وصفك غير دقيق 0
--- من الافضل عرض الطير على الدكتور البيطري , ربما تكون هناك بعض الامراض الخفيه مثل / دوود الرئه الذي ( يسل حال الطير ) بدون ان تعرف وش فيه 0
-- كل وجهات نظر الاخوه وجيهه ومقبوله وهدفهم مساعدتك , لكن انا ارى انه من الافضل ايصال الطير الى الدكتور او عرضه على صقار مخضرم من جماعتك نتمنى لطيرك السلامه ولك التوفيق 0

والله انك دكتور ياقلب ذيب (دود الرئه يسل حالة الطير ) والله يشفيه

[راعي الشلفاء]

السلام عليكم
( اقول الوعد اذا حس الطير بدق مسامير بجسمه)

[ماجد الهلالي]

السلام عليكم شباب اخوي اضن ان طيرك فيه ( دود - واقلاع )
اذا تبي تعرف ان طيرك فيه دود بيكون ريش الظهر الي بالنص بين الجنحان مرتفع ويكون بطن الطير فيه حركه على الداخل غير طبيعيه
واذا كان فيه اقلاع يكون علف الطير يقطع من العلف ويقذف ولو تفتح منسر الطير تحصل فيه حبوب بيض هذا اذا كان الاقلاع خارجي هذا خبرتي وانت ابخص مني انشاء الله وهذا اجتهاد فقط
اخوك ابو تركي

[((الخالدي))]

الاخوا ماقصروا

[الاشعل 316]

الله يشفي طيرك

ويباركلك فيه

اخوك ابو سطام

[مدرب الطير]

اخوي القرناس المهاجر اذا طيرك شاريه وهو مدهل فقد يكون من المدهل مدهله صح
وانا انصحك لا تجوع الطير على طول رح افحص الطير واذا كان مافيه شي جوعه
يوم يوم ونص يومين وجبله السمانه راح يجيك على وجهه

وهذي وجهت نظر اخوك الصغير
والشباب ماراح يقصرون معك

وتقبل تحياتي

[الفارس3]

والطير مايكسر خشمه الا الجوع ،،!!!! وينك ياسرهيد 0ههههههههههه
----- لايستطيع اي مان الحكم الصحيح على حالة الطير , لاننا لم نرى الطير , فقط الحكم من خلال ماتفضلت به من وصف , وربما يكون وصفك غير دقيق 0
--- من الافضل عرض الطير على الدكتور البيطري , ربما تكون هناك بعض الامراض الخفيه مثل / دوود الرئه الذي ( يسل حال الطير ) بدون ان تعرف وش فيه 0
-- كل وجهات نظر الاخوه وجيهه ومقبوله وهدفهم مساعدتك , لكن انا ارى انه من الافضل ايصال الطير الى الدكتور او عرضه على صقار مخضرم من جماعتك نتمنى لطيرك السلامه ولك التوفيق 0
كلام صحيح 100%

[القرناس المهاجر]

اخي .. طرح الشبك ..


لآهنت وجزاك الله كل خير .. ومشكور على المرور:good:


اخي .. راعي الشلفاء


الله يوعدنا واياكم بخير .. الظاهر إن ميعادنا مهو فايت :D
مشكور .. ولآهنت على المرور:good:


اخي .. بريق مسروق


كلامك تاج راسي .. ووصفك جميل .. لكنها ليست عنده كلها ..
لاهنت على المرور .. وابداء المشوره :good:


اخي .. ((الخالدي))


مشكور .. على طيب المرور



اخي .. الاشعل 316


حي الله ابو سطام .. اللهم آمين على الدعوات المباركات
ومشكور على المرور :good:



اخي .. مدرب الطير


كلآم جميل ومتزن .. وترانا في خيمة الصيد بالصقورمافينا صغير وكبير كلنا واحدين ونتبادل الأراء والخبرات .. والجاهل من ادعى العلم لاهنت على المرور .. وابداء المشوره :good:


اخي .. الفارس3


وانت بعد كلآمك صحيح .. ولآهنت عالى المرور وتسجيل الحظور


_________________________


لآهنتم جميعا وجزاكم الله كل خير .. وترونها بدأت مؤامرت القرص على الطير من يوم أمس بإيعازٍ من قلب شاهين :D :D
والله يكتب مافيه الخير :j



اخوكم .. القرناس المهاجر :good: